ဒီလိုလွတ်လပ်တဲ့ တိုင်းပြည်တခုမှာ လွတ်လပ်စွာ အသင်းအပင်း ဖွဲ့စည်းခွင့် ရှိပါတယ်။ ကိုရီးယားနိုင်ငံရောက် မြန်မာအလုပ်သမားတွေက လိုအပ်တယ်ထင်လို့ မြန်မာအလုပ်သမားသမဂ္ဂ ဖွဲ့ကြမယ်လို့ သတင်းကြားလို့ ကျနော်လည်း အလုပ်သမား တယောက်အနေနဲ့ရော၊ မြန်မာနိုင်ငံသားတယောက် အနေနဲ့ပါ ဝင်ပြီး အကြံပြုတာပါ။ အကြံပြုတာဆိုတော့ လိုချင်လည်းယူ၊ မလိုချင်လည်း မယူနဲ့ပေါ့ဗျာ။
ကျနော်တခုမေးချင်တာက ကိုရီးယားရောက်မြန်မာအလုပ်သမားတွေအနေနဲ့ တကယ်ပဲ အလုပ်သမားသမဂ္ဂ ဖွဲ့ဖို့ လိုအပ်နေပြီလား၊ လိုအပ်လို့ ဖွဲ့တာဆိုရင်တော့ ဘာမှမပြောချင်ပါဘူးဗျာ။ အားလုံးကို အကျိုးမနည်းစေချင်လို့ မေးရတာပါ။
ဘာလို့လည်းဆိုိတော့ အရင့် ၊အရင်တုန်းကလည်း မြန်မာအလုပ်သမားတွေကို ကူညီဖို့ဆိုပြီး မြန်မာတချို့ ဖွဲ့ခဲ့တဲ့ အဖွဲ့အစည်းတွေ လည်းရှိခဲ့တာပဲလေ။ အဲဒီအဖွဲ့တွေအခုဘယ်ရောက်ကုန်ပြီလဲ။ ဖျက်လိုက်ကြပြီလား။ ဒါမှမဟုတ်အင်အားနည်းသွားလို့ တမျိုးတဖုံစဉ်းစားပြီး အသစ်ဖွဲ့ဖို့ ကြံစည်နေကြတာလား။ အဖွဲ့အစည်းတခုဖွဲ့လိုက်တာ လွယ်လွယ်လေးပါ။ အခုလူစု၊ အခုဖွဲ့လိုက်လို့ရတယ်။ မလွယ်တာက ရေရှည်သွားဖို့ ခက်တယ်။ ရေရှည်တည်တံ့ဖို့လိုတယ်။ ရေရှည်အကျိုးရှိဖို့လိုတယ်။ ခေါင်းဆောင်တဲ့သူတွေရိုးသားကြဖို့လိုတယ်။
အများအကျိူးအတွက်လုပ်ကြတာကို အားပေးပါတယ်။ အများအတွက်ဆိုပြီး ကိုယ်ကျိုးအတွက်လုပ်သွားကြတာတွေကို တွေ့နေရလို့ပါ။ မြန်မာပြည်က စစ်အာဏာရှင်တွေလို တိုင်းပြည်ကို ရာသက်ပန်စစ်ကျွန်ပြုရေးအတွက် ၂၀၀၈ ဖွဲ့စည်းပုံကို ရေးဆွဲပြီး အုပ်ချုပ် နေသလို မဖြစ်ဖို့လည်းအရေးကြီးပါတယ်။
အထက်ဖော်ပြပါဇယားကိုကြည့်ခြင်းအားဖြင့် ကိုရီးယားမှာရောက်နေတဲ့ မြန်မာအလုပ်သမားဟာ (၁၃၀၀၀) လောက်ရှိတယ်လို့ ပြောလို့ရတယ်။ ဘာပဲပြောပြော သမဂ္ဂ ဖွဲ့ပြီးလုပ်ကြမယ်ဆိုရပါတယ်။ အဲဒီသမဂ္ဂ မှာအချိန်ပြည့် ဝန်ထမ်းတွေခန့်အပ်မယ်ဆိုတဲ့ အတွက် ဘဏ္ဍာရေးလိုအပ်တယ်။ ဘဏ္ဍာငွေကို သမဂ္ဂ အဖွဲ့ဝင်တွေထည့်ဝင်ရမှာလည်းမှန်တယ်။ ဒါပေမယ့် အဲဒီ သမဂ္ဂ ဟာကိုရီးယားနိုင်ငံ ရောက် မြန်မာအလုပ်သမားအားလုံးကို အကူအညီပေးမှာမဟုတ်ဘူး။ သမဂ္ဂအဖွဲ့ဝင်တွေကိုပဲ အကူအညီပေးမယ့် သဘောသက်ရောက်နေ တယ်။ ယခုလက်ရှိ မြန်မာနိုင်ငံသားတွေကို အကူအညီပေးနေတဲ့ မြန်မာအသင်း၊ ဂွမ်ဂျုးမြန်မာလူမှုရေးအသင်း၊ အန်ဆန်းမြန်မာလူမှုရေးအသင်း နဲ့ ပူဆန်မြန်မာလူမှုရေးအသင်းတို့ဟာ ကိုရီးယားနိုင်ငံကို ရောက်ရှိနေတဲ့ မြန်မာနိုင်ငံသားမည်သူ့ကိုမဆို အကူအညီပေးနေပါတယ်။ ကျနော်အနေနဲ့ကတော့ဗျာ မြန်မာပြည်မှာရှိနေတဲ့မြန်မာနိုင်ငံသားတွေဟာ အသုံးမကျတဲ့ စစ်အစိုးရတွေကြောင့် တိုင်းပြည်ရဲ့ ဝန်ကိုထမ်းနေရသလို၊ ကိုရီးယားကိုရောက်နေတဲ့ မြန်မာနိုင်ငံသားတွေကိုလည်း အဲဒီဝန်တွေကို မထမ်းစေချင်တော့ဘူးဗျာ။ ဒီမှာ မလိုအပ်တဲ့ အလုပ်သမားသမဂ္ဂ ကိုဖွဲ့ပြီး အဖွဲ့ဝင်ကြေးတွေပေးနေမယ့်အစား တိုင်းပြည်မှာ လိုအပ်နေတဲ့ နေရာတွေကိုပဲ လှူစေချင်တယ်ဗျာ။ ဥပမာ အဖြူရောင်လူငယ်ညီအစ်ကိုတွေ အဖွဲ့ဝင်ကြေး တစ်သောင်းစီထည့်ဝင်ပြီး တိုင်းပြည်အတွက် လိုအပ်တဲ့ နေရာတွေကိုလှူဒါန်းနေတာ မွန်မြတ်ပါတယ်ဗျာ။
ယခုလက်ရှိ လူမှုရေးအသင်းတွေမှာ ဦးဆောင်နေသူအများစုဟာ မိမိဝမ်းစာရေးအတွက် အလုပ်လုပ်နေလို့ အချိန်ပြည့် မကူညီနိုင်ဘူး ဆိုပေမယ့် မြန်မာအသင်းဥက္ကဌ ကိုခင်မောင်ရင်အလုပ်လုပ်နေတာမှန်ပေမယ့် ဒုဥက္ကဌ ကိုသန့်ဇင်အောင်တို့၊ ကိုဝင်းနိုင်ဦးတို့၊ ကိုဝင်းမြင့်ဦး တို့ အချိန်ပြည့်နီးပါး စေတနာနဲ့ တာဝန်ယူဖြေရှင်းပေးနေတာပါ။ ဂွမ်ဂျုးလူမှုရေးအသင်းမှာဆိုလည်း ဦးသောင်းထွန်းအလုပ်တဖက်နဲ့ မအားလပ်ပေမယ့် ကိုရဲတို့၊ ကိုကျော်ဝင်းနိုင်တို့ ကိုအချိန်ပြည့် အကူအညီတောင်းလို့ရပါတယ်။ ပူဆန်မှာ ဆိုရင်လည်း ကိုတိုးသူရဦးဆောင်ပြီး ကိုဇော်မင်းတို့၊ ကိုဟိန်းလတ်တို့ အချိန်ပြည့် ကူညီနေတာပါ။ ဒါကျနော်သိသလောက်နော်၊ ကျနော်မသိသေးတဲ့မြို့တွေမှာ လူမသိ၊ သူမသိနဲ့ အကူအညီပေးနေတဲ့စေတနာ့ဝန်ထမ်းတွေ တပုံကြီးရှိပါသေးတယ်။
