အားလုံးအတွက် အားလုံးပါဝင်ကြဖို့ ဖိတ်ခေါ်ပါတယ်။

ရေးသားသူ — စိုးမိုးသူ
မင်္ဂလာပါ ကိုရီးယားရောက် မြန်မာနိုင်ငံသားအပေါင်းတို့
ကိုရီးယားရဲ့ ကြမ်းတမ်းတဲ့ ရာသီဥတုဒဏ်ကို အံတုပင်ပန်းတဲ့ အလုပ်တွေကိုလုပ် အထီးကျန်ခြင်းဒဏ်ကို လျှစ်လျှူရှုပြီး မိမိတို့ရဲ့ မိသားစု အနာဂတ်အတွက် ကြိုးပမ်းအားထုတ်နေကြတဲ့ ညီအကိုမောင်နှမ အပေါင်းတို့ကို လေးစားပါတယ်။

အားလုံး ကိုရီးယားကို ၀င်လာကြစဉ်တုန်းကလို ကျန်းကျန်းမာမာနဲ့ရှိကြပြီး အမိနိုင်ငံကို ပြန်တဲ့အခါလဲ ကျန်းကျန်းမာမာရှိကြပါစေကြောင်း ဆုတောင်းပါတယ်။
ကျနော်တို့အတွက် ကျန်းမာခြင်းဟာ ဘယ်အရာနှင့်မှ လဲလို့မရတဲ့ လာဘ်ကြီးတပါးပါ။
အဲဒီ လာဘ်ကြီး ဆုံးရှုံးတာနဲ့ ကျနော်တို့ရဲ့ အနာဂတ် ရည်မှန်းချက်တွေလည်း ယိမ်းယိုင်ကြရတယ်ဆိုတာအားလုံး သဘောပေါက်ထားကြမယ်လို့ ယုံကြည်ပါတယ်။


အားလုံးသိထားကြတဲ့အတိုင်း ကျနော်တို့ရဲ့ တနိုင်ငံတည်းသားလည်းဖြစ်၊ ဘ၀တူရွှေ့ပြောင်းအလုပ်သမား လည်းဖြစ်၊ အမိနိုင်ငံနဲ့လူမျိုးအတွက် ကာလကြာရှည်စွာ လူမှုရေး၊ ဘာသာရေး၊ နိုင်ငံရေး ကဏ္ဍတွေမှာ တက်တက်ကြွကြွဆောင်ရွက်နေထိုင်ခဲ့တဲ့ ကိုအောင်နိုင်ဝင်း(ဖိုးနိုင်)ဟာ ကင်ဆာရောဂါဆိုးကြောင့် ၁၅နာရီကြာမေ့ဆေးပေး ခွဲစိပ်ခံရပြီး လနဲ့ချီပြီး တကိုယ်လုံး လှုပ်မရတဲ့ အနေအထားနဲ့ ဆေးရုံးမှာ ရုန်းကန် တင်းခံနေနေပါတယ်။

ဆေးဝါးခကလည်း ကြောက်ခမန်းလိလိပါပဲ။ ခန်းမှန်းချေ ၀မ်သိန်း၂၀၀နီးပါး ကုန်ကျရမယ့် အခြေအနေပါ။
ကျနော်တို့ ကိုယ်တိုင်ပဲဖြစ်ဖြစ်၊ သူတပါးပဲဖြစ်ဖြစ် ဒီလို အခြေအနေမျိုးရောက်ရင် အကြီးအကျယ် တုန်လှုပ်ကြမှာပါ။
ကိုဖိုးနိုင်လည်း လူသားတယောက်ပါ။ဒါပေမယ့် ညီအကိုမောင်နှမအပေါင်းနဲ့ ကိုရီးယားလူမှုအသိုက်အ၀န်းက သူ့အတွက် တတ်အားသလောက်ဝိုင်းဝန်းကြိုးစားပေးနေကြတာကို ကြားသိနေရတဲ့အတွက် အင်အားဖြစ်ပြီး တောင့်ခံနေနိုင်နေတာပါ။

