သမတလောင်း ဂျိုဗြောန်အိုဂ် ကွယ်လွန်သွားတဲ့အတွက် ဒုသမတအဖြစ် ရာထားသူ မစ္စ ဂျာန်မြောင်းက သမတလောင်းအဖြစ် ရွေးကောက်ပွဲသို့ ၀င်ရောက် ယှဉ်ပြိုင်ခဲ့ပါတယ်။ ရွေးကောက်ပွဲ မတိုင်မှီ ဖေဖော်ဝါရီ ၂၈ ရက် တနင်္ဂနွေနေ့ ဒဲဂု အထက်တန်းကျောင်းသားများက ကျောင်းသားအခွင့်အရေး ရရှိရေးနဲ့ အာဏာရှင် အစိုးရ ကျဆုံးရေး ကြွေးကြော်ပြီး ဒဲဂုမြို့အတွင်း လှည့်လည် ဆန္ဒပြခဲ့ကြရာ ရဲများရဲ့ ပစ်ခတ်မှုကြောင်း ၂၀ ဒဏ်ရာရရှိပြီး ၂၀၀ ခန့် ဖမ်းဆီးခံခဲ့ရပါတယ်။ မတ် ၅ ရက် ဆောအုလ် အားကစားရုံတွင် ကျင်းပတဲ့ ဒီမိုကရေစီအဖွဲ့ရဲ့ မဲဆွယ် ဟောပြောပွဲအပြီး တစ်ထောင်ခန့်ရှိ လူစုက ကျောင်းသားအရေး အောင်မြင်ပါစေလို့ ကြွေးကြော်ခဲ့ကြပါတယ်။ မတ် ၈ ရက် ဒဲဂျောန်တွင် ကျောင်းသားများ ဆန္ဒပြတောင်းဆိုရာ ရဲများက ပစ်ခတ်ခဲ့သဖြင့် ဒဏ်ရာများရရှိခဲ့ကြပြီး မတ် ၁၅ ရက်အထိ တောင်းဆို ဆန္ဒပြပွဲများဟာ နိုင်ငံအနှံ့မှာ ဖြစ်ပွားလျက် ရှိနေပါတယ်။ ၁၉၆၀ ခုနှစ် မတ် ၁၅ ရွေးကောက်ပွဲ ရလဒ်ကတော့ သမတ ယိစွန်မာန်ကဘဲ သမတ ရာထူးကို ဆက်လက် ရရှိခဲ့ပြီး ဒုသမတအဖြစ် ယိဂိဘုန်းကို ခန့်အပ်ခဲ့ပါတယ်။ အဆိုပါ မတ် ၁၅ ရက် ညနေ ၃ နာရီ ၄၀မီနစ် တောင်ကိုရီးယား တောင်ဘက်ပိုင်းရှိ မာဆန်တွင် ကျောင်းသားနဲ့ မြို့သူမြို့သားများ တစ်ထောင်ခန့်က ရွေးကောက်ပွဲ ရလဒ်ဟာ မှန်ကန်မှုမရှိသောကြောင့် ကန့်ကွက်ဆန္ဒပြခဲ့ကြရာ ည ၇နာရီအချိန်တွင် လူဦးရေ တစ်သောင်းခန့် များပြားလာခဲ့ပါတယ်။ ညနေ ၄နာရီ ခွဲအချိန်မှာ ဒီမိုကရေစီအဖွဲ့က မတ် ၁၅ ရွေးကောက်ပွဲဟာ ရွေးကောက်ပွဲအမည်ခံ ပြည်သူ့အာဏာကို မတရား ဓါးပြတိုက်ခဲ့တာဟု ထုတ်ပြန် ကြေညာပါတယ်။ ည ၈ နာရီအချိန်လောက်မှာ ရဲများက ဆန္ဒပြသူများကို ပစ်ခတ်ခဲ့သဖြင့် ၇ ဦး သေဆုံးပြီး ၈၇၀ ဦး ဒဏ်ရာရှိခဲ့ပါတယ်။ နောက်တစ်နေ့ သားပျောက် အမေတစ်ယောက် ဂွာန်ဂျာန်စုဟာ သူမရဲ့ သား မာဆန် စက်မှုကျောင်းသား ကင်းမ်ဂျူယောလ်က အိမ်ကို ပြန်လာလို့ မာဆန်မြို့အတွင်း နေရာတကာကို လှည့်လည် အော်ဟစ် မေးမြန်းခဲ့ပေမယ့် အဖြေမှန်ကို မရရှိခဲ့ပါဘူး။ သားပျောက် အမေရဲ့ အော်ဟစ် မေးမြန်းသံဟာ မာဆန်ရှိ မြို့သူမြို့သားများရဲ့ ရင်ထဲမှာ ထင်ဟပ်လာပြီး စိတ်ပါဝင်စားလာခဲ့ကြပါတယ်။ မတ် ၁၈ မာဆန်အရေးအခင်းကြောင့် ပြည်ထဲရေးဝန်ကြီး မစ္စတာ ချွဲအင်ဂယူနဲ့ ရဲမှူး ယိဂါန်ဟာဂ်တို့က နုတ်ထွက်ခဲ့ကြပါတယ်။ မတ် ၂၄ ရက် ဘူဆန် အထက်တန်း အလယ်တန်း ကျောင်းသားများက တရားမျှတမှုမရှိတဲ့ ရွေးကောက်ဖြစ်ကြောင်း ဆန္ဒပြတောင်းဆိုကြပြီး မတ် ၂၅ ရက်မှာ ဘူဆန်ရှိ ဘာသာရေး ကျောင်းနဲ့ အမျိုးသမီးများ ကျောင်းရှိ အလယ်တန်း အထက်တန်း ကျောင်းသား ကျောင်းသူများပါ ပူးပေါင်းလာကြပါတယ်။ ဧပြီ ၁ ရက်မှာ တက္ကသိုလ်ကျောင်းများ ပြန်လည် ဖွင့်လာခဲ့ပါတယ်။ သားပျောက် မိခင် မစ္စစ် ဂွာန်ဟာ သားပျောက်ရှာနေစဉ် ခင်ပွန်းသည် ကွယ်လွန်ကြောင်း ကြေးနန်းစာကို ရုတ်တရက် မမျှော်လင့်ဘဲ ရလိုက်ပါတယ်။ အဲဒါနဲ့ သားပျောက် ရှာဖွေရေးကို ခဏထားပြီး ခင်ပွန်းသည်ရဲ့ ဈာပန ဆောင်ရွက်ဘို့ နာမ်ဝါန်သို့ ဧပြီ ၁၁ ရက် နံနက် ၈ နာရီ ၃၀ မီနစ်မှာ လိုင်းကား စီးပြီး မာဆန်မှ ထွက်ခွာလာခဲ့ပါတယ်။ အဆိုပါ ဧပြီ ၁၁ ရက် နံနက် ၁၁နာရီ ၂၀ မီနစ် မာဆန်မြို့ ရှင်ဖိုမြို့နယ် ပင်လယ်တွင် ညာဘက် မျက်လုံးထဲသို့ လက်ပစ်ဗုံး စိုက်ဝင်နေတဲ့ အလောင်း တစ်လောင်း ပေါ်လာကြောင်း တွေ့ရ၍ ပြည်သူများအများ ဆယ်ယူပြီး ကြည့်ရှုကြရာ မာဆန်မြို့ စက်မှုကျောင်းက အသက် ၁၆ နှစ်အရွယ်ရှိ ကျောင်းသား ကင်းမ်ဂျူယောလ် ( ၁၉၄၄ခုဘွား) ရဲ့ ရုပ်အလောင်း ဖြစ်နေကြောင်း သိရပါတယ်။ ဂျောန်လာဂ်ပြည်နယ် နာမ်ဝါန်မြို့သား ကင်းမ်ဂျူယောလ်ဟာ မာဆန် စက်မှုကျောင်း တက်ရောက်ရန်အတွက် စာမေးပွဲဝင်ဖြေပြီး အောင်စာရင်းကို စောင့်စားနေခဲ့ပါတယ်။ မတ် ၁၄ ရက်မှာ အကို ကင်းမ်ကွာန်ယောန်နဲ့အတူ ဆန္ဒပြပွဲသို့ ပါဝင်ခဲ့ပါတယ်။ မာဆန် စက်မှုကျောင်းရဲ့ အောင်စာရင်းကို မတ် ၁၅ ရက်မှာ ထုတ်ပြန်ခဲ့ပါတယ်။ ဆက်လက် ဆန္ဒပြတောင်းဆိုနေတဲ့ ကင်းမ်ဂျူယောလ်ဟာ ည ၈ နာရီမှ ၁၀ နာရီအတွင်း ရဲများက ပစ်ခတ်ကြောင့် ညာဘက် မျက်လုံးတွင် လက်ပစ်ဗုံး ထိုးစိုက်ဝင်သွားပြီး သေဆုံးခဲ့ရပါတယ်။ ကင်းမ်ဂျူယောလ်ရဲ့ အလောင်းကို ရဲ ဗိုလ် ဘဂျူန်ဖြိုက ပင်လယ်ပြင်သို့ လွှတ်ပစ်ခဲ့ပါတယ်။ မာဆန် စက်မှုကျောင်း အောင်လက်မှတ်ကို ညီ ကင်းမ်ဂျူယောလ်အစား ကင်းဂွာန်ယောန်က