ရွှေ့ပြောင်းသူများကို လူလိုသူလို အသိအမှတ်ပြုဖို့အရေး………

အပြည်ပြည်ဆိုင်ရာ ရွှေ့ပြောင်းအလုပ်သမားများ
ရွှေ့ပြောင်းအလုပ်သမားဆိုတာကို ကမ္ဘာ့ဒေသအသီးသီးမှာ အဓိပ္ပါယ်အမျိုးမျိုးဖွင့်ခဲ့ကြပေမယ့် ၊ ကမ္ဘာ့ကုလသမဂ္ဂကြီး ကတော့ မိခင်နိုင်ငံရဲ့ ပြင်ပမှာ အလုပ်လုပ်နေကြတဲ့သူမည်သူမဆို (any people working outside of their home country) ကို ရွှေ့ပြောင်းအလုပ်သမားရယ်လို့ အဓိပ္ပါယ်ဖွင့်ခဲ့ပါတယ် ။ အဲသည် စကားရပ်မှာ မိခင်နိုင်ငံအတွင်း တစ်နေရာမှ တစ်နေရာသို့ ပြောင်းရွှေ့အလုပ်လုပ်နေကြတဲ့ ရာသီချိန်အလုပ်သမားများ (someone who migrates within a country, possibly their own, in order to pursue work such as seasonal work) လည်း ပါဝင် သတဲ့ခင်ဗျ ။

ကမ္ဘာ့လူသားအားလုံးရဲ့ အပုံ ၅၀ မှာ ၁ ပုံက ကျုပ်တို့အမျိုးဗျ……
ရွှေ့ပြောင်းအလုပ်သမားများဟာ အကြောင်းအမျိုးမျိုးကြောင့် မိခင်နိုင်ငံမှာ ကိုယ့်ရဲ့မိသားစု စားဝတ်နေရေးကို ပြေလည်အောင် မဖြည့်ဆည်းပေးနိုင်ကြတော့ မိသားစု စားဝတ်နေရေး ပြေလည်မှုရရှိဖို့ ရေကြည်ရာ မြက်နုရာ ဆိုသလို အလုပ်အကိုင်ပေါ်ထွန်းရာ ဒေသ/နိုင်ငံများသို့ ထွက်ပြီး အလုပ်လုပ်နေကြရပါတယ် ။ ကိုယ့်ရဲ့ မိသားစု အသိုက်အမြုံကို စွန့်လွတ်ပြီး ထွက်လာကြရတာပါ ။ ၂၀၀၀ ပြည့်နှစ် ကုလသမဂ္ဂလူဦးရေစာရင်းအရ ၊ ယခုအခါ ကမ္ဘာတစ်လွှားမှာ ကျနော်တို့လို မိသားစု စားဝတ်နေရေး ဖြည့်ဆည်းနိုင်ရေးအတွက် ဝမ်းစာရှာထွက်နေကြတဲ့ ရွှေ့ပြောင်း အလုပ်သမားပေါင်း (၁၇၅) သန်း ရှိသတဲ့ (ခုဆို အများကြီးကျော်နေရော့ပေါ့ခင်ဗျာ) ။ တစ်နည်းအားဖြင့် ကမ္ဘာပေါ်မှာ လူသား ၃၅ ဦးလျင် တစ်ဦးဟာ ရွှေ့ပြောင်းအလုပ်သမားဖြစ်နေတဲ့ သဘောပါပဲ ။
ကမ္ဘာပတ်ပြီးပြေးနေတဲ့ ရွှေ့ပြောင်းသူများ ပြဿနာ
ဈေးကွက်စီးပွါးရေးရဲ့ သဘောတရားအရ လုပ်ငန်းရှင် ငွေရှင်ကြေးရှင်တွေဟာ အာဏာရှင်တွေ ၊ သက်ဆိုင်ရာ အစိုးရတွေနှင့်ပေါင်းပြီး အမြတ်များများကျန်ဖို့ လုပ်အားခဈေးပေါပေါရနိုင်တဲ့ နေရာတွေဆီ လှည့်လည် မြှုပ်နှံရင်းနှီးပြီး အမြတ်ထုတ်ကြပါတယ် ။ သည်လိုနှင့် ကမ္ဘာ့စီးပွါးရေးဈေးကွက်ဟာ ကမ္ဘာလှည့်နေသလို ကမ္ဘာ့အလုပ်သမား ဈေးကွက်ကြီးကလည်း ကမ္ဘာပတ်နေရပါတော့တယ် ။ (အခြားအကြောင်းအချက်တွေလည်း ရှိသပေါ့ခင်ဗျာ) ဒီလိုနှင့် ကမ္ဘာ့ရွှေ့ပြောင်းသူများ နှင့် ရွှေ့ပြောင်းသူများ ပြဿနာဟာလည်း ကမ္ဘာပတ်နေရပါတော့တယ် ။ ဒီသံသယာဟာ ဘယ်တော့မှ ဆုံးမှာ မဟုတ်ပါဘူး ။ နောက် ဒီပြဿနာဟာ သေးတဲ့ပြဿနာမဟုတ်ပါဘူး ။ နိုင်ငံတကာပြဿနာပါ ။ ဒီပြဿနာကို ဖြေရှင်းနိုင်ဖို့ဆိုလျင် ၊ နိုင်ငံတကာ ဘယ်နိုင်ငံ ဘယ်ဒေသမှာမဆို အလုပ်သမားများကို တရားလွန် မတရား ခေါင်းပုံဖြတ်ခြင်း ကင်းဝေးဖို့ လိုပါလိမ့်မယ် ။ အဲသလို ဖြစ်လာစေဖို့ဆိုလျင် နိုင်ငံတကာအစိုးရများက ကမ္ဘာ့အလုပ်သမားအားလုံးကို သာတူညီမျှသော အခွင့်အရေးတွေကို ကာကွယ်ပြဋ္ဌာန်းပေးဖို့ လိုမှာဖြစ်တယ် ။

