ကိုရီးယား ရိုးရာဓလေ့ နတ်ကိုးကွယ် ယုံကြည်မှု (၂)

ဂျိုဝှန်းနတ်(조왕신)

နတ်ဝင်သည်တစ်ဦး၏ ကဟန်

ဂျိုဝှန်းနတ်ဆိုသည်မှာ မီးဖိုနတ်ပင် ဖြစ်၍ ကိုးကွယ်သည့် နေရာဌာနမှာ မီးဖိုတွင် ဖြစ်သည်။ ဂျိုဝှန်းနတ်သည် စမ်းနတ်နှင့်အတူ အိမ်ဂေဟာရှိ ကလေးသူငယ်များကို စောင့်ရှောက်သည်ဟု ကိုရီးယားလူမျိုးများက ယုံကြည်ကြသည်။ တချို့ အရပ်ဒေသများတွင် စီးပွားဥစ္စာကိုလည်း စောင်မကြည့်ရှုသည်ဟု ယုံကြည်သော ဓလေ့ ရှိခဲ့သည်။ အဘယ်ကြောင့်ဆိုသော် မီးဖိုတွင် မီး ရှိသောကြောင့် ဖြစ်လေသည်။ မီးသည် ဓနဥစ္စာ၏ သင်္ကေတပင် ဖြစ်သည်။ ထို့ကြောင့် ကိုရီးယားလူမျိုးတို့သည် မီးတောက်မီးလျှံကို အိပ်မက် မြင်မက်သော် လာဘ်ရမည်ဟု ယုံကြည်လေ့ ရှိကြသည်။ ထို့ပြင် ဂျိုဝှန်းနတ်သည် မီးနှင့် ရေကို ဖန်တီးပေးသော နတ်အဖြစ်လည်း ယုံကြည်ကြလေသည်။

ဂျိုဝှန်းနတ် ကိုးကွယ်ထားပုံ

ယနေ့ ခေတ်ကာလ၌ အိမ်ပြောင်းရွှေ့သောအခါ ဖယောင်းတိုင်နှင့် မီးခြစ် ယူဆောင် သွားလေ့ မရှိကြသော်လည်း၊ ရှေးယခင်ကမူ အိမ်ယာသစ် ပြောင်းရွှေ့လျှင် ဖယောင်းတိုင်နှင့် မီးခြစ်ကို မဖြစ်မနေ ယူဆောင်သွားသော ဓလေ့ထုံးစံ ရှိခဲ့သည်။ အိမ်သစ်ပြောင်းရွှေ့ရာတွင် ထိုသို့ ယူဆောင်သွားသောကြောင့် အိမ်ဂေဟာသစ်၌ မီးကို ရရှိသကဲ့သို့ ဥစ္စာဓနများလည်း ရရှိပါစေဟူသော အဓိပ္ပါယ်ပင် ဖြစ်လေသည်။

မီးဖိုနေရာနှင့် နတ်ပင့်ရာနေရာပြပုံ

ဂျိုဝှန်းနတ် ပူဇော်ပုံမှာ နေ့စဉ် နံက်စောစော၌ ခွက်ငယ်တစ်ခွက်တွင် သန့်စင်သော ရေကို ထည့်၍ ကလပ်ဖြင့် မီးဖိုပေါ် တင်၍ ပူဇော်ခြင်းပင် ဖြစ်သည်။ အခြားသော စားကောင်းသောက်ဖွယ်များ ချက်ပြုတ်သော အခါ၌လည်း ထိုကဲ့သို့ပင် မီးဖိုပေါ်တင်၍ ပူဇော်လေ့ ရှိကြသည်။ မီးဖိုသည် ဂျိုဝှန်းနတ်၏ နေရာဌာန ဖြစ်သောကြောင့် အိမ်ရှင်မများသည် မီးဖိုချောင်တွင် ချက်ပြုတ်လုပ်ကိုင်သောအခါ အဘယ်မျှပင် ပင်ပန်းစေကာမူ မီးဖိုပေါ်တွင် ထိုင်ခြင်းမျိုး၊ အကြောင်းတစ်ခုခုကြောင့် မီးဖိုပေါ်သို့ ခြေဖြင့် တက်ခြင်းမျိုးကို ပြုလုပ်လေ့ မရှိကြပေ။ အချို့ကလည်း ဂျိုဝှန်းနတ်၏ စံပျော်ရာ နေရာဌာနသည် မီးဖိုသာမက၊ အိုးများ ချိတ်ဆွဲသော နေရာ နောက်ဘက်ရှိ နံရံနှင့် တွဲဆက်နေသော သစ်သားစင် သို့မဟုတ် ကျောက်သားနေရာ အောက်ဘက်ဟုလည်း ယုံကြည်ကြလေသည်။

