ကမ္ပည်း

ကလေးရေ…
နာကျဉ်နေတဲ့ နှလုံးသားထဲက စီးကျလာတဲ့
မင်းရဲ့ မျက်ရည်တွေကို သုတ်လိုက်ပါ။

ဒီအချိန်ဟာ
မင်းအတွက် အကောင်းဆုံး နိုးထရမယ့်အချိန်။


ငါတို့ အတူတူရှိနေတဲ့
အစိမ်းရောင် မြက်ခင်းပြင်ကြီးကို ကျော်လွန်ပြီး
မင်း… ကြည့်လိုက်ပါ၊
ဟောဟိုက ရွှံ့ညွန်အိုင်ထဲမှာ ကြာဖြူတွေ ပွင့်နေတယ်လေ။

ဘယ်လို ပတ်ဝန်းကျင်မျိုးမှာပဲ
မင်း ကြီးပြင်းခဲ့ပါစေ…
အဲဒီလို စက်ဆုပ်ဖွယ်ရာတွေကြားထဲက ဖူးပွင့်လာမယ့်
မင်းရဲ့ လူသားဆန်မှုဟာ
ဟောဟိုမှာ ဖူးပွင့်နေတဲ့ ကြာဖြူပွင့်တွေထက် ပိုလှပပါတယ်။

ဘယ်သူမဆို
ကိုယ်လိုချင်တပ်မက်တဲ့အရာကို ပိုင်ဆိုင်ဖို့
သူမတူတဲ့ စွမ်းအားတွေ ရှိတတ်ကြပါတယ်၊
ဒါပေမယ့် ငါတို့
တစ်ယောက်ကို တစ်ယောက်
ဆုံးရှုံးဖို့အတွက် ရဲဝံ့ကြစို့လားကွယ်။

ဒါပေမယ့် မင့်ကိုငါ
တစ်ခုတော့ တောင်းပန်ချင်ရဲ့၊
ငါတို့ အတူရှိနေခဲ့ချိန်မှာ မင့်ကို
ပူလောင်တဲ့အနမ်းတွေနဲ့
မိန်းမောဖွယ် အယုအယတွေနဲ့
မဖြားယောင်းခဲ့တာကိုတော့ မင်းနားလည်ပါ။

ငါလိုချင်တာ မင့်အနမ်းတွေမဟုတ်ဘူး… ၊
ငါလိုချင်တာ မင့်ရဲ့ ၀တ်လစ်စလစ်ခန္ဓာကိုယ်မဟုတ်ဘူး… ၊
ငါလိုချင်တာ မင့်ရမ္မက်တွေမဟုတ်ဘူး… ၊
ငါလိုချင်တာ တောက်ပတဲ့ မင့်အနာဂါတ်မဟုတ်ဘူး…။

မင်းရဲ့ လူသားဆန်မှုကိုပဲ ငါတောင့်တရဲ့…။

အဲဒီအတွက်
မင်းရဲ့ ဘ၀သစ်ပင်ကို
ငါ့မျက်ရည်တွေနဲ့ စိုက်ပျိုးခဲ့မယ်ကွယ်…။

မျှော်လင့်ချက်တွေ ခင်းကျင်းထားတဲ့
အခန်းကျဉ်းလေးတစ်ခုထဲမှာ
အလိုဆန္ဒတွေ တောထနေတဲ့
မြို့ပြရဲ့ ဖွံ့ဖြိုးမှုဆိုတာတွေကို ငေးလို့
နေ့နဲ့ညတွေကို တစ်ယောက်တည်း ရေတွက်ရင်း
လေလှိုင်းထဲက မင့် ဆည်းလည်းသံလေး မြည်လာမယ့်အချိန်ကို
စောင့်မျှော်နေမိရဲ့…
မကြာခင်၊ ကံကြမ္မာဟာ တို့နှစ်ဦးကြား
အမှောင်တွေလို ရောက်လာတော့မယ်ကွယ်…။

ငါကတော့ မမြင်ရတဲ့ ကြယ်တွေကိုပဲ ရေတွက်ချင်မိခဲ့။

ကလေးရေ…
မနက်ဖြန်ဆိုတာ အသေအချာ ရောက်လာတတ်တဲ့ အရာပါ…။

ငါ့ကိုချစ်ရင် သစ်ပင်တွေကိုချစ်ပါ… ၊
ငါ့ကိုချစ်ရင် သန့်စင်တဲ့ လေထုကိုချစ်ပါ… ၊
ငါ့ကိုချစ်ရင် ကောင်းကင်ပြာပြာကိုချစ်ပါ… ၊
ငါ့ကိုချစ်ရင် လှိုင်းဖြူဖြူတွေကိုချစ်ပါ… ၊
ငါ့ကိုချစ်ရင် ကြယ်ပွင့်တွေကိုချစ်ပါ… ၊
ငါ့ကိုချစ်ရင် မျှော်လင့်ချက်မဲ့နေတဲ့ မျက်ဝန်းတွေကိုချစ်ပါ… ၊
ငါ့ကိုချစ်ရင် လူသားတွေကိုချစ်ပါ… ၊
ငါ့ကိုချစ်ရင် မင့်လက်ထဲက အသားတစ်ဖတ်နဲ့
ဆာလောင်နေသူတွေကို နှစ်သိမ့်ပေးပါ… ။

