ဆုတောင်းအမျှဝေအခမ်းအနားပြီးစီး ၊ ကျေးဇူးပြုခဲ့သူများကို ကျေးဇူးတင်

ကိုဝိုင်း(မိုးညှင်း)
နိုဝင်္ဘာ၂၄ ၊ အင်ချောန်မြို့တော်။

နိုဝင်္ဘာလ ၂၂ ရက်နေ့က ၊ ဘူဖြောင်းမြို့ရှိ ဓမ္မဓူတဆင်တာ(ကိုရီးယား)တွင် ကိုဆန်းမြင့်ဦး ခေါ် ကိုမင်းဟန်နှင့် ဆွေမျိုး မိတ်သင်္ဂဟများက ၊ လွန်ခဲ့သော နိုဝင်္ဘာလ ၆ ရက်နေ့က ၊ ဘဝတစ်ပါးသို့ ပြောင်းသွားခဲ့သည့် ကိုမျိုးမြင့်ဦး (ခေါ်) ကိုငယ် (အသက်-၄၀ နှစ်) ကို ရည်စူး၍ ၊ မြတ်စွာဘုရား အမှူးရှိသော သံဃာတော် အရှင်သူမြတ်တို့အား ဆွမ်းအာဟာရနှင့် လှူဖွယ်ဝတ္ထုအစုစုတို့ ဆက်ကပ်လှူဒါန်းပြီးလျင် ၊ အလှူတော်၏ အဖို့ဘာဂကို ကွယ်လွန်သူ ကိုမျိုးမြင့်ဦး နှင့်တကွ ဝေနေယျ သတ္တဝါအပေါင်းတို့ အညီအမျှ ရရှိကြပါစေကြောင်း ဆုတောင်းကာ အမျှအတန်းပေးဝေခဲ့ကြသည် ။

သာဓုအနုမောဒနာတရားချီးမြှင့်ပေးတော်မူသည့် ဓမ္မဒူတမှ ကျောင်းထိုင်ဆရာတော် ဒေါက်တာအရှင်နန္ဒကနှင့် တွဲဖက်ကျောင်းထိုင်ဆရာတော် ဦးကိတ္တိသာရတို့အားလည်းကောင်း ၊ အခမ်းအနား သို့ကြွရောက်အားပေးခဲ့ကြသည့် မိတ်သင်္ဂဟများ ၊ ဓမ္မဒူတအကျိုးတော်ဆောင်အဖွဲ့ဝင်များ ၊ အစစအရာရာ ကူညီပေးခဲ့သည့် စကားဝါမိသားစု ၊ ချက်ပြုတ်ကျွေးမွေးရေးကိစ္စ တာဝန်ယူကူညီပေးခဲ့သည့် ကိုဘိုဘို(အမေ့အိမ်)နှင့် မိတ်ဆွေများကို လည်းကောင်း ၊ အကြောင်းအမျိုးမျိုးကြောင့် အခမ်းအနားသို့ မတက်ရောက်နိုင်သော်လည်း ဖုန်းဖြင့် ပဋိသန္ဓာရစကား ချီးမြှင့်ပေးကြသော မိတ်သင်္ဂဟများကိုလည်းကောင်း ကျေးဇူးအထူးတင်ရှိကြောင်း ကိုဆန်းမြင့်ဦးနှင့် မိသားစုက ဟန်ဂုရွာသို့ပြောသည် ။