အပြည်ပြည်ဆိုင်ရာ ရွှေ့ပြောင်းသူများကို ကာကွယ်ပေးထားကြသတဲ့……
ဒီတော့ အဲသလို ပြဋ္ဌာန်းချက်များပေါ်ပေါက်လာဖို့ ကြိုးစားလာခဲ့ကြရာမှာ ၊ ၁၉၉၀ ပြည့်နှစ် ဒီဇင်္ဘာလ ၁၈ ရက်နေ့မှာ ကုလသမဂ္ဂ အထွေထွေညီလာခံကြီးရဲ့ ဆုံးဖြတ်ချက်အမှတ် ၄၅/၁၅၈ အရ ၊ အားလုံးသော ရွှေ့ပြောင်း အလုပ်သမားများ နှင့် ၄င်းတို့၏ မိသားစုဝင်များ၏ အခွင့်အရေးများ အကာအကွယ်ပေးရေးဆိုင်ရာ နိုင်ငံတကာ သဘောတူညီချက် (International Convention on the Protection of the Rights of All Migrant Workers and Members of Their Families) ကို သဘောတူ ပြဋ္ဌာန်းနိုင်ခဲ့ကြပါတယ် ။
ကုလသမဂ္ဂကြီးက အဲသလို အရေးတယူ ပြဋ္ဌာန်းပေးခဲ့ပေမယ့် အမေရိကန်တို့လို မဟာအင်အားကြီး (Hyper Power, Super Power) နိုင်ငံတွေက ဦးစီးဦးဆောင်ပြီး လုပ်တဲ့ ကိစ္စမဟုတ်လေတော့ ၊ မဟာအင်အားကြီးတို့ အကျိုးစီးပွါး ကိုသာ ကာကွယ် စောင့်ရှောက်နေတဲ့ မဟာအင်အားကြီးသူတို့က ပိုင်တဲ့ မဟာအင်အားကြီး မီဒီယာတွေမှာ အရေးပေးဖော်ပြခြင်းမခံရသလို ၊ ဒီပြဋ္ဌာန်းချက်ကို သိသူလည်း မရှိသလောက်ဖြစ်ခဲ့ပါတယ် ။ စာရွက်ပေါ်မှာသာ ရှိတဲ့ ပြဋ္ဌာန်းချက်အဖြစ် ဆယ်စုနှစ် တစ်ခုနီးပါးရှိနေခဲ့တာပါ ။

