သင်တန်းသားအဖြစ်ဝင်ရောက်လာခြင်းဖြစ်သော်လည်း ရီဖျူဂျီ လျှောက်ထားခြင်းကို ခွင့်ပြုသည်

ကိုရီးယားနိုင်ငံအတွင်းသို့ အလုပ်ခွင်သင်တန်းသားအဖြစ် ဝင်ရောက်လာပြီးနောက် ၊ မိခင်နိုင်ငံ၏ နိုင်ငံရေးနှင့် ပတ်သက်၍ အစိုးရဆန့်ကျင်ရေးလုပ်ငန်းများ စတင်လုပ်ဆောင်ခြင်းဖြစ်သည် ဆိုသော်လည်း ရီဖျူဂျီ (Refugee) အဖြစ် အသိအမှတ်ပြုရမည်ဟု လွန်ခဲ့သော နိုဝင်္ဘာ ၂ ရက်နေ့က တရားရုံး စီရင်ချက် ထွက်လာပါသည် ။

ဆောအူးလ် အဆင့်မြင့်တရားရုံး (High Court of Seoul) သည် မြန်မာ့ ဒီမိုကရေစီအရေး ဆောင်ရွက်နေသည့် ဘောမားဟဲင်းတုံ-င် (မြန်မာ့အရေးလှုပ်ရှားမှု) အဖွဲ့ဝင် မစ္စတာအေနှင့် အပေါင်းပါ ၈ ဦးတို့က ရီဖျူဂျီများအဖြစ် အသိအမှတ်ပြုပေးပါရန် တရားရေးဝန်ကြီးဌာနအား တရားပြိုင်ပြုလျက် လျှောက်ထားလာသည်တွင် ပထမအဆင့် (အောက်ရုံး) ဆုံးဖြတ်ချက်အား ပယ်ဖျက်၍ ရီဖျူဂျီအဖြစ်လျှောက်ထားခြင်းကို လက်ခံပေးရမည်ဟု ဆုံးဖြတ်ခဲ့ခြင်းဖြစ်သည် ။
အဆင့်မြင့် တရားရုံးက ၊ ၄င်းတို့သည် စီးပွါးရေးရည်ရွယ်ချက်ဖြင့် ပြည်ဝင်လာပြီး ရီဖျူဂျီ လျှောက်ထားချိန် အထိ နိုင်ငံရေးလှုပ်ရှားမှုများကို ဆောင်ရွက်ခြင်းမပြုခဲ့သော်လည်း ၊ ၄င်းနောက် ၄ နှစ်တိုင်တိုင် အစိုးရဆန့်ကျင်ရေးလှုပ်ရှားမှုများကို ကြိုးကြိုးစားစား ဆောင်ရွက်ခဲ့ပြီး ၊ နှုတ်ဖြင့် ဆန့်ကျင် ဆန္ဒပြခြင်းသည် အရှိန်အဟုန် မြင့်မားလျက် ကာလရှည်ကြာစွာ ဆက်တိုက် ဆောင်ရွက်လာသည့် အဖြစ်မှန်ကို ငြင်းပယ်မျက်ကွယ်ပြုရန်မှာ ခက်ခဲပါသည်ဟု ဖော်ပြထားသည် ။

မူလတရားရုံး (အောက်တရားရုံး) အနေဖြင့် ၄င်းတို့သည် တရားမဝင်နေထိုင်သူများအဖြစ် မိခင်နိုင်ငံသို့ ပြန်ပို့ခံရမည်ဆိုပါက ကိုရီးယားနိုင်ငံတွင် စီးပွါးရှာခွင့်မရှိသဖြင့် ရီဖျူဂျီ လျှောက်ထားခြင်း ဖြစ်သည်ဟု ယူဆပြီး မူလလျှောက်ထားခြင်းအား အရှုံးပေးဆုံးဖြတ်ခဲ့ပါသည် ။