ကိုဖိုးနိုင်အတွက် ကိုရီးယားလူမျိုးတွေနဲ့ အဖွဲ့အစည်းတွေ လှူဖို့အတွက် သက်သက်ဖွင့်ထားတဲ့ ဘဏ်ထဲကို ကိုရီးယားနိုင်ငံသားတွေနဲ့ ကိုရီးယား အဖွဲ့အစည်းတွေက တတ်အားသလောက် ၀ိုင်းဝန်းလှူဒါန်းကြတာ မတ်လ ၇ရက်နေ့အထိ ၀မ်သိန်း 5,364,494 ရှိသွားပါပြီ။

ကိုရီးယားရဲ့ ထင်ရှားတဲ့ Daum.net အင်တာနက်ဝက်ဘ်ဆိုဒ် အလှူကဏ္ဍကနေပြီး ကိုရီးယားပြည်သူတွေ ၀ိုင်းဝန်း လှူဒါန်းနိုင်ဖို့လည်း ကြိုးစားနေပါတယ်။
အလှူဆိုဒ်ကြည့်ရန်

ဒီနေရာမှာ ကိုဖိုးနိုင်အခြေအနေနဲ့ ပတ်သက်ပြီး ကျနော်တို့ ညီအကိုမောင်နှမအပေါင်းကို တင်ပြချင် တာကတော့ ဖိုးနိုင်အခုလို ကြီးမားတဲ့ ဆေးကုသခကို ပေးရတာက ကိုရီးယားအစိုးရဟာ ဖိုးနိုင်လို အထောက်အထားမဲ့ အလုပ်သမားတွေ(အိုဗာစတေးအလုပ်သမား)ကို ကျန်းမာရေးအာမခံစနစ်မှာ ပါဝင်ခွင့်မပေးလို့ သူများထက်ပိုပြီး ဆေးကုသခကို အဆမတန် ပေးဆောင်နေရတာဖြစ်ပါတယ်။

ဖိုးနိုင်ကတော့ မိတ်ဆွေအပေါင်းအသင်းတွေကြောင့် ဖြေရှင်းနိုင်ပေမယ့် သူ့လိုပဲ နောင်ကိုလည်း အခုလို အခြေအနေမျိုး ဖြစ်လာမယ့် အခြားနိုင်ငံခြားသားတွေဆိုရင် ဒီလောက်ကြီးမားတဲ့ ဆေးကုသခကို တတ်နိုင်မှာမဟုတ်သလို အခုလို ဆေးကုသခတွေ အဆမတန်ပေးဆောင်နေရတဲ့ အခြေအနေကနေ ပိုမိုကောင်းမွန်တဲ့ အခြေအနေတရပ် အဖြစ်ကို အမြန်ဆုံးတိုးတက်ပြောင်းလဲဖို့ ကာယကံရှင် ရွှေ့ပြောင်းအလုပ်သမား ကျနော်တို့အားလုံးမှာ တာဝန်ရှိပါတယ်။

