ပြည်ပလုပ်သား လေးဆယ်ကျော် ကားသွင်းခွင့် စတင်လျှောက်ထား ၊ အဝေးရောက်များ အီးမေးလ်ဖြင့် လျှောက်ထားနိုင်

ရန်ကုန်၊ ဇန်နဝါရီ ၁၈


ပြည်ပနိုင်ငံများတွင် အလုပ်လုပ်ဖူးသူနှင့် လုပ်နေဆဲ မြန်မာနိုင်ငံသားများကို ကားတင်သွင်းခွင့်ပြုခဲ့ရာလျှောက်ထားသူ ၄ဝဦးကျော် ရှိပြီဟု အလုပ်သမား ညွှန်ကြားရေးဦးစီးဌာန၊ အစိုးရ ပြည်ပအလုပ်အကိုင် အေဂျင်စီ မှတာဝန်ရှိသူတစ်ဦးက ပြောကြားသည်။
''ဇန်နဝါရီလ ၆ ရက်နေ့ကစပြီးပြည်ပရောက်မြန်မာအလုပ်သမားတွေ၊ပြည်ပနိုင်ငံတွေက ပြန်ရောက်လာခဲ့တဲ့ မြန်မာအလုပ်သမားတွေကို ကားသွင်းခွင့်လျှောက်ထားခွင့်ပြုတဲ့နေရာမှာ ဇန်နဝါရီလ ၁၇ ရက်နေ့အထိသတ်မှတ်ချက်နဲ့ ကိုက်ညီတဲ့အလုပ်သမား၎ဝ ကျော်ရဲ့လျှောက်လွှာကို လက်ခံထားပြီးပြီ။ လာစုံစမ်းတဲ့သူတွေကတော့အများကြီးပဲ'' ဟု အထက်ပါပုဂ္ဂိုလ်ကဇန်နဝါရီလ ၁၈ ရက်နေ့က ဆိုသည်။
ပြည်ပတွင်သွားရောက်အလုပ်လုပ်ကိုင်ခဲ့ဖူးသူများ၊ လက်ရှိ ပြည်ပနိုင်ငံများတွင် အလုပ်လုပ်ကိုင်ဆဲ မြန်မာအလုပ်သမားများသည် နိုင်ငံတော်ကို ဝင်ငွေခွန် ပေးဆောင်ထားပြီး ဘဏ်စာရင်းတွင် အမေရိကန်ဒေါ်လာ ၁ဝဝဝဝ နှင့်အထက်ရှိလျှင် ကားတင်သွင်း ခွင့်ပြုလျှောက်ထားနိုင်ကြောင်း အလုပ်သမားဝန်ကြီးဌာနထံမှ သိရှိရသည် ။
ယင်းသို့လျှောက်ထားရာတွင် ပြည်ပတွင် အလုပ်လုပ်ကိုင်နေသော အလုပ်သမား ကိုယ်တိုင် လက်ဗွေနှင့် တကွ သတ်မှတ်လျှောက်လွှာဖြင့် လက်မှတ် ရေးထိုးလျှောက်ထားရ မည်ဖြစ်ကြောင်း၊ ပြည်ပနိုင်ငံတွင် တရားဝင် အလုပ်လုပ် ကိုင်ခဲ့သည့် အထောက် အထားများ၊ မြန်မာနိုင်ငံဘဏ် နိုင်ငံခြားငွေစာရင်း စာအုပ်မူရင်းနှင့် မိတ္တူပါရမည်ဖြစ် ကြောင်း၊ မြန်မာနိုင်ငံ နိုင်ငံခြားငွေစာရင်းတွင် အခွန်ဆောင်ထားသော အခွန်ကြေကြောင်း သက်ဆိုင်ရာမြန်မာနိုင်ငံသံရုံးများ၏ ထောက်ခံချက် မူရင်းနှင့် မိတ္တူ၊ အလုပ်သမားမှတ်ပုံတင်ခြင်းအတွက် နိုင်ငံတော်သို့ FEC ၁ဝဝ ပေးသွင်းထားသော ချလန်မူရင်းနှင့် မိတ္တူလိုအပ်ကြောင်း၊ ယင်းအချက်အလက် များ ပြည့်စုံပါက မရမ်းကုန်းမြို့နယ်ရှိ အလုပ်သမား ညွှန်ကြားရေးဦးစီးဌာန အစိုးရပြည်ပအလုပ်အကိုင်အေဂျင်စီတွင် လျှောက်ထားနိုင်ကြောင်း အလုပ်သမားဝန်ကြီးဌာနက သတင်းထုတ်ပြန်ထားသည်။
အလုပ်သမား မှတ်ပုံတင်ခြင်းအတွက် နိုင်ငံတော်သို့ FEC ၁ဝဝပေးသွင်းပြီးသည့် ချလန် မူရင်းနှင့် မိတ္တူမရှိသူများကို အဆင်ပြေ စေရန်အလုပ်သမားဝန်ကြီးဌာနက ဆောင်ရွက်ပေးနေကြောင်း အစိုးရ ပြည်ပအလုပ်အကိုင်အေဂျင်စီမှ တာဝန်ရှိသူ တစ်ဦးက ပြောကြားသည်။
''တခြားအချက်တွေပြည့်စုံတယ်။ အလုပ်သမားကတ်အတွက် နိုင်ငံတော်ကို FEC ၁ဝဝ ကို မသွင်းရသေးသူတွေဆိုရင် အခုပြန်လုပ်ပေးမယ်'' ဟု ၄င်းကဆိုသည်။
ပြည်ပတွင် ယခုလက်ရှိလုပ်ကိုင်နေသူများဆိုပါက အစိုးရပြည်ပ အလုပ်အကိုင် အေဂျင်စီသို့ Governmentagency@gmail.com သို့မဟုတ် g-o-e-dol@myanmar.com.mm အီးမေးလ်လိပ်စာဖြင့် လျှောက်ထားနိုင်ကြောင်း အဆိုပါဌာနထံမှ သိရသည်။
Sources:
- The Voice Weekly (8/6)
-