ဆရာတော်အရှင်ဆေကိန္ဒ (ဓမ္မဒူတ) ထံသို့ လျှောက်ထားလွှာ

ဆရာတော်ဘုရားကြီးဘုရား ၊ တပည့်တော် ငဝိုင်း ရိုသေစွာလျှောက်ထားအပ်ပါသည်ဘုရား ။
အကြောင်းမှာ ဆရာတော်ဘုရားကြီး၏ သြဝါဒဖြင့် ဆောင်ရွက်နေသည့် ဓမ္မဒူတစင်တာ(ကိုရီးယား)ကို အမှီပြု၍ တပည့်တော်တို့ ကိုရီးယားနိုင်ငံရောက် မြန်မာအလုပ်သမားများနှင့် ဝေနေယျ ပုဂ္ဂိုလ်များစွာတို့က ပဌာန်းပစ္စယသတ္တိဖြင့် များစွာသော အကျိုးကျေးဇူးနှင့် အထောက်အကူကို ရရှိကြသည့်အတွက် ကျေးဇူး အလွန်တင်လှပါ၍ ဤ စာလွှာဖြင့် ဟန်းဂုရွာမှတစ်ဆင့် လျှောက်ထားရခြင်းဖြစ်ပါသည်ဘုရား ။ ယခုကဲ့သို့လျှောက်ထားခြင်းအားဖြင့် ဆရာတော်ကြီး ဝမ်းမြောက်ဝမ်းသာစွာ သာဓုခေါ်ဆိုနိုင်ရန်နှင့် ၊ ဓမ္မဒူတစင်တာ(ကိုရီးယား) ရှိခြင်း၏ အကျိုးကျေးဇူးများကို မသိရှိကြသေးသည့် ဝေနေယျသတ္တဝါများလည်း သိရှိနိုင်ကြစေရန် ရည်ရွယ်ပါသည်ဘုရား ။
ဘုရားတပည့်တော်တို့မှာ ဓမ္မဒူတ(ကိုရီးယား)ထံမှ မည်ကဲ့သို့ အကျိုးကျေးဇူးနှင့် အကူအညီများ ရရှိကြပါသနည်း ဆိုလျင် -
- သုမင်္ဂလ ဒုမင်္ဂလဟုခေါ်သော သာရေးနာရေးများကြုံကြရသည့်အခါ ၊ သာရေးနာရေးကို အကြောင်းပြု၍ ဓမ္မဒူတစင်တာ(ကိုရီးယား) တွင် ကောင်းမှုကုသိုလ်များလုပ်ခွင့်ရရှိကြသဖြင့် ၊ စိတ်ပိုင်းဆိုင်ရာ ကျေနပ်မှုကိုရရှိစေပါသည်ဘုရား ။
- အလုပ်ပိတ်ရက်ရှည်များတွင် ဓမ္မဒူတအကျိုးတော်ဆောင်အဖွဲ့က စီစဉ်ပေးသည့် အပမ်းဖြေအစီ အစဉ်များနှင့် ယဉ်ကျေးမှုဖလှယ်ရေး ၊ ဒေသန္တရလေ့လာရေးအစီအစဉ်များကြောင့် စိတ်အပမ်းဖြေမှုရှိခြင်းနှင့် ဗဟုသုတတိုးပွါးခြင်းတို့ကို ရရှိကြပါသည်ဘုရား ။
- ဓမ္မဒူတအကျိုးတော်ဆောင်အဖွဲ့က စီစဉ်ပေးသည့် ကိုရီးယားစကားပြောသင်တန်း ၊ ကွန်ပျူတာသင်တန်းများမှလည်း ကိုရီးယားနိုင်ငံအတွင်း နေထိုင်မှုကာလအတွင်း လက်တွေ့အသုံးကျသည့် အဖိုးမဖြတ်နိုင်သော အသိပညာ အတတ်ပညာများကို ရရှိစေပါသည်ဘုရား ။
