မြန်မာလုပ်သားများ အရစ်ကျစနစ်ဖြင့် ကားဝယ်ယူ၍ မြန်မာပြည်သို့ တင်သွင်းနိုင်ပြီ

ကိုရီးယားသို့ အီး-၉ ဗီဇာဖြင့် လာရောက် လုပ်ကိုင်နေထိုင်သည့် မြန်မာအလုပ်သမားများ အတွက် အထူးအစီအစဉ် အဖြစ် မော်တော်ကား အသစ်/အဟောင်းများကို အရစ်ကျ ငွေချေစနစ်ဖြင့် ရောင်းချပေးမည် ဖြစ်ပြီး၊ မြန်မာပြည် အရောက် ပို့ဆောင်ရေးကိုပါ တာဝန်ယူ ဆောင်ရွက်ပေးမည် ဖြစ်ကြောင်း ဆောင်ဝူးရောင်းဝယ်ရေး ကုမ္ပဏီက ယနေ့ ကြေညာပါသည်။

အဆိုပါ အစီအစဉ်အရ Samsung, Hyundai, KIA, Ssangyong, Daewoo ထုတ် အိမ်သုံး(လူစီး)နှင့် အငယ်စား ကုန်ကားများကို လပေါင်း ၃၀ အရစ်ကျ ငွေချေစနစ်ဖြင့် ရောင်းချပေးမည်ဟု သိရပါသည်။ ကားတန်ဖိုး၏ ၂၀ ရာနှုန်း ငွေပေးချေပြီးပါက မြန်မာပြည်သို့ တင်ပို့နိုင်ပြီဟု ဆိုပါသည်။

ဝယ်ယူသူ မြန်မာ အလုပ်သမားသည် ကိုရီးယားမှ အပြီးအပိုင် မထွက်ခွာမီ ကားတန်ဖိုးကို အပြီးအကျေ ငွေချေရန် တာဝန်ခံနိုင်သည့် အခြေအနေ ရှိရမည် ဖြစ်ပြီး၊ မိမိ၏ ကိုယ်ရေး အချက်အလက်နှင့် အလုပ်အကိုင်ဆိုင်ရာ အထောက်အထားများကို တင်ပြ၍ ကုမ္ပဏီနှင့် ညှိနှိုင်း ၀ယ်ယူနိုင်သည့် စနစ်ဖြစ်ကြောင်း ဆက်လက်ဖော်ပြထားပါသည်။

ယခု ရောင်းဝယ်ရေး အစီအစဉ်မှာ မြန်မာပြည်ဘက်မှ ပြောင်းလဲလာသော အခြေအနေများနှင့် မော်တော်ယာဉ် တင်သွင်းခွင့်များ ပွင့်လင်းလာမှုကြောင့် မြန်မာလုပ်သားများ အဆင်ပြေပြေ ၀ယ်ယူနိုင်ရန် အထူးစီစဉ် ဆောင်ရွက်ခြင်း ဖြစ်ကြောင်း ဆောင်ဝူးကုမ္ပဏီမှ ဒါရိုက်တာ ဘတ်ဂျီဟယွန်းက ပြောပါသည်။

ဝယ်ယူနိုင်သည့် ကားအမျိုးအစားများ၊ ဈေးနှုန်းနှင့် ၀န်ဆောင်ခများ၊ ရောင်းချပေးမည့် စနစ် အသေးစိတ် သိလိုပါက အောက်ပါ အတိုင်း ဆက်သွယ် စုံစမ်းနိုင်ကြောင်း သတင်းကောင်း ဖြန့်ချိလိုက်ပါသည်။

성우상업 : www.sungwusale.co.kr
주소 : 서울특별시 강동구 명일동 44-2
전화번호 : 02-4811-8233 팩스번호 : 02-4811-8235
대표이사 : 박지현 휴대폰 : 010-2201-8539

ဆက်စပ်သတင်းများ -
- ကိုရီးယားထုတ်ကားများ ဝယ်ရောင်းလိုပါက အကျိုးဆောင်ပေးပါမည်
- ကုမ္ပဏီများနှင့် ပြည်ပရောက် မြန်မာလုပ်သားများ ရက်ပိုင်းအတွင်း ကားစီးရေ နှစ်သောင်းခန့် သွင်းခွင့်ရမည်