ကျွန်တော့်မေမေ
မြစ်ဝကျွန်းပေါ်က
မှောင်နဲ့မည်းမည်း မြို့လေးမှာ
ကျွန်တော့်မေမေလေ…
တစ်ယောက်ထဲရယ်။
အိမ်ပြန်တဲ့အခါ
ကျွန်တော်ထုတ်ပေးတဲ့ ငွေစက္ကူတွေထက်
ကျွန်တော့်မျက်နှာကိုပဲ ငေးကြည့်နေတတ်တဲ့
ကျွန်တော့်ရဲ့မေမေ
(ဒီလို အချိန်မှာ)
သူ့ရင်ထဲက ကွက်လပ်တစ်ခုကို ဘယ်လိုဖြေသိမ့်နေရှာမလဲ။
အခန်းနံရံက ဂစ်တာကြိုးတွေပေါ်မှာပဲ
ကျွန်တော့်လက်ချောင်းတွေနဲ့ ဂစ်တာတီးနေမလား…
သူ့ဆံပင်တွေကိုပဲ
ကျွန်တော့်ဆံပင်ရှည်တွေအမှတ်နဲ့ ဖြီးသင်နေမလား…
ကျွန်တော့်အခန်းထဲက ပန်းအိုးမှာပဲ
ကျွန်တော်ချစ်တဲ့ နှင်းဆီနီနီတွေ ထိုးစိုက်ငေးကြည့်နေမလား…
သူ့ရင်ဘတ်ထဲ တိုးဝင်လာမယ့်
ကျွန်တော့်ဦးခေါင်းကိုပဲ ယောင်ယမ်းပွတ်သပ်မိနေမလား…
ကျွန်တော်ကြိုက်တဲ့ ဂျိုး ရဲ့ အပြာရောင်အိပ်မက်၌ ပျံသန်းခြင်းကိုပဲ
ကက်ဆက်ထဲထည့် ကြားယောင်နေမလား…
မြို့ပြင်လမ်းက မောင်းဝင်လာမယ့်
အဝေးပြေးကားတွေရဲ့ အသံကိုပဲ နားစွင့်နေမလား…
မေမေ့အတွက်တော့ ညတွေဟာ ရှည်လျှားလွန်းနေခဲ့။
မေမေရေ…
ဘ၀ရဲ့နံရံတွေကပဲ
သားတို့ကို အဆိပ်သင့်ခဲ့စေတာပေါ့။ ။
ပုံလေးက ဒီက ။
Wednesday, February 24, 2010
ကျွန်တော့်မေမေ
Subscribe to:
Post Comments (Atom)
No comments:
Post a Comment