အလုပ်ထောက်ပံ့ရေးဌာနသို့ သတင်းပို့ရန် နောက်ကျခြင်း အတွက် ဥပဒေအရ ကင်းလွတ်ခွင့်ရနိုင် မရနိုင်

ကိုရီးယား အလုပ်ထောက်ပံ့ရေးဌာန (고용지원센터) သို့ သတင်းပို့ရန် နောက်ကျခြင်းအတွက် ကင်းလွတ်ခွင့်မရှိဘူးလားလို့ ညီငယ်တစ်ယောက်က မေးလာပါတယ် ။

ဖြစ်စဉ်က ဒီလိုပါ - သူဟာ လွန်ခဲ့တဲ့ နှစ်ကုန်ပိုင်းမှာ မူလ စက်ရုံမှာ ၁ နှစ်ပြည့်တော့ ၊ အလုပ်ပြောင်းလာခဲ့သတဲ့ ။ အလုပ်ထောက်ပံ့ရေးဌာနမှာ အမြန်ဆုံး သတင်းပို့ရမယ်ဆိုတာလည်း သိပါသတဲ့ ။ အလုပ်သစ်မှာ ၁ နှစ် စာချုပ်ချုပ်ပြီး ဗီဇာလည်း ၁ နှစ်တိုးပြီးပါပြီတဲ့ ။ လစာ ၂ လ ဆက်တိုက်မရတာကြောင့် ၊ အလုပ်ကထွက်လိုက်ပြန်ပါသတဲ့ ။ အလုပ်ထွက်စာရပြီးချိန် အလုပ်သထောက်ပံ့ရေးဌာန သတင်းမပို့သေးပဲ သူငယ်ချင်းစက်ရုံမှာ ခဏအစမ်းလုပ်ကြည့်ပါသတဲ့ ။ အဲဒီမှာ ညာဖက် လက်မောင်းတစ်ဖက် လေဖြတ်သလိုဖြစ်ပြီး ၊ အလုပ်မလုပ်နိုင်တော့လို့ ၊ ဆေးခန်းပြနေရပါသတဲ့ ။ လက်အခြေအနေက တော်တော်ဆိုးနေတော့ ၂ ရက် ၁ ခါ ဆေးခန်းသွားပြနေရသတဲ့ ။ အလုပ်ကိုဆက်လုပ်နိုင်မယ် မလုပ်နိုင်ဘူး မသေခြာလို့ စိတ်ဓါတ်အရမ်းကျနေမိပြီး ၊ အလုပ်သမားရုံးကိုလည်း သတင်းမပို့ဖြစ်ခဲ့ပါဘူးတဲ့ ။ မြန်မာပြည်ကိုသာ ပြန်ချင်နေခဲ့ပါသတဲ့ ။
ဆေးခန်းပြလာခဲ့တာ အခု ၂ လနီးပါးရောက်လာတော့ သက်သာသလို ရှိလာပြီး ဆရာဝန်က လည်း အလုပ်လုပ်မယ်ဆို ဆက်လုပ်နိုင်ပြီလို့ ပြောပါသတဲ့ ။ အဲဒါ အခု အလုပ်ထောက်ပံ့ရေးဌာနသို့ သွားသတင်းပို့လို့ ရနိုင်မရနိုင် သိလိုပါသတဲ့ ။ တစ်ချို့က ရမယ်လို့ ပြောနေလို့ပါတဲ့ ။ မရလျင်လည်း မြန်မာပြည်ပြန်မလို့တဲ့ ။

