ကိုမိုးကောင်း၏ ကျန်းမာရေး အခြေအနေ စိုးရိမ်အဆင့်သို့ ရောက်ရှိ

ရေးသားသူ — ဒေဂူးအသံ

ယနေ့မနက် ရရှိသည့် သတင်းအရ ဒယ်ဂူးမြို့၊ ကက်သလစ်ဆေးရုံကြီးတွင် ဆေးကုသမှု ခံယူနေရသည့် ကိုမိုးကောင်း (ခ) ကိုမြတ်ဇော်ဝင်း၏ ကျန်းမာရေး အခြေအနေမှာ အလွန်စိုးရိမ်ရသည့် အခြေအနေသို့ ဆိုက်ရောက်နေကြောင်း၊ အကြောင်းကြားသင့်သည့် ပုဂ္ဂိုလ်များအား အကြောင်းကြားရန်နှင့် နောက်ဆုံးခရီးအတွက် လိုအပ်သည်များကို ကြိုတင်ပြင်ဆင်ထားရန်လိုကြောင်း တာဝန်ခံ ဆရာဝန်များက ဆိုပါသည်။ ယခုလောလောဆယ် အခြေအနေမှာ ကိုမောင်းကောင်းတွင် ပိုက်ပေါင်း (၂၀)လောက် ချိတ်ထားရပြီး သတိမှာလည်း မျှောနေသည့် အနေအထားတွင်ရှိကြောင်း၊ ချိတ်ထားသည့် ပိုက်တစ်ခုခုကို ဖြုတ်လိုက်ရင်ကိုပင် အသက်အန္တရာယ် စိုးရိမ်နေရကြောင်း၊ အသက်ရှုနေမှု အနေအထားမှာလည်း အပြင်းအထန် လုယူရှုနေရတဲ့ အနေအထားဖြစ်ကြောင်း စိတ္တသုခ လူမှုကူညီရေး အသင်းမှာ တာဝန်ခံ ကူညီပေးနေသူများက ဆိုပါသည်။ ထို့ကြောင့် ကိုမိုးကောင်း၏ ကျန်းမာရေး အခြေအနေမှန်ကို မိတ်ဆွေအပေါင်းအသင်း သူငယ်ချင်းများ အနေဖြင့် အချိန်နဲ့တပြေးညီ သိရှိနိုင်စေရန် ဓာတ်ပုံနှင့်တကွ တင်ပြလိုက်ပါသည်။ ကိုမိုးကောင်း၏ နောက်ဆက်တွဲ အခြေအနေကိုလည်း ဆက်လက် တင်ပြပေးပါမည်။

ကျန်းမာရေးစရိတ်ကူညီလိုသော သူငယ်ချင်းများ၊အခြေအနေ စုံစမ်းသိရှိလိုသူများ အောက်ပါဖုန်းနံပါတ်များသို့ဆက်သွယ်နိုင်ပါသည်။
(၁)ကိုမော်ကြီး (ဖုန်း- ၀၁၀ ၆၅၅၁ ၄၄၄၀)
(၂) ကိုရွှန်းဝင့်နွယ်(ဖုန်း-၀၁၀ ၅၁၃၂ ၅၂၉၉)
(၃) ကိုဇေယျာတင့် (ဖုန်း-၀၁၀ ၉၈၃၈ ၁၉၈၆)