တောင်ကိုရီးယားတွင် ဖလူ-၂၀၀၉ ပိုး ထိသူ သုံးထောင်ကျော် ၊ သေဆုံးသူ ၃ ဦးရှိပြီ

ကိုဝိုင်း(မိုးညှင်း)
ဆောအူးလ် ၊ သြဂုတ် ၃၁


(A/H1N1) ဟုအမည်သစ် တွင်နေသည့် ဖလူ -၂၀၀၉ရောဂါဖြင့် ကိုရီးယားပြည်တွင်းတွင် တတိယမြောက် သေဆုံးမှု ပေါ်ပေါက်ခဲ့ကြောင်း သိရသည် ။ သြဂုတ်၂၇ ရက်နေ့က ၊ ကူးစက်ရောဂါ ထိန်းချုပ်ရေး ဗဟိုဌာနသည် ဆောအူးလ်မြို့တော်နေ အသက် ၆၇နှစ် အရွယ် အမျိုးသား တစ်ဦး ရောဂါကူးစက်ခံရပြီး အဆုပ်တွင်ဆက်လက်ဖြစ်ပွါးသော ရောဂါဖြင့် သေဆုံးသွားကြောင်း ကြေညာခဲ့ပါသည် ။

သြဂုတ်လ ၁၆ ရက်နေ့က ၊ အသက် ၆၃ နှစ်ရှိ ဒုတိယလူနာ သေဆုံးမှုဖြစ်ပွါးခဲ့ပြီး ၁၁ ရက်အကြာတွင် ထိုသို့ တတိယမြောက် သေဆုံးသူ ပေါ်ပေါက်လာခြင်းဖြစ်သည်ဟုဆိုသည် ။ အဆိုပါလူနာသည် ၁၀ နှစ်ခန့် ကတည်းက ပန်းနာရင်ကြပ် ရောဂါ ခံစားနေရသူ ဖြစ်ပြီး ၊ လွန်ခဲ့သော တစ်လနီးပါးမှစ၍ ချောင်းဆိုး သလိပ်ထွက်ခြင်းများ ဖြစ်နေခဲ့သော်လည်း ကုသမှုကို အထူးတလည် ခံယူခြင်းမရှိခဲ့ကြောင်း ၊ ၁၈ ရက်နေ့တွင် အသက်ရှုရခက်သည့် အနေအထား ဖြစ်လာသဖြင့် ၊ ရပ်ကွက်တွင်း ဆေးခန်းတွင် ပြသ၍ ကုသမှုခံယူခဲ့ကြောင်း ၊ ၂၅ ရက်နေ့မနက် ၄ နာရီ ၄၀ မိနစ် အချိန်တွင်မူ အခြေအနေဆိုးရွားလာသဖြင့် ၊ ဆောအူးလ်မြို့ တက္ကသိုလ်ဆေးရုံတစ်ခုသို့ အရေးပေါ်လူနာအဖြစ် ပို့ဆောင် ခဲ့ကြောင်း ၊ အရေးကြီး လူနာခန်းသို့ပို့ဆောင်ခဲ့ပြီး အသက်ရှူကိရိယာဖြင့် အသက်ရှူစေခဲ့ကြောင်း ၂၆ ရက်နေ့တွင် အသေးစိတ်စစ်ဆေးရာ ၊ ဖလူ-၂၀၀၉ ရောဂါ (A/H1N1) ဗိုင်းရပ်စ်ပိုး တွေ့ရသဖြင့် ၊ တာမီဖလူခေါ် ဖလူရောဂါအသစ် (A/H1N1) တိုက်ခိုက်ရေးဆေးကို ထိုးနှံပေးခဲ့ကြောင်း ၊ အခြေအနေ ပြန်မကောင်းလာတော့ဘဲ ရုတ်တရက် အမောဖေါက်လာပြီး ၊ ၂၇ ရက်နေ့ နံနက် ၈နာရီ ၄၇ မိနစ်တွင် ထိတ်လန့် သေဆုံးသွားကြောင်း သိရသည် ။


ဆေးရုံမှ တာဝန်ရှိသူများ၏ ထုတ်ပြန်ချက်အရ ၊ အဆိုပါလူနာ၏ မိသားစုဝင်များအား အသေးစိတ်စစ်ဆေးမှုများပြုလုပ်ခဲ့ရာ ၊ ဖလူ-၂၀၀၉ ရောဂါ (A/H1N1) ဗိုင်းရပ်စ်ပိုး မတွေ့ရှိရကြောင်းသိရသည် ။ အဆိုပါလူနာ၏ ဗိုင်းရပ်ပိုးကူးစက်ခံရမှုလမ်းကြောင်းကို မသိရှိရဟုဆိုသည် ။ သေဆုံးသူမှာ နိုင်ငံခြားခရီးသွားခဲ့ဖူးခြင်းမရှိကြောင်းနှင့် ၊ ပြည်တွင်း ပါတ်ဝန်းကျင် လူမှုအသိုက်အဝန်းမှ ကူးစက်လာဖွယ်ရှိကြောင်း ၊ ကိုရီးယား ပြည်တွင်းတွင် ဖလူ-၂၀၀၉ ရောဂါ (A/H1N1) ဗိုင်းရပ် ကူးစက်ခံရသူစုစုပေါင်းမှာ ၊ သြဂုတ် ၂၇ ရက်နေ့ထိ ၃၇၀၅ ယောက်ရှိခဲ့ပြီဟုဆိုသည် ။

