အဖြူရောင် နှလုံးသား၊ အဖြူရောင် အပြုံးများနဲ့ အဖြူရောင်မေတ္တာ လူငယ်များ

ရေးသားသူ — (မနာပ ဒါယီဆရာတော် အရှင်ဝိစိတ္တ)

ပြီးခဲ့တဲ့ တနင်္ဂနွေ (၁၈-၉၂၀၁၁)ရက်နေ့က တောင်ကိုရီးယားနိုင်ငံ၊ အင်ချွန်းမြို့ ဘူဖျောင်းမှာရှိတဲ့ မြန်မာဗုဒ္ဓသာသနာပြုကျောင်း ပဓာန နာယကဆရာတော် အရှင်သုမင်္ဂလရဲ့ မယ်တော်ကြီး တစ်လပြည့်ဆွမ်းအလှူကို ကြွရောက်ဖြစ်ခဲ့ပါတယ်။ ဘုန်းဘုန်းကြွလာတယ်ဆိုတာသိတော့ အဖြူရောင်မေတ္တာ လူငယ်များအဖွဲ့ (ကိုရီးယား)မှ ခေါင်းဆောင်လူငယ်လေးတွေ လာရောက်ပြီး ဖူးမျှော်ကာ သိချင်တာများ မေးလျှောက်ရင်း သူတို့သူတို့လေးတွေရဲ့ လှုပ်ရှားမှုများနဲ့ ပတ်သက်ပြီးတော့ လျှောက်ထားကာ အကြံဉာဏ်များလည်း တောင်းခံကြပါတယ်။ ဆရာတော်ဦးသုမင်္ဂလနဲ့အတူ ဘုန်းဘုန်းတို့လည်း သူတို့လေးတွေရဲ့ လှုပ်ရှားမှုအပေါ်မှာ ဝမ်းမြောက်နုမော် သာဓုခေါ်ရင်း အကြံဉာဏ်ကောင်းများနဲ့ မေတ္တာဓာတ်များ ထပ်လောင်းကာ ပရဟိတအလုပ် အားထုတ်နေကြတဲ့ အဖြူရောင် နှလုံးသားပိုင်ရှင် အဖြူရောင် မေတ္တာရှင် လူငယ်လေးများအတွက် ရင်ထဲမှာလည်း သစ္စာအဓိဋ္ဌာန်များ အကြိမ်ကြိမ် ပြုပွားပေးဖြစ်ခဲ့ပါသေးတယ်။
သူတို့အဖွဲ့တွေ ပြန်ခါနီးမှာတော့ အဖြူရောင်အဖွဲ့ထဲက လူငယ်တစ်ယောက်က “ဘုန်းဘုန်းဘုရား ဘုန်းဘုန်းက လူငယ်တွေအတွက် ဘဝခွန်အား စာပေများကို ရေးသားမျှဝေပေးနေတယ်ဆိုတာ တပည့်တော်တို့ သိလည်းသိရသလို၊ ဘုန်းဘုန်းရဲ့ စာတွေကို ဖတ်လည်းဖတ်ဖြစ်ပါတယ်၊ အချိန်ရမယ်ဆိုရင် တပည့်တော်တို့ အဖွဲ့အတွက်လည်း စာလေးတစ်ပုဒ်လောက် ရေးပေးပါဘုရား၊ ဘုန်းဘုန်းတို့ရဲ့ ကလောင်တစ်ချက်က တပည့်တော်တို့အတွက် အများကြီးအထောက်အကူ ပြုနိုင်တဲ့အတွက် ဖြစ်နိုင်ရင် စာတစ်ပုဒ်လောက် အမြန်ဆုံး ရေးသားချီးမြင့်ပေးပါဘုရား”လို့ လျှောက်ထားပါတယ်။ ဘုန်းဘုန်းမှာလည်း ကိုယ့်အလုပ်နဲ့ကိုယ် မအားလပ်တာကြောင့် သူတို့ရဲ့ တောင်းဆိုမှုကို မတင်မကျနဲ့ပဲ အဖြေပြခဲ့ရပါတယ်။ ဒါပေမယ့် သူတို့ရဲ့ အဖြူရောင်အပြုံးနဲ့ အဖြူရောင် နှလုံးတွေက ဘုန်းဘုန်းရဲ့ မအားတဲ့အချိန်တွေကို ဆွဲယူထားနိုင်ခဲ့တဲ့အတွက် အခုတော့ စာတစ်ပုဒ်အနေနဲ့ အကောင်အထည် ဖော်ဖြစ်ခဲ့ပေပြီပေါ့။

