ချောင်းကြည့်သူရဲ့ အမှား အမှတ် ၂၇

ဘာလိုလိုနဲ့ တိုင်းဗာရာ မြန်မာဏသီ ရွှေပြည်တော်ကြီးတောင် အပြောင်းအလဲတွေ ဖြစ်တော့မှာပါလား။ သြော် ကမ္ဘာကြီးမှာက “Change” ဆိုတဲ့ အသံတွေ အတော်ဆူညံနေတဲ့ ကာလပါလားလို့ ရှုမှတ်မိပါရဲ့။ ဒီလို အတွေး ပေါ်လာတော့ ကိုကြီးပေါ်လည်း အပြောင်းအလဲ လုပ်ရင် ကောင်းမယ်လို့ ယူဆမိပါတယ်။ ဒါမှလည်း ခေတ်မီတော့မပေါ့။ ကိုကြီးပေါ်က ရွှေပြည်တော်ကြီးကို အင်တာနက် ပြတင်းပေါက်က ချောင်းကြည့်နေရသူ ဆိုတော့ ဘယ်လို အပြောင်းအလဲ လုပ်ရင် ကောင်းမလဲ စဉ်းစားရတော့တာပါပဲ။

အဲ သိပ်မစဉ်းစားလိုက်ရပါဘူး။ အတွေးပေါ်လာပါတယ်။ ယနေ့ခေတ်မှာ ပြည်ပမှာ ရှိတဲ့ မီဒီယာတွေဟာ ရွှေပြည်တော်က သတင်းစစ်စစ်တွေကို အလျင်အမြန် သူ့ထက်ငါဦးအောင် ဖော်ထုတ်နိုင်ဖို့အတွက် ပြည်တွင်းသတင်းထောက်တွေ ဒလဟောခန့်နေကြတယ် မဟုတ်လား။ ကိုယ်ပိုင် ပြည်တွင်းသတင်းထောက် မရှိရင် အရာမ၀င်ဘူး၊ ထောက်ပံ့ကြေးမရဘူး၊ မျက်နှာငယ်ရတယ် ဆိုပဲ။ ရွှေပြည်တော်ကြီးမှာလဲ “သတင်းပေါက်ကွဲမှု” ရဲ့ နောက်ဆက်တွဲ “သတင်းထောက် ပေါက်ကွဲမှုကြီး” ဖြစ်နေတာကို မြင်ကြားသိနေ ရတယ်လေ။ အချို့ဆို သတင်းထောက် နံပတ်တွေ တန်းစီတပ်လို့ပေါ့။

အချို့လည်း ဘာမှုညာမှုတွေနဲ့ ကင်ပေတိုင်ရဲ့ အဖမ်းခံ သားကောင်တွေ ဖြစ်ရနဲ့ပေါ့။ မိုးသောက်ကြယ်တောင် ပြည်တွင်းသတင်းထောက်တွေ ခန့်ဖို့ စီစဉ်နေတယ် ကြားတာပဲ။ သေချာသိချင်ရင်တော့ အယ်ဒီတာမင်းများကိုသာ မေးကြည့်ပေတော့။

ဒီတော့ ကိုကြီးပေါ်လည်း အများနည်းတူ ခေတ်မီအောင် ပြည်တွင်းသတင်းထောက် ခန့်ခြင်းဖြင့် အပြောင်းအလဲ ဒွန်ဒရာကြီးမှာ ဒန့်သလွန်တပင် ပါဝင်အံ့လို့ ဆုံးဖြတ်လိုက်တော့ တာပါပဲ။ ဟုတ်ကဲ့ ဒီကနေစလို့ ကိုကြီးပေါ်ရဲ့ ချောင်းကြည့်တဲ့ အရာတွေကို ကိုကြီးပေါ်ရဲ့ ကိုယ်ပိုင် အထူးသတင်းထောက် “မောင်ချွန်တွန်း” ကနေ ဖြည့်စွက် ချောင်းကြည့် အတည်ပြုပေးပါလိမ့်မယ် ခင်ဗျာ။

အလံပြောင်းတာ ယတြာ

အောက်တိုဘာ ၂၁ ရက်နေ့က ရွှေပြည်တော်ကြီးမှာ အလံပြောင်းတယ် ဆိုတဲ့သတင်း ကိုကြီးပေါ် မှန်ပြောင်းထဲကို တည့်တည့်ကြီး တိုးဝင်လာပါတယ်။ ဒါ ယတြာလုပ်တာလို့လဲ တဆက်တည်း သိရပါတယ်။ နောက်တနေ့မှာတော့ ယတြာ မဟုတ်ပါဘူးတဲ့။ တခါတည်း အလံပြောင်းတာပါတဲ့။ နအဖက အမိန့်ထုတ်ပြန်ပြီး အလံပြောင်းကြောင်း အတိအလင်း ကြေညာပါသတဲ့။ ဒါနဲ့ပဲ ပူပူနွေးနွေး အထူးသတင်းထောက် မောင်ချွန်တွန်းကို မေးကြည့်တဲ့အခါ…