နိုင်ငံခြားအလုပ်သမား ငှားရမ်းခွင့်စသည်များဆိုင်ရာ ဥပဒေ ပုဒ်မ ၂၅ ပုဒ်မခွဲ ၃ မှာ - “ ပုဒ်မခွဲ (၁) အရ အခြားသော လုပ်ငန်း သို့မဟုတ် လုပ်ငန်းခွင်သို့ ပြောင်းရွှေ့ရန် လျှောက်ထားသည့်နေ့မှ ၃ လအတွင်း လူဝင်မှုကြီးကြပ်ရေးဥပဒေ ပုဒ်မ ၂၁ အရ အလုပ်နေရာ ပြောင်းရွှေ့ခွင့် မရနိုင်လျင်ဖြစ်စေ ၊ အလုပ်ရှင်နှင့် အလုပ်စာချုပ် သက်တန်း ကုန်ဆုံးရက်မှ ၁ လအတွင်း အခြားသော လုပ်ငန်း သို့မဟုတ် လုပ်ငန်းခွင်သို့ ပြောင်းရွှေ့ခွင့်လျှောက်ထားခြင်းမရှိသော နိုင်ငံခြားသား အလုပ်သမားသည် တိုင်းပြည် (ကိုရီးယား) မှ ထွက်ခွါပေးရမည် ။ သို့ရာတွင် အလုပ်ကြောင့် ထိခိုက်ဒါဏ်ရာရရှိထားခြင်း ၊ အနာရောဂါဖြစ်ပွါးခြင်း ၊ ကိုယ်ဝန်ရရှိခြင်း ၊ မီးဖွားခြင်း အစရှိသည့် အကြောင်းများ ကြောင့် အလုပ်ခွင်ပြောင်းရွှေ့ခွင့်မရရှိနိုင်လျင် ဖြစ်စေ ၊ အလုပ်ခွင်ပြောင်းရွှေ့ခွင့် မလျှောက်ထားနိုင်လျင်ဖြစ်စေ အဆိုပါ အကြောင်းခြင်းရာများ ကုန်ဆုံးပြီးသည့်ရက်မှ အစပြု၍ အဆိုပါ (ချွင်းချက်ပြုထားသော) အချိန်ကာလအသီးသီး ကို တွက်ချက်ရမည် ။” လို့ ခြွင်းချက်ပေးထားပါတယ် ။

//③ 제1항에 따른 다른 사업 또는 사업장으로의 변경을 신청한 날부터 3개월 이내에 「출입국관리법」 제21조에 따른 근무처 변경허가를 받지 못하거나 사용자와 근로계약이 종료된 날부터 1개월 이내에 다른 사업 또는 사업장으로의 변경을 신청하지 아니한 외국인근로자는 출국하여야 한다. 다만, 업무상 재해, 질병, 임신, 출산 등의 사유로 근무처 변경허가를 받을 수 없거나 근무처 변경신청을 할 수 없는 경우에는 그 사유가 없어진 날부터 각각 그 기간을 계산한다.//

သည်တော့ ညီလေးမှာ ဆရာဝန်ရဲ့ ထောက်ခံစာ ရထားမယ်ဆိုလျင် ဖြင့် ၊ ဥပမာအားဖြင့် နိုင်ငံခြားသား အလုပ်သမား မှတ်ပုံတင် အမှတ် ဘယ်လောက် ကိုင်ဆောင်သူ မောင် ဘယ်သူ ဟာဖြင့် သူရဲ့ ဘာဘာညာညာဆေးရုံမှာ ဘယ်နေ့မှ ဘယ်နေ့ထိ ဆေးဝါးကုသမှု ခံယူနေသည်မှာ မှန်ကန်ကြောင်း သက်သေခံပါသည် ဆိုတာမျိုး ၊ ဒါမှ မဟုတ် ဆေးရုံဆင်းလက်မှတ် လိုမျိုး တင်ပြနိုင်မယ်ဆိုလျင် ၊ ဆေးရုံတက်သည့် ကာလများကို နှုတ်ပယ်ပြီး သက်သာခွင့် တွက်ချက်ပေးမယ်လို့ ဥပဒေက ဆိုထားရာ ရောက်တယ်လို့ မြင်ပါတယ် ။

ညီလေး အလုပ်ထွက်ခွင့်ရထားတဲ့ ရက်က စပြီး ဆေးခန်းပြထားတဲ့ရက် (ဆေးရုံတက်ထားတဲ့ရက်) တွေကို ဖယ်ပြီး ၁ လအတွင်း အလုပ်ထောက်ပံ့ရေးဌာနသို့ သတင်းပို့လျင် (အလုပ်ရှာဖွေသူအဖြစ်မှတ်ပုံတင်လျင်) ရလိမ့်မယ်လို့ ယူဆကြောင်း တင်ပြလိုက်ရပါတယ် ။ အဲသလို ရနေတဲ့ သူတွေလည်း ရှိပါတယ် ။
ညီလေးရဲ့ အမေးကို အတိုဆုံးဖြေရရင် အလုပ်ထောက်ပံ့ရေးဌာနသို့ သတင်းပို့ရန် နောက်ကျခြင်းအတွက် ဥပဒေအရ ကင်းလွတ်ခွင့်ရနိုင် ပါတယ် ။

အားလုံးအဆင်ပြေကြပါစေ ။

လေးစားမှုဖြင့် -

ကိုဝိုင်း(မိုးညှင်း)
၂၀၁၁ ခုနှစ် မေလ ၈ ရက်