အလုပ်စာချုပ်သက်တမ်း အငြင်းပွါးသည့် ပြဿနာကို တူးဖော်ကြည့်ခြင်း (၂)

အငြင်းပွါးရခြင်း၏ အဓိကအကြောင်းရင်း
နောက် အလုပ်လုပ်ချိန် (တာဝန်ထမ်းကာလ) နှင့် ပတ်သက်ပြီး ပြဿနာ ၁ ခုရှိနေကြတယ် ။ ဘာလဲဆိုတော့ ညီငယ်များ ကိုရီးယား ရောက်ရောက်ချင်း ၊ အလုပ်မဝင်ရသေးဘဲ ၊ သင်တန်းတက်ရတဲ့ကိစ္စ ။ သင်တန်းဆင်းပြီး သူဌေးက လာမခေါ်တာရယ် ၊ စက်ရုံရောက်ပြီးတော့လည်း အလုပ်ပါးနေလို့ဆိုပြီး အနားပေးထားတာရယ်ကြောင့် ညီငယ် ၁ ယောက်ဆို ကိုရီးယားရောက်တဲ့ရက်နှင့် အလုပ်စဆင်းတဲ့ရက် ၁၂ ရက်တောင် ကွာနေတာ တွေ့ခဲ့ရဖူးတယ် ။
ဒီတော့ ၊ သူဌေးမင်းများက အလုပ်လုပ်တာ ၁ နှစ်မပြည့်လို့ဆိုပြီး ၊ လုပ်သက်ဆုကြေး မပေးချင်ကြတဲ့ ပြဿနာက အဓိကလို ဖြစ်နေကြတယ် ။

တာဝန်ချိန်ဆိုတာ ဘာလဲ
ဒီတော့ ၊ တာဝန်ချိန် (On Duty) ကိုရီးယားလိုတော့ ( 근무중/ 근무기간) ဆိုတာဘာလဲ ။ သင်တန်းတက်တဲ့ကိစ္စရယ် ၊ အလုပ်ပါးနေလို့ သူဌေးက အနားပေးထားတဲ့ကိစ္စ တွေဟာ တာဝန်ချိန်ဟုတ်မဟုတ် ၊ တာဝန်ချိန်မှာ အကျုံးဝင်မဝင် ကျနော်တို့ စဉ်းစားကြည့်ကြမယ် ။
ဘာကြောင့် သင်တန်းတက်ရသလဲ
သင်တန်းတက်ရတာဟာ အီးပီဥပဒေ ၊ ပုဒ်မ ၁၁ ပုဒ်မခွဲ ၂ အရ တက်ရတာပါ ။ ဥပဒေက ဘယ်လိုဆိုထားသလဲဆိုတော့ -
Article 11 (Hours, Contents of Employment Training for Foreign Workers, and etc)
②Employment training for foreign workers shall be 20 hours or longer, and the training courses shall include the contents in the following subparagraphs.
1. Basic job skills required for employment (2, 3, 4, 5)
6. Other areas recognized by the Minister of Labor as required for employment activities in Korea
③The cost of training foreign workers shall be covered by employers, except when qualifying the criteria set forth by Article 19 (1) of the Decree.
သင်တန်းစရိတ် ဘယ်သူခံ ၊ ဘာကြောင့်
သင်တန်းစရိတ်ကိုတော့ သူဌေးက ကျခံရတာပါ ။ ဘာကြောင့်လည်းဆိုတော့ သူ့စက်ရုံမှာ အလုပ်လုပ်တဲ့အခါ ထိခိုက်ဒဏ်ရာ မရအောင် ၊ အဆင်ပြေပြေ နေထိုင်စားသောက် ပေါင်းသင်း လုပ်ကိုင်တတ်အောင် လိုအပ်တဲ့ အချက်တွေကို လေ့ကျင့်သင်ကြားပေးတာပါ ။ ပြန်စဉ်းစားကြည့်ရင် ၊ သူဌေးက သင်ပေးရမယ့်ကိစ္စ သူသင်မပေးနိုင်လို့ အစိုးရကို ပိုက်ဆံပေးပြီး သင်ခိုင်းတဲ့သဘောပဲ ။
သင်တန်းကာလသည် တာဝန်ချိန် ဟု မှတ်သင့်
ဒါကြောင့် သင်တန်းတက်ရခြင်းသည် တာဝန်အရ တက်ရခြင်းဖြစ်သလို သင်တန်းကာလသည် တာဝန်ထမ်းဆောင်ချိန် ဖြစ်တယ် လို့ ကျနော်တို့ နားလည်ထားရမယ် ။ သင်တန်းတက်နေရင်း ထိခိုက်ဒဏ်ရာရခဲ့ရင်တောင် အလုပ်ခွင်ထိခိုက်မှုမှာ အကျုံးဝင်တယ်လို့ဆိုရလိမ့်မယ် ။ ဒီတော့ ၊ သင်တန်းတက်နေချိန် ၊ သူဌေးခွင့်ပြုချက်ဖြင့် အနားယူနေရချိန်တို့ဟာ စာချုပ်အသက်ဝင်ပြီး ကာလမှာ ဖြစ်နေတာမို့ အလုပ်ထမ်းဆောင်ချိန် ဖြစ်တယ်လို့ ယူဆပါတယ် ။ အဲသည် ကာလများကို စာချုပ်သက်တမ်းမှ နှုတ်ပယ်၍ ရမည်မဟုတ်ပါ ။

