အလိုရှိပါတယ်

ရေးသားသူ — စိုးမိုးသူ

ကျနော့်ဆီ ဖုန်းနဲ့ ဆက်သွယ်ပြီး ကိုရီးယားတွင်း ကြုံတွေ့နေကြရတဲ့ သူတို့သိလိုရာကို မေးမြန်းလေ့ရှိတဲ့ ညီအကိုများ မကြာခဏ ရှိကြပါတယ်။

သူတို့ သိလိုတာက ကျနော် သိထားတာ ဆိုရင် ချက်ချင်း အဖြေပေးနိုင်ပေမယ့်
ကျနော် မသိထားတာဆိုရင် စုံစမ်းမေးမြန်းပြီး ပြန်လည် ဖြေကြားပေးခဲ့ပါတယ်။
သူတို့ မေးတာတွေက အများသိသင့်တယ်ထင်ရင် ဆောင်းပါးရေးပြီး ဟန်းဂုရွာမှာ တင်ပေးခဲ့ပါတယ်။

တခါတလေ သိသင့်တယ်ထင်လို့ ဘယ်သူမှ မမေးလဲ ကိုယ့်ဖာသာ အကြောင်းအရာကို စဉ်းစားပြီး သက်ဆိုင်တဲ့ အချက်အလက်ကို ရှာဖွေပြီး ဆောင်းပါးရေး တင်ပေးပါတယ်။
ပညာဒါနလုပ်ရင်း ကုသိုလ်လိုချင်လို့ပါ။

ဒါပေမယ့် အများသိလိုတဲ့ အရာတွေကို ဦးစားပေး ရေးသားလိုတဲ့ ဆန္ဒရှိတာမို့၊
 အလိုရှိပါတယ်

၁_ ရွှေ့ပြောင်းအလုပ်သမားတယောက်အနေနဲ့ တွေ့ကြုံရတဲ့ အကြောင်းကိစ္စပဲ ဖြစ်ဖြစ်၊
(ဥပမာ- ရွှေ့ပြောင်းအလုပ်သမားနဲ့ဆိုင်ရာ အလုပ်သမားဥပဒေအကြောင်း၊ အလုပ်သမားအခွင့်အရေးအကြောင်း၊ အလုပ်သမားနဲ့ သက်ဆိုင်တဲ့ အကြောင်းအရာ အမျိုးမျိုး)

၂_ကိုရီးယားတွင်း နေထိုင်ရင်း တွေ့ကြုံရတဲ့ အခက်အခဲကို ဖြေရှင်းရန်ပဲ ဖြစ်ဖြစ်၊ သိလိုရာကိုပဲ ဖြစ်ဖြစ်
(ဥပမာ- အလုပ်သမားရေးနှင့်မဆိုင်သော်လည်း ရံခါ ကြုံတွေ့ကြရသည့် ရုံးကိစ္စ၊ အမှုအခင်း၊ ဥပဒေ၊
စည်းမျဉ်းစည်းကမ်း၊ နိုင်ငံရေး၊ စီးပွားရေး၊ လူမှုရေး စသည်)

အထက်ပါ မိမိနဲ့ သက်ဆိုင်ရာမှ အများနဲ့ပါ သက်ဆိုင်တယ်လို့ ယူဆတဲ့ အကြောင်းအရာများကို
ဆောင်းပါး ရေးပေးဖို့ ကျနော့်ထံ ပွင့်လင်းစွာ မေးလ်ပို့ တောင်းဆိုနိုင်ပါတယ်။
ကျနော့် မေးလ်လိပ်စာ smthu2006@gmail.com 

မိတ်ဆွေတို့ ရေးစေချင်တဲ့ အကြောင်းအရာက အများနဲ့ဆိုင်ပြီး သိသင့် သိထိုက်တဲ့ အကြောင်းအရာဖြစ်ပါ က အတတ်နိုင်ဆုံး ခိုင်လုံတဲ့ အချက်အလက်များကို ရှာဖွေပြီး ရေးသားပြုစု တင်ပြပေးသွားပါမည်။
ဒါပေမယ့် အများနဲ့ မဆိုင်တဲ့ အကြောင်းအရာဆိုရင်တော့ လွတ်လပ်စွာ ငြင်းပယ်မှာ ဖြစ်ပါကြောင်း။

အားလုံး အဆင်ပြေကြပါစေ။
စိုးမိုးသူ