အဖြူရောင်ဆိုတဲ့ စကားလုံးနဲ့ အဖြူရောင် အဖွဲ့လူငယ်လေးတွေရဲ့ ပရဟိတအကျိုးအတွက် လှုပ်ရှားမှုလေးတွေဟာ ခုနောက်ပိုင်း တစ်စတစ်စ ကျယ်ပြန့်ပြီး ထိရောက်မှု ရှိလာတာကို သတိပြုမိခဲ့ပါတယ်။ တစ်ခါတစ်လေ အင်တာနက်စာမျက်နှာပေါ်မှာ တွေ့ရတဲ့ သူတို့တွေရဲ့ ပုံရိပ်လို့ ပြောလို့ရတဲ့ ရန်ပုံငွေပွဲလေးတွေ၊ ဈေးရောင်းပွဲလေးတွေ၊ အလှူပွဲလေးတွေ၊ သူတို့တွေရဲ့ လှူဒါန်းမှု အစုလေးတွေကို တွေ့ရတဲ့အခါဆိုရင် ဘုန်းဘုန်းမှာ တိုက်ရိုက်မကူညီနိုင်ခဲ့ပေမယ့် ရင်ထဲမှာလှိုက်လှိုက်ပြီး ပီတိသဒ္ဓါ ဖြစ်ခဲ့ရတာတွေကတော့ အကြိမ်ပေါင်း မနည်းလှပါဘူး။ ဒီထက်ပိုပြီး ဂုဏ်ယူမိတာက “ပြည်တွင်းမှာရော၊ ပြည်ပမှာ လူငယ်တွေ အများကြီးရှိပေမယ့် အခုလို ကိုယ့်တစ်နိုင်တစ်ပိုင် တူညီတဲ့စိတ်ထား၊ တူညီတဲ့သဒ္ဓါတရား၊ တူညီတဲ့ မေတ္တာ ကရုဏာ တရားလေးတွေနဲ့ အတူလက်တွဲပြီး အများအကျိုး ရွတ်သယ်ပိုးကြတဲ့ လူငယ်တွေဆိုတာ ရေတွက်ရင် ရသလောက်ရှိတဲ့ အနေအထားမှာ ကိုရီးယားရောက် အဖြူရောင် မြန်မာလူငယ်လေးများကလည်း တစ်တပ်တစ်အားနဲ့ လှုပ်ရှားမှုတွေ ရှိနေကြတဲ့ အရေအတွက်တွေထဲမှာ ထူးထူးခြားခြား ပါဝင်နေတယ်” ဆိုတဲ့ အချက်ပဲ ဖြစ်ပါတယ်။

သူတို့လေးတွေရဲ့ လှုပ်ရှားမှုပုံရိပ်လေးတွေနဲ့ ရည်ရွယ်ချက်လေးတွေကလည်း ကောင်းနေကြတော့ မြန်မာအများကြီး မရှိသေးတဲ့ ကိုရီးယားလို နိုင်ငံမှာတောင် အဖြူရောင်အဖွဲ့သားတွေရဲ့ တူညီတဲ့ ခွန်အားတွေဟာ အချိန်အတို အတွင်းမှာကိုပဲ ထိထိရောက်ရောက် ဖြစ်လာတော့တာ ဖြစ်ပါတယ်။ အစကောင်းမှ အနှောင်းသေချာဆိုသလို့ အဖြူရောင်အဖွဲ့တွေရဲ့ တူညီမှုအစ၊ ရည်ရွယ်ချက်တွေက
၁။ မိဘမဲ့ ကလေးသူငယ်များ၊ သက်ကြီးရွယ်အို ဘိုဘွားများအား နွေးထွေးစွာ ပြုစုစောင့်ရှောက်ရန်နှင့် ကူညီထောက်ပံ့သွားရန်
၂။ အခြား လူမှုရေး နှင့် ပရဟိတ လုပ်ငန်းများကို ဆောင်ရွက်သွားရန်၊
၃။ လူငယ်လူရွယ်များ ချစ်ခင်ရင်းနှီးစွာ၊ အစုအသင်းစိတ်ဓါတ်ဖြင့် လူမှုဖွံ့ဖြိုးရေးနိမ့်ကျနေသော ပတ်ဝန်းကျင်အား ထိရောက်စွာအကျိုးပြုရန် စတဲ့ အကောင်းအစလေးတွေနဲ့ လက်တွေ့ပြထားတာတွေဆိုတော့ အနှောင်းမှာလည်း ကောင်းသထက်ကောင်းဖို့ပဲ ရှိတော့တာ ဖြစ်ပါတယ်။

