ရေးသားသူ — မြန်မာအသင်း(ကိုရီးယား)
မြန်မာအသင်း(ကိုရီးယား)မှ ကြီးမှူး ကျင်းပသည့် ပထမအကြိမ် ကွင်းဖွင့်ဖလား ဘော်လုံးပြိုင်ပွဲကို မေလ ၁၃ရက်နေ့က အောင်မြင်စွာကျင်းပပြီးစီးခဲ့ပါသည်။ကွင်းဖွင့်ဖလား ဘော်လုံးပြိုင်ပွဲကို မြန်မာအသင်း(ကိုရီးယား) ရုံးခန်း တည်ရှိရာ အဆောက်အအုံ အနီးရှိ ရှီမ်ဝေါ်န် အလယ်တန်းကျောင်း(심원중학교) ဘော်လုံးကွင်း၌ နံနက် ၁၁နာရီတွင် ဖွင့်ပွဲ အခမ်းအနား ကျင်းပခဲ့ပါသည်။ ထိုအခမ်းအနားတွင် မြန်မာအသင်း(ကိုရီးယား) ဥက္ကဋ္ဌဦးခင်မောင်ရင်မှ နှုတ်ခွန်းဆက်စကား ပြောကြားပြီးအားကစားရေးရာမှူးကိုခင်မောင်ဝင်းမှ ဘော်လုံးပြိုင်ပွဲ စည်းမျဉ်း စည်းကမ်းများကို ရှင်းလင်း ပြောပြပြီး ဖွင့်လှစ်ခဲ့ပါသည်။
ဘော်လုံးအသင်းပေါင်း ၁၁သင်း ပါဝင် ယှဉ်ပြိုင်ခဲ့ကြပြီး ဘော်လုံးပြိုင်ပွဲတွင် ပထမအဆင့် အုပ်စုပတ်လည် ၊ ဒုတိယအဆင့်မှ စတင်၍ ရှုံးထွက် ပုံစံဖြင့် ကျင်းပခဲ့ပါသည်။ နောက်ဆုံး ဗိုလ်လုပွဲတွင် ချင်းလူမှုရေးအသင်း ဘော်လုံးအဖွဲ့နှင့် အန်ဆန်းရှီဟွာ ဘော်လုံးအသင်းတို့ ယှဉ်ပြိုင် ကစားခဲ့ရာ ချင်းလူမှုရေးအသင်း ဘော်လုံးအဖွဲ့မှ ၃ဂိုး ၁ဂိုးဖြင့် အနိုင်ရ ဗိုလ်စွဲကာ ကွင့်ဖွင့်ဖလားအား ဆွတ်ခူး ရရှိသွားပါသည်။ ထိုပြိုင်ပွဲမှ လာမည့် ဇွန်လ ၃ရက်နေ့တွင် ကျင်းပမည့် နိုင်ငံတကာ ဘော်လုံးပြိုင်ပွဲအား ၀င်ရောက် ယှဉ်ပြိုင်နိုင်ရန် မြန်မာ့လက်ရွေးစဉ် ဘော်လုံးသမားများကိုလည်း ရွေးချယ်ခဲ့ပါသည်။
(ဓါတ်ပုံအား Richard Van ၏ Facebook မှ ကူးယူ ဖော်ပြပါသည်။)
ပါဝင်ယှဉ်ပြိုင်ခဲ့သည့် အသင်းများနှင့် အားပေးကြသည့် ပရိတ်သတ်များ စနစ်တကျ စည်ကမ်းရှိစွာ ယှဉ်ပြိုင်ခဲ့ကြသည့် အတွက် မြန်မာအသင်း(ကိုရီးယား)မှ အထူးပင် ကျေးဇူးတင်ရှိပါသည်။ ယခုနှစ်တွင် ယှဉ်ပြိုင်ခဲ့ကြသည့် ဘော်လုံးအသင်းများ၏ ကစားပုံ နည်းလမ်းနှင့် အရည်အသွေးများ ပိုမို မြင့်မားလာသည်ကို မြင်တွေ့ရသည့် အတွက်လည်း မြန်မာအသင်း(ကိုရီးယား)မှ ဂုဏ်ယူ ၀မ်းမြောက်မိပါသည်။
မြန်မာအသင်း(ကိုရီးယား)မှ နှစ်စဉ် ဥက္ကဋ္ဌ ဖလား ဘော်လုံးပြိုင်ပွဲ ကိုသာ ကျင်းပခဲ့ရာ ယခုနှစ်မှ စတင်ကာ ၂ကြိမ် ကျင်းပမည် ဖြစ်ပါသည်။ ဥက္ကဋ္ဌ ဖလား ဘော်လုံးပြိုင်ပွဲကို လာမည့် သြဂုတ်လတွင်ကျင်းပမည် ဖြစ်ပါသည်။ကိုရီးယားနိုင်ငံရောက် ဘော်လုံးဝါသနာရှင်များနှင့် ဘော်လုံးအသင်းများ အနေဖြင့် ဆက်လက်၍ အားပေး ပူးပေါင်း ပါဝင်ကြရန် တိုက်တွန်း ဖိတ်ခေါ်အပ်ပါသည်။
No comments:
Post a Comment