ကမ္ဘာမြေပေါ်က
အကြင်နာကင်းမဲ့နေတဲ့ ကလေးငယ်တွေရဲ့
ရိုးသားတဲ့မျက်နှာပေါ်က သောကတွေကို
တို့မျက်ရည်တွေနဲ့ သန့်စင်ပေးကြစို့ကွယ်…၊
အဲဒီအခါ
ခွဲခွာခြင်းရဲ့ အဓိပ္ပါယ်ကို မင်းနားလည်လာလိမ့်မယ်။

ငါတို့ရဲ့ ခွဲခွာခြင်းအတွက်
အတ္တကြီးတဲ့ မင့်မိဘတွေကိုရော
ဒီကမ္ဘာမြေပေါ်က ဘယ်သူတစ်ဦးတစ်ယောက်ကိုမှ
မင်း အပြစ်မဆိုလိုက်ပါနဲ့ကွယ်။

တစ်နေ့မှာ မင်းဟာ
အသက်ရှင်ခြင်းတရားရဲ့ အဓိပ္ပါယ်နဲ့
အောင်နိုင်သူတို့ရဲ့ အတ္ထုပ္ပတ္တိကို ဖတ်ကြားရမယ့်သူပါကွယ့်။

ဘာကြောင့်များ
ကိုယ့်ကိုကိုယ် နောက်ပြန်မောင်းနှင်နေတဲ့ ခေတ်ကြီးထဲ
ငါတို့ ရောယောင်ကူးခတ်နေကြမလဲကွယ်၊
ငါတို့ တူးဖော်ရမယ့် ရတနာသိုက်ဟာ
ငါတို့ နှလုံးသားထဲမှာပဲ ဆက်ဆက်ရှိနေပါတယ်။

အခုတော့…
ငါဖတ်ရှုဖူးခဲ့တဲ့
ဂျွန်လရဲ့ မိုးရေစက်များနဲ့ ခြားနားစွာ
ကျွန်းဆွယ်လေးပေါ်က ဂျွန်မိုးစက်တွေရဲ့ ရိုင်းစိုင်းမှုကို
ဘ၀နဲ့ရင်းလို့ငါ သင်ယူခဲ့ပါပြီ။

မနက်ဖြန်ဆိုရင်လေ…
နေရောင်ခြည်တွေနဲ့အတူ
ငါ… အဝေးကို ပျံသန်းရတော့မယ်ကွယ်…။

ဖြစ်နိုင်မယ်ဆို ၊ ဟောဒီ
ဘ၀ရဲ့ အချိုးအကွေ့လေးမှာပဲ
တိတ်ဆိတ်စွာ ငါ ရပ်တန့်စောင့်ဆိုင်းနေချင်မိတယ်။

နောက်ထပ် တို့ဝေးကွာကြရမယ့်
ဟောဒီ အချိန်မတိုင်ခင်လေးမှာ
မင်းကို ထွေးပွေ့လို့ နှုတ်ဆက်စကားဆိုချင်ရဲ့… ၊
မင့် ၀ိညာဉ်ကို နမ်းရှိုက်ချင်မိရဲ့…။

တစ်ကယ်ပါ…

ချစ်တယ်…

မင်းကို ချစ်တယ်…

ငါ မင်းကို ချစ်တယ်…။

အဲဒီ စကားလုံးကိုပဲ
ဘာသာစကားမျိုးစုံနဲ့ ငါရေးသားခဲ့ပါပြီ၊
အဲဒီ စကားလုံးကိုပဲ
စင်္ကြ၀ဠာကြီး ပဲ့တင်ထပ်အောင်
ငါ ဟစ်အော်ခဲ့ပါပြီ၊
ဒါပေမယ့်
အဲဒီ စကားလုံးမှာပဲ
ငါ အကြိမ်ကြိမ် ကျဆုံးခဲ့ပါပြီ။

မင်း ပျော်ရွှင်ပါစေ…
မင်း သာယာပါစေ…
မင်း ချမ်းမြေ့ပါစေ…
မင်း အလင်းရပါစေ…
ဒါကိုပဲ ဘုရားသခင်ထံ ငါ ဆုတောင်းမိရဲ့။

မင်း ကျေနပ်နိုင်မှာပါလေ…၊
ဒါဟာ…
မင်းအကြောင်းရေးတဲ့ ကဗျာ
ဒါမှမဟုတ်
ငါ့နှလုံးသားရဲ့ ကမ္ပည်း ပေါ့…။ ။

ညီဇေ