တောင်ကိုရီးယားအစိုးရအနေဖြင့် ရီဖျူဂျီလျှောက်ထားသူများအား စီစစ်လက်ခံရာတွင် လျှောက်ထားသူသည် ၊ ၁၉၅၁ခုနှစ် ရီဖျူဂျီများ အဆင့်အတန်း သတ်မှတ်ခြင်းဆိုင်ရာ သဘောတူညီချက် (The 1951 Convention Relating to the Status of Refugees) ပါ ပြဋ္ဌာန်းချက်များ အတိုင်း ဘောင်ဝင်ခြင်းရှိမရှိ ၊ လျှောက်ထားသူသည် မိခင်နိုင်ငံသို့ ပြန်လည်ရောက်ရှိသွားလျင် ၄င်းသည် လက်ရှိ အစိုးရ၏ ညှင်းပမ်း နှိပ်စက်ခြင်းကို ခံရဖွယ် အကြောင်း ရှိမရှိ စသည်တို့ကို ဦးတည်၍ စီစစ်ရမည်ဖြစ်သော်လည်း ၊ အထက်တွင် ဖော်ပြထားသကဲ့သို့ “မိခင်နိုင်ငံသို့ ပြန်ပို့ခံရမည်ဆိုပါက ကိုရီးယားနိုင်ငံတွင် စီးပွါးရှာခွင့်မရှိသဖြင့် ရီဖျူဂျီ လျှောက်ထားခြင်း ဖြစ်သည်ဟု ယူဆသည်” ဆိုသလိုမျိုး လမ်းလွှဲ စိစစ်မှု နှင့် အထောက်အထားမဲ့ ထင်ရာမြင်ရာ သုံးသပ်မှုများ ရှိနေသဖြင့် ရီဖျူဂျီများစီစစ်ရာတွင် မလိုအပ်ဘဲ အချိန်များ ညာညောင်းနေကြောင်း ၊ ရီဖျူဂျီများစီစစ်ရေးအဖွဲ့တွင် ဥပဒေ နားလည်တတ်ကျွမ်းသူများ သို့မဟုတ် ရှေ့နေများ ပါဝင် ဖွဲ့စည်းသင့်သည်ဟု ဝေဖန်သုံးသပ်မှုများလည်း ထွက်ပေါ်နေပါသည် ။

မစ္စတာအေ နှင့် အပေါင်းပါများသည် လွန်ခဲ့သော ၁၉၉၄ ခုနှစ်နောက်ပိုင်း တွင် ကိုရီးယားနိုင်ငံသို့ အလုပ်ခွင် သင်တန်းသားများအဖြစ် အသီးသီးရောက်ရှိလာကြသူများဖြစ်ပြီး ၊ ၂၀၀၄ ခုနှစ်တွင် ဘောမားဟဲင်းတုံ-င် (မြန်မာ့အရေးလှုပ်ရှားမှု) ကိုဖွဲ့စည်းကာ မြန်မာပြည် ဒီမိုကရေစီအရေးကို ဆောင်ရွက်နေကြောင်း သိရသည် ။

ရီဖျူဂျီကိစ္စများကို ကိုင်တွယ်နေသည့် ကိုရီးယားတရားရေးဝန်ကြီးဌာနအနေဖြင့် အဆိုပါ ဆောအူးလ် အဆင့်မြင့်တရားရုံး (High Court of Seoul) ၏ ဆုံးဖြတ်ချက် (Verdict) ကို မကျေနပ်ပါက ၊ အဆိုပါ စီရင်ချက် (Judgment) အား လက်ခံရရှိပြီး ၁၄ ရက်အတွင်း တရားရုံးချုပ် (Supreme Court) သို့ အယူခံတက်ခွင့်ရှိကြောင်း ၊ အယူခံဝင်ဦးမည်ဆိုပါက လျှောက်ထားသူများအနေဖြင့် တရားရုံးချုပ်တွင် အမှုရင်ဆိုင်ကြရဦးမည်ဖြစ်ကြောင်း ၊ တရားရေးဝန်ကြီးဌာနအနေဖြင့် အယူခံမဝင်တော့ပါက တရားရုံးချုပ်သည် ဆောအူးလ် အဆင့်မြင့်တရားရုံး၏ စီရင်ချက်ကို အတည်ပြုပြီး ၊ သက်ဆိုင်သူများ အနေဖြင့် ရီဖျူ၈ျီ အဖြစ် အသိအမှတ်ပြုခံရမည် ဖြစ်ကြောင်း သိရသည် ။

ကိုရီးယားနိုင်ငံတွင် ရီဖျူဂျီအဖြစ် အသိအမှတ်ပြုခံရသူများသည် အခြေချ နေထိုင်သူဗီဇာ (F-2: Resident Visa) ရရှိမည်ဖြစ်ပြီး ၊ ၄င်းဗီဇာ အမျိုးအစားဖြင့် ၃ နှစ်နေထိုင်ပြီး ၊ ပြစ်မှုကင်းရှင်းပါက ကိုရီးယားနိုင်ငံသားအဖြစ် လျှောက်ထားခွင့်ရှိကြောင်း ၊ သို့ရာတွင် မြန်မာ့အရေးလှုပ်ရှားသူများ အနက် ၄င်းဗီဇာ အမျိုးအစားဖြင့် ၃ နှစ်ကျော်နေထိုင်လာသူ အများအပြားရှိသော်လည်း ကိုရီးယားနိုင်ငံသားအဖြစ် ပြောင်းလဲလျှောက်ထားသူ လုံးဝမရှိကြောင်း သိရသည် ။