ရန်ကုန်

ဘယ်လောက်သစ်လွင်တဲ့ အ၀တ်ပဲဖြစ်ဖြစ်
ဆီသည်မလက်သုတ်လိုက်ရင်
ချက်ခြင်းညစ်စုတ်သွားသလို
တချိန်ကခမ်းနားခဲ့တဲ့ ရန်ကုန်ဟာ
ရာစုနှစ်တစ်ဝက်မကျိုးခင် ချဉ်စုပ်ပုပ်သိုးနေပြီ။

ရန်ကုန်ဆိုတာ
အပေါ်ကစီးမိုးကြည့်တော့လည်း
သံချေးအထပ်ထပ်နဲ့
အောက်ကမော့ကြည့်ပြန်တော့လည်း
ချွေးတလုံးလုံးနဲ့
ဘယ်ပါးစပ်ပဲဖြဲကြည့်ဖြဲကြည့်
ငွေသံကြေးသံပဲထွက်ထွက်ကျလို့
ရန်ကုန်ဟာ
အိပ်ယာထဲထိအောင်ညှီစို့စို့အနံ့ရတယ်။

ရန်ကုန်ဆိုတာ
ဘယ်အရပ်ကိုပဲစီးဆင်းစီးဆင်း
လူနံ့နဲ့မွှန်ထူနေတာချည်းပဲ
အမှိုက်ပုံထဲနစ်မြုပ်သွားတာချည်းပဲ
ဒါပေမယ့်ခုထိ
ရန်ကုန်ဟာရန်ကုန်လို
ရန်ကုန်ကျင့်ရန်ကုန်ကြံ ကြံနေတုန်း။

ကိလေသာကိုညှို့ငင်ဖို့
အပေါစားမိတ်ကပ် လိမ်းကြရတဲ့
ငှက်ကလေးတွေလိုရန်ကုန်ဟာလည်း
ရွှေရောင်ဆံပင်နဲ့
ဘောင်းဘီဖင်ကျပ်နဲ့
ဆေးရောင်ခြယ်တက်တူးရုပ်နဲ့
ရယ်ဒီမိတ်စားသောက်ကုန်နဲ့
ခေတ်မီဇိမ်ခံကား
အဆင့်မြင့်ရွေ့လျားဓာတ်လှေကားနဲ့
ဘ၀တွေကိုလမ်းခင်း
ကမ္ဘာကြီးကိုညှို့ငင်နေတဲ့ ရန်ကုန်ဟာ
သူ့အိပ်ကပ်ထဲက
သမိုင်းစာမျက်နှာတွေကို
ငွေစက္ကူလိုအထပ်လိုက်ကိုင်လို့
မီနီမားကက်တွေတစ်ခုပြီးတစ်ခု
ကြယ်ငါးပွင့်ဟော်တယ်တွေတစ်ခုပြီးတစ်ခု
ယာဉ်ကြောပိတ်ဆို့မှုတွေတစ်ခုပြီးတစ်ခု
နားလည်မှုစာချွန်လွှာတွေ တစ်ခုပြီးတစ်ခု
သူ့ရင်ဘတ်ထဲ
မွေးမြူထားတဲ့မျက်နှာတွေကတော့
ပိုင်ရှင်မဲ့အခန်းလိုဟောင်းနွမ်းညစ်ထေးလို့နေရဲ့။

ပြောမဆုံးပေါင်တောသုံးတောင်ပါပဲ
ရန်ကုန်ဟာရန်ကုန်ဆိုတော့လည်း
ညရောက်ပြီဆိုတာနဲ့
အမှောင်ဒေါင့်မှာငြိမ်ကုပ်နေတဲ့
ဆင်ခြေဖုံးကိုအသာမီးမှိတ်
ရာဇ၀င်မဲ့မြို့တော်ကိုကြည့်ငေးရင်း
လရောင်ခြုံပြီးအိပ်ယာဝင်တယ်။