ရေးသားသူ — မြင့်မိုးအောင်
မိုးတိမ်များ
သူတို့ သိပ်ပြီး ပေါ့ပါးကြတယ်
သူတို့ ခန္ဓာကိုယ်ပေါ်မှာ
ဘာ အနှောင်အဖွဲ့မှ မရှိ
သူတို့ သိပ်ပြီး အေးချမ်းကြတယ်
သူတို့ရဲ့ လမ်းခရီးမှာ
မြေမြှုပ်ဗုံးနဲ့ ထောင်ချောက်တွေ မရှိ
သူတို့ သိပ်ပြီး လွတ်လပ်ကြတယ်
သူတို့ရဲ့ ကောင်းကင်မှာ
စစ်ပွဲတွေနဲ့ ရေးဆွဲထားတဲ့ နယ်ခြားမျဉ်းတွေ မရှိ
ကမ္ဘာမြေရဲ့ ရှုမျှော်ခင်းတွေကို ကြည့်ရင်း
ကောင်းကင်ယံမှာ သူတို့ လမ်းလျှောက်ကြ
လှပနေကြရဲ့
တချို့သော နေ့ရက်များ
တစ်ခါတစ်ရံတော့
သူတို့ရဲ့ ခန္ဓာကိုယ်တွေ မည်းညစ်သွားကြ
ကမ္ဘာမြေပေါ်က လွင့်တက်လာတဲ့
ဒုက္ခရဲ့ မီးခိုးငွေ့များနဲ့
ပြီးတော့၊ မိုးစက်တွေကို ရွာချရင်း
သူတို့ ငိုကြရတယ်
ကမ္ဘာမြေပေါ်က
သွေးပျက်စရာ ရှုမျှော်ခင်းများအတွက်
မြင့်မိုးအောင်
သရဖူ၊ ၁၉၉၅
ဓာတ်ပုံများကို google မှ ရယူပါသည်။
No comments:
Post a Comment