ကြက်တကောင်း ဆရာတော်၏ ကျန်းမာရေး အခြေအနေ လွန်စွာ ကောင်းမွန်

ကိုရီးယားနိုင်ငံရောက် ရွှေမြန်မာနိုင်ငံသားများ အပေါင်း မင်္ဂလာအပေါင်းနှင့် ပြည့်စုံကြပါစေလို့ ပထမဦးစွာ ဆုတောင်း မေတ္တာ ပို့သလိုက်ပါသည်။
ကိုရီးယားနိုင်ငံရောက် ရွှေမြန်မာနိုင်ငံသားများနှင့် ကိုရီးယားနိုင်ငံသားများ၏ ကူညီအားပေး စောင့်ရှောက်မှု၊ ဆောအုလ် အာဆာန် ဆေးရုံကြီးက ဆရာဝန်ကြီးများနှင့် သူနာပြု ဆရာမကြီးများ၏ ဂရုစိုက် ခွဲစိတ် ကုသပေးမှုများကြောင့် ထီးချိုင့်မြို့ ကြက်တကောင်းကျောင်း ကျောင်းထိုင်ဆရာတော် ဦးဇာဂရ၏ ကျောက်ကပ်အတွင်းရှိ ကျောက်များကို အောင်မြင်စွာ ခွဲစိတ်ကုနိုင်ခဲ့သလို မေလပိုင်းမှစတင်၍ ဒုတိယအကြီမ် ကိုရီးယားနိုင်ငံသို့ ကြွရောက်လာပြီး အာဆာန်ဆေးရုံကြီးတွင် ညာဘက် ကျောက်ကပ်ရှိ ကျောက်များကို ခေတ်မှီ စက်ဖြင့် ရိုက်ချရာ မနေ့က ဇွန် ၇ ရက် သောကြာနေ့က နောက်ဆုံးထားပြီး ကုသရာ ကျောက်များ လုံးဝ မရှိတော့ကြောင်း မင်္ဂလာ သတင်းကို ကြားသိရပါသည်။
ဘယ်ဘက် ကျောက်ကပ်အတွင်းရှိ အရေးကြီးသော နေရာတွင် ပိတ်ဆို့နေသော ကျောက်များကို အောင်မြင်စွာ ခွဲစိတ်နိုင်ခဲ့ပေမယ့် အနည်းငယ် ကျန်ရှိနေသော နေရာသည် ခွဲစိတ်ရန် အလွန်ခက်ခဲသဖြင့် ခေတ္တရပ်ထားပြီး လာမည့် ၂၀၁၃ ခုနှစ် ဒီဇင်ဘာတွင် ကိုရီးယားနိုင်ငံသို့ ထပ်မံ လာရောက်ပြီး ဓာတ်မှန်ရိုက်ကူးရမည်ဖြစ်ကြောင်း၊ ဓာတ်မှန်ရိုက်ကူးချက်ကို စစ်ဆေးပြီးမှ ထပ်မံ၍ မည်ကဲ့သို့ ကုသရမည်ကို အဖြေပေးနိုင်မည်ဖြစ်ကြောင်း ဆရာဝန်ကြီး မစ္စတာ ဘက ပြောထားပါသည်။ မည်သို့ပင်ဆိုစေကာမှု ကျောက်ကပ်များကို ဖယ်ထုတ် ခွဲစိတ်ရမည့်အစား မဖယ်ထုတ်ဘဲ ကျောက်များကိုသာ ဖယ်ထုတ် ကုသနိုင်သည့်အတွက် လွန်စွာ ၀မ်းသာစရာကောင်းသော ကုသမှုဖြစ်ပါသည်။ ဆရာတော် ဦးဇာဂရသည် အခုအချိန်တွင် ကျန်းမာရေး လွန်စွာ ကောင်းမွန်နေပြီး မြန်မာဗုဒ္ဓသာသနာပြုကျောင်းတော် (ကိုရီးယား)တွင် ခေတ္တ သီတင်းသုံးနေပါသည်။ ထီးချိုင့်မြို့သို့ ရောက်လာပါက ရွှေမြန်မာနိုင်ငံသားများအနေနဲ့ ကြက်တကောင်းရွာသို့ လာလည်ကြပါဦးလို့ ဆရာတော် ဦးဇာဂရက ဖိတ်ပါကြောင်း အစစအရာရာကို ဘက်ပေါင်းစုံက ကူညီ အားပေး စောင့်ရှောက်ပေးကြသူများကို အထူး ကျေးဇူးတင်ရှိသလို မေတ္တာများ ဆက်လက် ပို့သပေးလျက်ရှိနေကြောင်း ပြောပါသည်။ အားလုံး ကိုယ်စိတ်နှစ်ဖြာ ကျန်းမာ ချမ်းသာပြီး ၃၁ ဘုံသား အားလုံး ကုသိုလ် အပေါင်းကို သာဓု၊ သာဓု၊ သာဓု ခေါ်ဆိုနိုင်ကြပါစေ။