ဓမ္မဒူတနှင့် နိဗဒ္ဓအလှူ

နိဗဒ္ဓဒါန
နေ့စဉ်မပြတ် ဆွမ်းလောင်းခြင်း ၊ ဘုရားပန်း ရေချမ်းကပ်လှူခြင်းစသည်ဖြင့် အမြဲမပြတ် အဓိဋ္ဌာန်ဖြင့် ပြုလုပ်သော အလှူသည် နိဗဒ္ဓအလှူ ဖြစ်သည်ဟု ဆို၏ ။ တစ်ခါတရံ သတိရမှ ထလုပ်သောအလှူထက် မြတ်ပြီး အကျိုးပေးလည်းသန်သည် ဟု မှတ်သားရဖူးပါသည် ။ ကိုရီးယားနိုင်ငံရောက် မြန်မာညီအစ်ကိုမောင်နှမများလည်း ၊ မြတ်သော အကျိုးပေးသန်သည့် မပြတ်သော နေ့စဉ်အလှူကို အတူတကွ လှူဒါန်းနိုင်ကြစေရန်အလို့ငှာ ဓမ္မဒူ ယဉ်ကျေးမှုအသင်းက နိဗဒ္ဓအလှူအစီအစဉ်ကို စီစဉ်လိုက်ပါသည် ။

လှူလိုသော်လည်း ၊ လွန်ခက်ခဲသူများရှိ
ကျွန်တော်တို့ ကိုရီးယားတွင် နေ့စဉ် ပင်ပမ်းဆင်းရဲစွာ လုပ်ကိုင်ကြပြီးနောက် ၊ မိမိတို့ချွေးနှဲစာကို အမြတ်တနိုးတန်ဖိုးထားလှူဒါန်းလိုကြသော်လည်း ၊ အကြောင်းအမျိုးမျိုးကြောင့် အလှူပြီးမြောက်အောင် မဆောင်ဖြစ်ကြသူ လှူရန် လစ်ဟင်းနေကြသူ အများအပြားရှိနေကြောင်း သတိပြုမိပါသည် ။ ထိုသို့ သော မိတ်ဆွေများ၏ အခက်အခဲကို ပံ့ပိုးသည့်အနေဖြင့် ဤ အစီအစဉ်ကို စီစဉ်လိုက်ရခြင်းဖြစ်ပါသည် ။

တစ်နေ့ ၁၀၀ လှူဒါန်းရာ ..
တစ်နေ့ ၁၀၀ လှူဒါန်းရာ ၊ ၁ လမှာ ၃ ထောင်ဖြစ် ၊
၁ ယောက် ၃ ထောင် လူ ၁ ထောင် ၊ ပေါင်းသော် ကျောင်းအလှူဖြစ် ။
အလှူသည် နည်းသည်များသည်မှာ ပဓါနမဟုတ်ပါ ။ တန်ဖိုးထားတတ်မှုသည်သာ ပဓါနကျပါသည် ။ မိမိတို့ ပင်ပမ်းခက်ခဲစွာရှာဖွေထားသော လုပ်အားခများထဲမှ ချိုချဉ် တစ်လုံးဖိုးပင်မရှိသော ဝမ် ၁၀၀ ကို နေ့စဉ် လှူဒါန်းသွားကြမည် ဆိုပါက ၊ တစ်လလျင် ခေါက်ဆွဲခြောက် ၁ဗူး စာမျှ ဖြစ်သော ဝမ် ၃ ထောင်ကို လှူဒါန်းဖြစ်ကြမည်ဖြစ်ပါသည် ။ ထိုကဲ့သို့သော အလှူရှင် ပေါင်း ၁ ထောင် စုနိုင်မည်ဆိုလျင် ၊ ၁ လလျင် ဝမ် သိန်း ၃၀ တန် ကျောင်းဆောင် တစ်ဆောင် လှူဒါန်းနိုင်ပါလိမ့်မည် ။ ဤ သည်မှာ မှန်သော စကား ဖြစ်ပါသည် ။

ဘယ်လိုလှူကြမလဲ ၊ ဘယ်လိုလှူနိုင်မလဲ
ထိုသို့ နေ့စဉ်လှူဒါန်းနိုင်ရန် ၊ ဤ သို့စီစဉ်ထားပါသည် ။ မိတ်ဆွေတို့အနေဖြင့် နိဗဒ္ဓအလှူရှင် အဖြစ် မှတ်ပုံတင်ရမည်ဖြစ်ပြီး လိုအပ်သော အချက်အလက်များ ဖြည့်စွက်ခါ သဘောတူညီချက်ပေးဖို့သာ လိုပါသည် ။ မိတ်ဆွေတို့၏ အလှူအထမြောက်အောင်ဓမ္မဒူတနိဗဒ္ဓ အလှူစီအစဉ်က အလိုအလျောက် အလှူခံပြီးဖြစ်ပါလိမ့်မည် ။

မိတ်ဆွေတို့ မေ့နေသော်လည်း အလှူက မေ့နေမည်မဟုတ်ပါ ။ အလှူခံပြီးတိုင်းလည်း မိတ်ဆွေတို့ထံမှ အလှူခံရရှိပြီးကြောင်း လူကြီးမင်းတို့ (လက်ကိုင်ဖုန်း)ထံ ဖုန်းမက်ဆေ့ဂ်ျ ပေးပို့ပြီး အသိပေးပါလိမ့်မည် ။ (အသေးစိတ်အစီအစဉ်များကို အလှူရှင် အဆိုပြုလွှာ ရှင်းလင်းချက်များတွင် ဖတ်ရှုနိုင်ကြပါသည် ။)

အလှူရှင်အဖြစ် မှတ်ပုံတင်ရန် ၊ ပုံစံကို ဤ နေရာ (pdfပုံစံ) (docပုံစံ) တွင် ရယူ ဖြည့်စွက် ပေးပို့နိုင်ကြပါသည် ။

ဤ နိဗဒ္ဓအလှူအစီအစဉ်နှင့် ပတ်သက်၍ မရှင်းမလင်း သည်များရှိလျင်ဖြစ်စေ ၊ စိတ်ပါဝင်စားသိရှိလိုလျင်ဖြစ်စေ လက်ကိုင်ဖုန်း ၀၁၀-၃၉၁၉-၂၄၇၄ သို့မဟုတ် dhammaduta.k@gmail.com ထံ မေးမြန်းနိုင်ကြပါသည် ။


လေးစားမှုဖြင့် -
ဓမ္မဒူတယဉ်ကျေးမှုအသင်း
ဓမ္မဒူတ (ကိုရီးယား)