ကိုရီးယားလုပ်ငန်းရှင်ကပေးသောနှုတ်ကတိ ယုံကြည်မိသူ မြန်မာအလုပ်သမား တစ်ဦးအခက်ကြုံ

ယမန်နေ့ (ဇွန် ၄ ရက်) က ၊ ဂယောင်းဂီပြည်နယ် ယုံအင်းမြို့တွင် ကိုရီးယားလုပ်ငန်းရှင်က ပေးသောနှုတ်ကတိ ကို ယုံကြည်ပြီး အလုပ်စာချုပ်အသစ်ချုပ်ဆိုခဲ့သူ မြန်မာအလုပ်သမားတစ်ဦး မလိုလားအပ်သော ပြဿနာတစ်ခု ဖြစ်ပွါးခဲ့ကြောင်း သတင်းရရှိသည် ။
အဆိုပါအလုပ်ရုံမှာ ထုပ်ပိုးစက်ရုံဖြစ်ကြောင်း ၊ အလုပ်ရုံတွင် အလေးအပင်များ ထမ်းပိုးရသည့် ပင်ပင်ပမ်းပမ်းလုပ်လုပ်ရသော အပိုင်းလည်းရှိပြီး ၊ အနည်းငယ်သက်သာစွာ လုပ်ရသောအပိုင်းလည်း ရှိသည်ဟုဆိုသည် ။ ၄င်း ကိုကိုမြန်မာလုပ်သား သည် ၄င်းအလုပ်ရုံသို့ လွန်ခဲ့သော ၁ နှစ်ကျော်က ရောက်ရှိခဲ့ပြီး ၊ စာချုပ် ၁နှစ်တာကာလအတွင်း ပင်ပင်ပမ်းပမ်းလုပ်ရသည့် အပိုင်းတွင် လုပ်ခဲ့ရသည်ဟုဆိုသည် ။ အောင့်အည်းသည်းခံကြိတ်မှိတ် လုပ်ခဲ့ပြီး ၊ ၁နှစ်ပြည့်ချိန် အလုပ်ရှင်နှင့် ညှိနှိုင်းသည်တွင် အနည်းငယ် သက်သာသည့်အပိုင်း၌ လုပ်ခွင့်ရမည်ဆိုက ဤအလုပ်ရုံတွင် ဆက်လုပ်မည်ဖြစ်ကြောင်း အလုပ်သမားက တောင်းဆိုရာ အလုပ်ရှင်က ကတိပေးခဲ့ပြီး ၊ အလုပ်စာချုပ်အသစ်ထပ်မံချုပ်ဆိုခဲ့ကြသည်ဟုဆိုပါသည် ။
သို့ရာတွင် အလုပ်စာချုပ်သစ်ချုပ်ဆိုပြီးချိန်၌မူ ၊ မူလ ပင်ပမ်းသည့်နေရာတွင်သာ ထပ်မံနေရာချထား သည်ဟုဆိုသည် ။ ကိုကိုမြန်မာလုပ်သားအနေဖြင့် မူလနေရာတွင် လုပ်ရမည်ဆိုက ၊ မလုပ်နိုင်ကြောင်း အလုပ်ပြောင်းမည်ဖြစ်ကြောင်း အလုပ်ရှင်သို့ တင်ပြရာ ၊ စာချုပ်အသစ်ချုပ်ဆိုထားပြီး ဖြစ်သဖြင့် ပြောင်းခွင့် မပေးနိုင်ကြောင်း ၊ စာချုပ်တွင် သက်သာသည့်နေရာတွင်သာခိုင်းပါမည်ဟုမပါရှိကြောင်း ၊ ဤအလုပ်ရုံတွင် အလုပ်ဆက်လုပ်မည်ဆိုက မည်သည့်နေရာတွင်မဆိုလုပ်နိုင်ရမည်ဖြစ်ကြောင်း ၊ ပြောင်းလိုပါက ၁နှစ်ပြည့်လျင်ပြောင်းခွင့်ပြုမည်ဖြစ်ကြောင်း ၊ ယခု အလုပ်ရုံတွင် ဆက်မလုပ်နိုင်ပါက မြန်မာနိုင်ငံသို့ပြန်ပို့မည် ဖြစ်ကြောင်းပြန်ပို့ရန် ပြင်ဆင်မှုများပြုလုပ်နေရာ မှ ၊ အနေကြာ မြန်မာတစ်ဦးနှင့် ဆက်သွယ်ပြီး ဖြန်ဖြေညှိနိုင်းလိုက်မှ ပြေလည်မှုရရှိသွားကြောင်း သိရသည် ။
လုပ်ငန်းရှင်များပေးသော နှုတ်ကတိသည် တရားမဝင်ကြောင်း ၊ နှုတ်ကတိကို တရားဝင်ဖြစ်စေလိုပါက လုပ်ငန်းရှင်ပေးသော ကတိကို အလုပ်စာချုပ်တွင် စာဖြင့်ရေးသားပြီး တရားဝင် ဖော်ပြထားဖို့ လိုအပ်မည်ဖြစ်ကြောင်း ဥပဒေတတ်သိနားလည်သူများက အကြံပေး ပြောဆိုမှုများရှိနေကြောင်း သိရသည် ။




