“နိုင်ငံတကာဘ၀များ” အမည်ရတဲ့ အမေရိကန် အိုင်းရစ်မဂ္ဂဇင်း၊ အမှတ် ၁၂ ရဲ့ နှစ်စဉ်အစီရင်ခံစာအရ “လူမှုဘ၀တန်ဖိုးများ” ခန့်မှန်းချက်မှာ ကမ္ဘာ့နိုင်ငံ ၁၉၄နိုင်ငံအနက်မှ အကောင်းဆုံးအဖြစ် ပြင်သစ်နိုင်ငံကို ၅နှစ်ဆက်တိုက် ရွေးချယ်လိုက်ပါတယ်။ အဲဒီနောက်မှာတော့ သြစတြေးလီးယား၊ဆွစ်ဇာလန်၊ ဂျာမဏီ၊ နယူးဇီလန် နဲ့ လူဇင်ဘတ်တို့ ဖြစ်ကြပါတယ်။
စီးပွားရေးအကြပ်အတည်းနဲ့ ကြုံတွေ့နေရတဲ့ အမေရိကန်နိုင်ငံကတော့ လွန်ခဲ့တဲ့နှစ် အဆင့် ၃ ကနေ ဒီနှစ် ၇ဆင့်ကို ပြုတ်ကျသွားပြီး၊ အလားတူ အင်္ဂလန်နိုင်ငံဟာလည်း ယမန်နှစ်အဆင့်ကနေ ၅ဆင့် ကျကာ ဒီနှစ်မှာ ၂၅ ဆင့် နေရာရောက်သွားပါတယ်။ လူမှုဘ၀တန်ဖိုးပြည့်ဝတဲ့နိုင်ငံကို ရွေးချယ်ရာမှာ အဆိုပါနိုင်ငံရဲ့ လူနေမှုစရိတ်၊ ယဉ်ကျေးမှု၊ အနားယူအပန်းဖြေမှု၊ စီးပွားရေး၊ သဘာဝပတ်ဝန်းကျင်၊ လွတ်လပ်မှု၊ ကျန်းမာရေးစောင့်ရှောက်မှု၊ အာမခံစနစ်၊ လုံခြုံမှု၊ ရာသီဥတု နှင့် သီးခြားတန်ဖိုးများ ပါဝင်ပါတယ်။
စီအန်အန်သတင်းဌာနဟာ ပြင်သစ်နိုင်ငံမှာ ရှေ့နေလုပ်ငန်းနဲ့ အသက်မွေးနေထိုင်လျှက်ရှိတဲ့ အသက် ၂၈ နှစ်အရွယ် သြစတြေးလီးယားနိုင်ငံဖွား အိမ်ထောင်ရှင် အမျိုးသမီးတစ်ဦးကို တွေ့ဆုံပြီး ပြင်သစ်နိုင်ငံရဲ့ အားသာချက်ဟာ ဘာများဖြစ်မလဲလို့ မေးမြန်းခဲ့ပါတယ်။ အဆိုပါရှေ့နေအမျိုးသမီးက ပြင်သစ်နိုင်ငံမှာတော့ အိမ်ထောင်ကျလို့ သားသမီးမွေးဖွားတဲ့အခါမှာ မွေးဖွားပြီးနောက် ၅ရက်တိုင်အောင် အထူးကျန်းမာရေးစောင့်ရှောက်မှုကို ခံယူနိုင်တဲ့အပြင် မီးဖွားခွင့်လည်း ၅ လ ရပါတယ်။ လိုအပ်လာရင် လစာမဲ့အဖြစ် နောက်ထပ် ၇ လ ထပ်ပြီး အနားယူလို့ ရပါသေးတယ်။ အဲဒီလို အနားယူနေတဲ့ကာလအတွင်းမှာ မိမိရဲ့အလုပ်အကိုင်နဲ့ပတ်သက်ပြီး ဥပဒေက လုံခြုံမှုအပြည့်အ၀ ပေးထားပါတယ်။ ဒါဟာ ပြင်သစ်နိုင်ငံရဲ့ ကိုယ်ဝန်ဆောင်မိခင်များကို တန်ဖိုးထားမှုကို ပီပြင်ထင်ရှားစေတဲ့အချက်ဖြစ်ပါတယ်။ သြစတြေးလီးယားနိုင်ငံမှာတော့ ပြင်သစ်နိုင်ငံလို ကောင်းမွန်တဲ့ ကျန်းမာရေးစောင့်ရှောက်မှုမျိုး မရနိုင်ပါဘူးလို့ ရှင်းပြခဲ့ပါတယ်။
တောင်ကိုရီးယားနိုင်ငံရဲ့ လူမှုဘ၀တန်ဖိုး မျက်နှာစာဟာ စီးပွားရေးအကြပ်အတည်းနဲ့ ရင်ဆိုင်ကြုံတွေ့နေရတဲ့ ဂရိ၊ ဘရာဇီး၊ ဥရုဂွေး၊ ကိုစတာရီကာ၊ အာဂျင်တီးနား၊ ချီလီ၊ အီကွေဒေါ၊ ပနားမားစတဲ့ နိုင်ငံတွေရဲ့ အဆင့်ကိုတောင် ကျော်လွန်နိုင်ခြင်း မရှိပါဘူး။ အာရှနိုင်ငံတွေထဲမှာတော့ ဂျပန်က ၃၆ဆင့်၊ ကိုရီးယား ၄၂ဆင့်၊ စင်ကာပူ အဆင့် ၇၀ နဲ့ တရုတ် ၉၇ဆင့်တို့ ဖြစ်ကြပါတယ်။
ကိုးကားသတင်းကို ဖတ်လိုပါက ဤနေရာတွင် ကလစ်ပါ။
No comments:
Post a Comment