Wednesday, July 17, 2013

ဘာသာစကားဟာ ပါဝါဖြစ်တယ် (언어는 권력이다)

ရေးသားသူ — စိုးမိုးသူ
(ကိုရီးယားမှာ ရောက်ရှိ အလုပ်လုပ်ကိုင်နေထိုင်သူ ညီအကိုတွေအတွက် အထောက်အကူပြုမယ် ယူဆလို့ ဒီဆောင်းပါးကို ရေးလိုက်ပါတယ်။ အကယ်၍ ကျနော့် အရေးအသားက ကြွားတားတားဖြစ်ရင် ဆောရီးဗျာ၊ အဲ့လိုပဲ တည့်တိုး ရေးတတ်လို့၊ ဆိုလိုချင်တာကို ရွေးပြီး ခံစားပေးနိုင်ရင် လက်ညောင်းရကျိုးနပ်ပြီ)
  
ကိုရီးယားစကားကောင်းကောင်းပြောတတ်တဲ့ ကျနော့်ကို အားကျသူတွေက မေးကြတယ် အကို ဘယ် လိုလေ့လာလဲတဲ့။

ကျနော့်အဖြေကတော့ ကျနော် အရူးတယောက်လို လေ့လာခဲ့တယ် လို့

အဲ့ဒီစကားကို ရှင်းပြမယ်လေ။
ကိုရီးယားရောက်စက ကျနော်လုပ်တဲ့ စက်ရုံမှာ နိုင်ငံခြားသားဆိုလို့ ကျနော်တယောက်တည်းရှိသလို ကျနော်က အသက်က အငယ်ဆုံးလည်းဖြစ်ပြန် အလုပ်စ၀င်စလည်းဖြစ်တော့ သူတို့ ခိုင်းဖတ်ပေါ့ဗျာ။

ကိုယ်ကလည်း RITကျောင်းသားဆိုတဲ့ မာန်ကလေးနဲ့ အလုပ်ကိစ္စမှာတော့ ကိုယ်က သူတို့ကို မကျော်နိုင်တော့ ကိုယ်တတ်တဲ့ အင်္ဂလိပ်လို ပြန်ပြန်ပြောပြီး သိက္ခာပြန်ပြန်ဆယ်ရတာလဲ အမောလေ။

အဲ ခက်တာက ကိုရီးယားတွေက အင်္ဂလိပ်ဘာသာကို တော်တော် မတတ်ကြတော့ ကိုယ်ပြောတာလည်း သူတို့ မသိ၊ သူတို့ပြောတဲ့ ကိုရီးယားစကားလည်း ကိုယ်က နားမလည်နဲ့ ကျနော်တို့ရဲ့ ဆက်ဆံရေးဟာ တော်တော် အူကြောင်ကြောင်နိုင်ခဲ့တယ်လေ။

အလုပ်က ပြိုင်းရတဲ့ကြားထဲ စကားမပေါက်တာကြောင့် တွေ့ကြုံရတဲ့ ဒုက္ခကလည်း မသေးဘူး။
ဥပမာ- 
အသက်တောင် ၀အောင်မရှုနိုင်ပဲ အလုပ်လုပ်နေတုန်း ကျနော့်ကို သူတို့က ဟိုဟာ ယူခိုင်း ဒီဟာယူခိုင်း ခိုင်းတယ်လေ။ သူတို့ယူခိုင်းတာကို ကိုယ်ကလည်း နားမလည်တော့ သူလိုချင်တာ မဟုတ်တဲ့ဟာကို သွားပေးမိ၊ မဟုတ်ဘူးဆိုပြီး သွား ပြန်ယူခိုင်း၊ ပြန်ယူလာပြန်တော့လဲ တလွဲဟာကို ယူလာမိ၊
အလုပ်က ပြိုင်းရတဲ့ ကြားထဲ အပြန်ပြန် အလှန်လှန် သွားယူပေးလိုက် လွဲလိုက်နဲ့ဆိုတော့ ကြာတော့ တင်းလာတယ်လေ။ ဒါနဲ့ အဲဒီ ပစ္စည်းတွေကို အကုန် ပုံးတခုထဲ ပြုံထည့်ပြီး နင့်ဖာသာရွေးယူဟာ ဆိုပြီး သွားပေးလိုက်တယ်ဗျာ။ပြီးရော။