အယ်ဒီတာ့မှတ်ချက် ။ အထက်ပါပြဿနာကို ဖြေရှင်းပေးလိုက်သူမှာ ဓမ္မဒူတ(ကိုရီးယား) အကျိုးတော်ဆောင် တစ်ဦးဖြစ်ပြီး ၊ သတင်းအသေးစိတ် သိရှိလိုသူများ 010-4991-0434 ထံ ဆက်သွယ်မေးမြန်းနိုင်ပါသည် ။

ဒုတိယအယ်ဒီတာချုပ်မှတ်ချက် ။ အယ်ဒီတာ့မှတ်ချက်ရေးသူမှာ ဟန်ဂုရွာသူကြီးနှင့် ပတ်သက်ခြင်းမရှိပါ ။ ဤ သတင်းမှာ ဝါဒဖြန့်နေခြင်းလည်း မဟုတ်သလို ၊ ရှောက်သီးဆေးပြားရောင်းနေခြင်းလည်းမဟုတ်ပါ ။ ဟန်းဂုရွာဧည့်သည်တော်များ နှင့် ဘဝသူ အလုပ်သမားစစ်စစ်တို့ ဆောင်နိုင်ရှောင်နိုင်ကြရန် စေတနာဖြင့်တင်ပြပေးနေခြင်းဖြစ်ပါသည် ။ မသက်ဆိုင်သူများ မဖတ်ဘဲ ကျော်သွားခွင့်ရှိပါသည် ။ ဝေဖန်ခြင်းလေကန်ခြင်းဖြင့် စာရေးသူများ စိတ်အနှောက်အယှက်ဖြစ်အောင် ကြိုးစားနေမည့်အစား ၊ စီပုံးတွင် အမည်ဝှက်ဖြင့် သူရဲဘောကြောင်စွာ တောအော်တောင်အော် လေဖြင့်အလုပ်လုပ်နေကြမည့်အစား ၊ မိမိကိုယ်တိုင် မြန်မာအလုပ်သမားများအတွက် အကျိုးဖြစ်ဖွယ်ရာ လုပ်ပေးနိုင်တာ တစ်ခုခု လက်တွေ့ လုပ်ပေးနိုင်လျင် ကောင်းပါလိမ့်မည် ။ ငဝိုင်းရေးသား တင်ပြနေမှုများအပေါ် မိမိတို့ စိတ်ဖြင့် တိုက်ဆိုင်မှုမရှိသဖြင့် အပြုသဘောဝေဖန်လိုပါက လူကိုယ်တိုင်တွေ့ဆုံခြင်းဖြင့်ဖြစ်စေ ၊ 010-2331-2457 သို့မဟုတ် wyne1969@gmail.com သို့ဖြစ်စေ ဆက်သွယ် အကြံပြုနိုင်ကြပါသည် ။