ကျေးလက်ဒေသ မီးဖိုချောင်တွင် ဂျိုဝှန်းနတ် ပင့်ဖိတ်ထားပုံ

ဂျိုဝှန်းနတ်ကို ဂျိုရှင်း(조신)၊ ဂျိုဝှန်းဂါ့ရှီ(조왕각시)၊ ဂျိုဝှန်းဒယ်ရှင်(조왕대신)၊ ဘူတူမတ်ရှင်(부뚜막신)ဟုလည်း ခေါ်ဝေါ်ကြသည်။ ၀ိသေသအားဖြင့် မီးနတ်ဖြစ်သည့် ဂျိုဝှန်းနတ်သည် ကိုရီးယား အိမ်ရှင်မများ၏ အားကိုးအားထားနတ်ဟုပင် ခေါ်ဆိုနိုင်ပေသည်။ ထို့ကြောင့် အိမ်ရှင်မများသည် မီးဖိုတွင် မီးဖြင့် ချက်ပြုတ်သည့်အခါမျိုးတွင် မကောင်းသော စကားမျိုး ပြောဆိုခြင်းကို ရှောင်ရှားလေ့ ရှိကြသည့်အပြင် ဂျိုဝှန်းနတ်၏ နေရာဌာနဖြစ်သော မီးဖိုချောင်ကိုလည်း သန့်သန့်ရှင်းရှင်း အသုံးပြုလေ့ ရှိကြသည်။ အချို့အိမ်များတွင် မီးဖိုချောင် နံရံ၌  ရွံ့ဖြင့် ပျံလွှားငှက် အသိုက် ပုံသဏ္ဍာန် ပြုလုပ်၍ ဂျိုဝှန်းနတ်ကို ပင့်ဖိတ်ပြီး၊ ယင်းအပေါ်တွင် ကြေးဝါ ခွက်ငယ်ကို တင်မြှောက်ကာ ကောင်းခြင်း မင်္ဂလာများ ဖြစ်ထွန်းစေရန် တောင်းဆုပြုလေ့ ရှိကြသည်။ အချို့ကလည်း ဂျိုဝှန်းနတ်၏ နေရာဌာနအဖြစ် မီးဖိုကိုသာမက ထမင်းအိုးကိုပါ တပါတည်း ယုံကြည်ခြင်းမျိုးလည်း ရှိလေသည်။

ဂျိုဝှန်းနတ်သည် ကလေးသူငယ်များကို စောင့်ရှောက်သည်ဟုလည်း ယုံကြည်ကြသည်။ ထို့ကြောင့် ဂျိုဝှန်းနတ်ကို အမြဲ ကိုးကွယ်သည့် အိမ် မဟုတ်သည့်တိုင်အောင်၊ သားဖြစ်သူ စစ်မှုထမ်းရန် သွားသည့်အခါမျိုးနှင့် သားသမီးများတွင် ထူးခြားသော အပြောင်းအလဲများ ကြုံတွေ့ရသည့် အခါမျိုးတွင် ဂျိုဝှန်းနတ် ပူဇော်ပြီး ဆုတောင်းလေ့ ရှိကြသည်။ မွေးနေ့အချိန်အခါတွင် ပူဇော်ခြင်းများလည်း ရှိတတ်ကြသေးသည်။ 

