မျက်တောင်အဖွင့်

အခါများစွာလိုပဲ

ကိုယ့်ကိုယ်ကို စိတ်ပျက်နေခဲ့ပြီ။

နေ့စွဲများရဲ့ လှောင်အိမ်

ပြတင်းတံခါးကို ဖွင့်လိုက်တော့

အလင်းတွေ ထ ပျံသွားကြတယ်။

မိုးတိမ်တို့ရေ…

သူတို့မှာ အပြာရောင်ကမ္ဘာကြီးရှိတယ်ကွယ့်

ငါ့မှာသာ၊ နံရံများရောက်ရှိလာပုံ ဆန်းကြယ်။

နောက်ထပ်၊ ဟောဒီ-

ငြီးငွေ့ခြင်းများရဲ့ အစွန်းမှာ

ဘယ်လိုဒဏ်ရာတွေ ဖူးပွင့်လာဦးမှာလဲမသိ၊

အားလုံးနဲ့ဝေးရာ

တိတ်တဆိတ် ပြေးထွက်ခဲ့လေတယ်။ ။