မြန်မာရွှေ့ပြောင်းအလုပ်သမားများ ဆမ်ယန်စားသောက်ကုန်ကို တရားစွဲ

ကိုဝိုင်း(မိုးညှင်း)

ဒီဇင်္ဘဘာ ၁၆ ၊ ဆောအူးလ် ။

အလုပ်ခွင်သင်တန်းသားများအဖြစ်အလုပ်လုပ်ခဲ့ ၊ တစ်လ ဝမ် ၄သိန်း၅သောင်းရ ။

ကိုရီးယားနိုင်ငံသို့ နိုင်ငံခြားသားအလုပ်ခွင်သင်တန်းသားများ အဖြစ် ရောက်ရှိလာကြသည့် မြန်မာရွှေ့ပြောင်းအလုပ်သမားများသည် ၊ ဆမ်ယန်စားသောက်ကုန်ုကုမ္ပဏီ (Samyang Foods Company Ltd.) ကို တရားစွဲဆိုလိုက်ကြောင်း သိရသည် ။

နိုဝင်္ဘာလ ၁၂ ရက်နေ့က ၊ ကိုမောင်မောင်မင်း နှင့် အခြား မြန်မာအလုပ်သမား ၂ ဦးတို့သည် ဆမ်ယန်စားသောက်ကုန်လုပ်ငန်းကို အလုပ်စံနှုန်းဆိုင်ရာသတ်မှတ်ချက်ဥပဒေ(Labor Standard Law) နှင့် အနည်းဆုံးလုပ်ခသတ်မှတ်ချက်ဥပဒေ (The Minimum Wages Law) ဖောက်ဖျက်မှုတို့ဖြင့် ၊ ၄င်းတို့၏ ကိုယ်စားလှယ်ရှေ့နေကတစ်ဆင့် ချန်ဝေါန်အမှုလိုက်အရာရှိရုံး (Changwon Prosecutor’s Office) သို့ တရားစွဲဆို တင်ပို့ခဲ့ခြင်းဖြစ်သည်ဟု ဆိုပါသည် ။

အဆိုပါ မြန်မာအလုပ်သမားများသည် ဂယောင်းနမ်ရွှေ့ပြောင်း အလုပ်သမားများ အတိုင်ပင်ခံရုံး (Gyeongnam Migrant Workers’ Counsel Office) မှာ သတင်းစာရှင်းလင်းပွဲပြုလုပ်ခဲ့ပြီး ၊ အမှုဖြစ်စဉ်ကို သတင်း ထုတ်ပြန်ခဲ့ကြောင်း ၊ ၄င်းတို့၏ သတင်းထုတ်ပြန်ချက်အရ ၂၀၀၂ခုနှစ်မှ ၂၀၀၆ခုနှစ်အတွင်း ၁၇၇ ဦး ထက်များပြားသော မြန်မာအလုပ်သမား တို့သည် ဆမ်ယန် စားသောက်ကုန်လုပ်ငန်းသို့ အလုပ်ခွင်သင်တန်းသားများ (Foreign Industrial Trainees) အဖြစ်ရောက်ရှိလာကြကြောင်း ၊ လစာအဖြစ် တစ်လလျင် ကိုရီးယားဝမ် ၄သိန်း၅သောင်းခန့်နှင့်ညီမျှသည့် မြန်မာဒေါ်လာ ၄၀၀ (Foreign Exchange Certificate 400) ကိုသာ ရရှိခဲ့ကြပြီး ၊ ၄င်းတို့သည် ကိုရီးယားနိုင်ငံ အလုပ်စံနှုန်း သတ်မှတ်ချက်ဥပဒေနှင့် အနည်းဆုံးလုပ်ခသတ်မှတ်ချက် ဥပဒေတို့၏ အကာအကွယ်ကို မရရှိခဲ့ကြဟု ဆိုပါသည် ။

ထို့ပြင် ၄င်းတို့သည် ၊ အလုပ်ခွင်သင်တန်းသားများအဖြစ် ရောက်ရှိလာကြသော်လည်း ၊ စက်ရုံတွင် မည်သည့် အဆင့်မြင့်နည်းပညာကိုမျှ ဟုတ်တိပတ်တိသင်ယူရသည်မရှိဘဲ ၊ ခေါက်ဆွဲစက်ရုံအတွင်း ဂျုံအိတ်များသယ်ယူခြင်း စသည့် သာမန်အလုပ်များကိုသာ လုပ်ကိုင်ခဲ့ကြရကြောင်း ၊ သို့ဖြစ်ရာ စက်ရုံတွင် ၄င်းတို့ရောက်ရှိအလုပ်လုပ်ကိုင်ချိန်မှအစပြု၍ စက်ရုံအလုပ်သမားများအဖြစ် အသိအမှတ်ပြုရန်နှင့် သက်ဆိုင်ရာ ဥပဒေများအရ ၄င်းတို့အား အလုပ်သမားခံစားခွင့်ပြုရန် တိုင်ကြားထားကြောင်းသိရသည် ။

