ရေခဲတောင်(နှင်းတောင်)သွား အပမ်းဖြေကြမည့် ဓမ္မဒူတ လူငယ်များအတွက် မေတ္တာစာ

ဆောင်းရာသီ ရေခဲတောင်တက် အပမ်းဖြေကြမည့် မောင်မယ်အပေါင်းတို့ ခင်ဗျား

ကိုရီးယားမှာ ရေခဲတောင်တက် နှင်းလျှောစီးတယ်ဆိုတဲ့ ကိစ္စတာ ၊ ကိုရီးယားကို မကြာသေးမှီက ရောက်လာကြတဲ့ ကျနော်တို့မြန်မာလူငယ်များအဖို့ စိမ်းနေမှာအမှန်ပါ။
ရေခဲတောင်မှာ အလှပြ နှင်းလျှောစီးနေကြတာတွေ ၊ တီဗီဇာတ်လမ်းတွဲမှာ မြင်ဖူးတာတွေကို အားကျပြီး ၊ ရေခဲပြင် နှင်းလျှောစီးချင်ကြတဲ့ ညီအစ်ကိုမောင်နှမများလည်း ရှိမှာပါ ။
ရေခဲပြင်နှင်းလျှောစီးတယ်ဆိုတာ လွယ်ကူတဲ့ ကိစ္စမဟုတ်ဘူး ။ စက်ဘီးစီးသလိုမျိုး အလေ့အကျင့်ရှိဖို့လိုအပ်ပါတယ် ။ ပြောချင်တာကတော့ လေ့ကျင့်မှုမရှိဘဲ ရေခဲပြင်နှင်းလျှောစီးခြင်းမပြုကြဖို့ပါပဲ ။
အဲသည်ကိုရောက်လျင် တွေ့ကြရမှာပါ ။ ထိမိခိုက်မိ ကျိုးပဲ့ ဒဏ်ရာရသူတွေကို အချိန်နှင့်အမျှ တစ်ယောက်ပြီး တစ်ယောက် ထမ်းစင်နှင့်ထမ်းထုတ် ၊ တွန်းလှည်းနှင့်တွန်းထုတ် စွပ်ဖားနှင့်ဆွဲထုတ်သွားတာတွေ ပေါ့ ။
ရေခဲတောင်မှာ စကီတ်ဝတ်စုံဖြင့် အမှတ်တရ ဓါတ်ပုံရိုက်ချင်ကြတယ်ဆိုလျင် ၊ (အုပ်စုလိုက်) စကိတ်ဝတ်စုံ ၁ စုံ ၂ စုံ ဆို လုံလောက်မယ်လို့ ယူဆပါတယ်။(လူတိုင်း ဝတ်စုံငှားဖို့မလိုပါ) ။ စကိတ်မစီးလျင် အနှံ့လျှောက်လည်လို့ရပါတယ် ။
စကိတ် ဝတ်စုံဝတ် ၊ စကီဖိနပ် (Ski-board) စီးပြီးလျင် စကိတ်စီးဖို့ မဆိုထားနှင့် ၊ ပုံမှန်လမ်းလျှောက်ရတဲ့ကိစ္စတောင် လွယ်ကူတဲ့ကိစ္စ မဟုတ်ပါ ။ (ဝတ်စုံစကိတ်ဘုတ်ပြားဝတ်ပြီး သွားရလာရတာ အဆင်မပြေတတ်ပါ )
စကိတ်ဝတ်စုံ (ဘုတ်အပါအဝင်) ငှားရာမှာ ၊ ကစားကွင်း အငှားဌာနမှာ ငှားလို့ရသလို အနီးအနားရှိ အငှားဆိုင်တွေမှာလည်း ငှားလို့ရပါတယ် ။ သတ်မှတ်ဈေးရှိပေမယ့် ဈေးဆစ်လို့ရပါတယ်။ တစ်ဦးချင်း ငှားရတာထက် အုပ်စုလိုက်ငှားတာက ဈေးသက်သာပါတယ် ။ (မလိုအပ်ပဲ ဝတ်စုံမငှားပါနှင့် ၊ ပိုက်ပိုက်အလကားဖြစ်မယ် ။)
စကိတ်စီး လေ့ကျင့်လိုသူများ တောင်ခြေ မြေပြန့်မှာ လေ့ကျင့်ပေးနေတာတွေရှိပါတယ် ။ နည်းပြဝန်ထမ်းတွေ(အခမဲ့) ပြသပေးတာတွေရှိသလို ၊ အခကြေးငွေဖြင့် လေ့ကျင့်ပေးနေတာတွေလည်းရှိပါတယ် ။ အဲသည်မှာ သင်ယူလေ့ကျင့်လို့ရပါတယ် ။ တောင်ပေါ်ကိုတက်သွားပြီး နှင်းလျှောစီးလမ်းကြောင်းပေါ်ရောက်သွားလျင်ဖြင့် စကိတ်ကို ကျွမ်းကျင်စွာ မစီးတတ်ဘူးဆိုလျင် တောင်အောက်သို့ ပုံမှန်အနေအထားဖြင့် ပြန်ရောက်ဖို့မလွယ်ဘူးဆိုတာလည်း မှတ်ထားကြစေချင်ပါတယ် ။
