ထူးခြားလေးနက်သည့် မြန်မာ့ဖွဲ့စည်းပုံအခြေခံဥပဒေ(၂၀၀၈) အကြောင်း ကိုရီးယားပြည်သူများသို့ ရှင်းလင်းဆွေးနွေး

မြန်မာနိုင်ငံရှေ့နေများကောင်စီ (Burma Lawyers’ Council: BLC) အထွေထွေအတွင်းရေးမှူး ဦးအောင်ထူးသည် ဇွန်လ ၁၇ ရက်နေ့ မွန်းလွဲ ၃နာရီမှ ၆ နာရီထိ ၊ ကိုရီးယားနိုင်ငံ လူ့အခွင့်အရေး ကော်မရှင်ရုံး လေ့ကျင့်ရေးဌာန စည်းဝေးခန်းမတွင် ၊ “ ဗမာ့စစ်အစိုးရကျင်းပမည့် ၂၀၁၀ ခုနှစ် ရွေးကောက်ပွဲနှင့် ပတ်သက်၍ ကိုရီးယားအခန်းကဏ္ဍရှာပုံတော်” ခေါင်းစဉ်ဖြင့် ပြည်ထောင်စု မြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀ဂ) ပါ ထူးခြားလေးနက်မှုရှိနေသည့် အချက်များနှင့် ၄င်းဖွဲ့စည်းပုံ အခြေခံဥပဒေအရ ကျင်းပမည့် ၂၀၁၀ ရွေးကောက်ပွဲအကြောင်း သိကောင်းစရာများကို ကိုရီးယားပြည်သူများသို့ ရှင်းလင်း တင်ပြ ဆွေးနွေးခဲ့ကြောင်း သိရသည် ။

အခမ်းအနားသို့ မြန်မာ့အရေးစိတ်ပါဝင်စားကြသော ဥပဒေပညာရှင်များ ၊ နိုင်ငံရေးပညာရှင်များနှင့် ပါမောက္ခများ အပါအဝင် ကိုရီးယားလူထုအဖွဲ့အစည်း(Civil Society) များမှ ကိုရီးယား ၄၀ ခန့်နှင့် မြန်မာ ၃၀ ခန့် စုစုပေါင်း ပရိသတ် ၆၀ ကျော်တို့ တက်ရောက်ဆွေးနွေးခဲ့ကြကြောင်း သတင်းရရှိသည် ။

အခမ်းအနားတွင် ဦးအောင်ထူးကရှင်းပြရာ ၊ မြန်မာနိုင်ငံဖွဲ့စည်းပုံအခြေခံဥပဒေ(၂၀၀၈) ပုဒ်မ ၄၄၅ တွင် နဝတ (နအဖ) အနေဖြင့် ပြစ်မှုကြီးများ ကျူးလွန်ခဲ့သည်ကို မည်သို့မျှ အရေးယူခြင်း မပြုနိုင်ရန် လွတ်ငြိမ်းချမ်းသာခွင့် ပေးထားကြောင်း ၊ စစ်အာဏာရှင်စနစ်ဖြင့်အုပ်ချုပ်မှုကို သက်ဆိုးရှည်စေရန် အခြေခံဥပဒေတွင် ထည့်သွင်းပြဋ္ဌာန်း စီမံထားခြင်း ဖြစ်ကြောင်း ၊ ၄င်းပြဋ္ဌာန်းချက်သည် နိုင်ငံတကာ ဥပဒေများနှင့် ဆန့်ကျင်ဖီလာဖြစ်နေပြီး ၊ ကမ္ဘာပေါ်ရှိ နိုင်ငံပေါင်း ၂၀၀ခန့်တွင် မည်သည့်နိုင်ငံတွင်မျှ ထိုပြဋ္ဌာန်းချက်မျိုး မပါရှိဘဲ ၊ မြန်မာနိုင်ငံအခြေခံဥပဒေတွင် ထည့်သွင်းရေးဆွဲထားသည်မှာ ထူးခြားလေးနက်မှု ရှိနေကြောင်း သိရသည် ။
မြန်မာနိုင်ငံတွင် ဒီမိုကရေစီစနစ် တည်ဆောက်ရန်ကြိုးပမ်းရာ၌ ပြဿနာဖြစ်လျက်ရှိသော အဟန့်အတားကြီးမှာ စစ်အစိုးရက ပြစ်မှုကြီးများကျူးလွန်ပြီးနောက် လွတ်ငြိမ်းချမ်းသာခွင့်ရနေသည့်ကိစ္စ ဖြစ်သည်ဟု ဆိုသည် ။

တိတ်တခိုး ချစ်ခင်လေးစားနေကြသူများက နွားအဖွဲ့(နအဖ)ဟု ချစ်စနိုးနောက်ပြောင် ခေါ်ဝေါ်ခြင်းခံနေရသည့် နိုင်ငံတော် အေးချမ်းသာယာရေးနှင့် ဖွဲ့ဖြိုးရေးကောင်စီက ဦးဆောင်ရေးဆွဲခဲ့သည့် ၂၀၀၈ခုနှစ် ပြည်ထောင်စု မြန်မာနိုင်ငံတော် ဖွဲ့စည်းပုံအခြေခံဥပဒေ အရ ၂၀၁၀ ပြည့်နှစ်အတွင်း မြန်မာနိုင်ငံတွင် အထွေထွေ ရွေးချယ် တင်မြောက်ပွဲကြီးကို ချိမ့်ချိမ့်သဲကျင်းပတော့မည်ဟု ဆိုသည် ။

သို့ရာတွင် ၁၉၉၀ ပြည့်ရွေးကောက်ပွဲတွင် တစ်ခဲနက် အနိုင်ရခဲ့သော အမျိုးသားဒီမိုကရေစီ အဖွဲ့ချုပ်(NLD) သည် ၂၀၁၀ ရွေးကောက်ပွဲတွင် ပါဝင်ခြင်းမပြုဘဲ ၊ ၂၀၁၀ ရွေးကောက်ပွဲ၏ မူလအခြေခံချက်ဖြစ်သည့် ၂၀၀၈ အခြေခံဥပဒေ ပျက်ပြယ်ရေး ကြိုးပမ်းလျက်ရှိကြောင်း ၊ ကမ္ဘာတွင် ထိုကဲ့သို့ ဖြစ်စဉ်မျိုး ရှိခဲ့ဖူးကြောင်း ၊ ၁၉၈၃ခုနှစ် တောင်အာဖရိကနိုင်ငံတွင် လူဖြူလူမဲခွဲခြားအုပ်ချုပ်မှုကို အားဖြစ်စေသည့် ၁၉၈၃ ခုနှစ် ဖွဲ့စည်းပုံအခြခံဥပဒေအား ကုလသမဂ္ဂလုံခြုံရေးကောင်စီက ဆုံးဖြတ်ချက်အမှတ် ၅၅၄ဖြင့် တရားမဝင်ပျက်ပြယ်ကြောင်း ကြေငြာပေးခဲ့သည့်သာဓက ရှိခဲ့ဖူးကြောင်း သိရသည် ။