“အလံပြောင်းတယ် ကြားလို့ ဟုတ်လား”

“ဟုတ်တယ်။ ဒီနေ့ပဲ တနိုင်ငံလုံး ပြောင်းတယ်”

“ဘာကြောင့် ရုတ်တရက်ကြီး ပြောင်းတာလဲ”

“ရွှေပြည်တော်မှာ အားလုံးဟာ ရုတ်တရက် ဖြစ်တာချည်းပဲ။ နာဂစ်တိုက်တာလဲ ရုတ်တရက်ပဲ။ ကြပ်ပြေးကို ပြောင်းတာလဲ ရုတ်တရက်ပဲ။ အခြေခံဥပဒေ အတည်ပြုတာလဲ ရုတ်တရက်ပဲ။ ဒါ အထူးအဆန်း မဟုတ်ဘူးဗျ။”

“သြ သြ… မှတ်ထားပါ့မယ် ခင်ဗျာ။ ဒါနဲ့ ဒီအလံက လွှတ်တော်ခေါ်ပြီး အခြေခံဥပဒေ အတည်ဖြစ်မှ ပြောင်းရမယ်လို့ ဆိုထားတာ မဟုတ်ဘူးလား”

“ခင်ဗျားတို့က ပြည်ပမှာနေပြီး အတော်တုံးတဲ့ လူတွေပဲ။ ရွှေပြည်တော်မှာ အားလုံးကို အမိန့်နဲ့ပဲ သတ်မှတ်တယ်။ အမိန့်ထုတ်လိုက်ရင် ထုတ်တဲ့အတိုင်း မှတ်။ ပြန်မေးစရာ မလိုဘူးဗျ။”

“ဒီလိုပါဗျာ။ ကျနော် နားလည်တာက အခြေခံဥပဒေ ဆိုတာ လူထုဆန္ဒခံယူလို့ မဲရေတွက်ပြီးတာနဲ့ အတည်ဖြစ်မဖြစ် ကြေညာရတာမျိုးပါ။ အခြေခံဥပဒေ အတည်ဖြစ်ပြီးမှ ရွေးကောက်ပွဲ ဆိုတာ လုပ်ရတာပါ။ ဒါပေမယ့် အခု နအဖက အခြေခံဥပဒေကို ဆန္ဒခံယူ၊ ပြီးတော့ ရွေးကောက်ပွဲလုပ်၊ ပြီးမှတခါ လွှတ်တော်ခေါ်၊ ဒီတော့မှ အခြေခံဥပဒေက အတည်ဖြစ်မယ်လို့ ဆိုတာကိုး။ သူပြောတော့ သူ့စကားအတိုင်း အခု အတည် မဖြစ်သေးဘူးလို့ တွေးမိပြီး မေးမိတာပါ။”

“အေးလေ၊ အစကတည်းက ကမောက်ကမ လုပ်ထားတာပဲ။ အခုလဲ ကမောက်ကမပဲ ဖြစ်မှာပေါ့။ ရှေ့ဆက်ပြီးလဲ ကမောက်ကမတွေပဲ ဖြစ်ဦးမှာပဲ။ ဒါ ရွှေပြည်တော်ဗျ။ ဘယ်သူနဲ့မှကို မတူစေရဘူး။ အခုလုပ်တာလဲ ဥပဒေထဲမှာ ပါတာတွေကို ပြင်ဆင်တဲ့ အနေနဲ့ ကြိုတင်လုပ်ရင်လည်း ဥပဒေအရ လုပ်တယ်လို့ပဲ သဘောထားရမယ်လို့ ပြဋ္ဌာန်းထားတဲ့ အတိုင်း လုပ်တာဗျ။”

“ဒါဆိုရင်လဲ နားမရှုပ်အောင် ဥပဒေ အတည်ဖြစ်ပါပြီလို့ ပြောလိုက်လဲ ရတာပဲ မဟုတ်လား။”

“အဲသလို ပြောလိုက်ရင် ဗိုလ်ချုပ်မင်းတွေရဲ့ ရည်ရွယ်ချက် ဘယ်အောင်မြင်တော့မလဲဗျ။”

“ဆိုပါဦး မောင်ချွန်တွန်းရဲ့”

“ဥပဒေကို အခု အတည်ပါလို့ လုပ်လိုက်ရင် နအဖဟာ ယာယီအစိုးရ ဖြစ်သွားမှာပေါ့။ လွှတ်တော်ကျမှ အတည်လို့ လုပ်ထားတော့ သူက အခု အနေချောင်တယ်လေ။ ဘယ်ကောင်မှ လာဖိအားပေးလို့ မရတော့ဘူး။ ရွေးကောက်ပွဲမှာ သူစိတ်ကြိုက် မဖြစ်ရင် လွှတ်တော်ကို မခေါ်ဘဲ ထားလိုက်မှာပေါ့။”