အပြည်ပြည်ဆိုင်ရာ ရွှေ့ပြောင်းသူများနေ့
သို့ပေမယ့် ရွှေ့ပြောင်းအလုပ်သမားများ၏ အခွင့်အရေးဆိုင်ရာ အပြည်ပြည်ဆိုင်ရာ သဘောတူညီချက်ကို အသိအမှတ်ပြုရေး(Ratification of the International Convention on Migrants' Rights) အတွက် ကမ္ဘာလုံးဆိုင်ရာ လှုပ်ရှားမှု ဆင်နွဲရေး ကြိုးကိုင်ကော်မီတီ(the Steering Committee for the Global Campaign)နှင့် လူထုအခြေပြုအစည်းအရုံးများ ၊ ရွှေ့ပြောင်းသူများ အကျိုးကို လိုလားသူများနှင့် လူကို လူလို သဘောထား တတ်သူများက ဝိုင်းဝန်ကြိုးစားခဲ့ကြလို့ နှစ်စဉ် ဒီဇင်္ဘာလ ၁၈ ရက်နေ့ကို အပြည်ပြည်ဆိုင်ရာ ရွှေ့ပြောင်းသူများနေ့ (International Migrants Day) အဖြစ် ကုလသမဂ္ဂ အထွေထွေ ညီလာခံကြီးက ဆုံးဖြတ်ချက်အမှတ် (၅၅/၉၃)ဖြင့် ၂၀၀၀ပြည့်နှစ် ဒီဇင်္ဘာ၎ ရက်နေ့မှာ သတ်မှတ် ပေးခဲ့ရပါတယ် ။ ဒီနှစ်ဆို ၁၀ နှစ်ပြည့်ခဲ့ပါပြီ ။

ကိုရီးယားအစိုးရကလည်း နှာစေးနေတုန်းဗျ……
အခုအခါမှာ အဲဒီပြဋ္ဌာန်းစာချုပ်ကို နိုင်ငံပေါင်း(၃၂) နိုင်ငံက သဘောတူညီ လက်မှတ်ထိုးပြီးကြပါပြီ ။ ကုလသမဂ္ဂ အဖွဲ့ဝင် နိုင်ငံ( ၁၇၀) ခန့်တော့ ခုထိ သဘောတူညီချက် မပေးနိုင်ကြသေးပါဘူး။ ကိုရီးယားအစိုးရကလည်း ဒီစာချုပ်ကို သဘောတူညီချက် (Ratification) မပေးသေးပါဘူး ။ အဓိပ္ပါယ်ကတော့ ကိုရီးယားအစိုးရဟာ ရွှေ့ပြောင်းသူများနှင့် သူတို့ရဲ့မိသားစုများရဲ့ အခွင့်အရေးကို ကာကွယ်ပေးလိုခြင်း မရှိသေးဘူး ။ ခေါင်းပုံဖြတ်လို့ရသလောက် ခေါင်းပုံဖြတ်ဦးမယ် ။ ဒေသခံ ကိုရီးယားအလုပ်သမားများနှင့် တန်းတူရည်တူ သဘောမထားနိုင်သေးဘူး ။ နိုင်ငံတကာက အသိအမှတ်ပြုထားတဲ့ အခြေခံ အလုပ်သမား အခွင့်အရေး ၃ ရပ်ဆိုတာ ရွှေ့ပြောင်းသူများအတွက် မဟုတ်ဘူး ၊ ကျန်းမာရေးအာမခံဆိုတာ ရက်လွန် နိုင်ငံခြားသား အလုပ်သမားတွေ နှင့် လားလားမျှ မဆိုင်ဘူး ၊ ရွှေ့ပြောင်းအလုပ်သမားတွေ ငါတို့နိုင်ငံ သူဌေးတွေခိုင်းတာလုပ် ပေးတာယူ ၊ လစာမပေးလည်း သည်အတိုင်း သည်းခံနေကြဦး ဆိုတဲ့ သဘောပါပဲ ။