ကိုရီးယားကျန်းမာရေးဝန်ကြီးဌာနအနေဖြင့်မူ ၆၅ နှစ်အထက် လူကြီိးများ ၊ နာတာရှည်ရောဂါသည်များ ၊ ကိုယ်ဝန်ဆောင်မိခင်များနှင့် အသက် ၅၉လအောက်ကလေးများ ကို အဆိုပါရောဂါပိုး မကူးစက်စေရေး အထူးဂရုပြုကြရန် သတိပေးထားသည် ။

ကမ္ဘာ့ ကျန်းမာရေး အဖွဲ့ WHO က ခန့်မှန်းချက်အရ ၊ ကမ္ဘာပေါ်ရှိ လူပေါင်း ၁,၈ဝဝ ကျော် အသက် ဆုံးရှုံးရပြီးဖြစ်သော ကမ္ဘာ့လူတုပ်ကွေး (A/H1N1) ရောဂါ ကူးစက် ပြန့်ပွားမှု နှုန်းမှာ လာမည့်လ အနည်းငယ်အတွင်း အလွန် လျင်မြန် တိုးပွားကာ ရောဂါ ပေါက်ကွဲမှု ဖြစ်တော့မည်ဟု Xinhua သတင်း ဖော်ပြချက်အရ သိရသည် ။ (A/H1N1) ရောဂါ ဗိုင်းရပ်စ်ပိုး ပြန့်ပွားမှု နှုန်းသည် လာမည့် ဆောင်း ရာသီတွင် ကြောက်မက်ဖွယ် ကောင်းလောက်အောင် မြင့်မားလာဖွယ်ရှိကြောင်း ၊ ကမ္ဘာ့နိုင်ငံ အများစုတွင် ဆောင်းရာသီ အတွင်း အဆိုပါ ရောဂါ ပြန့်ပွားမှုနှုန်းသည် သုံး ရက် သို့မဟုတ် လေး ရက်ကြာတိုင်း နှစ်ဆ တိုးပွား လာဖွယ်ရှိကြောင်း ၊ သို့ဖြစ်၍ အစိုးရ အသီးသီးအနေဖြင့် (A/H1N1) ရောဂါ ကြိုတင် ကာကွယ်နိုင်ရေး လုပ်ငန်းစဉ်များကို စနစ်တကျ ကြိုတင် ပြင်ဆင်ထားရန် လိုအပ်နေပြီ ဖြစ်ကြောင်း WHO မှ ပစိဖိတ် အနောက်ပိုင်း ဒေသဆိုင်ရာ ညွှန်ကြားရေးမှူး Dr. Shin Young-Soo ကပြောကြားသည် ။

WHO အနေဖြင့် လွန်ခဲ့သော နှစ်လ ခန့်ကပင် (A/H1N1) ရောဂါကို ကမ္ဘာ့ ကပ်ရောဂါအဖြစ် သတ်မှတ် ကြေညာထားပြီး ဖြစ်သည် ။ ယခုအခါ အမေရိကန် ပြည်ထောင်စုတွင် ရက်သတ္တ တစ်ပတ်လျှင် လူ ၅ဝဝ နီးပါး အဆိုပါ ရောဂါ ကူးစက်ခံရလျက်ရှိသည် ။ အမေရိကန်၊ နယူးယောက်မြို့တော်တွင် မြို့တော်သူမြို့တော်သား အားလုံး၏ ၁၀ ရာခိုင်နှုန်းခန့်ဖြစ်သော ပြည်သူ၈သိန်းကျော်တို့က အဆိုပါ (A/H1N1) ရောဂါ ဗိုင်းရပ်စ်ပိုးကူးစက်ခံရပြီးဖြစ်သည်ဟုဆိုသည် ။
သြဂုတ်လ ၂၈ ရက်နေ့ ကမ္ဘာအရပ်ရပ်ရှိနိုင်ငံများ (A/H1N1) ရောဂါ ဗိုင်းရပ်စ်ပိုးကူးစက်ပြန့်ပွါးမှုနှင့် သေဆုံးမှုအခြေအနေမှာ (နှိပ်) အတိုင်းဖြစ်ကြောင်း သိရသည် ။
ကမ္ဘာ့ဆေးလောကတွင်Influenza pandemic (H1N1) 2009 virus ဟု အမည်တွင် ခဲ့သည့် တုပ်ကွေး ကပ်ရောဂါ ဗိုင်းရပ်စ်ပိုးကို influenza A (H1N1) virus ဟုအမည်သစ်ပေးထားကြောင်းသိရသည် ။




ရည်ညွှန်းချက်များ-
၁။ Xinhua Aug 28,2009.
၂။ Joong Ang Ilbo (13877/43), Aug 28,2009.
၃။ http://www.wpro.who.int/health_topics/h1n1/
၎။ http://news.jknews.co.kr/today/news/20090831/6401984.htm
၅။ http://www.ecdc.europa.eu/en/