အထောက်အထားမဲ့နေထိုင်သူတွေရဲ့ ကလေးများ ပညာသင်ခွင့် ရတော့မလား

ရေးသားသူ — စိုးမိုးသူ

ကိုရီးယားနိုင်ငံတွင်း အထောက်အထားမဲ့ နေထိုင်သူ မိဘများမှ မွေးဖွားလာပြီး နိုင်ငံခြားသားမှတ်ပုံတင် လက်မှတ် ကိုင်ဆောင်နိုင်ခြင်းမရှိတဲ့ အထောက်အထားမဲ့ ရွှေ့ပြောင်းကလေးများ အနေဖြင့် ကျောင်းတက် ပညာသင်ယူနိုင်ရန်အတွက် အစိုးရမဟုတ်သော အဖွဲ့အစည်းများမှ  ဥပဒေတရပ်ကို တင်သွင်းဖို့ စီစဉ်နေ ကြပါပြီ။

လူ့အခွင့်အရေးဆိုင်ရာဥပဒေဖောင်ဒေးရှင်းဌာန ဂုံဂမ်း၊ save the children၊ Asia friends၊ ဟုန်းဆာဒန် စတဲ့ အဖွဲ့အစည်းများ ပူးပေါင်းပြီး ရွှေ့ပြောင်းကလေးများ လူ့အခွင့်အရေးကာကွယ်စောင့်ရှောက်  
ရေး ဥပဒေ မူကြမ်းကို ပြုလုပ်ကာ ဧပြီလနှင့် မေလအတွင်း ဒီမိုကရက်တစ်စုစည်းမှု ပါတီ လွှတ်တော်အ မတ် ဘာ့ဂ်ယောင်ဆောန်မှ တဆင့် လွှတ်တော်သို့ တင်သွင်းဖို့ရှိကြောင်း မတ်လ ၃၁ရက်နေ့က ကြေညာ ခဲ့ပါတယ်။

သူတို့က ရွှေ့ပြောင်းကလေးများ လူ့အခွင့်အရေး ကာကွယ်စောင့်ရှောက်ရေးဥပဒေ အပိုဒ်၁၀နှင့် အပိုဒ် ၁၁တွင်  ကိုရီးယားနိုင်ငံတွင်းတွင် မွေးဖွားပြီး နေထိုင်နေသော ရွှေ့ပြောင်းကလေးငယ်များအနေဖြင့် မိဘဖြစ်သူရဲ့ အထောက်အထားမဲ့နေထိုင်နေခြင်းနှင့် မသက်ဆိုင်ပဲ နိုင်ငံသားဖြစ်ခွင့်၊ အမြဲတမ်းနေထိုင် ခွင့် စသည်တို့အား ရပိုင်ခွင့်ရှိရမယ်လို့ ရေးသားထားပါတယ်။
ထို့အပြင် ကိုရီးယားကလေးများနည်းတူ ရွှေ့ပြောင်းကလေးများသည်လည်း မူလတန်းပညာနှင့် အလယ် တန်းပညာတို့ကို မဖြစ်မနေသင်ယူနိုင်ခွင့်ရှိရမယ်လို့လည်း ဥပဒေ အပိုဒ်၁၆တွင် ရေးသားထားပါတယ်။

အဖွဲ့အစည်းများက လက်ရှိမှာ ရွှေ့ပြောင်းကလေး ၂သောင်းကျော်ဟာ အထောက်အထားမဲ့ နေထိုင်သူ မိဘများရဲ့ အနေအထားကြောင့် သူတို့ရဲ့ ပညာရေး၊ လူမှုရေး၊ ကျန်းမာရေးဆိုင်ရာ အခွင့်အရေးများဟာ အကာအကွယ်မဲ့ဖြစ်နေကြတယ်လို့ ထုတ်ပြန်ပါတယ်။


အဖြစ်အပျက်တခုကို တင်ပြပါ့မယ်။
နိုင်ဂျီးရီးယားနိုင်ငံသား အထောက်အထားမဲ့ အလုပ်သမားAဟာ အလယ်တန်းပညာကို အောင်မြင်ပြီးသူ
သမီးBမှ အထက်တန်းကျောင်း တက်ခွင့်မရတဲ့ ကိစ္စနဲ့ ပတ်သက်ပြီး ဂုံဂမ်းဖောင်ဒေးရှင်းရဲ့ အကူအ
ညီကို တောင်းခံဖို့ သွားရောက်ခဲ့ပါတယ်။

ကိုရီးယားတွင်း မွေးဖွားခဲ့သူ Bဟာ မိခင်ဖြစ်သူက အထောက်အထားမဲ့ အလုပ်သမားဖြစ်တာကြောင့် ကိုရီး
ယားနိုင်ငံသားဖြစ်ခွင့်ကို အသာထား နေထိုင်ခွင့်ဗီစာကိုတောင် မရရှိနိုင်တဲ့ အထောက်အထားမဲ့ ရွှေ့
ပြောင်းကလေး အဖြစ်ဖြင့် မူလတန်းနဲ့ အလယ်တန်းပညာကို သင်ယူပြီးစီးခဲ့ပါတယ်။