တရားဝင်ပဲဖြစ်ဖြစ် အိုဗာစတေးပဲဖြစ်ဖြစ် အားလုံးဟာ နေ့စဉ်နေ့တိုင်း ကိုရီးယားနိုင်ငံရဲ့ စီးပွားရေးအတွက် ချွေးမြေကျပြီး အလုပ်လုပ်ကိုင်ပေးနေကြတဲ့ အလုပ်သမားတွေပဲဖြစ်ကြပါတယ်။ ကိုရီးယားနိုင်ငံဟာ ကျနော်တို့ရဲ့ လုပ်အားတွေကိုတော့ နေ့စဉ် ဈေးပေါပေါနဲ့ အရယူနေပြီး ကျနော်တို့ အလုပ်သမားတွေ မကျန်းမမာဖြစ်တဲ့အခါမှာ ဗီစာမရှိလို့ ဘာမရှိလို့ဆိုပြီး ပုံစံမျိုးစုံနဲ့ ဘာအာမခံစနစ်ကိုမှ ခံစားခွင့်မပေးပဲ လျစ်လျှူရှုထားတဲ့ ကိုရီးယားအစိုးရရဲ့ စနစ်ကို ကာယကံရှင်ဖြစ်တဲ့ ကျနော်တို့တတွေက ဘာသံမှ မထွက်ပဲ ခေါင်းငုံ့ခံနေရင်တော့ နောင်လည်း ဒီအတိုင်းပဲ ခေါင်းပုံဖြတ်ခံခံနေကြရ လျစ်လျှူရှု ခံနေကြရဦးမှာပါ။
ကျနော်တို့တတွေ အားလုံးအတွက် ကျန်းမာရေးက အထူး အထူး အရေးကြီးသလို အကယ်၍ူ မကျန်းမမာဖြစ်စေဦးတော့ ကြိုးစားပမ်းစား ရှာဖွေထားသမျှလေးတွေ ဆေးကုခကြောင့် မကုန်ခန်းသွားအောင် ကျန်းမာရေးအာမခံစနစ်ဆ်ိုတာကို အလုပ်သမားတိုင်း ခံစားခွင့်ရှိရအောင် ကြိုးစားကြရမှာ ဖြစ်ပါတယ်။ အခွင့်အရေးဆိုတာ ခလုပ်နှိပ်လိုက်ယုံနဲ့ ကိုယ့်ရှေ့ကို အလိုအလျှောက် ရောက်လာတဲ့ ဓာတ်လှေကားလို အရာ မဟုတ်ပါဘူး။ ကာယကံရှင်တွေ ကိုယ်တိုင် ၀ိုင်းဝန်း အသံထုတ် အသံဖြန့် တောင်းဆို လုပ်ဆောင်မှ ရမှာ ဖြစ်ပါတယ်။

ဒါကြောင့် ကိုရီးယားရောက်ရွှေ့ပြောင်းအလုပ်သမားအပါအ၀င် ရွှေ့ပြောင်းသူတို့ဘ၀ကို တေးသီချင်းနဲ့ ရေးစပ်ပြီးကိုရီးယား လူမှုအသိုက်အ၀န်းမှာ သီဆိုဖျော်ဖြေရင်း ရွှေ့ပြောင်းသူတို့ ဘ၀ကို ကိုရီးယားလူမျိုးတွေ ကိုယ်ချင်းစာတတ် နားလည်းတတ်ပြီး မပြည့်စုံတဲ့ အခြေအနေတွေကို ဖြည့်ဆည်းပေးနိုင်မယ့် ဥပဒေပေါ်ပေါက်လာတဲ့အထိ အနုပညာနဲ့ကြိုးပမ်းနေတဲ့ Stop Crackdown (ဖိနှိပ်မှုတွေ ရပ်ဆိုင်းလိုက်) တီးဝိုင်းက ကိုရီးယားနံမည်ကြီး ရော့ခ်တီးဝိုင်းများဖြစ်တဲ့No Brain, Huckleberry Finn, Tibet အဆိုတော် Karek Pamperတို့နဲ့အတူ လာမယ့် မတ်လ ၂၇ရက် တနင်္ဂနွေ ညနေ ၄နာရီမှ ၆နာရီခွဲအထိ ဖိုးနိုင်ဆေးဝါးခ ရံပုံငွေရှာပွဲနဲ့ အထောက် အထား မဲ့ရွှေ့ပြောင်းအလုပ်သမားများ လူလိုသူလို ကျန်းမာရေးဆိုင်ရာကာကွယ်စောင့်ရှောက်မှုစနစ်တခု ပေါ်ပေါက်ရေးအတွက် လူ့အခွင့် ဆိုင်ရာ ဂီတစတိတ်ရှိုးပွဲကို ပြုလုပ်သွားမှာဖြစ်ပါတယ်။
စတိတ်ရှိုးပွဲရဲ့ ခေါင်းစဉ်ကတော့ “ကျနော်... မကျန်းမမာဖြစ်ခွင့်တောင်မရှိပါ”ဖြစ်ပါတယ်။
ဒီပွဲကို ကာယကံရှင် ရွှေ့ပြောင်းသူတို့၊ ကိုရီးယားပြည်သူတို့ ပူးပေါင်းတက်ရောက်နိုင်အောင် ကြိုးပမ်းနေပါတယ်။
ကျနော်တို့ မြန်မာနိုင်ငံသား အားလုံးအနေနဲ့လည်း ဖိုးနိုင်အတွက်လည်းဖြစ် ဖိုးနိုင်လို ကျန်းမာရေးအခြေအနေမကောင်းတဲ့အခြေအနေကို ကြုံတွေ့လာဦးမယ့် ဘ၀တူရွှေ့ပြောင်းအလုပ်သမားတွေ အတွက်လည်းဖြစ်တဲ့ အခုလို စုပေါင်းအားထုတ်မှုအပေါ် စိတ်ပါဝင်စားစွာနဲ့ ပူးပေါင်းပါဝင်ပေးကြဖို့ လေးနက်စွာ တိုက်တွန်းအပ်ပါတယ်။