တရားရုံးတွင် စကားပြန်အဖြစ် ဆောင်ရွက်ပေးခဲ့သူ ၏ မိတ်ဆွေထံမှတစ်ဆင့်သိရသည်မှာ ၊ မူလက တိုင်ကြားထားသူများ တစ်ရာကျော်ရှိသော်လည်း ၊ မြန်မာပြည်တွင် ဖိအားပေးခြင်းခံရသဖြင့် အတော်များများမှာ ၄င်းတို့၏ အမှုကို ပြန်လည်ရုပ်သိမ်း သွားကြသည်ဟုဆိုပါသည် ။ အဆိုပါ သင်တန်းသားအမည်ခံ မြန်မာအလုပ်သမားများမှာ မြန်မာနိုင်ငံ အစိုးရ (ဝန်ကြီးဌာနတစ်ခု)နှင့် နမ်ယန် စားသောက်ကုန်လုပ်ငန်းတို့ သဘောတူညီချက်အရ မြန်မာအစိုးရက သက်ဆိုင်ရာဝန်ကြီးဌာနမှ ဝန်ထမ်းများကို ရွေးချယ်စေလွတ်ခဲ့ခြင်း ဖြစ်သည်ဟု ဆိုပါသည် ။

အဆိုပါ အစီအစဉ်မှာ မြန်မာနိုင်ငံတွင် လစာငွေ သောင်းဂဏန်းသာ ရရှိသည့် (မြန်မာနိုင်ငံမှ ) လခစားဝန်ထမ်း တစ်ဦးအနေဖြင့် တွက်ကြည့်မည်ဆိုပါက တကယ့် မဟာကံထူးရှင် ထီပေါက်ကိန်းဟု ထင်မြင်ယူဆနိုင်ဖွယ်ရာရှိသော်လည်း ၊ ကိုရီးယားနိုင်ငံ၏ တည်ဆဲဥပဒေများဖြစ်သည့် အလုပ်စံနှုန်းသတ်မှတ်ချက်ဥပဒေ (The Labor Standard Law) နှင့် အနည်းဆုံးလုပ်ခသတ်မှတ်ချက်ဥပဒေ (The Minimum Wages Law) ပြဋ္ဌာန်းချက်တို့အရ ဆိုလျင် ၊ ဆမ်ယန် စားသောက်ကုန်လုပ်ငန်းသည် မြန်မာအလုပ်သမားများကို ပေးရမည့် လစာ ထက်ဝက်ခန့်ကိုသာ ထုတ်ပေးထားခြင်းဖြစ်ကြောင်း ၊ မြန်မာ အလုပ်သမားတစ်ဦး အပေါ် နှစ်စဉ်ခေါင်းပုံဖြတ်ယူငွေမှာ ဝမ် ၅၄သိန်းကျော်ဖြစ်ကြောင်း ၊ မြန်မာအလုပ်သမား ၁၇၇ ဦးအတွက် ၃ နှစ်စာ မတရားခေါင်းပုံဖြတ်ယူငွေမှာ ဝမ်သိန်းပေါင်း ၂သောင်း၈ထောင်၆ရာကျော် (အမေရိကန်ဒေါ်လာ-၂၄သန်းခန့်)ရှိကြောင်း ၊ ၂၀၀၉ခုနှစ်အတွက် အနည်းဆုံးလုပ်ခ သတ်မှတ်ချက်မှာ တစ်နာရီ ဝမ်-၄၀၀၀ (လစာ-၈၈၀,၀၀၀ ) ဖြစ်ကြောင်း ၊ အနည်းဆုံးလုပ်ခသတ်မှတ်ပြဋ္ဌာန်းချက် အောက်လျှော့ပြီး လစာပေးသည့် မည်သည့် ကိုရီးယားလုပ်ငန်းရှင်ကိုမဆို ဥပဒေအရ အရေးယူနိုင်ကြောင်း သိရသည် ။

ရည်ညွှန်းချက်-

1- AWN (269/Nov 29, 2009)

2- Kyungnam CBS 2009.11.13

3- http://burmainfokorea.blogspot.com/2008/07/blog-post_23.html