ဂုံဂမ်းမှနေပြီး ပညာရေးဌာနရဲ့ ပဒေသာယဉ်ကျေးမှု ကျောင်းသားရဲ့ ကျောင်းနေခွင့်ဆိုင်ရာ လမ်းညွှန်စာအုပ်တွင် ပါရှိတဲ့ ဗီစာမဲ့နေထိုင်ခြင်းပေါ်တွင် မူမတည်ပဲ ရွှေ့ပြောင်းကလေးများအနေဖြင့် အထက်တန်းကျောင်းသို့ တက်ခွင့်ရှိကြောင်း သတ်မှတ်ချက်အား သက်ဆိုင်ရာ ပညာရေးဌာနသို့ သွားရောက်ပြသခဲ့ပါတယ်။ အဲဒီနောက် ရွှေ့ပြောင်းကလေး Bဟာ သူများထက် ကျောင်းတလ  နောက် ကျပြီးနောက် အထက်တန်းကျောင်းကို တက်ရောက်နိုင်ခဲ့ပါတယ်။

ဂုံဂမ်းရဲ့ ရှေ့နေဖြစ်သူ ဆိုရာမီက ပညာရေးဌာနရဲ့ လမ်းညွှန်ကို Bရဲ့ မိခင်ဖြစ်သူသာမက ကျောင်းတွင်း တာဝန်ရှိသူများ ကိုယ်တိုင် လုံးဝ မသိခဲ့ကြကြောင်း၊ ဒီလို အဖြစ်မျိုးတွေ့ကြုံနေကြရတဲ့ ရွှေ့ပြောင်းကလေး များဟာ များပြားစွာ ရှိနေနိုင်သေးကြောင်း ထောက်ပြပြောဆိုလိုက်ပါတယ်။

ဒါပေမယ့် အဲဒီ ပညာရေးဌာနရဲ့ လမ်းညွှန်ချက်ဟာ ညွှန်ကြားချက် သက်သက်သာဖြစ်ပြီး ဥပဒေပိုင်းအရ
အကျိုး သက်ရောက်မှု မရှိတာကြောင့် ကျောင်းအုပ်ရဲ့ သဘောထား အလိုက် ရွှေ့ပြောင်းသူကလေးများ
အနေဖြင့် ကျောင်းမတက်ရောက်နိုင်တဲ့ အဖြစ်အပျက်များဟာ ဘယ်အချိန်မဆို ရှိနေနိုင်သေးတာမို့ သူတို့အား  အကာအကွယ်ပေးရန် ဥပဒေအား ရေးဆွဲကြရခြင်း ဖြစ်ကြောင်း ရှေ့နေ ဆိုရာမီက ရှင်းပြ ပါတယ်။
 
ဆက်လက်ပြီး ဆိုရာမီက ကိုရီးယားကလေးများက အထက်တန်းပညာရေးကို မသင်မနေရအဖြစ် လက်ခံ
ရရှိထားသကဲ့သို့ ရွှေ့ပြောင်းကလေးများရဲ့ မသင်မနေရ ပညာရေးနယ်ပယ်ကို ချဲ့ထွင်ဖို့လည်း ကြိုးစားနေ
ကြောင်း၊ လာမည့် လတွင် ဖွင့်လှစ်မယ့် လွှတ်တော်တွင်း လူ့အခွင့်အရေးဖိုရမ်တွင် အသေးစိတ် ဆွေးနွေး
သွားဖို့ အစီအစဉ်ရှိကြောင်း ပြောဆိုလိုက်ပါတယ်။

ဒါပေမယ့် လွန်ခဲ့တဲ့ ၂၀၁၀ခုနှစ်က စဲနူးရီပါတီရဲ့ လွှတ်တော်အမတ် ကင်မ်ဒုန်ဆောင်းက ဦးစီးပြီး တင်သွင်း
ခဲ့တဲ့ အထောက်အထားမဲ့နေထိုင်သူ နိုင်ငံခြားသားများရဲ့ သားသမီးများအား ဥပဒေအရ အကာအကွယ်ပေး
ဖို့ အလားတူ ဥပဒေမူကြမ်းတရပ်ကို တင်သွင်းခဲ့ဖူးပါတယ်။

ဒါပေမယ့် ရွှေ့ပြောင်းကလေးများရဲ့ လူ့အခွင့်အရေးကာကွယ်ပေးမှုဟာ အထောက်အထားမဲ့နေထိုင်သူ များကို တရားဝင်အဖြစ်သို့ ပြောင်းလဲနိုင်တဲ့ နည်းလမ်းအဖြစ် အသုံးချခံရမှာ စိုးရိမ်လို့ဆိုပြီး အဲဒီဥပဒေဟာ လည်း လွှတ်တော်မှ ပယ်ချခြင်း ခံခဲ့ရပါတယ်။

မည်သို့ပင်ဆိုစေ တိုင်းပြည်ရဲ့ အနာဂတ် ရင်သွေးငယ်များ အနေဖြင့် အတူတကွ နေထိုင်ကြသော ပဒေသာယဉ်ကျေးမှု လူ့အသိုင်းအ၀န်းအတွင်း မည်သည့်အကြောင်းကြောင့်မှ သူတို့အား ပြစ်ပယ်ထား၊ လျစ်လျူရှုထားဖို့ မသင့်သလို သူတို့ရဲ့ တန်ဘိုးရှိတဲ့ ဘ၀ အနာဂတ်တွေကိုလည်း ပိတ်ပင်ထားရန် မသင့်ကြောင်း တင်ပြလိုက်ရပါတယ်။