နောက်ပြီး အင်ချွန်းမှာဆိုရင်လည်း Incheon Support Center For Foreign Workers ရဲ့ အမြဲတမ်း မြန်မာဝန်ထမ်းအမျိုးသမီးဖြစ် တဲ့ မကေသွယ်အောင် တို့လည်းရှိတယ်။ အဲဒီ မကေသွယ်အောင်တို့ စင်တာကနေဆိုရင် လက်တွေ့အကူအညီပေးလိုက်တဲ့သူတယောက်ရှိတယ်။ ကိုနိုင်ဦးတဲ့။ ပြီးခဲ့တဲ့အပတ်ကပဲ မြန်မာပြည်ကိုပြန်သွားပြီ။ အထောက်အထားမဲ့ပါပဲ။ မပြန်ခင် ဘယ်ဖက်လက်ပြင်မှာ ရှိနေတဲ့ အကျိတ်ကို ဆေးရုံတက်ပြီး ခွဲစိတ်သွားတာကို မကေသွယ်အောင်တို့ စင်တာကနေပြီး အစအဆုံးတာဝန်ယူ အကူအညီပေးလိုက်လို့ ဆေးရုံမှာ (၂)ပတ် တက်ကုသွားတာ။ ကျနော်တို့ကတော့ စိတ်ပူနေတာပေါ့ ဆေးရုံခအများကြီးကျမှဖြစ်။ ကိုနိုင်ဦး ဆေးရုံကလည်းဆင်းလာရော ဘယ်လောက်ကျ သလဲလို့ မေးကြည့်လိုက်တော့ ၂၈၀၀ တဲ့။ ဒေါ်လာလာလို့ မေးတော့၊ ဝမ်တဲ့။ အဲဒါ ဆေးရုံပြေစာ ပြမှတကယ်ဆိုတာ ယုံတော့တယ်ဗျို့။ အထောက်အထားမဲ့တွေရော၊ အထောက်အထားရှိတွေရော အရေးပေါ်ခွဲစိတ်စရာရှိလို့ ရှိရင်ဆက်သွယ်လိုက်ပါ။ တကယ်ကူညီပါတယ်။ အဲဒီစင်တာမှာ ကိုသိန်းလွင် တစ်ယောက်တောင် volunteer လုပ်နေပါသေးတယ်။
ကျနော် ကိုရီးယားမှာ ဘဝင်မကျတာတခုရှိတယ်ဗျာ။ အဲဒါဘာလဲလို့ ဆိုရင် မေဒေး၊ အလုပ်သမားနေ့ပေါ့။ မေလ(၁) ရက်နေ့မှာ ကျရောက်တဲ့ ကမ္ဘာ့အလုပ်သမားနေ့ပေါ့။ တခြားနိုင်ငံအများစုမှာ မေဒေးနေ့ပိတ်ပေမယ့် ဒီကိုရီးယားမှာ မေဒေးနေ့မပိတ်ဘူးဗျာ။ တရားဝင် ပိတ်ရက်မဟုတ်တော့ လူလိုနားလည်တဲ့ သူဌေးတွေက ပိတ်ပေးပေမယ့်၊ လူလိုနားမလည်တဲ့ သူဌေးတွေက မပိတ်ဘူးပေါ့ဗျာ။ အဲဒီမှာ ကျနော်လည်ထွက်သွားတာက ဒီမှာရှိနေတဲ့ ကိုရီးယားအလုပ်သမား သမဂ္ဂ ပေါင်းချုပ်ကြီးက ဘာလုပ်နေလဲပေါ့။ သူတို့လည်း တောင်းဆိုမယ်လို့ ထင်တာပဲ။ မရလို့ နေမှာဘဲလို့ပဲတွေးမိတော့တယ်ဗျာ။ ကျနော်ဘာကို ဆိုလိုချင်တာလည်းဆိုတော့ ဒီကိုရီးယားအလုပ်သမား သမဂ္ဂ ပေါင်းချုပ်ကြီးဟာ အရာမရောက်ဘူး၊ နောက်ပြီး လုပ်ငန်းရှင်လူတန်းစားတွေရဲ့အောက်မှာပဲ ပြားပြားဝပ်နေရတယ်လို့ထင်တယ်ဗျာ။