ဥစ္စာရင်လို ဥစ္စာရင်ခဲ………
ကုလသမဂ္ဂကြီးက ပြဋ္ဌာန်း ကာကွယ် ပေးထားတဲ့ ရွှေ့ပြောင်းသူများရဲ့ အခွင့်အရေးကို ဒေဝူး ၊ ဆမ်ဆောင်း ၊ အယ်လ်ဂျီ ၊ ဟွန်ဒိုင်း စတဲ့ သူဌေးကြီးတွေက “ဟေ့ ရွှေ့ပြောင်းအလုပ်သမားကလေးတွေ ကုလသမဂ္ဂကြီးက မင်းတို့ကို ဒီလို အခွင့်အရေးတွေ ပေးရမယ်လို့ ဆိုထားတယ် ၊ ကဲ ကဲ မင်းတို့ အားလုံးယူကြပေတော့” ဆိုပြီး လုပ်ပေးမှာ မဟုတ်သလို ၊ “လူနေအဆောက်အဦး ၃ လုံးနှင့် အထက် ပိုင်ဆိုင်တဲ့ သူဌေးမင်းများကို အခွန်ကင်းလွတ်ခွင့်ပြုတဲ့ အိမ်ခြံမြေဆိုင်ရာ အထူးဥပဒေ ပြဋ္ဌာန်းပေးပြီး ကိုရီးယား သူဌေးမင်းများရဲ့ နှလုံးသားကို အမိအရ ဖမ်းယူထားနိုင်ခဲ့တဲ့” သမ္မတ လီမြောင်ဘတ်ကြီးကလည်း ရွှေ့ပြောင်း အလုပ်သမားများအခွင့်အရေး လွယ်လွယ်နဲ့ပေးလိမ့်မယ်လို့ မျှော်လင့်၍ ရမည်မဟုတ်ပါ ။ ဥစ္စာရင်လို ဥစ္စာရင်ခဲဆိုသလို ရွှေ့ပြောင်းအလုပ်သမားတိုင်းက မိမိတို့ အခွင့်အရေးကို ကိုရီးယား အစိုးရက အသိအမှတ်ပြုလာရေးအတွက် အပတ်တကုတ် ကြိုးစားရယူကြရပါလိမ့်မယ် ။