“အရင်တခါလည်း လွှတ်တော် မခေါ်လို့ သံသရာ ရှည်ခဲ့ရပြီ။ အခုတခါ လွှတ်တော် မခေါ်ဘူးဆိုရင် သံသရာ နှစ်ခါရှည် ဖြစ်တော့မှာပေါ့။”

“နှစ်ခါမရှည်အောင် အခု အလံပြောင်းတာဗျ။”

“ဘယ်လို ဘယ်လို။ ရှင်းပါဦး”

“ကျနော် ဒီနေ့ပဲ အတွင်းရော အူရော ကလီစာရော အနှံ့အစပ် သတင်းထောက်ခဲ့လို့ ရလာတာဗျ။”

“အာ… ဒီလိုအားကိုးရလို့ မောင်ချွန်တွန်းကို အထူးသတင်းထောက် ခန့်ထားတာ။ မြန်မြန်ပြောစမ်းပါ။”

“အရင်တခါတုန်းက ဆယ့်လေးလုံးအလံကို သုံးပြီး ရွေးကောက်ပွဲ လုပ်တော့ ဒီမိုသမားတွေ အပြတ်အသတ် နိုင်သွားတယ်တဲ့။ အဲဒါ အစိုးရက အရင်အစိုးရရဲ့ အလံဟောင်းကို သုံးလို့ ကံနိမ့်ပြီး အတိုက်အခံက နိုင်သွားတာတဲ့။ ဒါကြောင့် ဒီတခါမှာ အစိုးရက အနိုင်ရအောင် အလံဟောင်းအစား အလံသစ်ကို လဲပစ်ရတာတဲ့။ ဒါဆိုရင် အတိုက်အခံတွေ အပြတ်အသတ် ရှုံးလိမ့်မယ်လို့ အစိုးရက ယူဆတယ်တဲ့ ခင်ဗျ။”

“အတိုက်အခံ ဒီမိုသမားတွေက လူစေ့တောင် မ၀င်နိုင်တာ မပြိုင်ခင်ကတည်းက ရှုံးနေပြီ မဟုတ်လား။ ဘာပူနေစရာ ရှိလို့လဲ။”

“ပူရတယ်။ ခင်ဗျားတို့ မပူပေမဲ့ ဗိုလ်ချုပ်မင်းတွေက ပူတယ်။ ရွှေပြည်တော်သားတွေ မဲဆန္ဒပေးတဲ့ နေရာမှာ ဘယ်လောက် ပါးနပ်တယ်ဆိုတာ သမိုင်းရှိတယ်။ ဒီတော့ ပူတယ်ဗျ။”

“သူတို့ချည်းပဲ စိတ်ကြိုက်လုပ်နေတာ မဟုတ်လား။ လွတ်လပ်ဖို့ဆိုတာ အရိပ်တောင် မြင်ရတာမှ မဟုတ်တာ။ သူတို့ပဲ နိုင်မှာ သေချာနေတာပဲဟာကို။”

“နိုင်တာ မနိုင်တာက တပိုင်းဗျ။ ဗိုလ်ချုပ်မင်းကြီး အာဏာမပြုတ်ဖို့က တပိုင်းဗျ။”

“မောင်ချွန်တွန်းရယ် အင်တာနက်ထဲမှာ အဲဒါမပါဘူး။ ရှင်းပြပါဦး”

“ရွှေပြည်တော်မှာ ဘယ်လိုပဲ အပြောင်းအလဲတွေ ဖြစ်ဖြစ် ဗိုလ်ချုပ်မင်းကြီးဟာ ထိပ်ဆုံးနေရာကနေ သေတာတောင် ဖယ်မှာ မဟုတ်ဘူး။ ဒါ လုံးဝ တိကျတဲ့ သတင်း။ သက်စွန့်ဆံဖျားလိုက်ထားရတာ။ ဒါကြောင့် သူ အာဏာတည်နေဖို့ တခုတည်းသော အလုပ်ကတော့ ယတြာချေတာပဲ။ အခု အလံပြောင်းတာလဲ ယတြာချေတာပဲ။”

“ဒါဆို ဒီကိစ္စကို ရွှေပြည်တော်သားတွေက ဘယ်လို သဘောထားကြလဲ။”

“ဘာသဘောထားမှ မရှိဘူး။ ကိုယ့်ထမင်း ကိုယ်ရှားစားဖို့ အရေးကြီးတယ်။ ဒါ အဆန်းမှ မဟုတ်တာ။”

