ဝမရှိဘဲ ဝိလုပ်၍မရပါ

ရေးသားသူ — အရှင်စန္ဒိမာ (မွန်စိန်တောရ)

ယနေ့မြန်မာ့နုိုင်ငံရေးဖြစ်စဉ်မှာ အာဏာဆုပ်ကုိုင်ထားကြဆဲ စစ်ဗုိုလ်ချုပ်တွေအကြား သဘောထားတင်းမာသူ စနစ်ဟောင်းကုိုဖက်တွယ်ချင်သူတွေနဲ့ သဘောထားပျော့ပြောင်းသူ အပြောင်းအလဲကုို လုိုလားသူတွေရဲ့ အားပြိုင်မှုရှိတယ်လုို့ ထင်မြင်ယူဆကြတယ်။ ဥပမာ အစုိုးရနဲ့ လွှတ်တော်အကြား အားပြိုင်မှုပုံစံမျိုးလည်း ပါဝင်ပေလိမ့်မယ်။ ဒီအားပြိုင်မှုမှာ သဘောထားတင်းမာသူတွေ အသာစီးရထားတဲ့သဘော တွေ့နေရတယ်။ သုို့သော် ထုိုအားပြိုင်မှုတွေဟာ အစစ်အမှန်မဟုတ်ဘဲ စစ်ဗုိုလ်ချုပ်တွေရဲ့ စစ်အာဏာတည်မြဲရေး အန္တိမရည်မှန်းချက်အတွက် ဟန်ပြအနေနဲ့ ကျရာအခန်းမှ သရုပ်ဆောင်နေကြခြင်းသာ ဖြစ်တယ်လုို့ မြင်ကြသူတွေလည်း ရှိကြတယ်။ ဒီလုိုမြင်ခြင်းဟာလည်း အကြောင်းမဲ့တော့ မဟုတ်ပါ။ ဦးသိန်းစိန်အစုိုးရတက်လာချိန်ကနေ ကြည့်လုိုက်ရင် အစုိုးရနဲ့ လွှတ်တော်မှာ အာဏာခွဲဝေယူထားကြတဲ့ စစ်ဗုိုလ်ဟောင်းတွေရဲ့ အနှစ်မပါတဲ့ ခုတမျိုး တော်ကြာတမျိုး ပြောဆုိုလုပ်ဆောင်နေကြပုံတွေက နဂုိုရှိခဲ့တဲ့ စစ်အုပ်စုအပေါ် လူထုရဲ့ အယုံအကြည်ကင်းမဲ့မှုကုို ခုိုင်မာစေခဲ့တယ်။

အစုိုးရလုပ်ရပ်တွေကုို ထောက်ခံနေကြသူတွေထဲမှာ ရရှိစံစားနေကြရတဲ့ ကုိုယ်ကျိုးစီးပွါးတွေ အပွန်းအပဲ့မခံနုိုင်တာကြောင့် တင်းမာတဲ့ အာဏာရှင်ထိပ်သီးကြီးတွေရဲ့ ယိမ်းနွဲ့ရာကုို အလုိုက်သင့်ကနေကြသူတွေက အများစုဖြစ်နုိုင်ပါတယ်။ ထုိုအထဲမှာ မဆလဟောင်းတွေ ကြံ့ဖွံ့တွေ စစ်တပ်အဆက်အနွယ်တွေ ခရုိုနီတွေပါဝင်သလုို ပညာရှင်အမည်ခံထားသူတချို့နဲ့ စစ်အာဏာရှင်စနစ်ကုို ဆန့်ကျင်တွန်းလှန်ခဲ့ကြဖူးသူတချို့တောင် ပါဝင်နေမယ် ထင်ပါတယ်။ ပြည်တွင်းမှ ဒီမုိုကရေစီအမည်နာမ ခံယူထားကြသူတချို့သာမက ယုတ်အစွဆုံး လက်နက်ကုိုင်တုိုင်းရင်းသားအင်အားစု တစိတ်တဒေသထဲကတောင် အာဏာရှိစစ်အုပ်စုရဲ့ ယိမ်းနွဲ့ရာ လုိုက်ပါချင်ကြသူတွေကုို တွေ့လာရပါတယ်။ ထုိုသူတွေကလည်း အာဏာရှိသူတွေရဲ့ မတရားမှုတွေကုို ဝေဖန်ထောက်ပြသူတွေ ပွင့်ပွင့်လင်းလင်း ကန့်ကွက်ရှုတ်ချကြသူတွေကုို အစုိုးရလုပ်သမျှအကောင်းမမြင် ထိပ်တုိုက်တွေ့ချင်သူတွေအဖြစ် သက်မှတ်ကြတယ်။

