လုပ်သက်ဆုကြေးမယူရန်သဘောတူညီချက်သည် တရားဝင်ဖြစ်မဖြစ်

စက်ရုံပြောင်းခွင့်လိုချင်လို့
ဟန်းဂုရွာနှင့် အလှမ်းကွာဝေးနေဟန်ရှိတဲ့ ညီငယ်တစ်စုရဲ့ ဖြစ်စဉ်တစ်ခုပါ ။ စာချုပ်ပြည့်ရင် ဆက်မလုပ်တော့ဘူးလို့ တစ်လလောက်အလိုမှာ သူဌေးကို ကြိုပြီးပြောလိုက်ကြတယ် ။ ကိုရီးယား သူဌေးကလည်း အင်း အင်းပေါ့ ။ သည်လိုနှင့် စာချုပ်ပြည့်ဖို့ ၁ ပါတ်အလိုမှာ ၊ စက်ရုံက အတင်း ထွက်ခိုင်းပါလေရော့ ။ ဒါတင်မကသေးဘူး ။ လုပ်သက်ဆုကြေးမယူရန် သဘောတူပါတယ်ဆိုပြီး လက်မှတ်ထိုးပေးလိုက်ရသေးသတဲ့ ။ သူဌေးက အဲဒါလက်မှတ်မထိုးရင် စက်ရုံပြောင်းခွင့်မပေးဘူးလို့ ပြောသတဲ့ ။
ဒီသူဌေးမတရားဘူး
ဟန်းဂုရွာသား ညီငယ်တစ်ယောက်နှင့်တွေ့လို့ ၊ စာချုပ်ပြည့်ရင် သူဌေး သဘောမတူလည်း အလုပ်ပြောင်းလို့ရ ကြောင်းပြောပြတော့ ၊ အသိ ပြောင်းသွားကြပြီး သြော် ဒီသူဌေး မတရားပါလား ၊ လုပ်သက်ဆုကြေး (ထွဲဂျစ်ကွမ့်) တော့ ပြန်တောင်းမှပဲ ဆိုပြီး အတွေးပြန်ဝင်လာလို့ ၊ အဲသည် လုပ်သက်ဆုကြေးကို ပြန်တောင်းလို့ ရနိုင်မရနိုင် တိုင်ပင်လာလို့ ကျနော် ဒီအကြောင်းသိရတာပါ ။
လုပ်သက် ၁ နှစ်မပြည့်ဘူးဆိုတော့
အကယ်၍ သူတို့သာ အဲသည်စက်ရုံမှာ ၁ နှစ်ပြည့်အောင်လုပ်ခဲ့လျင် ၊ လုပ်သက်ဆုကြေးကို မယူပါဘူးဆိုပြီး သဘောတူညီခဲ့သည့်တိုင် ပြန်တောင်းနိုင်မယ်လို့ သဘောရပါတယ် ။ လုပ်သက် ၁နှစ်ပြည့်လျင် လုပ်သက်ဆုကြေး ပေးရမယ်ဆိုတဲ့ ဥပဒေပြဌာန်းချက်ရှိနေလို့ပါပဲ ။ ခုတော့ လုပ်သက် ၁ နှစ်မပြည့်တော့ ၊ အလုပ်ရှင်က လုပ်သက်ဆုကြေးမပေးလည်း ရနေသမို့ အဲဒါပြန်တောင်းလို့ မရနိုင်ဘူး ။ (ပြန်လုပ်လို့ရမယ့် နည်းတွေ ရှိကြောင်းသိရပေမယ့် ၊ ရှည်မယ်ဗျာ ၊ ထားလိုက်ကြပါစို့ ။)
ပြောင်းခွင့်လိုချင်လွန်းလို့ဗျ
သဘောတူညီချက် သို့မဟုတ် စာချုပ်တစ်ခု တရားဝင်ဖြစ်ဖို့ရာမှာ ၊ သဘောတူညီချက်ပေးသူတို့ဟာ မိမိတို့ရဲ့ လွတ်လပ်တဲ့ သဘောဆန္ဒ (Free Consent) အရ ပေးတဲ့ သဘောတူညီချက် ဖြစ်ဖို့လိုသတဲ့ဗျ ။ သူတို့ ပေးခဲ့ရတဲ့ သဘောတူညီချက်ဟာ ဥပဒေအရ လွတ်လပ်တဲ့ သဘောဆန္ဒအရ ပေးခဲ့တဲ့ ကတိ မဟုတ်နိုင်ဘူး ။ စက်ရုံက ပြောင်းချင်လွန်းလို့သာ သဘောတူခဲ့ရတယ်ဆိုတာ ငြင်းလို့ မရတဲ့အချက် ။ လက်မှတ်ထိုးမှ အလုပ်ပြောင်းခွင့် သဘောတူမယ်ဆိုပြီး ၊ သူဌေးက အခွင့်အရေးတစ်ခုနှင့် ဖြားယောင်းခဲ့တယ် ။ အဲသည်အခွင့်အရေးကလည်း သူ့ရဲ့ကိုယ်ပိုင်အခွင့်အရေးမဟုတ်ဘူး ။ ဥပဒေကပေးထားပြီးသား အခွင့်အရေးကို တစ်ဖက်လူက မသိလို့ ၊ သူဌေးမင်းက သူပေးမှ ရမယ့် အခွင့်အရေးဖြစ်သယောင် လိမ်လည်/ဖုံးကွယ်ပြီး ပြောဆိုခဲ့တာ ။
ပျက်ပျယ်နေတဲ့သဘောတူညီချက်
ဥပဒေက ပေးထားတဲ့ အခွင့်အရေး (Rights) တစ်ခုကို ၊ ကိုယ်ကမသိလို့ အလိမ်ခံရလို့ သဘောရိုး(innocent) နှင့် စွန့်လွတ်ခဲ့ရတာ မို့ အဲသည် လုပ်သက်ဆုကြေးမယူကြောင်း သဘောတူညီချက်ဟာ ဥပဒေအရ မူလ ကတည်းက ပျက်ပြယ်နေတဲ့သဘောတူညီချက် (Void Agreement) ဖြစ်တယ်လို့ ဥပဒေက ဆိုတယ် ။ ပျက်ပြယ်နေတဲ့ သဘောတူညီချက်ကို ဥပဒေက အသိအမှတ်မပြုဘူး ။ အဲသည် သဘောတူညီချက်စာချုပ်ကို ဥပဒေက စက္ကူစုတ်လို့ သဘောထားသတဲ့ ။
ဒါမျိုးကြုံလာလျင် ၊ ဒီလိုလုပ်ဗျာ
နောင်ဒါမျိုးကြုံလာရင် ၊ ကျနော်တို့ ညီနောင်တွေလုပ်လို့ရတာကတော့ ဂလိုရှိတယ် ။ အလုပ်ရှင်ဟာ အလုပ်သမားတစ်ဦးကို အလုပ်မှ ထုတ်လိုလျင် တစ်လကြိုပြီး အသိပေးရမယ် ၊ အဲသလို ကြိုပြီးအသိမပေးလျင် လစာတစ်လစာ ကြိုပြီး ပေးလိုက်ရမယ် ဆိုတဲ့ ၊ ဥပဒေ ပြဌာန်းချက်ရှိတယ် ။ စာချုပ်မကုန်မှီ တစ်ပါတ်အလိုမှ ကပ်ပြီး ထွက်ခိုင်းတာမို့ ၊ လစာ တစ်လစာပိုပေးဖို့ ပြောနိုင်တယ် ။ အဲသလိုပြောလိုက်လျင် စာချုပ်ပြည့်အောင် လုပ်ခိုင်းတော့မှာ သေခြာသလောက်ဖြစ်သွားမယ် ။ ဒီလိုဆို လုပ်သက်ဆုကြေးမရလည်း လစာ တစ်လစာပို ရလိုက်တော့ ကြေသပေါ့ဗျာ ။
တိုင်တိုင်ပင်ပင်လုပ်လျင်ကောင်းမယ်
ဘာပဲဖြစ်ဖြစ် ကျနော်တို့ ညီနောင်တွေ အလုပ်ခွင်မှာ အခက်အခဲကြုံလာလျင် ၊ နီးစပ်ရာ အလုပ်သမားအတိုင်ပင်ခံဌာနများ ၊ အလုပ်သမားရုံးများနှင့် ဆက်သွယ်တိုင်ပင်ပြီး လုပ်နိုင်ကြလျင်ကောင်းမယ်လို့ ထင်ပါတယ် ။ ကိုရီးယားနိုင်ငံနှင့်အဝှမ်း နေရာတိုင်းလိုလိုမှာ နိုင်ငံခြားသားအလုပ်သမားများအတွက် အခမဲ့ အတိုင်ပင်ခံဌာနတွေရှိနေပါတယ် ။ ရှိနေတာကို သိအောင်လုပ်ထားဖို့တော့ …………….လိုမယ် ။

အားလုံး အဆင်ပြေကြပါစေဗျာ ။