- ပိတ်ရက်ရှည်များတွင်လည်း ဓမ္မဒူတ(ကိုရီးယား)က ကမကထပြု၍ စုပေါင်းဒုလ္လဘရဟန်းခံပွဲများကို ပြုလုပ်ပေးသဖြင့် ၊ ကိုရီးယားနိုင်ငံရောက် မြန်မာအလုပ်သမားများ စိတ်ပိုင်းဆိုင်ရာ လုံခြုံမှုနှင့် ကျေနပ်မှုများကို ဆောင်ကြည်းပေးနိုင်သဖြင့်လည်း ဖရဏာပီတိ ၈ွမ်းဆီထိဖြစ်ရပါသည်ဘုရား ။
- ဓမ္မဒူတအကျိုးတော်အဖွဲ့က စီစဉ်ပေးသဖြင့်လည်း ဆရာတော်ဘုရား ဟောကြားတော်မူသော တရားတော်များကိုလည်း အခါအားလျော်စွာနာကြားခွင့်ရသဖြင့်လည်း ၊ လောကီလောကုတ္တရာ နှစ်ဖြာသော အကျိုးများကို အထောက်အကူရရှိစေပါသည်ဘုရား ။
- ထို့ပြင် ဓမ္မဒူတ(ကိုရီးယား)၏ အင်တာနက်စာမျက်နှာဖြစ်သော www.dhammaduta.info ရှိ (ကပ္ပိယမှတ်စု) စာမျက်နှာမှတစ်ဆင့်လည်း ဘုရားတပည့်တော်တို့အလုပ်သမားများအတွက် အလုပ်ရှာဖွေခြင်းမှအစ များစွာအထောက်အကူဖြစ်စေသည့် သတင်းအချက်အလက်များကို ရရှိပါသဖြင့် ကျေးဇူးများလှပါသည်ဘုရား။
- အထက်ပါ ဓမ္မဒူတအင်တာနက်စာမျက်နှာရှိ (မြန်မာအသိုင်းအဝိုင်း) စာမျက်နှာပါ လိပ်စာများမှလည်း ကိုရီးယားရှိ မြန်မာအသိုင်းအဝိုင်း လိပ်စာများသိရှိရသဖြင့်လည်း ၊ တပည့်တော်တို့ ကိုရီးယားရောက်ခါစ မြန်မာများအတွက် များစွာ အထောက်အကူ ဖြစ်စေပါသည်ဘုရား ။
- ထို့ပြင် အထက်ပါ ဓမ္မဒူတအင်တာနက်စာမျက်နှာရှိ (ကိုရီးယားကမြန်မာတွေ) စာမျက်နှာမှတစ်ဆင့် မြန်မာအတော်များများ၏ ဆက်သွယ်ရန် ဖုန်းနံပါတ်များနှင့် အီးမေးလ်လိပ်စာများရရှိသဖြင့်လည်း ၊ ကိုရီးယားတွင် ဆက်သွယ်စရာ မြန်မာအများအပြား ရှိနေသည်ကို သိရသဖြင့် အထီးကျန်စိတ်ခံစားရခြင်းမှ ကင်းလွတ်စေပြီး ၊ စိတ်ခွန်အားတစ်ရပ် ဖြစ်ပေါ်ရပါသည်ဘုရား ။
- ထို့ပြင် ဟန်းဂုရွာတွင် တင်ထားသော အလုပ်သမားအကျိုးပြု သတင်းဆောင်းပါးအချို့မှာ ဂူဂဲဆာဗာတွင် တိုက်ရိုက်လွင့်တင်ရန် အခက်အခဲရှိသည့် ဖိုင်များဖြစ်သည့်အတွက် ဓမ္မဒူတ(ကိုရီးယား)၏ အင်တာနက်စာမျက်နှာ (ဆာဗာ) စပေ့မှ ချိတ်ဆက်အသုံးပြုထားသည်ကို တွေ့ရသဖြင့် ဓမ္မဒူတ(ကိုရီးယား)၏ အကျိုးကျေးဇူးကြီးမားကြောင်း သိရပြန်ပါသည်ဘုရား ။