ဖြစ်စဉ်တခုကို ဝါးလုံးသိမ်း မှတ်ချက်ချသုံးသပ်ပြောဆုိုဖုို့ မသင့်ဘူးဆုိုတာကုိုလည်း သတိပြုဆင်ခြင်ရမယ့် အချက်တခုအဖြစ် လက်ခံပါတယ်။ မြန်မာ့ဆုိုလစ်လမ်းစဉ်ပါတီ တန်ခုိုးထွားခဲ့စဉ်က မြို့နယ်ပါတီယူနစ် ထိပ်တန်းတာဝန်ရှိသူတဦးရဲ့ ဇနီးသည်ဟာ ခင်ပွန်းဖြစ်သူရဲ့ လစာနဲ့ မိသားစုစားဝတ်နေရေးအတွက် မလောက်မငှတာကြောင့် အိမ်မှာ တနုိုင်တပုိုင်အနေနဲ့ ပဲ အာလူး စတဲ့ အသီးအနှံတွေကုို ကြော်လှော်ထုတ်ပုိုးကာ အိမ်ဆုိုင်လေးတွေ ကွမ်းယာဆုိုင်လေးတွေဆီကုို သွားရောက်ဖြန့်ဖြူးရောင်းချပြီး မိသားစုစားဝတ်နေရေးကုို တဖက်တလမ်းမှ ဖြည့်ဆည်းပေးခဲ့ရတယ်လုို့ သူတုို့နဲ့ နီးစပ်သူတချို့ထံမှတဆင့် ကြားသိခဲ့ရဖူးပါတယ်။

မုိုးခါးရေသောက်တတ်တဲ့ လောကထဲမှာ ထုိုကဲ့သုို့ ကုိုယ်ကျင့်တရားဖြူစင်မြင့်မြတ်သူ ပုဂ္ဂိုလ်မျိုးဟာ ရှားရှားပါးပါး ရှိကောင်းရှိနုိုင်ပေမယ့် ရေရှည်ရပ်တည်နုိုင်ဖုို့ အတော်ပင် ခက်ခဲပေလိမ့်မယ်။ ဒါကြောင့် ယခုခေတ် ကြံ့ဖွံ့တွေနဲ့ စစ်တပ်အသုိုင်းအဝုိုင်းအားလုံးကုို ဝါးလုံးသိမ်းအပြစ်မြင်ရန် မသင့်တာကုို လက်ခံနုိုင်ပေမယ့် လူမှန်လူကောင်းတွေ ခေါင်းဖေါ်ခွင့်မရအောင် အာဏာရှင်စနစ်ဆုိုးလက်မဲကြီးတွေရဲ့ အချိန်မရွေး ဂုတ်ဆွဲခံသွားရနုိုင်တဲ့ အန္တရာယ်ကလည်း ရှိနေတာကြောင့် စစ်တပ်နဲ့ အစုိုးရယန္တယားထဲမှာ ဒီလုိုစိတ်ဓါတ်ဖြူစင်သူတယောက်တလေမျှ ရှိမှ ရှိနုိုင်ပါတော့မလားလုို့ တွေးမိပါတယ်။ ၂၀၀၈ အခြေခံဥပဒေပုဒ်မ ၄၃၆ ပြင်ဆင်ရေး ထောက်ခံလက်မှတ်ထုိုးခဲ့လို့ ထောင်၂ နှစ် အချခံလုိုက်ရတဲ့ ဗုိုလ်မှူးကျော်စွာဝင်းဟာ အာဏာရှင်လက်မဲကြီးတွေရဲ့ ဂုတ်ဆွဲခံရတဲ့ နောက်ဆုံးသားကောင်အဖြစ် ကျရောက်သွားခဲ့ရပြီ မဟုတ်ပါလား။