ဒါနဲ့တင် မပြီးသေးဘူးဗျ။
သူတို့အချင်းချင်း အလုပ်အကြောင်းစကားပြောရင်း တခါတရံ သူတို့ပြောတဲ့ စကားသံတွေကြားထဲမှာ  ကျနော့်နံမည်ကို ကြားရတဲ့အခါ အင် ဘာလဲ ဒီကောင်တွေ ငါ့အတင်းပြောနေတာလား၊ ဒါမှမဟုတ် ငါအလုပ်လုပ်တာပဲ မကြိုက်လို့လား ဆိုပြီး သိပ်သိချင်ခဲ့တယ်လေ။ နားမလည်လေ ပိုသိချင်လေပဲ။

အဲဒီမှာတင် ကျနော်စဉ်းစားရပြီ။
နေပါဦး၊
မွေးကတည်းက ငါ့အမေက ငါ့ကို စကားပြောဖို့ ပါးစပ်ပေးလိုက်တယ်၊
ပြောတာ နားထောင်ဖို့ နားလည်ဖို့ နားရွက်ပေးလိုက်တယ်၊
ခု ငါက ဒီမှာ အဲဒီ၂ခုလုံးကို မသုံးနိုင်တဲ့ ဆွံ့အနားမကြားဘ၀မှာ ရောက်နေတယ်။ 
စကားနားမလည်တော့ အလုပ်ထဲက လူတွေနဲ့လည်း တဖြေးဖြေး ဝေးသလို ခံစားနေရတယ်။
မဖြစ်တော့ဘူး၊ ငါ ကိုရီးယားစကားကို ပြောတတ်မှ ဖြစ်တော့မယ်၊
ငါ ကိုရီးယားစကားမှ မတတ်ရင်တော့ ဒီလိုပဲ သူများ အဟားခံရတဲ့ ဘ၀၊ ကိုယ့်ကိုယ်ကိုလည်း မကျေနပ် အားမရတဲ့ ဘ၀နဲ့ ဆက်နေရမယ်။ အဲ့လို ဆိုရင်တော့ ရူးရချည့်ရဲ့ မဖြစ်တော့ဘူး ဆိုပြီး ကိုရီးယား စကားကို ရေတို အစီအစဉ်ဆွဲပြီး လေ့လာဖို့ ဆုံးဖြတ်ခဲ့ပါတယ်။

