ကိုရီးယားနိုင်ငံရောက် မြန်မာများအတွက် အခြေခံ ကွန်ပျူတာသင်တန်း ဖွင့်မည်

ကိုဝိုင်း(မိုးညှင်း)
နိုဝင်္ဘာဘာ-၅ ၊ ဆောအူးလ်မြို့ ။

ကိုရီးယားနိုင်ငံရောက်မြန်မာများကို တစ်ဖက်တစ်လမ်းမှ အထောက်အကူဖြစ်စေရန် ရည်ရွယ်လျက် အခြေခံ ကွန်ပျူတာ သင်တန်း ဖွင့်လှစ်သွားမည်ဖြစ်ကြောင်း သိရသည် ။ သင်တန်းတွင် ကွန်ပျူတာပါဝါဖွင့်ခြင်း ၊ ပိတ်ခြင်းမှအစပြု၍ ၊ အီးမေးလ်လက်ခံစစ်ဆေးခြင်း ပို့လွတ်ခြင်း စသည်များနှင့် ၊ အင်တာနက်တွင် မိမိသိလိုသည့်အချက်အလက်များ ရှာဖွေခြင်း အပါအဝင် ၊ အင်တာနက်ဖြင့် စကားစမြည်ပြောဆိုခြင်း အင်တာနက်ဖြင့်ဖုန်းပြောခြင်း စသည်တို့ပါဝင်မည်ဖြစ်ကြောင်း သိရသည် ။

သင်တန်းကို ဓမ္မဒူတဗုဒ္ဓဘာသာအသင်း(ကိုရီးယား)က ကြီးမှူးကျင်းပခြင်းဖြစ်ကြောင်း ၊ သင်တန်းကြေးမရှိ အခမဲ့ဖြစ်ကြောင်း ၊ အိုင်တီခေတ်တွင် အကြောင်းအမျိုးမျိုးကြောင့် ကွန်ပျူတာနှင့် အလှမ်းကွာဝေးနေကြရသည့် ညီအစ်ကိုမောင်နှမများအတွက် ပညာဒါနပြုခြင်းဖြစ်ကြောင်း ၊ ဟန်းဂုရွာမှာ အရင်တစ်ခါတင်ထားတဲ့ စာတွေ ရှာမရတော့ဘူးခင်ဗျ ၊ အင်တာနက်က ဆွဲချယူထားတဲ့ပုံတွေ ဘယ်နေရာ ရောက်သွားမှန်း မသိဘူးဗျဆိုသော ညီငယ်များလည်း ဤသင်တန်းကို တက်ရောက်သင့်သည်ဟု သင်တန်းစီမံသူ ဓမ္မဒူတ ဗုဒ္ဓဘာသာအသင်း(ကိုရီးယား)မှ အကျိုးဆောင် တစ်ဦးကဟန်းဂုရွာသို့ပြောသည် ။

သင်တန်းကို ယခုလာမည့် နိုဝင်္ဘာလ ၈ ရက်နေ့တွင်စတင်မည်ဖြစ်ပြီး ၊ သင်တန်းတက်ရောက်လိုသူများ ကြိုတင်စာရင်းပေးစရာမလိုဘဲ ၊ ဓမ္မဒူတကျောင်း သို့ အချိန်မှီအရောက်လာကြရမည်ဖြစ်ကြောင်း ၊ သင်တန်း အချိန်နှင့်နေရာမှာအောက်ပါအတိုင်းဖြစ်ကြောင်းသိရသည်-

သင်တန်းရက်-
တနင်္ဂနွေနေ့တိုင်း

သင်တန်းအချိန်-
နေ့လည် ၁နာရီခွဲမှ ၅နာရီ

နေရာ-
ဓမ္မဒူတကျောင်း(ကိုရီးယား)