စီရင်ထုံးတွေ ရှိတယ်လို့ဆိုတယ်
ကိုရီးယားနိုင်ငံမှာ အလုပ်ချိန် ဟုတ်မဟုတ်နှင့် ပတ်သက်ပြီး ၊ တရားရုံးချုပ်စီရင်ထုံးတွေ ရှိတယ်လို့ဆိုတယ် ။ အလုပ်ဝင်ရန် ရည်ရွက်ချက်ဖြင့် အိမ် သို့မဟုတ် အိပ်ခန်းက စတင်ထွက်တဲ့ အချိန်က စပြီး အလုပ်လုပ်နေတယ်လို့ ယူဆသတဲ့ ။ တစ်နည်းအားဖြင့် တာဝန်ထမ်းဆောင်နေတယ်လို့ မှတ်ယူထားပြီး ထိခိုက်ဒဏ်ရာရတယ်ဆိုရင် တာဝန်ထမ်းဆောင်နေချိန် ထိခိုက်တယ်လို့ မှတ်ယူသတဲ့ခင်ဗျား ။ (မြန်မာပြည်မှာတော့ ၊ မိမိအစီအစဉ်ဖြင့် စက်ရုံသို့ သွားလာလျင် တာဝန်ချိန်ဟု မယူဆဘဲ ၊ စက်ရုံအစီအစဉ် ကြိုပို့ ယာဉ်ဖြင့် သွားလာစဉ် ထိခိုက်ဒဏ်ရာရမှသာ တာဝန်ချိန်လို့ ဆုံးဖြတ်ထားပါတယ်။)
နောက်ပြီး ၊ စက်ရုံအစီအစဉ်ဖြင့် ပြုလုပ်တဲ့ အားကစားပွဲ ၊ ပျော်ပွဲစားအစီအစဉ် ၊ အပမ်းဖြေခရီး စသည်တို့ သွားလာစဉ် သို့မဟုတ် ပါဝင်ဆောင်ရွက်နေစဉ် ထိခိုက် ဒဏ်ရာရ ၊ သေဆုံးခြင်း ဖြစ်လျင်လည်း တာဝန်ချိန်မှာ အကျုံးဝင်တယ်လို့ ဆိုပါတယ် ။
အလုပ်ဝင်ရက် ၃၆၅ ရက်မပြည့်စေကာမူ
ဒီတော့ ၊ သင်တန်းတက်နေချိန် ၊ သူဌေးခွင့်ပြုချက်ဖြင့် အနားယူနေရချိန်တို့ဟာလည်း စာချုပ်အသက်ဝင်ပြီး ကာလမှာ ဖြစ်နေတာမို့ အလုပ်ထမ်းဆောင်ချိန် ဖြစ်တယ်လို့ အခိုင်အမာ ယူဆရခြင်းဖြစ်ပါတယ် ။ ဒါကြောင့် စာချုပ် သက်တမ်း ကုန်ဆုံးချိန် (ပြည်ဝင်ရက် ၁ နှစ်ပြည့်ချိန်) မှာ စက်ရုံတွင် အလုပ်လုပ်ရက် ၃၆၅ ရက် မပြည့်စေကာမူ တာဝန်ချိန်အရ ၁ နှစ်ပြည့်ပြီ ဖြစ်တာကြောင့် ၊ အလုပ်ရှင်ဟာ လုပ်သက်ဆုကြေးပေးဖို့တာဝန်ရှိတယ်လို့ ယူဆခြင်းပါတယ် ။
စီရင်ထုံးထွက်လာသည်အထိ
သူဌေးနှင့် အငြင်းပွါးနေရရင်တော့ ၊ သက်ဆိုင်ရာ အလုပ်ရှင်အလုပ်သမားပြဿနာ ဖြန်ဖြေရေးအရာရှိထံ တင်ပြ ဖြေရှင်းသင့်ပါတယ် ။ မရဘူးဆိုလျင်ဖြင့် အဆင့်ဆင့်သော သက်ဆိုင်ရာ တရားရုံးများသို့ တက်ရောက်ပြီး တရားစွဲဆို သွားသင့်တယ်လို့ ယူဆပါတယ် ။ ဥပဒေအရ အလုပ်သမားဖက်က နိုင်ကိုနိုင်ရမည့် အမှုဖြစ်တယ်လို့ ယုံကြည်ပါတယ် ။ တရားစီရင်ထုံးထွက်လာသည်အထိ ဆောင်ရွက်သင့်တယ်လို့ ယူဆပါတယ် ။ သို့မှသာ နောင်လာနောက်သားများ ဒီကိစ္စ (သင်တန်းချိန်စသည်များ) အလုပ်ထမ်းဆောင်ချိန် အကျုံးဝင်မဝင် အလွယ်တကူ သိရှိ ဆုံးဖြတ် ဆောင်ရွက်နိုင်ကြမယ်လို့ သဘောရပါတယ် ။