- အလုပ်အကိုင်မရှိသော အလုပ်သမားများကိုလည်း ဓမ္မဒူတ(ကိုရီးယား)တွင် တည်းခိုခွင့် ပေးထား ခြင်း ၊ ဓမ္မဒူတအကျိုးတော်ဆောင်အဖွဲ့က အလုပ်ရှာပေးခြင်းများ ပြုလုပ်ပေးနေ သည်မှာ လည်း လက်တွေ့မျက်မြင် ဖြစ်သဖြင့်လည်း များစွာနှစ်ထောင်း အားရ ဖြစ်ရပါသည်ဘုရား ။
- ဓမ္မဒူတ(ကိုရီးယား) အကျိုးတော်ဆောင်များအနေဖြင့် ကိုရီးယားနိုင်ငံရောက် မြန်မာအလုပ် သမားတို့၏ အခက်အခဲအမျိုးမျိုးတို့ကို နေ့မနားညမအား ဆိုသလို ၊ ဖုန်းဖြင့်တစ်မျိုး အီးမေးလ်ဖြင့်တစ်တန် ၊ လူကိုယ်တိုင် တစ်နည်း အမျိုးအမျိုး အနည်းနည်းဖြင့် တတ်စွမ်းသမျှ ဖေးမကူညီနေကြသည်မှာ ကိုယ်တွေ့မျက်မြင်ဖြစ်ပါသဖြင့်လည်း များစွာ လေးစားဂုဏ်ယူရ ပါသည်ဘုရား ။
- ကိုရီးယားနိုင်ငံရောက် မြန်မာတိုင်းရင်းသား အလုပ်သမားများအနေဖြင့် နှစ်စဉ် စည်းဝေးပွဲများ ၊ အခမ်းအနားများ ၊ ပြုလုပ်ခွင့်ရရှိသဖြင့်လည်း များစွာ ကျေနပ်မှုဖြစ်ရပါသည်ဘုရား ။
- မြန်မာ့ဓလေ့ထုံးတမ်းစဉ်လာနှင့် ယဉ်ကျေးမှုများကို ကိုရီးယားပြည်သူတို့သိရှိစေရေးအတွက် ၊ ကိုရီးယားမြန်မာ ချစ်ကြည်ရေးနှင့် ယဉ်ကျေးမှုဖလှယ်ရေးအစီအစဉ်များ ပြုလုပ်နေကြောင်း သိရသဖြင့်လည်း များစွာနှစ်ထောင်းအားရဖြစ်ရပါသည်ဘုရား ။
- မြန်မာနိုင်ငံ ၊ ထိုင်းနိုင်ငံ ၊ အမေရိကန် ၊ သိရိလင်္ကာ နှင့် စင်္ကာပူတို့မှ ကြွရောက်လာကြသည့် အာဂန္တု ဘုန်းတော်ကြီးများကိုလည်း ဓမ္မဒူတ(ကိုရီးယား)တွင် တည်းခိုခွင့်ပေးခဲ့ခြင်း ၊ အာဂန္တုဆရာတော်များအတွက် ဓမ္မဒူတ(ကိုရီးယား) အကျိုးတော်ဆောင်များက ကိုရီးယားတစ်ခွင် လေ့လာရေးအစီအစဉ်များ စီစဉ်ပေးခြင်းတို့အတွက်လည်း ကျေနပ်အားရမိပါသည်ဘုရား ။
- ကိုရီးယားနိုင်ငံသားအချို့ကို မြန်မာနိုင်ငံရှိ သံဃတက္ကသိုလ်များတွင် အခမဲ့ ပညာဆည်းပူးနိုင်ရန် ဓမ္မဒူတ(ကိုရီးယား)က ကူညီ စီစဉ်ပေးနိုင်ခဲ့သဖြင့်လည်း များစွာပိတီဖြစ်ရပါသည်ဘုရား ။
- ထို့ပြင် ဓမ္မဒူတ(ကိုရီးယား)တွင် ကိုရီးယားနိုင်ငံသား အချို့ကို မြန်မာစာ မြန်မာစကားအခမဲ့ သင်ကြားပေးနေခြင်း ၊ အဘိဓမ္မာသင်တန်းပို့ချပေးခဲ့ခြင်းများရှိကြောင်း သိရှိရသဖြင့်လည်း သာဓုအကြိမ်ကြိမ်ခေါ်မိပါသည်ဘုရား ။