ရုပ်မြင်သံကြား အစီအစဉ်မှ ပြသသော နတ်ပူဇော်နေပုံ

ပွဲတော်ရက်များနှင့် အခါကြီးရက်ကြီးများတွင် ဆောင်းဂျူနတ် ပူဇော်ပ သကြရာ၌ ဂျိုဝှန်းနတ်ကိုပါ စားပွဲ ခင်း၍ ပူဇော်ကြသော်လည်း၊ အများအားဖြင့် သစ်သားပြားပေါ်တွင် တင်၍ မီးဖို၌သာ ပူဇော်ပသလေ့ ရှိကြပေသည်။ ယခုအခါ ဂျိုဝှန်းနတ် ကိုးကွယ်သည့် ဓလေ့မှာ ကိုရီးယားနိုင်ငံအနှံ့ ပျံ့နှံ့လျှက် ရှိပြီး၊ ကိုးကွယ်မှု ထုံးတမ်းဓလေ့မှာလည်း ကွဲပြားကာ အထူးသဖြင့် ကိုရီးယားနိုင်ငံ တောင်ပိုင်းဒေသများနှင့် ချွန်းချောင်းပြည်နယ်ဒေသများတွင် သိသိသာသာ ကွဲပြားသည်ကို တွေ့ရပေသည်။

နတ်တင်နေသူ အဖွားအိုတစ်ဦး

အချို့ဒေသများတွင် မီးဖိုမှ မီးတောက်ခြင်း၊ မတောက်ခြင်းကို ကြည့်၍ ဂျိုဝှန်းနတ်၏ အိမ်ဂေဟာ၌ ပျော်ရွှင်နှစ်ခြိုက်မှု ရှိမရှိကို ခန့်မှန်းတတ်ကြသည်။ ဂျိုဝှန်းနတ်သည် အစားအသောက်များသာမက၊ အိမ်တွင် မီးဘေးအန္တရာယ် မကျရောက်စေရန် စောင့်ရှောက်ပေးနေသည်ဟု ယုံကြည်လေ့ ရှိကြသည်။ ထို့ပြင် အချို့ကလည်း အိမ်သူအိမ်သားများ ဘေးမသီ ရန်မခဘဲ ကျန်းကျန်းမာမာ ရှိနေရန် နှင့် သားစဉ်မြေးဆက် ကောင်းခြင်းမင်္ဂလာ အဖြာဖြာကိုပါ စောင့်ရှောက်ပေးနေသည်ဟု ယုံကြည်ယူဆသူများလည်း ရှိကြသည်။

ကိုရီးယား နတ်ပွဲတစ်နေရာ

ဂျိုဝှန်းနတ် ကိုးကွယ်ယုံကြည်မှုဓလေ့ အစသည် ဘီစီ ၅ ရာစု၊ ၆ ရာစုခန့်က ပေါ်ပေါက်ခဲ့သော ရှေးဟောင်း တရုပ်ပုံပြင်များမှ စတင်ခဲ့သည်ဟု ဆိုကြသည်။ ထိုသို့ ကိုးကွယ်မှု ဓလေ့သည် ယခုအခါ ဂျပန်နိုင်ငံ အိုကီနာဝါဒေသထိအောင် ပျံ့နှံ့လျှက် ရှိနေသည်ကို တွေ့ရလေသည်။ ဂျပန်နိုင်ငံတွင် ဂျိုဝှန်းနတ်ကို ဂါမာဒိုနတ်ဟု ခေါ်ဝေါ်ကြလေသည်။

ကိုရီးယားနိုင်ငံတွင်မူ ဂျိုဝှန်းနတ်ကို ဂျိုဝှန်းမယ်တော်ကြီး(조왕할머니)ဟုလည်း တစ်နည်းတစ်ဖုံ ခေါ်ဝေါ်လေ့ ရှိကြသည်။ အချို့ကလည်း ဂျိုဝှန်းနတ်ကို မီးနတ်အဖြစ်သာမက၊ ရေနတ်၊ ပစ္စည်းဥစ္စာနတ်အဖြစ်ပါ ယုံကြည်ကြလေသည်။ အိမ်ရှင်မများသည် နံနက် မိုးသောက် အိပ်ယာ ထသည်မှ ည အိပ်ယာဝင်သည့် အချိန်တိုင်အောင် ဂျိုဝှန်းနတ် ရှေ့မှောက်တွင် ရှိနေရသောကြောင့် အခြားသော အိမ်တွင်းနတ်များထက် ပို၍ အမှားအယွင်း မဖြစ်စေရန် အထူး ဂရုပြုကြရသည်။ အသွားအလာ ဆင်ခြင်နေထိုင်ရသကဲ့သို့ပင် မီးဖိုချောင်၏ သန့်ရှင်းသပ်ရပ်မှု၊ မီးဖို၏ သန့်ရှင်းသပ်ရပ်မှု၊ ထင်း မီးသွေး အထားအသို သေသပ်မှု၊ ပန်းကန်ခွက်ယောက် သန့်ရှင်းစင်ကြယ်မှုတို့သာမက အပေါ့အလေး သွားပြီး၍ မီးဖိုသို့ ပြန်ဝင်တိုင်း ဖိနပ် လဲလှယ်စီးနင်းကြရလေသည်။ ထိုကဲ့သို့ ဂျိုဝှန်းနတ်အား ရိုသေကိုင်းရှိုင်းမှုဖြင့် သတိပြုနေထိုင်ကာ ဂျိုဝှန်းမယ်တော်ကြီး အနှောင့်အယှက် ဖြစ်စေမည့် အပြုအမူတို့ကို ရှောင်ရှားကြရပေသည်။