အဖြူရောင်ကလေးတွေ ဘယ်လိုတွေးတယ်ဆိုတာ သေချာမသိပေမယ့် ဘုန်းဘုန်းရဲ့ တစ်သီးပုဂ္ဂလ အတွေးကတော့ “လောကကြီးမှာ အကျိုးစီးပွားဆိုတာ ကိုယ်ကျိုးအတွက် ရှိသလို၊ အများအကျိုးအတွက်လည်း ရှိနေတာဆိုတော့ ကိုယ်ကျိုးပဲ မကြည့်ဘဲ အများအကျိုးအတွက်လည်း စွမ်းနိုင်သမျှ လုပ်ပေးခြင်းဟာ တကယ့်ကို မွန်မြတ်တဲ့ အလုပ်ဖြစ်တဲ့အတွက် စွမ်းနိုင်သူတွေ အနေနဲ့ လုပ်ကိုလုပ်သင့်ကြတယ်”ဆိုတဲ့ အချက်ပဲ ဖြစ်ပါတယ်။ လူအမျိုးမျိုး၊ အခြေအနေအမျိုးမျိုး ရှိနေတဲ့ အနေအထားမှာ လောကကြောင်းအရပဲ ကြည့်ကြည့် ဓမ္မကြောင်းအရပဲ ကြည့်ကြည့် စွမ်းနိုင်တဲ့သူတွေ၊ တတ်နိုင်တဲ့သူတွေ အနေနဲ့ကတော့ မစွမ်းနိုင်တဲ့သူတွေကို တစ်နိုင်တစ်ပိုဒ် ကူညီထောက်ပံ့မှုလေးတွေ ပြုလုပ်တယ်ဆိုတာ ဒါဟာ စစ်မှန်ပြီး အပြစ်ကင်းတဲ့ အလုပ်လို့ပဲ ပြောရမှာဖြစ်ပါတယ်။ ဒါကြောင့်လည်း ဒီအလုပ်ကို အဖြူရောင်လူငယ်လေးတွေ တစ်စိုက်မတ်မတ် လုပ်လာဖြစ်တာ နေမှာပါလို့ ဆက်စပ်တွေးဖြစ်လိုက်ပါသေးတယ်။

