ကိုရီးယား ရွှေ့ပြောင်းအလုပ်သမား ပေါ်လစီက ဘယ်လိုပါလဲ ။

ကိုဝိုင်း(မိုးညှင်း)
အောက်တိုဘာ၃၁ ၊ ဆောအူးလ်မြို့။

ကိုရီးယားလူ့အခွင့်အရေးကော်မရှင်က ထုတ်ပြန်ခဲ့သည့် ၂၀၀၆ ခုနှစ် အစီရင်ခံစာအရ ဆိုလျင် ၊ အမေရိကန်နိုင်ငံသည် အဓမ္မပြည်နှင်ခြင်း ဥပဒေပြဋ္ဌာန်းထားသော်လည်း အမေရိကန်တွင် ၁၀ နှစ်အထက် နေထိုင်ပြီး ပြစ်မှုသို့မဟုတ် အထူးပြဿနာ မရှိလျင် ၊ အဓမ္မပြည်နှင်မိန့်ကို ဖျက်သိမ်းနိုင်သည်ဟု ပြဋ္ဌာန်းထားပါသည် ။ ဂျာမနီနိုင်ငံတွင်မူ ၂၀၀၅-ခုနှစ် လူဝင်မကြီးကြပ်ရေးဥပဒေ (အသစ်) အရ ၊ ဒုက္ခသည် ၂ သိန်းခန့်ကို အသိအမှတ်ပြု ကာ ၊ နှစ်ရှည် နေထိုင်ခွင့်ပေးခဲ့ကြောင်း ၊ နိုင်ငံသားများအဖြစ် အသိအမှတ်ပြုခြင်းထက် အကြိမ်ကြိမ် သက်တမ်းတိုးခွင့်ရှိသော နှစ်ရှည်နေထိုင်ခွင့်စနစ်ဖြင့် နိုင်ငံခြားသားများကို အသုံးပြုလျက်ရှိကြောင်း သိရသည် ။
၂၀၀၆-ခုနှစ်တွင် ရက်လွန်နေထိုင်သူ သောင်းပေါင်းများစွာကို အလုပ်စာချုပ်ချုပ်ဆိုစေပြီး တရားဝင်နေထိုင်သူများအဖြစ် အသိအမှတ်ပြုပေးခဲ့ပါသည် ။ အီတလီနိုင်ငံတွင်လည်း ၂၀၀၃ နှင့် ၂၀၀၆ခုနှစ်အကြား ၁၀ သိန်းကျော်သော နိုင်ငံခြားသားများကို ဂျာမနီနိုင်ငံကဲ့သို့ ဆောင်ရွက်ခဲ့ကြောင်းတွေ့ရှိရသည် ။ ထို့အတူ စပိန်နိုင်ငံသည်လည်း ၂၀၀၅ခုနှစ်တွင် ရက်လွန်နေထိုင်သူ နိုင်ငံခြားသား ၆သိန်းကျော်ကို ထိုသို့ပင် ဆောင်ရွက်ပေးခဲ့ကြောင်း သိရသည် ။ ပြင်သစ်နိုင်ငံတွင်လည်း ၂၀၀၇-ခုနှစ်တွင် ရက်လွန်နေထိုင်သူများကို အသုံးပြုနိုင်သော အမိန့်ထုတ်ပြန်ပေးခဲ့ရာ နိုင်ငံခြားသား ၂ သိန်းကျော်တို့ တရားဝင် နေထိုင်ခွင့်ရရှိသွားကြကြောင်း သိရသည် ။
ကိုရီးယားနိုင်ငံ တရားရေးဝန်ကြီးဌာနသည် ၊ လွန်ခဲ့သော နှစ် မတ်လတွင် ရက်လွန်နေထိုင်သူများ လျှော့ချရေး ၅နှစ်စီမံချက်ကို ထုတ်ပြန်ခဲ့ပြီးနောက် ၊ ရက်လွန်နေထိုင်သူများဖမ်းဆီးရေး ကြမ်းသထက်ကြမ်းပြီး ၊ ရုပ်ဆိုးသထက်ဆိုးလာသည် ။ လွန်ခဲ့သည့် ၂၀၀၈ ခုနှစ်တွင် အဓမ္မပြည်နှင်ခဲ့သူ ၃ သောင်းကျော်ရှိပြီး ၊ ၂၀၀၇ခုနှစ်ကထက် ၆၀ ရာခိုင်နှုန်းကျော်ပိုများကြောင်း ၊ ယခုနှစ်တွင် အဓမ္မပြည်နှင်ခံရသူများ ပိုမိုများပြားဖွယ်ရှိနေကြောင်း ၊ ဒဏ်ရာရသူ နှင့် သေဆုံးသူများပင်ရှိနေပြီ ဟု ဆိုပါသည် ။