လက်ခံခဲ့ပါတယ်။ ကင်းမ်ဂျူယောလ်ရဲ့ ရုပ်အလောင်းကို တွေ့ရှိကြောင်း သတင်းရရှိပြီးနောက် ဧပြီ ၁၈ ရက် ဂိုလယောတက္ကသိုလ် ကျောင်းသားများက ရွေးကောက်ပွဲ ရလဒ် ကန့်ကွက်ကြောင်းနဲ့ ကင်းမ်ဂျူယောလ်အား ပစ်ခတ်သူများ အရေးယူ ပေးရေး သမတ ယိစွန်မာန်နဲ့ တွေ့ဆုံ ဆွေးနွေးရေးကို လှည့်လည် ဆန္ဒပြတောင်းဆိုပြီး ကျောင်းသို့အပြန် ဂျူနို ၀ိုး(၅)ဂါအရောက် သမတ ယိစွန်မာန်ရဲ့ ကိုယ်ရေးအရာရှိ မစ္စတာ ဂွာန်က မွေးထားတဲ့ လူမိုက်တစ်စုက ၀င်ရောက် ရိုက်နှက်သဖြင့် ကျောင်းသား မြောက်များစွာ ဒဏ်ရာရရှိခဲ့ပါတယ်။ ဧပြီ ၁၉ ရက် နံနက်ပိုင်း ၈ နာရီ ခွဲခန့်က ဂိုဂွာန်း အထက်တန်းကျောင်းသား တစ်ထောင်ခန့်ဟာ ရှင်ဆောလ်ဒုန် လမ်းကွေ့မှ ဆောအုလ်(ဆိုးလ်)မြို့အတွင်းသို့ ၀င်ရောက် လှည့်လည် ဆန္ဒပြကြရာ နံနက် ၉ နာရီခန့်က ဆောအုလ် တက္ကသိုလ်က ကျောင်းသား ၆ ထောင်ခန့်၊ နံနက် ၁၀နာရီတွင် ဂိုလယော တက္ကသိုလ်က ၄ထောင်ခန့်၊ ဂေါ့န်ဂု တက္ကသိုလ်က ၂ထောင်ခန့်၊ ၁၁ နာရီတွင် ဒုန်ဂု တက္ကသိုလ်က ၂ထောင်ခန့်၊ ဆောန်ဂယူန်ဂွာန် တက္ကသိုလ်က ၃ထောင်ခန့်၊ နေ့လည် ၁၂နာရီတွင် ယောန်ဆဲ တက္ကသိုလ်က ၅ထောင်ခန့်၊ ဟုန်းအိဂ် တက္ကသိုလ်က တစ်ထောင်ခန့် စုစုပေါင်း တစ်သိန်းကျော်တို့ ဆန္ဒပြ တောင်းဆိုကြပါတယ်။ ရဲများက ဆန္ဒပြသူများကို ဟယိုဂျာဒုန်တွင် ပိတ်ဆို့ထားလိုက်ပြီး မီးသတ် ပိုက်များနဲ့ ထိုးဖြန်းကြပါတယ်။ နေ့လည် ၁နာရီ ၄၀ ခန့်မှာ မီးသတ်ကားများကို ဖယ်ရှားပြီး ရဲများက ဆန္ဒပြနေသူများကို စတင် ပစ်ခတ်ပါတော့တယ်။ ရဲများရဲ့ ပစ်ခတ်မှုကြောင့် တနိုင်ငံလုံးရှိ ကျောင်းသားများ ၁၈၆ ယောက် သေဆုံးပြီး ၆ထောင်ကျော် ဒဏ်ရာရရှိခဲ့ပါတယ်။ ဧပြီ ၂၇ ရက်မှာ ယိစွန်မာန်အစိုးရက နုတ်ထွက်ပြီး ၂၈ ရက်မှာ ယာယီအစိုးကို ဖွဲ့စည်းခဲ့ပါတယ်။ မေ ၂၈ ရက်မှာ သမတ ဟောင်း ယိစွန်မာန်ဟာ အမေရိကန် ဟာဝိုင်ယီသို့ ထွက်ခွာသွားပြီး ၁၉၆၅ခုနှစ် ဇူလိုင် ၁၉ ရက်မှာ ကွယ်လွန်သွားခဲ့ပါတယ်။ ၁၉၆၀ ခုနှစ် မေ ၁ ရက် ယာယီအစိုးရ သမတ ယူဘိုစောန်က ၁၉၆၀ မတ် ၁၅ ရွေးကောက် ရလဒ်ကို အသိအမှတ် မပြုကြောင်း ထုတ်ပြန် ကြေညာခဲ့ပါတယ်။ ဆက်လက် ဖော်ပြပေးပါမည်။
No comments:
Post a Comment