ကျန်းမာတဲ့ ခန္ဓာကိုယ် ဖြစ်ဖို့အတွက် ဘယ်လို အာဟာရ ဓာတ်တွေ လိုအပ်လဲ

ရေးသားသူ — မိုးသောက်ကြယ်

လူသားတိုင်းဟာ စားဝတ်နေရေး အတွက် နေ့စဉ် သွားလာ လှုပ်ရှား နေရပါတယ်။ ဒီလိုအမြဲတမ်း သွားလာ လှုပ်ရှားနိုင်အောင် ခန္ဓာကိုယ် အင်အားပြည့်ဖို့ လိုအပ်ပါတယ်။ “ အစာလည်းဆေး ဆေးလည်းအစာ” ဆိုသလို အစားအစာများကို သင့်တင့်မျှတစွာ စားသုံး တတ်မယ်ဆိုရင် နုပျိုကျန်းမာတဲ့ ခန္ဓာကိုယ်ကို ပိုင်ဆိုင်နိုင်မှာဖြစ်ပါတယ်။ နေ့စဉ်အမျှ လှုပ်ရှားနေတဲ့ ခန္ဓာကိုယ်ရဲ့ အစိတ်အပိုင်းတွေအတွက် လိုအပ်တဲ့ ဗီတာမင်နှင့် အာဟာရ ဓာတ်တွေကို မှီဝဲစားသုံး သိရှိနိုင်ဖို့ ဖော်ပြပေးလိုက်ပါတယ်။

နှလုံးအာဟာရ
လူ့ခန္ဓာကိုယ်ရဲ့ အရေးကြီးတဲ့ အစိတ်အပိုင်းထဲမှာ နှလုံးကလည်း အဓိကပါဝင်နေပါတယ်။ နှလုံးကျန်းမာရေးနဲ့ ပတ်သက်လို့ အမျိုးမျိုး စောင့်ရှောက်ကုသမှုဝေဒရှိပေမယ့် နှလုံးရောဂါဖြစ်ဖို့ အလားအလာကို အများဆုံးလျှော့ချပေးခိုင်းတာကတော့ Fatty Acid ပြည့်ဝစွာ ပါဝင်တဲ့ Omega-3 ရှိတဲ့ငါးတွေပဲ ဖြစ်ပါတယ်။ Omega-3ရရှိဖို့အတွက် စားသုံးသင့်တဲ့ ငါးတွေကတော့ ဆာဒင်းငါး၊ ငါးကွန်းရှပ်နဲ့ ဆော်လမွန်ငါးတို့ ဖြစ်ပါတယ်။

အာရုံကြောနဲ့မျက်လုံး
မျက်လုံးအတွက် အဓိက လိုအပ်တာက ဗီတာမင် “ A” ဖြစ်ပါတယ်။ မျက်လုံးနဲ့ပတ်သက်လို့ ခံစားရတဲ့ ရောဂါဝေဒနာတွေကို ဗီတာမင် “ A” က လျှော့ချပေးပြီး အ၀ါရောင် အင်ဆူလင်ကို ထုတ်ပေးခိုင်းတဲ့ အသီးအနှံတွေကို စားသုံးသင့်ပါတယ်။ သင့်လျှော်တဲ့ အသီးအနှံတွေကတော့ ပန်းဂေါ်ဖီထုတ်(အစိမ်း)၊ မုံလာဥ၊ မျောက်ဥနဲ့ အာလူးတို့ကို အဓိက စားသုံးသင့်သည်။

အရေပြား ကျန်းမာရေး
ကျန်းမာတဲ့အသားအရေ ပိုင်ရှင်ဖြစ်ဖို့အတွက် ဗီတာမင် “ C” ရှိဖို့ လိုအပ်ပါတယ်။ ခန္ဓာကိုယ်ရဲ့အနှံ့အပြားမှာ နေရာယူထားတဲ့ အရေပြားဟာ မတော်တဆကြောင့်ရတဲ့ အမာရွတ်တွေရှိနေတတ်ပါတယ်။ ဗီတာမင် “ C” ကို လုံလောက်စွာ စားသုံးပေးခြင်းအားဖြင့် အမာအရွတ်တွေ လျှော့ပါးသွားနိုင်တဲ့အပြင် ကျန်းမာသန့်ရှင်းတဲ့ အသားအရေကို ရရှိမှာဖြစ်ပါတယ်။ ပတ်ဝန်းကျင်မှာ လွယ်ကူစွာ တွေ့ရှိနိုင်တဲ့ လိမ္မော်သီး၊ ရှောက်သီး၊ သင်္ဘောသီးတို့မှာ ဗီတာမင် “ C” ကို အများဆုံး တွေ့ရှိနိုင်ပါတယ်။