ယခုအခါတွင် နိုင်ငံခြားသား အလုပ်သမားငှားရမ်းခွင့်ပြုခဲ့သည်မှာ ၅နှစ်ပြည့်ခဲ့ပါပြီ ၊ ရွှေ့ပြောင်းအလုပ်သမား ပေါ်လစီ ပိုမိုကောင်းမွန်လာရေး အတွက် ကိုရီးယားလူမှုအသိုက်အဝန်းအနေဖြင့် ဝိုင်းဝန်း အားထုတ်သွားကြဖို့ လိုအပ်မှာဖြစ်ကြောင်း နိုင်ငံခြားသား အလုပ်သမားအရေးဆောင်ရွက်နေကြသည့် အင်ဂျီအိုများက နှိုးဆော် တိုက်တွန်းနေ ကြပါသည် ။

ထို့ပြင် ရွှေ့ပြောင်းအလုပ်သမားများအနေဖြင့်လည်း ၊ ဥစ္စာရင်လိုဥစ္စာရင်ခဲဆိုသကဲ့သို့ မိမိတို့အရေး မိမိတို့ကိုယ်တိုင် ဆောင်ရွက်ကြဖို့လိုအပ်မှာဖြစ်ကြောင်း ၊ မိမိတို့ ကြုံတွေ့နေရသည့် အခက်အခဲများ ၊ အဆင်မပြေမှုများ နှင့် မိမိတို့လိုလားချက်များကို အောင့်အည်းသည်းခံမနေဘဲ ၊ အများပြည်သူများသိရှိစေရေး နည်းလမ်းပေါင်းစုံဖြင့် ထုတ်ဖေါ်တင်ပြသွားဖို့လိုအပ်မှာဖြစ်ကြောင်း ၊ သို့မှသာ ကိုရီးယားအလုပ်သမားစနစ်၏ ပျော့ကွက်ဟာကွက်အားနည်းချက်များကို အတိုက်အခံ လွတ်တော်အမတ် စသည်တို့မှတစ်ဆင့် ပြည်သူ့လွတ်တော် သို့မဟုတ် သက်ဆိုင်ရာသို့ တရားဝင်တင်ပြပေးနိုင်မှာဖြစ်ကြောင်း ၊ အစိုးရက ဥပဒေအရဆောင်ရွက်နေတာပဲဆိုပြီး ၊ မတတ်နိုင်ပါဟု စိတ်ပျက်လက်လျှော့မနေဘဲ လူတို့အတွက် လူတွေကပြဋ္ဌာန်းထားသောဥပဒေများသည် အများပြည်သူတို့၏ လိုအပ်ချက်နှင့် မကိုက်ညီပါက အချိန်မရွေးပြန်လည်ပြန်ဆင်နိုင်ရန် အခွင့်အရေးများလည်း ရှိနေကြောင်း ၊ သို့ဖြစ်ရာ ကိုရီးယားနိုင်ငံရောက် ရွှေ့ပြောင်းအလုပ်သမားများအနေဖြင့် ကမ္ဘာအရပ်ရပ်မှ အလုပ်သမား၏ အခွင့်အရေးနှင့် အခြေအနေများကို မျက်ခြေမပြတ်လေ့လာခြင်း ၊ မိမိတို့အခက်အခဲများကို မီဒီယာများမှတစ်ဆင့် ထုတ်ဖော်တင်ပြခြင်း ၊ လက်မှတ်ထိုးတောင်းဆိုမှုများပြုလုပ်ခြင်း ၊ ငြိမ်းချမ်းစွာဆန္ဒပြခြင်း စသည်တို့ကို လုပ်ဆောင်သွားသင့်ကြောင်း ရွှေ့ပြောင်း အလုပ်သမားအသံလွင့်ဌာနက ပြောသည် ။


ရည်ညွှန်းချက်-
-ရွှေ့ပြောင်းအသံလွင့်ဌာန ၊ သတင်းစဉ် (၉၁-၄)