အဲဒီတုန်းက ကိုရီးယားဘာသာကို လေ့လာဖို့ဆိုပြီး မြန်မာပြည်ကယူလာတဲ့ လူသာမန်မျက်စိနဲ့မမြင်တွေ့ 
 နိုင်အောင် ရေးထားတဲ့ မြန်မာပြည်ထုတ် ကိုရီးယားစကားပြော စာအုပ်ကလည်း အားကိုးလို့မရ၊
အခုလို နိုင်ငံခြားသားစင်တာတွေက ထုတ်ဝေတဲ့ ကိုရီးယားစကားပြော စာအုပ်တွေကလည်း မရှိသေးတော့ အနီးအနားက စာအုပ်ဆိုင်သွားပြီး
- ကိုရီးယား အထက်တန်းကျောင်းသားကိုင် အင်္ဂလိပ်သဒ္ဒါ စာအုပ်ကို ၀ယ်ပြီး ကျင့်တယ်။
- သတင်းစာထဲမှာ ပါတဲ့ အင်္ဂလိပ်စကားပြောအရွက်ကို ဖြဲယူပြီး အလွတ်ကျက်တယ်။
- တနေ့ ဝေါဟာရ အလုံး၂၀ကို စာရွက်မှာ ကူးရေး၊ အလုပ်လုပ်တဲ့ စက်မှာ တိတ်နဲ့ ကပ်၊  ပြေးလွှား အလုပ် လုပ်ရင်းကနေ အကုန်လုံး ရအောင်ကျက်၊ 
- အိမ်သာထဲ စွန့်ကျဲနေရင်းလည်း ကျက်၊
- ထမင်းစားနားချိန်မှာလည်း ကျက်၊
- အိုဗာတိုင်မရှိတဲ့နေ့ဆို ညနေစာ မြန်မြန်စားပြီး အခန်းတံခါးပိတ် ညနေ၆နာရီခွဲ ကနေ ည၁၂ခွဲထိ စာကျက်၊
- သီချင်းစာသားတွေက တဆင့် ဘာသာပြန်ပြီး ကျက်၊
- ရုပ်ရှင် ဒရာမာတွေကြည့်ပြီး သူတို့ပြောတဲ့အတိုင်း လိုက်ပြော၊
- နားမလည်လဲ ကိုရီးယားသတင်းစာတွေကို ပြူးပြဲဖတ်၊
(အဖေကပြောတယ်လေ၊ သတင်းစာဖတ်တတ်တဲ့အဆင့်ထိရောက်မှ ကျွမ်းကျင်တယ်လို့ခေါ်တယ်တဲ့)
- လမ်းသွားရင်း ဆိုင်းဘုတ်မှာ ရေးထားတာတွေကို အသံထွက်ပြီး အမြန်ဖတ်ကျင့်၊
- အလုပ်ရှင်ပဲဖြစ်ဖြစ်၊ အခြားကိုရီးယားနဲ့ပဲဖြစ်ဖြစ် အကြောင်းအရာတခုကို
 ပြောရတော့မယ်ဆိုရင် ပြောမယ့် စကားကို သေချာ စာစီပြီးရေး၊ မလိုတာတွေ ပြန်စစ်၊ အလွတ် ကျက်ပြီးတော့ ပြော၊ အဲ့လိုဆိုတော့ အထစ်အထစ်လဲ မဖြစ်ဘူး၊ ကိုယ်ပြောတဲ့စကားကိုလည်း သူက အလေးအနက် နားထောင်ပေးတယ်လေ။ ကိုယ့်စကားက ဘယ်လိုပဲ အရေးကြီးကြီး၊ လေးနက်တဲ့ အကြောင်းအရာပဲဖြစ်ဖြစ် မပီကလာ ပီကလာ၊ သဒ္ဒါစောက်ထိုးဆိုရင်တော့ လိုရာပစ်မှတ်ကို မထိနိုင်ဘူးလို့ ယူဆတယ်လေ၊

တချို့ကပြောတယ်၊ ကိုရီးယားမှ မဟုတ်တာ မပီလဲရတယ်တဲ့၊
ကျနော်ကတော့ အဲ့ဒီလို ကိုယ့်မကြိုးစားတာကို တခြားဟာနဲ့ ဖာထေးပြောတာ မကြိုက်သလို သဏ္ဍာန်လုပ် သရုပ်တူရမယ်ဆိုတာကို လက်ကိုင်ထားလို့ မတူတူအောင်ကို ကျင့်ခဲ့တယ်။ လူပြောတဲ့စကား လူလိုက် မပြောနိုင်စရာ ဘာရှိလဲဗျာ၊ ဟုတ်ဘူးလား။

အဲ့လိုနဲ့ မနက်အိပ်ယာထကနေ ညအိပ်တဲ့အထိ စားလဲ ကိုရီးယားစာ၊ အိပ်လည်း ကိုရီးယားစာကို လေ့ကျင့်လိုက်တာ ၆လလောက်လဲကြာတော့ ဘွတ်ဘွတ် ရွှတ်ရွှတ်နဲ့ပြောတတ် လာတယ်လေ။ ပျော်လိုက်တာဗျာ။ လုပ်ကြည့်ဖူးတဲ့ သူဆို ကျနော်ပျော်တာမျိုး ခံစားတတ်မှာပါ။

ကျနော်က စကားလဲ တတ်ရော စက်ရုံထဲက ကိုရီးယား လုပ်ဖော် ကိုင်ဘက်တွေ ကလည်း ကျနော့်အပေါ် အားကိုး လာကြတယ်လေ။ အနဲဆုံး ကျနော့်ရှေ့ထားပြီး ကျနော့် အတင်းမပြောကြတော့ဘူးပေါ့၊ ယူခိုင်းတာလည်း အတိအကျ ယူပေးနိုင်လို့လေ။