လူသားတစ်ယောက်ရဲ့ အခြေခံအကျဆုံးသော အာသီသတစ်ခုမျှသာ……
ကုလသမဂ္ဂကြီးက ပြဋ္ဌာန်း ကာကွယ် ပေးထားတဲ့ ရွှေ့ပြောင်းသူများရဲ့ အခွင့်အရေးကို အသိအမှတ်ပြုဖို့ တောင်းဆိုရခြင်းဟာ ၊ သာမန် ရွှေ့ပြောင်း အလုပ်သမားတစ်ယောက် အဖို့ မဟာသူဌေးကြီးတွေလို အလျှံပယ် သုံးဖြုန်း နေထိုင် စားသောက်ခွင့်ပေးဖို့ လက်ဖြန့်တောင်းဆိုနေခြင်း မဟုတ်ပါဘူး ။ လူသားတစ်ယောက် ပိုင်ဆိုင်သင့်တဲ့ လူ့ဂုဏ်သိက္ခာနှင့် အညီ လူချင်းတူတူ သူချင်းမျှမျှ အသက်မွေး ဝမ်းကျောင်းနေထိုင်ဖို့ အခွင့်အရေးလေးကို အသိအမှတ်ပြုပေးဖို့ တောင်းဆိုနေခြင်းသာ ဖြစ်ပါတယ် ။ လူသားတစ်ယောက်ရဲ့ တန်းတူညီမျှမှု အခွင့်အရေးကို ရချင်တယ်ဆိုတဲ့ အာသီသဟာ လူသားပီသတဲ့ လူသားတစ်ယောက်အဖို့ အခြေခံအကျဆုံးသော လိုအင်ဆန္ဒ ဖြစ်ပါတယ် ။ ကျနော်တို့ဟာ ကျနော်တို့ အားလုံး အတူတကွ ပိုင်ဆိုင်ကြတဲ့ ဒီကမ္ဘာမြေရဲ့ ဘယ်နေရာ ဘယ်ဒေသ ဘယ်အစိတ်အပိုင်းသို့ ရောက်နေရောက်နေ လူတစ်ယောက်ဟာ လူတစ်ယောက်လို နေထိုင်ခွင့် ရသင့်တယ် မဟုတ်ပါလားခင်ဗျာ ။

ရွှေ့ပြောင်းသူမှန်ရင် ထွက်ခဲ့ဟေ့……
ဒီတော့ ၊ ကုလသမဂ္ဂကြီးက ပြဋ္ဌာန်း ကာကွယ် ပေးထားတဲ့ ရွှေ့ပြောင်းသူများရဲ့ အခွင့်အရေးကို ကိုရီးယားအစိုးရက အသိအမှတ်ပြုဖို့ ၊ ဒီကိစ္စကို ကိုရီးယားပြည်သူများ ကျယ်ကျယ်ပြန့်ပြန့်သိရှိလာစေဖို့ ၊ ကျနော်တို့ ပြောကြဆိုကြ တိုက်တွန်းကြမယ် ။
မကြာခင်မှာ ၂၀၁၀ အပြည်ပြည်ဆိုင်ရာ ရွှေ့ပြောင်းသူများနေ့ လူထုစုဝေးပွဲ(2010 International Migrants Day Assembly) ကို ကိုရီးယားနိုင်ငံမှာ ကျင်းပပါလိမ့်မယ် ။ ရွှေ့ပြောင်းသူမှန်ရင် အဲဒီ အခမ်းအနား တက်ရောက်ပြီး အင်အားပြဖို့ လိုလိမ့်မယ်လို့ ထင်ပါတယ် ။
ဒီကိစ္စဟာ ကိုရီးယားအစိုးရကို ဆန့်ကျင်တဲ့ လုပ်ရပ် မဟုတ်သလို ၊ ဘယ်နိုင်ငံ ဘယ်အစိုးရကိုမျှ တော်လှန်တာ လည်း မဟုတ်ဘူး ။ နိုင်ငံတစ်နိုင်ငံရဲ့ အရေးကိစ္စကို ဝင်စွက်နေတာလည်း မဟုတ်ဘူး ။ ရွှေ့ပြောင်းသူများအားလုံးနှင့်ဆိုင်တဲ့ အရေးကိစ္စကို ရိုးရှင်းစွာ ဆောင်ရွက်ခြင်းသာ ဖြစ်တယ် ။
ဒါကြောင့် ဒီအခမ်းအနားသို့ တက်ရောက်ကြဖို့နှင့် မိမိတို့အရေး မိမိတို့ကိုယ်တိုင် လိုလိုလားလား ဆောင်ရွက်ကြဖို့ ကိုရီးယားနိုင်ငံရောက် မြန်မာရွှေ့ပြောင်းသူများအားလုံးကို လှိုက်လှဲစွာ တိုက်တွန်း အပ်ပါတယ် ။

လေးစားမှုဖြင့်-
ကိုဝိုင်း(မိုးညှင်း)