ကဗျာမရေးတဲ့ သစ်ပင်

ရေးသားသူ — ခင်အောင်အေး
သစ်ပင်က ကဗျာမရေးဘူးတဲ့ အဲ့ဒါ သစ်ပင်ရဲ့ အပြစ်လား
ဟဲ့ သစ်ပင် ကဗျာရေးစမ်း ခင်ဗျား သွေးတိုးစမ်းမလို့လား
သစ်ပင်မှာ ဘာသာစကားရှိလား သစ်ပင်တွေဟာ အချင်းချင်းနားလည်အောင်
ဘာ ဘာသာစကားနဲ့ပြောကြသလဲ သစ်ပင်ကို အရာဝတ္ထုအသစ်တခုလို မြင်မိပေါ့
သစ်ပင်က အရာဝတ္ထုလား ဒါဆို သစ်ပင်က သက်မဲ့ပစ္စည်းတခုလား
မဟုတ်ဘူး သစ်ပင်မှာ အသက်ရှိသတဲ့
စုန်း နတ် ကဝေ အားကိုးနဲ့မဟုတ်ပဲ သိပ္ပံနည်းကျကျကို သိတယ်
ဒါ သေချာတယ် သစ်ပင်ဟာ သက်ရှိ ဒါပေမယ့် ……..
သစ်ပင်တစ်ပင်ကို တစုံတယောက်က ဘယ်လို အပြစ်မြင်မလဲ
သစ်ပင်တစ်ပင်ကို တစုံတယောက်က ဘယ်လို အချစ်ဝင်မလဲ
အဲဒီတစုံတယောက်က သက်ရှိလား
အဲဒီတစုံတယောက်က သက်ရှိဖြစ်ကြောင်းဘယ်လို သက်သေ ပြမလဲ
အဲဒီတစုံတယောက်က သက်ရှိဖြစ်ကြောင်းဘယ်လို သတ်သေ ပြမလဲ
သက်ရှိက သက်မဲ့ကို သက်ရှိတခုက အခြားသက်ရှိ တခုကို ဘယ်လိုသက်သေပြမလဲ
သက်ရှိတွေက ကဗျာရေးသလား သက်ရှိတွေက သက်ရှိအကြောင်း ကဗျာရေးသလား
သက်မဲ့တွေ အကြောင်းကော ကဗျာရေးသလား ကဗျာက သက်ရှိလား သက်မဲ့လား
သစ်ပင်တွေကကော သက်ရှိလား သက်မဲ့လား သစ်ပင်က ကဗျာမရေးဘူးတဲ့
အို အသင် သစ်ပင်တွေကို ဘယ်လို သွန်သင်မလဲ..
သစ်ပင်တွေ ကဗျာမရေးရင် ထောင်ဒဏ် ဘယ်နှစ်နှစ် အပြစ်ပေးမလဲ
သစ်ပင်တွေ ကဗျာမရေးရင် နေအိမ် အကျယ်ချုပ် ဘယ်နှစ်နှစ်ထားမလဲ
သစ်ပင်တွေ ကဗျာမရေးရင် လျှပ်စစ်ကြိမ်ဒဏ် ဘယ်နှစ်ချက် ပေးမလဲ
သစ်ပင်တွေ ကဗျာမရေးရင် မျက်နှာမှာ အဝတ်စီးပြီး ရိုင်ဖယ်နဲ့ ပစ်သတ်မလား
သစ်ပင်တွေ ကဗျာမရေးရင်…
သစ်ပင်တွေ ကဗျာမရေးရင်…
သစ်ပင်တွေ ကဗျာမရေးရင်…။ ။

ခင်အောင်အေး
၂၂၊ ဇွန်၊ ၂၀၁၀ ဘန်ကောက်စံတော်ချိန် ၁၉း၅၅ နာရီ