ကိုရီးယားနိုင်ငံကိုရောက်နေတဲ့ မြန်မာလူငယ်အများစုဟာ မြန်မာအဖွဲ့အစည်းတွေနဲ့ ဝေးဝေးမှာပဲ နေကြတာများတယ်ဗျ။ ဘာလို့လဲလို့ ကျနော်မေးကြည့်တော့ “ ကိုရီးယားကိုမလာခင် တချို့တွေဟာ မြန်မာပြည်မှာ လက်မှတ်ထိုးထားခဲ့ရတယ်တဲ့။ ကိုရီးယားမှာ ရှိတဲ့ မြန်မာအဖွဲ့အစည်းတွေနဲ့ မပတ်သက်ရဘူးတဲ့။” ကဲကြည့် ဒီမိုကရေစီအစိုးရပါဆိုပြီး နိုင်ငံတကာကြားအောင် ဖင်ကုန်းအော်နေတဲ့ ဗိုလ်သိန်းစိန်အစိုးရက ကလိမ်ကျလိုက်ပြန်ပြီ။ ကျနော်တို့ တတွေကလည်း ဒီလိုမတရားတဲ့ ဥပဒေတွေ၊ မတရားတဲ့ စာချုပ်တွေမှာ လက်မှတ် မထိုးလာဖို့ အသိပေးဖို့၊ ပညာပေးဖို့ လိုတယ်ဗျ။ ကျနော်တို့ ညီအစ်ကိုတွေအနေနဲ့ရော မြန်မာပြည်မှာ အလုပ်အကိုင်ရှားပါးလို့ ကိုရီးယားကို လာရ ပြီးတာပဲ ဆိုပြီးတော့ အကုန်လက်မှတ်ထိုးပြီးလာဖို့တော့ မသင့်ဘူးလို့ထင်တယ်။ မတရားတဲ့ စာချုပ်တွေကို ကာယကံရှင်တွေကိုယ်တိုင် ဆန့်ကျင့်ဖို့လိုပါတယ်။ အဲဒီလက်မှတ်မထိုးပဲရောက်လာတဲ့သူတွေလည်းအများကြီးပါ။
ကျနော်တို့ မြန်မာလူငယ်အများစုကလည်း ကိုရီးယားကိုရောက်ပြီး တလပြည့်လို့ လစာထုတ်တာနဲ့ ပထမဆုံး ကွန်ပြူတာလက်(ပ်) တော့ ဝယ်ပြီး လိုင်းပေါ်တက်တော့တာပဲ။ လိုင်းပေါ်တက်တာကောင်းပါတယ်။ လိုင်းပေါ်မှာလမ်းမပျောက်ဖို့တော့လိုတယ်ဗျ။ နောက်ပြီး အထူး သတိထားရမှာက လောင်းကစားပဲဗျ။ လောင်းကစားကတော့ မလုပ်ကြပါနဲ့ဗျာ။ လောင်းတဲ့သူတွေရော၊ ဒိုင်တွေရော၊ ဝိသမလောဘစီးပွားရေးသမားတွေရော အကုန်လုံးကို ပြင်းပြင်းထန်ထန် ရှုတ်ချတယ်ဗျာ။ ကျနော်တို့ ညီအစ်ကိုတွေအနေနဲ့လည်း လိုအပ်လာမှ အဖွဲ့အစည်းတွေကို အကူအညီတောင်းတာမျိုးမဟုတ်ဘဲနဲ့ မြန်မာပြည်မှာထိုးလာတဲ့ မတရားတဲ့ စာချုပ်တွေကို လှစ်လျူရှုပြီး မြန်မာအဖွဲ့အစည်းတွေနဲ့ လာရောက်ပူးပေါင်းလှည့်ပါလို့ ဖိတ်ခေါ်ပါတယ်။