ပြီးတော့ စွမ်းအားဆိုတာ တစ်ယောက်တည်း မနိုင်ပေမယ့် အများပေါင်းလိုက်တဲ့အခါ ခွန်းအား ကြီးမားတတ်တယ်ဆိုတာ အားလုံးအသိပဲ ဖြစ်ပါတယ်။ တစ်ခါတစ်လေ လူတွေမှာ ရှိတဲ့သူတွေအတွက် တစ်ပြားတစ်ချပ်ဆိုတာ ဘာမှမဟုတ်ပေမယ့် မရှိတဲ့သူတွေအတွက် တကယ့်ကို အများကြီး အကျိုးဖြစ်သွားတတ်တယ်ဆိုတာ တစ်ကျပ်တစ်ပြားနဲ့ တစ်တပ်တစ်အား စုပေါင်းထားတဲ့ အဖြူရောင်လူငယ်များက အသိဆုံးပဲ ဖြစ်ပါတယ်။ အထူးသဖြင့် ကိုရီးယားလို နိုင်ငံမျိုးမှာ ငါးထောင်၊ တစ်သောင်းဆိုတာ ရုပ်ရှင်လက်မှတ်တစ်စောင်စာ၊ ကားလက်မှတ်တစ်စောင်စာ၊ ဆေးလိပ်တစ်ဗူးစာ၊ အရက်တစ်ပုလင်း၊ နှစ်ပုလင်းစာလောက်သာ ဖြစ်ပေမယ့် အဲဒီငါးထောင်တစ်သောင်းလောက်ဟာ မြန်မာပြည်လို ဆင်းရဲလှတဲ့ နိုင်ငံတွေမှာတော့ ဘဝတစ်ခုကို ခဏပဲဖြစ်ဖြစ် လှသွားနိုင်လောက်အောင် အကျိုးဖြစ်ထွန်းစေတယ်ဆိုတာ တစ်ကျပ်တစ်ပြား စုပေါင်းအားနဲ့ အများအကျိုး ရွတ်သယ်ပိုးနေကြတဲ့ ပရဟိတသမားများအားလုံး အသိဆုံးနဲ့ လက်အခံဆုံးပဲ ဖြစ်ပါတယ်။ အဓိကကတော့ အဲဒီတစ်ကျပ်တစ်ပြားကို တစ်တပ်တစ်အားနဲ့ ပူပေါင်းပါဝင်နိုင်ဖို့ပဲ ဖြစ်ပါတယ်။ တစ်ကျပ်တစ်ပြားတွေ များလေလေ ဘဝမလှတဲ့သူတွေအတွက် ခွန်အားတွေ တိုးပွားလေပဲ ဖြစ်တဲ့အတွက် တစ်လမှာ တစ်ခါလောက်ပဲဖြစ်ဖြစ် သောက်မယ့်အရက် တစ်ပုလင်းစာ၊ သောက်မယ့်ဆေးလိပ် တစ်ဗူးစားလောက်ကို ပရဟိတ အလုပ်များအတွက် ပေါက်မြောက်အောင် ထည့်ဝင်နိုင်ကြမယ်ဆိုရင် ကိုယ့်အတွက်လည်း ကုသိုလ်ရ၊ ကိုယ့်လောက်မှမရှိတဲ့ သူတွေအတွက်လည်း ဘဝတွေ လှသွားကြမှာ အမှန်ပဲ ဖြစ်ပါတယ်။ သေချာတာကတော့ အရက်တစ်ပုလင်းစာလျော့ပြီး အလှူလုပ်နိုင်ခဲ့မယ်ဆိုရင် ကိုယ့်မှာလည်း ကုသိုလ်ရ၊ သူ့မှာလည်း ဥစ္စာရသွားတယ်ဆိုတာ အသေအချာပဲ ဖြစ်ပါတယ်။

