ကမ္ဘောဒီးယားအသင်း(ကိုရီးယား) ၊နှစ်သစ်ကူး အခမ်းအနားသို့ ဓမ္မဒူတ(ကိုရီးယား)တက်ရောက်

ကမ္ဘောဒီးယားအသင်း(ကိုရီးယား)က ၊ (Happy Cambodian New Year, April 14~16,2009) ကမ္ဘောဒီးယား နှစ်သစ်ကူး အကြိုအခမ်းအနားကို ယမန်နေ့(၂၀၀၉ခုနှစ် ဧပြီလ ၁၂ ရက် ၊ တနင်္ဂနွေနေ့ ) ၊ နေ့လည် ၁၁ နာရီခွဲမှ ညနေ၆ နာရီထိ ၊ ကယောင်းကီပြည်နယ် ၊ ဂွန်ဖိုမြို့ မြို့နယ်ပြည်သူ့အားကစားကွင်းရှိ အမှတ်၁ မိုးလေလုံ အားကစားရုံ အတွင်း ကျင်းပခဲ့ရာ ၊ အခမ်းအနားသို့ ကိုရီးယားနိုင်ငံရှိ ကမ္ဘောဒီးယားလူငယ် ၂၀၀ ကျော် တက်ရောက်ခဲ့ကြပြီး ၊ နှစ်သစ်ဆုတောင်းခြင်း ၊ ရိုးရာအဆိုအကများဖြင့် ပျော်ရွင်စွာ သီဆိုကပြကြခြင်း ၊ နှစ်သစ်တရားနာယူခြင်း တို့ပြုခဲ့ကြောင်း သိရသည် ။
အဆိုပါအခမ်းအနားသို့ ဓမ္မဒူတ(ကိုရီးယား)ကျောင်းတော်မှ ကျောင်းထိုင်ဆရာတော် ဒေါက်တာ အရှင်နန္ဒက ၊ တွဲဖက်ကျောင်းထိုင်ဆရာတော် ဆရာတော်ဦးကိတ္တိသာရ နှင့် ဓမ္မဒူတ(ကိုရီးယား) အသင်းဝင်များ ၊ ကိုရီးယားဧည့်သည်တော်များလည်း အထူးဧည့်သည်တော်များအဖြစ် တက်ရောက်ခဲ့ကြကြောင်း ၊ အခမ်းအနားတွင် ၊ ဆရာတော် ဒေါက်တာ အရှင်နန္ဒက က နှစ်သစ်မင်္ဂလာတရားတော်ကို အင်္ဂလိပ်ဘာသာဖြင့် ဟောကြားချီးမြှင့်တော်မူခဲ့ပြီး ၊ ခမာဆရာတော်အရှင် ရိုဆာရင်က ကမ္ဘောဒီးယားဘာသာသို့ ပြန်ဆိုပေးတော်မူခဲ့ကြောင်း သိရသည် ။
အဆိုပါ အခမ်းအနား မှတ်တမ်းပုံများကို အောက်ဖော်ပြပါ အင်တာနက် လိပ်စာတွင် ကြည့်ရှုနိုင်ကြကြောင်း သိရသည် -
၂၀၀၉ ဧပြီလ ၁၂ ရက်နေ့ ကမ္ဘောဒီးယားအသင်း(ကိုရီးယား)၏ နှစ်သစ်ကူးမှတ်တမ်းပုံများ
(ဤတွင်နှိပ်ပါ။)


လေးစားမှုဖြင့်-
ကိုဝိုင်း(မိုးညှင်း)
၂၀၀၉ ဧပြီလ ၁၃ ရက် ။