ကျနော်တို့လို ကိုရီးယားကို အရင်ရောက်နှင့်သူတွေဟာ၊ နောက်မှရောက်လာကြတဲ့ ညီအစ်ကိုတွေကို ငါးစာကြီးပဲမပေးပဲ၊ ငါးမျှားနည်းကိုပါသင်ပေးသင့်တယ်ဗျ။ သူတို့ကိုယ်တိုင်သူတို့ ကာကွယ်တတ်ဖို့၊ လုံလုံခြုံခြုံနဲ့ အသက်အန္တရယ်ကင်းကင်း လုပ်ကိုင်နေထိုင်တတ်ဖို့အတွက်ကို ကျနော်တို့အနေနဲ့ ကိုရီးယားအစိုးရက ထုတ်ပြန်ထားတဲ့ နိုင်ငံခြားသားဥပဒေတွေကို မြန်မာလိုိဘာသာ ပြန်ဆိုပြီး သူတို့ဆီကို ဖြန့်ဝေပေးဖို့လိုတယ်ဗျ။
လူတိုင်း ကွန်ပြူတာ အင်တာနက်သုံးနေတဲ့ ခေတ်ဆိုတော့ မြန်မာအလုပ်သမား သမဂ္ဂ နဲ့စာရင် မြန်မာတွေ သိသင့်၊သိထိုက်တဲ့ ဥပဒေတွေကို မြန်မာလိုဘာသာပြန်ဆိုပြီး Home Page တခုခုလုပ်ပြီးတင်တာပဲဖြစ်ဖြစ်၊ ဒါမှမဟုတ် တာဝန်သိပ်မကြီးတဲ့ blog တခုခုလုပ်ပြီး တင်တာပဲဖြစ်ဖြစ်လုပ်သင့်တယ်ဗျ။ မြန်မာပြည်က လာမယ့်သူတွေလည်း ဝင်ပြီးလေ့လာလို့ရတာပေါ့ဗျာ။ ကြိုသိထားတော့ ရှောင်သင့်တဲ့ဥပဒေတွေ၊ စာချုပ်တွေကို လက်မှတ်မထိုးမိတော့ဘူးပေါ့ဗျာ။ မြန်မာအစိုးရက ဇွတ်အတင်းလက်မှတ်ထိုးခိုင်းနေရင်လည်း ကျနော်တို့က ကိုရီးယားအစိုးရကို ဖိအားပေးခိုင်းဖို့ လိုတာပေါ့ဗျာ။ အဲဒီ blog မှာပဲ သက်ဆိုင်ရာ မြန်မာလူမှုရေးအသင်းတွေရဲ့ တည်နေရာတွေ၊ အဖွဲ့အစည်းက ပုဂ္ဂိုလ်တွေရဲ့ နာမည်တွေနဲ့ ဖုန်းနံပါတ်တွေကို ဖော်ပြပေးသင့်တယ်။ နောက်ပြီး နိုင်ငံခြားသားတွေ ကြုံတွေ့နေရတဲ့ မှု့ခင်းသတင်းတွေနဲ့ တရားရင်ဆိုင်နေရတဲ့ သူတွေရဲ့ အမှု့သွား၊ အမှု့လာ ဆောင်းပါးတွေကို ရေးပြီး ဖော်ပြဖို့လိုပါတယ်။ ကြော်ငြာတွေကို မထည့်ဖို့ ရှောင်သင့်ပါတယ်။
နောက်ဆုံးအနေနဲ့ ကျနော်အကြံပြုချင်တာကတော့ ကိုရီးယားရောက် မြန်မာအလုပ်သမားတိုင်းရင်းသားတွေကို အတူလက်တွဲခေါ်ပြီး လမ်းမှန်ပေါ် လျှောက်လှမ်းနိုင်အောင် ကျနော်တို့အနေနဲ့ အထိရောက်ဆုံး ၊ အရိုးသားဆုံးကူညီပေးသင့်တယ်လို့ထင်ပါတယ်။
အားလုံးကိုလေးစားလျက်
ဝင်းလှိုင်