ဂျိုဝှန်းနတ် ပင့်ဖိတ်ပူဇော်ထားပုံများ

သို့သော် ဂျိုဝှန်းနတ်သည် အိမ်ရှင်မများအတွက် အမြဲတမ်း စိုးထိတ်စရာ ပုံရိပ်အဖြစ်သာ ရှိနေသည်တော့ မဟုတ်ချေ။ မီးဖိုနတ်အဖြစ် အိမ်ရှင်မများနှင့် အချိန်တိုင်းလိုလို အနီးကပ် ရှိနေသော အိမ်တွင်းနတ်လည်းဖြစ်သောကြောင့် အရင်းနှီးဆုံး မိတ်ဆွေအဖြစ် စိတ်ပိုင်းဆိုင်ရာ အားကိုးအားထားလည်း ဖြစ်စေသည်။ အမျိုးသမီးများ အမျိုးသားတို့နှင့် တန်းတူ အခွင့်အရေး မရရှိခဲ့သည့် အချိန်က အိမ်ရှင်မများ တွေ့ကြုံရသော စိတ်အားငယ်မှုနှင့် မကြေနပ်မှု စသော စိတ်ဖိစီးမှုများကို ပျောက်ကင်းစေသော နတ်အဖြစ်လည်း ယုံကြည်ကြသည်။ ထို့ကြောင့် အိမ်ရှင်မများသည် မနက်တိုင်း သောက်တော်ရေချမ်း ကပ်ခြင်းအားဖြင့် မိသားစု၏ အေးငြိမ်းမှု ရရှိပြီး၊ ဆင်းရဲခြင်းများ ပပျောက်စေသည်ဟု ယုံကြည်စေသောကြောင့် အမျိုးသမီးများ၏ ဘ၀မျှော်လင့်ချက်ကို ပေးစွမ်းသော နတ်အဖြစ် ကိုးကွယ်ယုံကြည်ခဲ့ကြခြင်း ဖြစ်လေသည်။

မီးဖိုချောင်ယဉ်ကျေးမှု ပြောင်းလဲလာပုံ

သို့သော် ၁၉၇၀ ခုနှစ် ပြည်တော်သာ စီမံကိန်း(새마을 운동) မှ အစပြု၍ လူနေမှုစနစ် အပြောင်းအလဲများစွာ ပေါ်ပေါက်လာခြင်းသည် ဂျိုဝှန်းနတ် စံမြန်းရာ မီးဖိုနှင့် အိုးခွက်ပန်းကန်များ တည်ရှိရာ မီးဖိုချောင်ကို သက်သောင့်သက်သာနှင့် သန့်ရှင်းသပ်ရပ်သော မီးဖိုချောင် ဖြစ်လာစေရုံသာမကပဲ ဂျိုဝှန်းနတ် စံမြန်းရန် နေရာဌာန ပပျောက်စေသည်အထိ ကြီးမားသော ပြောင်းလဲခြင်းများကို ဖြစ်စေခဲ့လေသည်။ ထိုအပြောင်းအလဲများသည် စမ်းနတ်အပါအ၀င် အိမ်တွင်းနတ် အချို့အပေါ် ကြီးမားသော အပြောင်းအလဲ မဖြစ်ပေါ်စေသော်လည်း ဂျိုဝှန်းနတ် ကိုးကွယ်မှု ဓလေ့ကိုမူ များစွာ မှေးမှိန်စေခဲ့လေသည်။