ဒီလို လုပ်ရင်လည်း ရပါတယ်
စာချုပ်အရ ၁ နှစ်ပြည့်ပေမယ့် အလုပ်ရှင်က လုပ်သက်ဆုကြေးပေးဖို့ ငြင်းဆန်နေတယ်ဆိုလျင် ၊ ဒီကိစ္စကို ကိုရီးယားအစိုးရအနေဖြင့် အလုပ်ရှင်များထံ ညွှန်ကြားချက် တိတိကျကျ ထုတ်ပြန်ပေးပါရန် အီးပီ အလုပ်သမား မိတ်ဆွေများ စုပေါင်းလက်မှတ်ရေးထိုး ၊ ထောက်ခံသူများ လက်မှတ်စုဆောင်းပြီး ကိုရီးယားအစိုးရထံ တင်ပြခြင်း ၊ သတင်းစာ ရှင်းလင်းပွဲ ပြုလုပ်ခြင်း ၊ စက်ရုံရှေ့ဆန္ဒပြခြင်း စသည့် နည်းများဖြင့်လည်း မိတ်ဆွေတို့ရဲ့ လိုအပ်ချက်များကို တောင်းဆိုနိုင်တယ်လို့ ယူဆပါတယ် ။ အဲသလိုလုပ်တာဟာ ဥပဒေကခွင့်ပြုထားတဲ့ ဘောင်အတွင်း ဆောင်ရွက်ခြင်းဖြစ်ပြီး ဘယ်အစိုးရကိုမျှ ဆန့်ကျင်တာမဟုတ်သလို ၊ နိုင်ငံရေးလုပ်နေတာလည်း မဟုတ်ဘူးလို့ ဆိုရမှာပါ ။

မြန်မာများ ယူသင့်သော ကမ္ဘာ့ယဉ်ကျေးမှု(Global Culture) တစ်ခု
အဲဒီ လုပ်နည်းလုပ်ဟန်တွေဟာ ကျနော်တို့ ကိုရီးယားနိုင်ငံရောက် မြန်မာ အီးပီ အလုပ်သမားတွေအဖို့ အထူးအဆန်းလုပ်နည်းလုပ်ဟန်တွေလို ဖြစ်နေပေမယ့် ၊ လူမှုအဖွဲ့အစည်း(Civil Society)များ ဖွံ့ဖြိုးစပြုနေပြီဖြစ်တဲ့ ကိုရီးယားတွေအတွက်တော့ ရိုးအီနေပြီဖြစ်တဲ့ လုပ်နည်းလုပ်ဟန်တွေပါ ။ ကိုရီးယားယဉ်ကျေးမှုလို့တောင် ဆိုမယ်ဆို ဆိုလို့ရတဲ့ ကမ္ဘာ့ယဉ်ကျေးမှု(Global Culture) တစ်ခု ပါပဲ ။ ကျနော်တို့ မြန်မာတွေလည်း ကမ္ဘာ့ယဉ်ကျေးမှုတွေထဲက ယူလို့ရတာ ယူနိုင်ကြဖို့ လိုမယ်ထင်ကြောင်းပါ ခင်ဗျာ ။

လေးစားမှုဖြင့်-
ကိုဝိုင်း(မိုးညှင်း)