ဘန်ကောက်တွင်ကျင်းပမည့် ကုလသမဂ္ဂ CEDAW နှစ်ပတ်လည် ဓါတ်ပုံပြိုင်ပွဲ ဝင်ရောက်ယှဉ်ပြိုင်နိုင်

ယူအင်ဒီပီ ၊ စက်တင်ဘာ ၉ ။
အမျိုးသမီးများ အပေါ်ခွဲခြားဆက်ဆံမှုများ နှိမ်နှင်းခြင်း ဆိုင်ရာ ညီလာခံ (Convention on the Elimination of All Forms of Discrimination against Women:CEDAW) နှစ်(၃ဝ) ပြည့်အထိမ်းအမှတ်အဖြစ် 'Women can: Women's Rights are Human Rights' ခေါင်းစဉ်ဖြင့် ထိုင်းနိုင်ငံ ဘန် ကောက်မြို့တွင် ၂ဝဝ၉ ခုနှစ် နိုဝင်ဘာလ ၂၅ ရက်နေ့၌ကျင်းပမည့် ဓါတ်ပုံပြပွဲသို့ ကမ္ဘာတစ်လွှားမှ ဓါတ်ပုံပညာရှင်နှင့် ဝါသနာရှင်များ ဝင်ရောက်ပေးပို့ ယှဉ်ပြိုင်နိုင်ကြကြောင်း သိရသည် ။
ကမ္ဘာ့ကုလသမဂ္ဂအဖွဲ့ကြီး၏စီစဉ်မှုဖြင့် Kodak ဖလင်က ပံ့ပိုး ကူညီ ကျင်းပသော အဆိုပါ CEDAW နှစ် (၃ဝ) ပြည့်အထိမ်းအမှတ် ဓာတ်ပုံပြိုင်ပွဲနှင့် ပြပွဲသို့ ဝင်ရောက်ယှဉ်ပြိုင်လိုသူများသည် Amature (ဝါသနာရှင်) နှင့် Professional (ပညာရှင်) ကဏ္ဍနှစ်ခုစလုံးတွင် ဝင်ရောက် ပေးပို့ ယှဉ်ပြိုင်နိုင်ပြီး ရိုက်ကူးသည့် ဓါတ်ပုံနှင့်စပ်လျဉ်း၍ စာလုံးရေ ၅ဝ ထက် မပိုသော အဓိပ္ပာယ် ရှင်းလင်း ဖော်ပြချက် ပါရှိရန် လိုအပ်ကြောင်း၊ ဓါတ်ပုံတစ်မျိုးထက်မက ဝင်ရောက် ယှဉ်ပြိုင်နိုင်ပြီး Digital Format ဖြင့်ဖြစ်စေ၊ Print ထုတ်ပြီးသားဖြင့်ဖြစ်စေ နှစ်သက်ရာ Format ဖြင့် ပေးပို့နိုင်ကြောင်း၊ Color သို့မဟုတ် အဖြူအမည်းနှစ်မျိုးစလုံးဖြင့် ရိုက်ကူးယှဉ်ပြိုင်နိုင်ပြီး Digital ဖြင့်ဖြစ်ပါက Resolution 300 dpi ရှိရမည်ဖြစ်ကာ ဓာတ်ပုံအရွယ်အစားမှာ (A4အရွယ်) 21 cm x 29 cm ရှိရမည်ဖြစ်ကြောင်း၊ Print ထုတ်ထားသည့် ဓာတ်ပုံဖြစ်ပါက မူရင်း ဖလင် သို့မဟုတ် ဆလိုက်ပူးတွဲတင်ပြရန်လိုအပ်ပြီး ဓါတ်ပုံအရွယ်အစားမှာ20 cm x 25 cm မှ21 cm x 25 cm အထိရှိရန် လိုအပ်ကြောင်းနှင့် မည်သည့် မီဒီယာများတွင်မှ ထည့်သွင်း ဖော်ပြဖူးခြင်းမရှိသည့် ဓာတ်ပုံများ ဖြစ်ဖို့ လိုမည်ဟုဆိုသည်။
ရိုက်ကူးရမည့် ဓါတ်ပုံများမှာ အမျိုးသားများနှင့်တန်းတူ အမျိုးသမီးများ အခွင့်အရေးရရှိမှုကို ထင်ဟပ် ပေါ်လွင်စေသည့် လှုပ်ရှားဆောင်ရွက်မှုများကို အသားပေးရိုက်ကူးထားသည့် ဓါတ်ပုံများ (ဥပမာ - သဘာဝဘေးအန္တရာယ် ဖြစ်ပြီးကာလ ပြန်လည်ထူထောင်ရေးလုပ်ငန်းများတွင် အမျိုးသမီးများက အမျိုးသားများနှင့်ရင်ဘောင်တန်းကာတက်ကြွစွာဆောင်ရွက်နေပုံများ၊ ပညာရေး၊ ကျန်းမာရေးနှင့်အလုပ်အကိုင်အခွင့်အလမ်းများတွင် အမျိုးသား များနှင့်တန်းတူအခွင့်အရေးရရှိနေမှုများ စသည်တို့) ကို ရိုက်ကူး ပေးပို့ ယှဉ်ပြိုင်ရမည် ဟုလည်း ဆိုသည်။

