ကိုရီးယား - ယိမ်းနွဲ့နေသော ရောင်စုံကြာ စာအုပ် မိတ်ဆက်ပွဲ ကျင်းပ

ထောင်စုပြတင်း စာအုပ်တိုက်မှ ထုတ်ဝေသော “ကိုရီးယား - ယိမ်းနွဲ့နေသော ရောင်စုံကြာ” စာအုပ် မိတ်ဆက်ပွဲကို ယနေ့ မွန်းလွဲ ၁ နာရီမှ ၃ နာရီအထိ၊ ရန်ကုန်မြို့၊ ဗိုလ်ချုပ်အောင်ဆန်းလမ်း၊ စင်ထရယ်ဟိုတယ်တွင် ကျင်းပပြုလုပ်ရာ စာပေ၊ မီဒီယာနှင့် နယ်ပယ်အသီးသီးမှ ဧည့်ပရိသတ် တစ်ရာကျော် တက်ရောက်ကြပြီး၊ စာရေးဆရာ ၆ ဦးက မိတ်ဆက်စကား ပြောကြားခဲ့ကြပါသည်။



ဆရာ ဖေမြင့်၊ ဆရာမ နုနုရည် အင်းဝ၊ ကာတွန်း အော်ပီကျယ်၊ ဆရာ မောင်လွင်မွန် ကသာ၊ ဘလော့ဂါ နေဘုန်းလတ်၊ လူငယ်စာရေးဆရာ သူရဿဝါ တို့က ဤစာအုပ်နှင့် ပတ်သက်၍ သူတို့၏ အမြင်အသီးသီးကို ဟောပြောခဲ့ကြပြီး၊ စာအုပ်တွင် ပါဝင်ရေးသားသူများ ဖြစ်သည့် ဒယ်ဂူးမြို့ စိတ္တသုခမြန်မာဘုန်းတော်ကြီးကျောင်း ဆရာတော် အရှင်ဝိစိတ္တနှင့် ညီဇေ တို့က မီဒီယာများ၏ မေးမြန်းသမျှကို ဖြေကြားပေးခဲ့ပါသည်။

မိတ်ဆက်ပွဲသို့ MRTV4, The Voice, Yangon Times, ပြည်သူ့ခေတ် စသည့် သတင်းမီဒီယာများ၊ စာရေးဆရာများ၊ ဌာနဆိုင်ရာများ၊ ပရဟိတအဖွဲ့အစည်းများ၊ လူငယ်အဖွဲ့အစည်းများ၊ ဖိတ်ကြားထားသူများနှင့် စိတ်ပါဝင်စားသူများ တက်ရောက်ကြပါသည်။

စာအုပ် ဖြန့်ဝေမှုကိစ္စများကို မာလာရွှေ (မြန်မာပြည် ဖြန့်ချိရေး ကိုယ်စားလှယ်) Real My Ko Co., Ltd အမှတ် ၁၈၈၊ ဒုတိယထပ်၊ (2B) ပန်းဆိုးတန်းလမ်း (အလယ် )၊ ရန်ကုန်မြို့ Tel: 09-731-83769 မှ တိုက်ရိုက် ဖြန့်ဝေ ရောင်းချပေးလျက်ရှိသည်။