အလုပ်ကြော်ငြာပါ CNC စက်ရုံမှ မြန်မာလုပ်သားများကို အင်တာဗျူးပြီး ၅ ဦး ခေါ်ဆိုလိုက်သည်ဟု သိရပါသည်။
အဆိုပါ စက်ရုံမှ ရွှေခံဖြစ်သူ၏ ပြောဆိုချက်အရ ၎င်းတို့ စက်ရုံမှ အလုပ်အကိုင်ရှာဖွေရေးစင်တာသို့ လုပ်သားတောင်းဆိုထားသည်မှာ ၂ လခန့် ရှိပြီဖြစ်ကြောင်းနှင့် အင်ဒိုနီးရှား၊ ပါကစ္စတန်၊ ဗီယက်နမ်၊ ဖိလစ်ပိုင်နိုင်ငံများမှ E P S လုပ်သားများသာ လုပ်ငန်းခွင် မိတ်ဆက်စာ ရရှိကာ လာရောက် အင်တာဗျူးကြပြီး မြန်မာ E P S လုပ်သားများမှာ လုပ်ငန်းခွင်မိတ်ဆက်စာ ရရှိမှု မတွေ့ရှိခဲ့ရဟု ဆိုသည်။
ထို့ကြောင့် ရွှေခံများက မြန်မာလုပ်သားများကို သီးသန့်ခေါ်ယူပေးပါရန် စက်ရုံအား တောင်းဆိုခြင်းဖြစ်ကြောင်းသိရသည်။ အဆိုပါ စက်ရုံတာဝန်ရှိသူများကလည်း မြန်မာလုပ်သားများ၏ ကြိုးစားလုပ်ကိုင်မှု၊ အနစ်နာခံကာ လုပ်ကိုင်ပေးခဲ့မှုတို့ကြောင့် ယခုကဲ့သို့ ခေါ်ယူစေခြင်းဖြစ်ကြောင်းလည်း ကြားသိရသည်။ ယခုအခါ မြန်မာE P S လုပ်သားများသည် လုပ်ငန်းခွင်မိတ်ဆက်စာကို ရရှိကြသော်လည်း အဆိုပါမိတ်ဆက်စာ၌ ပါဝင်သောစက်ရုံအများစုမှာ လုပ်သားများ လုပ်ကိုင်လိုသော စက်ရုံများမဟုတ်ကြကြောင်းနှင့် မြန်မာ E P S လုပ်သားများအား ခေါ်ယူလိုသော စက်ရုံ နည်းပါကြောင်း အဆိုပါ ရွှေခံက ပြောဆိုသည်။ ထို့ပြင် ဦးစွာ စက်ရုံနှင့် အင်တာဗျူးပြီးနောက် စက်ရုံမှ မိမိတို့အလိုရှိသော လုပ်သားကို တောင်းဆိုသောအခါမှသာ အဆိုပါစက်ရုံ၏ လုပ်ငန်းခွင်မိတ်ဆက်စာကို ရရှိကြသည်ဟု ကြားသိရသဖြင့် မြန်မာ E P S လုပ်သားများ အလွယ်တကူ စက်ရုံပြောင်းရွှေ့ခြင်း မပြုကြပါရန် အသိပေးပြောကြားလာပါသည်။ သို့သော် အဆိုပါသတင်းမှာ အတည်ပြုနိုင်ခြင်း မရှိသေးပေ။
ယခုအခါ တောင်ကိုရီးယားနိုင်ငံသို့ မြန်မာE P S လုပ်သားများ အများအပြား ၀င်ရောက်လာခဲ့သော်လည်း လုပ်သားများက မိမိတို့စိတ်ကြိုက်စက်ရုံကို ရွေးချယ်နိုင်သည်ထက် စက်ရုံများက လုပ်သားကို ရွေးချယ်ခေါ်ယူမှုသာ များပြားလာနေကြောင်း သိရှိရသည်။
No comments:
Post a Comment