ဒေါ်အောင်ဆန်းစုကြည် ကိုရီးယားခရီးစဉ် ပူးပေါင်းဆောင်ရွက်မှု ကော်မတီ
ပူချွန်းမြို့၊ ကိုရီးယား
လုံခြုံရေးနှင့် စည်းကမ်းလိုက်နာရန် အချက်များ (သတင်းထုတ်ပြန်ချက် ၅)
၁။ မြန်မာ့ဒီမိုကရေစီ ခေါင်းဆောင်၊ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ ကိုရီးယားနိုင်ငံ ခရီးစဉ်အတွင်း ပြုလုပ်မည့် ကြိုဆိုပွဲ၊ ဆုပေးပွဲ၊ တွေ့ဆုံပွဲ စသည့် အခမ်းအနား အစီအစဉ်များ လုံခြုံ ချောမွေ့ အောင်မြင်စေရန်အတွက် ထောက်ခံအားပေး တက်ရောက်ကြသူတိုင်း အောက်ပါ အချက်များကို အလေးအနက် လိုက်နာကြပါရန် ကော်မတီက မေတ္တာရပ်ခံ တိုက်တွန်းလိုက်ပါသည်။
၂။ အင်ချွန်းလေဆိပ်၊ ဂျိုဆောန်ဟိုတယ်ရှေ့၊ ကင်မ်ဒဲဂျုံးစာကြည့်တိုက်၊ ဂွမ်ဂျူး ဒီမိုကေရစီဖောင်ဒေးရှင်း တို့တွင် ကျင်းပမည့် အခမ်းအနားများသို့ တက်ရောက်လာသူများသည်~
- (က) ကွမ်းယာ၊ ဆေးလိပ်၊ စီးကရက်၊ မီးခြစ်၊ အရက်၊ အန္တရာယ် ဖြစ်စေနိုင်လောက်သော ပစ္စည်း အသုံးအဆောင် စသည်တို့ကို ပွဲကျင်းပရာ ပရ၀ုဏ်ဝန်းကျင်သို့ လုံးဝ ယူဆောင်လာခြင်း မပြုရပါ။
- (ခ) ခန်းမတွင်းသို့ ရေနှင့် မည်သည့် အစားအစာကိုမျှ ယူဆောင်ခြင်း မပြုရပါ။
- (ဂ) ပွဲကျင်းပနေစဉ်အတွင်း လက်ကိုင်ဖုန်းများကို စက်ပိတ်ထားရပါမည် သို့မဟုတ် လော့ဂ်ချထားရပါမည်။
- (ဃ) ဓာတ်ပုံ၊ ဗီဒီယို ရိုက်လိုလျှင် မိမိနေရာမှ နေ၍ ထိုင်ရာမထ ဣနြေ္ဒရှိရှိ ရိုက်နိုင်ပါသည်။ မတ်တပ်ထလျက် သို့မဟုတ် ဟိုလျှောက်ဒီလျှောက် ရိုက်ခွင့် မပြုပါ။
- (င) စင်ပေါ်သို့တက်၍ ဒေါ်အောင်ဆန်းစုကြည်အား နှုတ်ဆက်ခြင်း၊ ပန်းစည်းပေးခြင်း၊ လက်ဆောင်ပေးခြင်း၊ ဓာတ်ပုံတွဲရိုက်ခြင်း စသည်တို့ကို လုံးဝ လုပ်ခွင့် မပြုပါ။
၃။ ပွဲသို့ လာရောက်သူတိုင်း ကော်မတီ လုံခြုံရေးတာဝန်ခံများ၏ စစ်ဆေးမှုကို ခံယူရပါမည်။
၎။ လက်ဆောင်ပစ္စည်းပေးသည့် အစီအစဉ်မှာ -
- (က) ဖေဖော်ဝါရီ ၁ ရက်နေ့ တွေ့ဆုံပွဲ တစ်ခုတည်းတွင်သာ ပေးအပ်နိုင်ပါမည်။
- (ခ) ပွဲမကျင်းပမီ စောစောလာရောက် ပေးအပ်ကြပါ။ ပွဲချိန်မတိုင်ခင် တစ်နာရီအလိုတွင် ကောင်တာ ပိတ်ပါမည်။
- (ဂ) လက်ဆောင်ပေးသူက စာရွက်လွတ်ပေါ်တွင် အမည်၊ အိုင်ဒီနံပါတ် သို့မဟုတ် ပတ်စပို့နံပါတ်၊ ဖုန်းနံပါတ်၊ အီးမေးလ်၊ နေရပ်လိပ်စာ၊ လက်ဆောင်ပစ္စည်း အမျိုးအစားနှင့် အရေအတွက် တို့ကို ပြည့်စုံစွာ ရေးသားပြီး တပါတည်းယူလာရပါမည်။ (အုပ်စုလိုက်ဖြစ်လျှင် ခေါင်းဆောင်တစ်ဦး၏ အချက်အလက် အပြည့်အစုံနှင့် ကျန်အဖွဲ့ဝင်များ၏ အမည်များကို တွဲလျက် ဖော်ပြပါ။)
- (ဃ) ပစ္စည်းကို ပါကင်အသေ ပိတ်မလာရပါ။ လုံခြုံရေးအဖွဲ့က ဖွင့်ဖောက် စစ်ဆေးတာကို လက်ခံရပါမည်။ ပစ္စည်းပေးအပ်သည့်အခါ စာရင်းနှင့်တကွ လက်ခံယူပါမည်။
၅။ ယခု ဖော်ပြပါ အချက်များကို လေးစားစွာ လိုက်နာခြင်းဖြင့် ဒေါ်စု၏ ကိုရီးယားခရီးစဉ် အောင်မြင်ရေး လက်တွဲ ဆောင်ရွက်ကြရန် အလေးအနက် တိုက်တွန်း နှိုးဆော်အပ်ပါသည်။
ရက်စွဲ။ ၂၀၁၃ ဇန်န၀ါရီလ ၂၄၊ ကြာသပတေးနေ့
No comments:
Post a Comment