လူတွေအကြား အမြင်မတူတာ သဘာဝကျပေမယ့် ဆယ်စုနှစ်ပေါင်းများစွာ ကုိုယ်ကျိုးရှာမှု ငါတကောကောမှုတွေနဲ့ လူထုဘဝတခုလုံးကုို နင်းခြေဖျက်ဆီးခဲ့ကြသူတွေရဲ့ အတောမသတ်နုိုင်သေးတဲ့ ဝိသမလောဘ လိမ်လည်လှည့်ပတ် လူသားမဆန်တဲ့ လုပ်ရပ်တွေကုို ထင်ထင်ရှားရှား တွေ့မြင်နေရပါလျှက် အချိန်ယူရမယ် စိတ်ရှည်ရမယ် သီးခံရမယ် စတဲ့ ကြားကောင်းရုံမျှ အိညက်အိညက်စကားလုံးတွေကုို သစ္စာတရားတပါးလုို ကြိုဆုိုထောက်ခံ ဝါဒဖြန့်ပေးနေကြသူတွေဟာ ဘယ်လုိုလူစားမျိုးဖြစ်မလဲဆုိုတာ လွယ်လွယ်နဲ့ နားလည်သဘောပေါက်နုိုင်ပါတယ်။ လက်ရှိမြန်မာ့နုိုင်ငံရေးဖြစ်စဉ်မှာ အမြင်မတူတာ ရှိနုိုင်ပေမယ့် အနုိုင်ကျင့်မှုတွေ မတရားမှုတွေ မမျှတမှုတွေရဲ့ ဒဏ်ကုို လူးလှိမ့်ခံနေကြရတဲ့ သာမာန်ပြည်သူတွေ လူထုဘက်မှ ရပ်တည်ကာကွယ် အဖြစ်မှန်ကုို ထုတ်ဖေါ်ရေးသားပေးနေကြတဲ့ သတင်းသမား နုိုင်ငံရေးတက်ကြွလှုပ်ရှားသူတွေကုို ဖိနှိပ်ဖမ်းဆီးထောင်ချမှုတွေ လျှော့ကျသွားမှု မရှိသေးတာကတော့ ငြင်းမရတဲ့ လက်ရှိအနေအထားတွေပါ။

ယခု ဂေါဝိန်ဆိပ်က ဆင်းရဲသားပြည်သူတွေရဲ့ တဲအိမ်တွေ အဓမ္မဖယ်ရှားခံကြရတဲ့ဖြစ်ရပ်မျိုးတွေဟာ မြန်မာပြည်မှာ ဖြစ်နေကျ မရုိုးနုိုင်တဲ့ ဖြစ်စဉ်တွေပါ။ နော်ဝေးဘုရင်ကြီးကုိုယ်တုိုင် တွေ့မြင်သွားခဲ့တဲ့ ကုိုယ့်နုိုင်ငံသားအောက်ခြေလူတန်းစားတွေအပေါ် အကြင်အနာမဲ့တဲ့ လုပ်ရပ်အတွက် အစုိုးရအာဏာပုိုင်တွေ ရှက်တတ်မယ်တော့ သိပ်မထင်မိပါဘူး။ သမီးကလေးရွာသူရွာသားများ ခံစားခဲ့ရတဲ့ ဒုက္ခတွေ၊ သံဆူးကြိုးအုတ်တံတုိုင်းကြီးတွေကုို ခက်ခက်ခဲခဲ ကျော်တက်ပြီး နေ့စဉ်ကျောင်းသွားနေကြရတဲ့ ကလေးတွေရဲ့ ဒုက္ခတွေ၊ တရားလုိုဖြစ်ရမယ့်သူတွေက တရားခံဘဝရောက်ကာ ထောင်နန်းစံနေကြရတဲ့ လယ်သမားတွေရဲ့ ဒုက္ခတွေကုို နော်ဝေးဘုရင်ကြီး မြင်နုိုင်သိနုိုင်ခဲ့မယ်ဆုိုရင် မဖြစ်ဖူးမြဲ ဖြစ်လေစွတကားလုို့ အံ့သြစိတ်မကောင်းခြင်းကြီးစွာ ဖြစ်အုံးမှာ သေချာပါတယ်။

ဂေါဝိန်ဆိပ်ဖြစ်ရပ်ဟာ နော်ဝေးဘုရင်ကုို အဖားလွန်ကဲတဲ့ အစုိုးရရဲ့ ရှက်ဖွယ်အလိမ်ပေါ်မှုတခုပါ။ ဝမရှိဘဲ ဝိလုပ်၍မရပါ။ အရှိကုို အရှိအတုိုင်းလက်ခံပြီး စေတနာမှန်ဖြင့် အရာရာကုို ရုိုးသားစွာ ရင်ဆုိုင်ဖြေရှင်းဖုို့ လုိုအပ်ပါတယ်။ ဂေါဝိန်ဆိပ်ဖြစ်ရပ်ဟာ အာဏာလက်ဝယ်ရှိသူတွေ စိတ်ထားမှန်ဖုို့ လုိုအပ်နေကြောင်း ကမ္ဘာကုို မီးမောင်းထုိုးပြ အသိပေးကြော်ငြာလုိုက်သလို ဖြစ်စေခဲ့ပါတယ်။

မိုးမခ မှကူးယူဖော်ပြသည်။