အဆိုပါဓါတ်ပုံပြိုင်ပွဲတွင် ဆုရသူခုနစ်ဦးအထိ ရွေးချယ်ချီးမြှင့်မည်ဖြစ်ပြီး ၄င်းတို့၏ဓာတ်ပုံလက်ရာများကိုဘန်ကောက်မြို့၌ကျင်းပမည့် ဓါတ်ပုံ ပြပွဲတွင် ခင်းကျင်းပြသမည်ဖြစ်ကြောင်း၊ ဓါတ်ပုံ ပေးပို့ ယှဉ်ပြိုင် လိုသူများသည် အောက်တိုဘာလ ၁၅ ရက်နေ့ နောက်ဆုံးထား၍ ပေးပို့ရမည်ဖြစ်ကြောင်း ကုလသမဂ္ဂက ကြေညာထားသည်။
အဆိုပါ အမျိုးသမီးများ၏အခွင့်အရေးနှင့်စပ်လျဉ်းသည့် နိုင်ငံတကာ သဘောတူညီမှု ကြေညာချက်စာတမ်း(CEDAW)ကို ၁၉၇၉ ခုနှစ်တွင် ကျင်းပသော ကမ္ဘာ့ကုလသမဂ္ဂ အထွေထွေညီလာခံ၌ သဘောတူညီ လက်မှတ်ရေးထိုးခဲ့ကြပြီး ၊ ယခုအခါ ကုလသမဂ္ဂ အဖွဲ့ဝင်နိုင်ငံများ၏ ၉ဝ ရာခိုင်နှုန်းကျော်ဖြစ်သော နိုင်ငံပေါင်း ၁၈၆ နိုင်ငံက တရားဝင် သဘောတူညီလက်မှတ်ရေးထိုးထားကြသည် ဟုဆိုပါသည် ။
ဓါတ်ပုံဝင်ရောက်ယှဉ်ပြိုင်ဝင်ရောက်ပေးပို့လိုသူများအနေဖြင့်-
CEDAW Photo Contest;
UNIFEM, UN Building,
5th Floor, Block B,
Rajdamnern Nok Avenue,
Bangkok , 10200 ,Thailand သို့ စာဖြင့် ၊ သို့မဟုတ် cedawphoto@cedawpho-tocontest.org, သို့ အီးမေးလ်ဖြင့် ပေးပို့ရန်နှင့် အသေးစိတ်သိလိုသူများ http://www.cedawphotocontest.org/ သို့ ဝင်ရောက်ကြည့်ရှုနိုင်ကြောင်းသိရသည်။


Ref:
http://www.unct.org.bt/wp-content/uploads/2009/09/cedaw-photo-contest-brochure_final.pdf
http://www.acfid.asn.au/30years-cedaw-photo-comp
http://www.cedawphotocontest.org/
Voice Weekly Journal (5-46)
http://cedaw-seasia.org/faq.html