စတိတ်ရှိုးပွဲတော် အသေးစိတ်
ခေါင်းစဉ်။ ။ ရွှေ့ပြောင်းသူတို့ဘ၀ကို တေးသီချင်းဖြင့် ဖေါ်ကျူးတဲ့ စတော့ခရက်ဒေါင်းတီးဝိုင်းရဲ့ လူ့အခွင့်အရေးမျိုးစေ့ ရှင်သန်စေခြင်းအစီအစဉ်“ကျနော်…မကျန်းမမာဖြစ်ခွင့်တောင် မရှိပါ”

နေ့ရက်။ ။ မတ်လ ၂၇ရက် နေ့လယ် ၄နာရီမှ ၆နာရီခွဲအထိ
နေရာ။ ။ Sound Holic concert hall
လမ်းညွှန်။ ။ မြေအောက်ရထားလိုင်းအမှတ်၂ (အစိမ်းရောင်လိုင်း) 홍대입구(Hongik Univ. station) ထွက်ပေါက်၅မှထွက်ပြီး လမ်းညွန်မြေပုံအတိုင်း လျှောက်ပါ။
လက်မှတ်။ ။ တစောင် ၀မ် ၂သောင်း
လက်မှတ်များကို ကိုဝိုင်း(၀၁၀ ၂၃၃၁ ၂၄၅၇)၊ ဦးဇေမင်းအောင် (၀၁၀ ၈၉၀၃ ၆၆၉၃)၊
ဦးတင်ယဉ် (၀၁၆ ၂၄၈ ၃၃၃၈)၊ ကိုစိုးသီဟ(၀၁၀ ၃၂၃၃ ၇၅၁၃) မှတဆင့် ၀ယ်ယူနိုင်ပါတယ်။



အခုလို လှုပ်ရှားမှုမှာ ကိုယ်တိုင် ကိုယ်ကျ တတ်အားသ၍ ၀ိုင်းဝန်းဆောင်ရွက်လိုတဲ့ စေတနာရှင် ညီအကိုမောင်နှမအပေါင်းကို ကြိုဆိုပါတယ်။
ဆောင်ရွက်လိုသူများအနေနဲ့ ဆက်သွယ်ရန် ကိုစိုးမိုးသူ(၀၁၀ ၇၁၅၅ ၆၅၈၁)။


အားလုံး ကျန်းမာပျော်ရွှင်စရာ ဘ၀ အနာဂတ်ကို ပိုင်ဆိုင်နိုင်ကြပါစေလို့ ဆုတောင်းလျှက်
စိုးမိုးသူ (စတော့ခရက်ဒေါင်းတီးဝိုင်း)



ဖျော်ဖြေမယ့် တီးဝိုင်းများကို လေ့လာရန်။


(၁) စတော့ခရက်ဒေါင်း
ကြည့်ရှုရန် လင့်ခ်






(၂)No Brain
ကြည့်ရှုရန် လင့်ခ်





(3) Huckleberry Finn
ကြည့်ရှုရန် လင့်ခ်





(4) Tibet အဆိုတော် Karek Pamper
ကြည့်ရှုရန် လင့်ခ်





ပွဲတော်ကျင်းပမယ့် နေရာ မြေပုံ။ ။