- မြန်မာနိုင်ငံ နာဂစ်မုန်တိုင်းဘေးကျရောက်ခဲ့စဉ်က မုန်တိုင်းသင့်ဒုက္ခသည်များကူညီရေးအတွက် ဓမ္မဒူတ(ကိုရီးယား)အနေဖြင့် တစ်တပ်တစ်အား ပါဝင်ကူညီခဲ့သဖြင့်လည်း နာဂစ်ဒဏ်ခံပြည်သူများ ကိုယ်စား ကျေးဇူးစကားဆိုအပ်ပါသည်ဘုရား ။
- ယခုတစ်ဖန် ဆရာတော်ကြီး၏ မိန့်မှာထားသည့် ၊ ဓမ္မဒူတမောင်မယ်အစီအစဉ်ကိုလည်း ဓမ္မဒူတအကျိုးတော်ဆောင်အဖွဲ့ဝင်များနှင့် ကိုရီးယားနိုင်ငံရောက်မြန်မာညီအစ်မောင်နှမများ လက်တွဲပြီး ဆောင်ရွက်သွားရန် ပြင်ဆင်နေကြောင်း သိရသည့်အတွက်လည်း များစွာ လေးစားဂုဏ်ယူရပါသည်ဘုရား ။
- အထူးလျှောက်ထားလိုသည်မှာ ၊ ဘုရားတပည့်တော်သည် ခေတ်မီဖွံ့ဖြိုးတိုးတက်သည့် ကိုရီးယားအရင်းရှင် လောကသစ်၏ အသီးအပွင့်ရတနာများကို ကိုရီးယားနိုင်ငံသို့ ရောက်ရှိတော်မူလာကြသည့် မြန်မာအလုပ်သမား အားလုံးတို့ မပူမပင် မကြောင့်မကျ ကိုယ်စိတ်နှစ်ဖြာ အေးချမ်းသာယာ ညီညွှတ်မျှတစွာ အပြည့်အဝ သုံးဆောင်ခံစား စံစားနိုင်အောင် ကူညီပံ့ပိုးလိုပါသည်ဘုရား ၊ သို့ရာတွင် ဘုရားတပည့်တော်မှာလည်း အဖနိုင်ငံတော်ကြီးတွင် မိသားစုနှင့်မကွဲမကွာ အတူတကွလုပ်ကိုင်စားသောက်လိုသည့်တိုင် ၊ မိသားစုစားဝတ်နေရေးကို ကောင်းမွန်စွာ မထောက်က်ပံ့နိုင်ပါသဖြင့် ကိုရီးယားနိုင်ငံသို့ ထွက်လာပြီး လုပ်ကိုင်စားသောက်နေရသည့် မြန်မာအလုပ်သမားတစ်ဦးသာဖြစ်ပါသဖြင့် ၊ ခါချဉ်ကောင်မာန်ကြီးလို့ ၊ တောင်ကြီးဖြိုမယ်ကြံ ၊ ခါးကမသန် ဆိုသလို စိတ်ထင်တိုင်း ဆောင်ရွက်ပေးနိုင်ခြင်းမရှိသည်ကိုတော့ ဘုရားတပည့်တော်အား နားလည်ခွင့်လွတ်ပေးပါရန် ရိုသေစွာ တောင်းပန် လျှောက်ထားအပ်ပါသည်ဘုရား ။
လေးစားဦးညွှတ်ပါသည်ဘုရား ။
သတ္တဝါအများ ကျန်းမာ ချမ်းသာကြပါစေ ၊ (………………) ။

အယ်ဒီတာ့မှတ်ချက် ။ ဝေနေယျသတ္တဝါဟူသော စကားရပ်တွင် ဂဏန်း ၊ ပုတ်သင် ၊ ဖား ၊ ယင် ၊ လိပ် ၊ ကြမ်းပိုး ၊ နွား ၊ သိုး ၊ ခွေးအ အစရှိသည့် တိရစ္ဆာန်အကောင်ဗလောင်များနှင့် အဖေအရင်းကိုအဖေအရင်းမှန်း မသိ ပထွေးကို အဖေအရင်းထင်မှတ်နေသော ကြောင်သူတော်များလည်း ပါဝင်ကြောင်း သိရသည် ။