၃-ကြိမ်အထက် အလုပ်ခွင်ပြောင်းရွှေ့ခြင်းနှင့် ပတ်သက်၍ သတိပြုသင့်သော ဖြစ်စဉ်တစ်ခုဖြစ်ပွါး

ကိုဝိုင်း(မိုးညှင်း)
ဇူလိုင် ၃၁ ၊ ဆောအူးလ်မြို့။

ဖြစ်စဉ်မှာ အီးပီစနစ်ဖြင့် ကိုရီးယားသို့ရောက်လာသော အင်ဒိုနီးရှားအလုပ်သမား မစ္စတာ မိုဟာမက် သည် အလုပ်ရှင်များ၏ ပယောဂကြောင့် အလုပ်ရုံ ၃ ရုံ ပြောင်းခဲ့ရပြီးဖြစ်ကြောင်း ၊ အီးပီစနစ် သက်တမ်း ၃နှစ် ကုန်တော့မည့် အနေအထားဖြစ်ကြောင်း ၊ နောက်ဆုံးအလုပ်ရှင်က ၄င်းအား ထပ်မံငှားရမ်းလိုခြင်းမရှိကြောင်း ၊ သို့ရာတွင် မိုဟာမက်အနေဖြင့် ၄င်းအား ထပ်မံငှားရမ်းလိုသော အခြားအလုပ်ရှင်ကို ရှာဖွေတွေ့ရှိခဲ့သည် ဟုဆိုပါသည် ။

အလုပ်ခွင်ပြောင်းရွှေ့ရခြင်းသည် အလုပ်ရှင်များ၏ ပယောဂကြောင့်ဆိုလျင် နောက်ထပ်တစ်ကြိမ် အပိုဆောင်း ပြောင်းရွှေ့ခွင့်ရှိကြောင်း အီးပီ ဥပဒေမှာ ပြဌာန်းထားပါသည် ။

သို့ရာတွင် ၄င်းမိုဟာမက် သည် အလုပ်ခွင် ၃ ကြိမ်ပြောင်းရွှေ့ပြီးဖြစ်သဖြင့် ထပ်မံပြောင်းရွှေ့ခွင့် မရှိကြောင်း ၊ ထို့ကြောင့် ထပ်မံ ငှားရမ်းခွင့်လည်း ဆုံးရှုံးကြောင်း ကိုရီးယား အလုပ်သမားရုံးက မှတ်ချက်ပေးခဲ့သည်ဟု ဆိုပါသည် ။

မိုဟာမက် အလုပ်ခွင်ပြောင်းရွှေ့ခဲ့ရခြင်းသည် ၃ ကြိမ်စလုံး မိမိအပြစ်ကြောင့် ပြောင်းရွှေ့ခဲ့ရခြင်းဖြစ်သည်ဟု အလုပ်သမားရုံးက မှတ်တမ်းတင်ထားခဲ့ခြင်းကြောင့်ဟု ဆိုပါသည် ။ ယင်းပြဿနာကို ရွှေ့ပြောင်းအလုပ်သမားအစည်းအရုံး၏ အကူအညီဖြင့် ဖြေရှင်းပေးခဲ့ရကြောင်းသိရပါသည် ။

ထိုပြဿနာမျိုးကာကွယ်နိုင်ရန် ၊ ကိုရက်ပ်စ် အလုပ်သမားများ အလုပ်ခွင်ပြောင်းရွှေ့ရသည့်အခါများတွင် ၊ အလုပ်ရှင်၏ ပယောဂကြောင့် ပြောင်းရွှေ့ခဲ့ရခြင်း မှန်ကန်လျင် ၊ အမှန်အတိုင်း မှတ်တမ်းတင်နိုင်အောင် မိမိဘက်က အတည်ပြု စစ်ဆေးဖို့ လိုအပ်မှာ ဖြစ်ကြောင်း ၊ မိမိအနေဖြင့် အတည်ပြုစစ်ဆေးရန် အခက်အခဲရှိမည်ဆိုလျင် အနီးဆုံး ရွှေ့ပြောင်းအလုပ်သမားဆင်တာထံမှ သို့မဟုတ် တတ်သိသော မိတ်ဆွေများ၏ အကူအညီကို ရယူလျက် ၊ အမှန်အတိုင်း မှတ်တမ်းတင်နိုင်အောင် ပြုလုပ်ထားသင့်ကြောင်း သိရသည် ။

အကောင်းဆုံးနည်းမှာ ကိုရီးယားအီးပီစနစ်တွင် အလုပ်ခွင် ပြောင်းရွှေ့ခွင့် ၊ တားမြစ်ထားခြင်းကို ပြောင်းလဲ ပြင်ဆင်ပြဌာန်းပေးရန် အရေးဆိုဖို့ပဲ ဖြစ်သည်ဟု ကိုရီးယားနိုင်ငံရောက် ရွှေ့ပြောင်းအလုပ်သမား အရေးဆောင်ရွက်နေသူများက ပြောကြောင်းသိရသည် ။

ရည်ည့န်းချက်-
၁ ။ အမ်ဒဗလျူတီဗီသတင်းစဉ်(၈၈)။
၂။ အာရှအလုပ်သမားသတင်းစဉ်(၂၆၃)။