အဆစ်လေးတွေ ကျန်းမာဖို့
ခန္ဓာကိုယ်မှာ ရှိတဲ့ အရိုးတွေကို တောင့်တင်းခိုင်မာအောင် အားဖြည့်ကူညီပေးတာကတော့ အဆစ်တွေပဲ ဖြစ်ပါတယ်။ အဆစ်တွေအတွက် မရှိမဖြစ် လိုအပ်နေတဲ့ အာဟာရဓာတ်ကတော့ “ ကော့ပါး” ဓာတ်တွေပဲ ဖြစ်ပါတယ်။ အစေ့၊ အခွံမာသီး၊ ဂဏန်း၊ ခရု၊ မုတ်ကောင်စတဲ့ အခွံပါတဲ့ အစေ့နဲ့ သတ္တ၀ါတွေအပြင် ကမာကောင်အများစုမှာလည်း “ ကော့ပါး” ဓာတ်ကို အမြင့်မားဆုံး ပမာဏအထိ တွေ့ရပါတယ်။ ဒါ့အပြင် အသည်းအများစုမှာလည်း “ ကော့ပါး” ဓာတ်ကို အများဆုံးတွေ့ရှိရသည်။

အရိုးကျန်းမာရေး
ခန္ဓာကိုယ်ကျန်းမာကြံ့ခိုင်ဖို့အတွက် အရိုးဖွဲ့စည်းတည်ဆောက်မှုဟာလည်း အရေးကြီးဆုံး ဖြစ်ပါတယ်။ အသက်အရွယ်ရလာလို့ အရိုးတွေ အားနည်းပြီး ခိုင်မာမှုမရှိတော့ဘူးဆိုရင် နောက်ဆက်တွဲ ဆိုးကျိုးတွေ ခံစားရလာနိုင်ပါတယ်။ ဒီလိုဆိုးကျိုးတွေ မခံစားရအောင် အရိုးအတွက် အဓိကလိုအပ်တဲ့ အာဟာရဓာတ်ကတော့ ကယ်ဆီယမ်ဓာတ်ပဲဖြစ်ပါတယ်။ ငယ်စဉ်ကတည်းက ကယ်ဆီယမ်ဓာတ် ရနိုင်တဲ့ အသီးအနှံတွေကို ပုံမှန်စားသုံးပေးသွားမယ်ဆိုရင် အရိုးနဲ့ပတ်သက်တဲ့ ရောဂါတွေကို ကြိုတင်ကာကွယ်ပြီးသားဖြစ်ပါတယ်။ ပန်းသီး၊ သစ်တော်သီး၊ စပျစ်သီး၊ စားတော်ပဲနှင့်ပန်းဂေါ်ဖီစိမ်းတို့မှာဆိုရင် ကယ်ဆီယမ်ဓာတ် အပြည့်အ၀ပါဝင်ပြီး သဘာဝကပေးတဲ့ အစာလည်းဆေးဆေးလည်းအစာဖြစ်ပါတယ်။

မျိုးပွားအင်္ဂါလိုအပ်ချက်
မျိုးပွားအင်္ဂါအတွက် အဓိကလိုအပ်တာကတော့ “ဇင့်” “ဓာတ်တွေပဲ ဖြစ်ပါတယ်။ မုတ်ကောင်၊ ကမာကောင်ကနေ ရရှိတဲ့“ဇင့်” ဓာတ်ဟာ အခြားအရာတွေကရရှိတဲ့ “ဇင့်” ဓာတ်ထက် သာလွန်ကောင်းမွန်နေတာကို တွေ့ရှိရပါတယ်။ သိုးသား၊ ကြက်သားနဲ့ အမဲသားတို့မှာလည်း သင့်ခန္ဓာကိုယ်အစိတ်အပိုင်းအတွက် လုံလောက်တဲ့ “ဇင့်” ပမာဏကို ပေးစွမ်းနိုင်လို့ နေ့စဉ်စားသုံးပေးသင့်ပါတယ်။

(မှတ်ချက်။ ၂၀၁၄ခုနှစ်၊ ဧပြီလထုတ် HALOမဂ္ဂဇင်း အတွဲ ၂ မှ မိုးသောက်ကြယ်ရေးသားသော ဆောင်းပါးအား ကောက်နှုတ်ဖော်ပြပါသည်။)
MOI Webportal Myanmar
https://www.facebook.com/MOIWebportalMyanmar