ထားပါတော့။ ဒီနေရာမှာ ပြောချင်တာက အဖြူရောင်နှလုံးသားပိုင်ရှင် ကိုရီးယားရောက် အဖြူရောင်မေတ္တာ လူငယ်လေးများရဲ့ အဖြူရောင်လှုပ်ရှားမှု ပုံရိပ်များအကြောင်း တစ်စေ့တစ်စောင်းပဲ ဖြစ်ပါတယ်။ ပေါ်ပေါက်တာမကြာသေး၊ အဖွဲ့အင်အား မများသေး၊ ရံပုံငွေးအား မပွားသေးပေမယ့် သူတို့တွေရဲ့ လက်တွေ့လုပ်ထားတဲ့ လှုပ်ရှားမှုအားတွေကတော့ မြန်မာပြည်တွင်းမှာ အတော်များများ အလှတရားတွေ ဖြစ်ပွားနေကြပြီဆိုတာ ပြောချင်တာ ဖြစ်ပါတယ်။ သူတို့လေးတွေဟာ ဒီအလုပ်တွေကို ငွေကြေးတတ်နိုင်လို့၊ အချိန်တွေပိုနေလို့ လုပ်နေကြတာမဟုတ်ဘဲ အမျိုးတွေရဲ့ လိုအပ်ချက်တွေအရ တစ်ထောင့်တစ်နေရာက အထောက်အကူပေးလို၊ ကိုယ်ပင်ပင်ပန်းပန်း ရှာဖွေထားတာလေးတွေကို ရေရှည်အတွက် အကျိုးရှိမယ့် နေရာလေးတွေမှာ ပံ့ပိုးမြုပ်နှံပေးလိုမှု သက်သက်တွေကြောင့် စိတ်ရောကိုယ်ပါနှစ်ပြီး ပတ်ဝန်းကျင်ရဲ့ အပြောအဆိုကိုခံကာ လုပ်နေကြတယ်ဆိုတာ သိစေချင်တာ ဖြစ်ပါတယ်။ ပြီးတော့ သူတို့လေးတွေလိုပဲ ကိုယ်ရှာဖွေထားတာလေးတွေထဲက တစ်ကျပ်တစ်ပြားပဲဖြစ်ဖြစ် အမြတ်တရားတွေ ဖြစ်စေလိုသူတွေ အနေနဲ့လည်း အဖြူရောင်နှလုံးသားပိုင်ရှင် အဖြူရောင်မေတ္တာရှင်လေးများနဲ့ ပူပေါင်းပါဝင် အားဖြည့်ပေးကြဖို့ အသိပေး တိုက်တွန်းလိုက်ချင်တာ ဖြစ်ပါတယ်။ (အဖြူရောင်အဖွဲ့ စာမျက်နှာhttp://whiteloveforpeople.ning.com/ )

ဒါကြောင့် အဖြူရောင် နှလုံးသား၊ အဖြူရောင်အပြုံးများနဲ့ အဖြူရောင်သက်သက် အလုပ်များကို တစ်တပ်တစ်အားနဲ့ လှုပ်ရှားနေကြတဲ့ ကိုရီးယားရောက် အဖြူရောင်မေတ္တာ လူငယ်တွေလို မိမိတို့ အနေနဲ့လည်း မိမိတို့ပင်ပင်ပန်းပန်း ရှာဖွေထားတာလေးတွေထဲက တစ်ကျပ်တစ်ပြားလောက်ပဲ ဖြစ်ဖြစ် တစ်တပ်တစ်အား စုပေါင်းအားတွေ တည်ဆောက်ပေးလိုကြတယ်ဆိုရင်ဖြင့် အဖြူရောင်မေတ္တာလူငယ်များအဖွဲ့ (ကိုရီးယား)နဲ့ ပူပေါင်းပြီး အများအကျိုးကို စွမ်းနိုင်သမျှ ဆောင်ရွတ်နိုင်ပါကြောင်း အသိပေးဖိတ်ခေါ်ရင်း ဘုန်းဘုန်းကိုယ်တိုင် ရေးစပ်ပေးထားတဲ့ “ပရဟိတစိတ်ထား ထိုသူများသို့”ဆိုတဲ့ ကဗျာလေးနဲ့ပဲ အဖြူရောင်မေတ္တာလူငယ်များအကြောင်း တစ်စေ့တစ်စောင်းကို စေတနာထား မေတ္တာအားနဲ့ ဂုဏ်ပြုတင်ပြလိုက်ရပါတယ်။

“ပရဟိတစိတ်ထား၊ ထိုသူများသို့”

သဒ္ဓါအပြည့်၊ သီလငွေ့ဖြင့်
ဆန္ဒလည်းထား၊ ဝီရိယအားဖြင့်
ခန္တီနှလုံး၊ အစဉ်သုံး၍
မေတ္တာနှလုံး၊ ကျင့်ကာသုံးသည့်
အမှန်ကန်ဆုံး၊ ဤကျင့်ထုံးကား
အများတကာ၊ ကောင်းစေရာဖို့
စွမ်းဆောင်စေသူ၊ များထိုသူတို့
အမှန်မလွဲ၊ သတိစွဲကာ
လိုက်နာကျင့်ရာ၊ နည်းမှန်ပါ၍
ပရစိတ်ထား၊ အို..လူသားတို့
ကြိုးစားအမှန် ကျင့်ကြံလေလော့။ ။

မေတ္တာဖြင့်
(မနာပ ဒါယီ ဆရာတော်)
http://www.venvicitta.com
10:44 PM