“ဟုတ်ကဲ့။ အခုဆို ရွေးကောက်ပွဲရက်က နီးနေပြီ ဆိုတော့ လူထုက ရွေးကောက်ပွဲ အပေါ် ဘယ်လို ပြင်ဆင်နေကြပါသလဲ။”

“ခင်ဗျား မေးခွန်းက ပြည်ပမီဒီယာတွေကနေ ကြက်တူရွေးစာအံသလို ထပ်ချည်းတလဲလဲ မေးနေတဲ့ ဖွတ်ကြား မေးခွန်းပဲ။ မဖြေဘူး။”

“ကိုကြီးပေါ်ဆိုတာလဲ ဘာမှ မဟုတ်တဲ့ကောင် ဆိုတော့ ဒီလိုမေးရင် လူအထင်ကြီးမလားလို့ မေးကြည့်တာပါ။ သူတို့က ကမ္ဘာကျော်တွေ မဟုတ်လား။ အတုခိုးကြည့်တာပါ။ စိတ်တော့ မဆိုးပါနဲ့။ မောင်ချွန်တွန်း မြင်တာလေး တခုတော့ ပြောပါဦး။”

“အလုပ်မရှိ အကိုင်မရှိတွေက အလကားရတဲ့ I vote တီရှပ်တွေ ၀တ်ပြီး လမ်းသလားနေတာပဲဗျ။” ဂွပ်…

ကိုကြီးပေါ်ရဲ့ အထူးသတင်းထောက် မောင်ချွန်တွန်းလဲ ဘုတောပြီး ဖုန်းချသွားလေရဲ့။ သူပြောသလို ယတြာချေတဲ့ အနေနဲ့ အလံပြောင်းတာ ဆိုရင်တော့ ကိုကြီးပေါ်တို့ ရွှေပြည်တော်သားတွေဟာ နှစ်ဆယ့်တစ်ရာစုရဲ့ အထူးခြားဆုံး လူသားမျိုးနွယ်တခုလို့ ဆိုရတော့မှာပါပဲ။

ဘာကြောင့်လဲဆိုတော့ ယနေ့ခေတ်မှာ ယတြာဆိုတာ လူသားတွေရဲ့ အတွေးအခေါ်မှာ မရှိတော့ပါဘူး။ ရှိခဲ့ရင်လည်း အဲဒါဟာ စိတ်ခံစားမှုပေါ် အခြေခံတဲ့ စိတ်စွဲရောဂါ တမျိုးပဲ ဖြစ်ပါလိမ့်မယ်။ ကိုယ့်ရဲ့ စိတ်ကျေနပ်မှု အရ ဘယ်သူ့ကိုမှ မထိခိုက်တဲ့ ယတြာလုပ်တာကိုတော့ လူ့သဘာဝ နားလည် ခွင့်လွှတ်နိုင်စရာ ရှိပါတယ်။ ဒါပေမယ့် နိုင်ငံတခု အမျိုးသားတရပ်လုံးနဲ့ ပတ်သက်တဲ့ ကိစ္စတခုကို ယတြာလုပ်တယ် ဆိုရင်တော့ ဒီလူသားတွေဟာ လူလိုတွေးတဲ့ လူတွေမှ ဟုတ်ပါရဲ့လားလို့ ထင်မှတ်စရာပါပဲ။

အဖြောင့်တွေးရင် အတော်ရှက်စရာ ကောင်းတဲ့ အဖြစ်ပါ။ ဒါပေမယ့် ကိုကြီးပေါ်တော့ လုံးဝကို မရှက်ပါဘူး။ ဘာကြောင့်ဆို ကြွေးထူမပူ သန်းထူမယား တဲ့။ ရွှေပြည်တော်မှာ ရှက်စရာတွေ များလွန်းလို့ ရှက်တယ်ဆိုတာ ဘာလဲလို့ မေးနေရပြီဆိုတော့၊ ကိုကြီးပေါ်လဲ ဘာရှက်နေစရာ လိုမလဲနော့။

အဲ လတ်တလော ပေါ်လာတဲ့ အခက်အခဲ တခုကတော့ ဒီမိုသမားတွေ ဆန္ဒပြတဲ့အခါ ဘယ်အလံကို မီးရှို့ရမလဲ ဆိုတာပါပဲ။ အလံဟောင်းကို ရွေးရင် နအဖတောင် မသုံးတော့တာမို့ ဘာမှ အဓိပ္ပာယ်မရှိပြန်ဘူး။ အလံသစ်ကို ရွေးပြန်တော့ သူတို့ အမိန့်အာဏာကို သွယ်ဝိုက်ပြီး အတည်ပြုပေးရာ ရောက်ပြန်ရော။ ကိုင်း ဘယ်လို လုပ်ရင် ကောင်းမယ်ပ။

ကိုကြီးပေါ်