တောင်ပေါ်ကိုတက်ရာမှာ သည်အတိုင်းတက်ဖို့မလွယ်ပါဘူး ။ ယာဉ်စီးပြီး တက်ကြရမှာပါ ။ အဲသည်စီးတဲ့ယာဉ်ကို ကိုရီးယားလို ဂေါန်ဒိုလာ(Gondola: 곤돌라) လို့ခေါ်ပါတယ် (မွေးစားစကားပါ) ။ ကေဘယ်လ်ခါး(Cable-car) လို့ ပြောပြီး တောင်တက်ယာဉ်စီး လက်မှတ်ဝယ်လို့ ရမည်မဟုတ်ပါ ။ ဒါလေးလည်း မှတ်ထားကြစေချင်ပါတယ်။
စကိတ်စီးဖို့ သို့မဟုတ် စကိတ်စီးလေ့ကျင့်ဖို့အစီအစဉ်မရှိသူတွေ ၊ သင့်တော်ရာ ဖိနပ်များ မိမိ အစီအစဉ်ဖြင့် ယူသွားလို့ရပါတယ် ။ ဂေါန်ဒိုရာ လက်မှတ်ဝယ်ရာမှာရော စီးရာမှာပါ တန်းစီဝယ် တန်းစီစီးရတာမို့ တန်းစီရတာနှင့်တင် အချိန်ကုန်တတ်တာကိုလည်း သတိပြုကြစေချင်ပါတယ် ။
မိတ်ဆွေတို့ ရေခဲတောင်တက် သွားကြမည့် ရက်ဟာ ပိတ်ရက်ကြီးဖြစ်တာမို့ ယာဉ်ကြောတွေ ပိတ်တတ်ပါတယ် ။ (တရံရောအခါက ကျနော်တို့အဖွဲ့ လမ်းမှာတင် တစ်ရက်ကုန်သွားတဲ့ အဖြစ်တောင်ရှိခဲ့ဖူးပါတယ် ၊ခုတော့ သိသွားပြီမို့ အဲသလို ဖြစ်မည်မဟုတ်တော့ပါ)။ ဘယ်လိုကြောင့်ဖြစ်ဖြစ် ယာဉ်ကြောပိတ်လို့ မိတ်ဆွေတို့ သွားလိုတဲ့ ရည်မှန်းချက်နေရာကို အချိန်မှီ မရောက်နိုင်ခဲ့လျင်ဖြင့် တစ်ရက်တာ ခန္တီပါရမီဖြည့်ဆည်းကြဖို့ ကိုလည်း တစ်ပါတည်း မေတ္တာစာ ပါးလိုက်ပါတယ် ။
နောက်ပြီး မိတ်ဆွေတို့ သွားမည့် ခရီးဟာ အုပ်စုခရီး ၊ ယဉ်ကျေးမှုစင်တာခရီး ဖြစ်တာမို့ မိမိတစ်ဦးတစ်ယောက်အတွက် အများရဲ့ အချိန် ၊ အများရဲ့ ဂုဏ်သရေကို မထိခိုက်စေဖို့ကိုလည်း ဂရုပြုကြစေချင်ပါတယ် ။
နောက်ပြီး မိတ်ဆွေတို့ သွားမယ့်ခရီးဟာ စီးပွါးရေးအကျိုးအမြတ်အတွက် သွားတဲ့ခရီးမဟုတ်ဘဲ ၊ ပိုမိုတဲ့ အကျိုးအမြတ်ကို ဓမ္မဒူတ စင်တာသို့ လှူဒါန်းမှာ ဖြစ်လို့ မသွားမှီကတည်းက မိတ်ဆွေတို့ သွားတဲ့ခရီးဟာ အလှူတော်ဒါနပါရမီခရီးအဖြစ် ကြိုတင် နှလုံးသွင်းထားကြစေလိုကြောင်း မေတ္တာစာပါးလိုက်ပါတယ် ။

နှလုံးသွင်းတတ်လျင် ၊ အပမ်းဖြေခရီးသွားတာတောင်ကုသိုလ်ရသတဲ့ ။

မေတ္တာဖြင့်-
ကိုဝိုင်း (မိုးညှင်း)
၂၀၁၄-ဇန်-၂၁