သိတဲ့အတိုင်းပဲလေ၊ 
အဲ့ဒီတုန်းက အသက်ကလည်း ၁၉နှစ်ဆိုတော့ အင်အား ကလည်း ကောင်းတဲ့အချိန်ကိုး၊ သူတို့နဲ့ အပြိုင် အလုပ်ကို အမြန်လုပ်နိုင်သလို တစက်ရုံလုံးမှာ ရှိတဲ့ အလုပ်ဆိုက်တိုင်း ကိုယ့်ဟာဖြစ်ရမယ်၊ လုပ်ကိုင်တတ်ရမယ်၊ ကျွမ်းကျင်ရမယ် ဆိုတဲ့ ခံယူချက်ရယ် မခံချင်စိတ်ရယ်နဲ့ ကိုယ့်အလုပ်မဟုတ်လဲ သူများအလုပ်တွေ ၀ိုင်းကူလုပ်ပေး၊ အချိန်မရလဲ ကိုယ့်အလုပ်ကို အမြန်လုပ်ပြီးတော့ အချိန်ပို ဖန်တီးပြီး သူများအလုပ်ကို ပြေးကူ လုပ်ပေးရင်း နေလာလိုက်တာ ၂နှစ်လောက်လဲ ကြာရော ကျနော်က စက်ရုံမှူး ထက်တောင် တရုံလုံးက အလုပ်တွေကို ကျွမ်းကျွမ်း ကျင်ကျင် လုပ်နိုင်တယ်လေ။

ပြောတာလည်း နားလည်တော့
ခိုင်းတာလည်း မှန်အောင်လုပ်ပေးနိုင်တော့
သူဌေးညီဖြစ်တဲ့ စက်ရုံမှူးကလည်း ကျနော့်ကို ရေလည် ချစ်၊ သူဌေးကလည်း ခိုင်းကောင်းတဲ့ စကား နားလည်တဲ့ ကျနော့်ကို နောက်ဆုံးတော့ အဆိုင်းခေါင်းဆောင် နေရာကို ခန့်တယ်လေ။
အလုပ်ဆိုင်းခေါင်းဆောင် မစ္စတာစိုး(SOE주임) ဆိုပြီး ရာထူးတွေပါတွေ ရလိုက်သေးတယ်ဗျ။ ၂၀၀၃ခုနှစ် ရွှေ့ပြောင်းအလုပ်သမား အခွင့်အရေး တိုက်ပွဲဝင် သပိတ်စခန်းဝင်ဖို့ အလုပ်ထွက်တော့မှပဲ ကျနော့်ရဲ့ SOE주임ဘ၀လည်း ငြိမ်းတော့တယ်။

ကျနော်ပြောချင်တာက ဘာသာစကားဟာ ပါဝါဖြစ်တယ် (언어는 권력이다)ဆိုတဲ့ ကိုရီးယား စကားပုံလေး အတိုင်းပါပဲ။
ကိုရီးယားစကား တတ်ကျွမ်းမှုနဲ့ မိမိအလုပ်အပေါ် မခိုမကပ် ၁၀၀ရာခိုင်နှုန်း အထက် ကြိုးစား အားထုတ်မှု ဆိုတဲ့ အင်အား၂ခုပေါင်းရင် နိုင်ငံခြားသားဖြစ်နေပေမယ့်လည်း ကိုရီးယားမှာ မိမိလိုရာ ပန်းတိုင်ကို မလွဲမသေရောက်မယ် ဆိုတာလေးကို ကိုရီးယားမှာကော အခြားနိုင်ငံမှာ ရောက်ရှိနေထိုင် အလုပ် လုပ်ကိုင်နေတဲ့ ညီအကိုမောင်နှမများကို စေတနာဖြင့် ဝေမျှလိုက်ပါတယ်။
တကယ်ဖြစ်ချင် တကယ်လုပ် အဟုတ်ဖြစ်ပါတယ်ဗျ။



8 comments:

Unknown said...

တန်ဖိုးရှိလိုက်တာဗျာ အားတစ်ခုရလိုက်သလိုမျိုးခံစားရတယ်ကျေးဇူးတင်ပါတယ်

Unknown said...

အရမ်း တန်ဖိုးရှိ ပါတယ်ဗျာ....ကျေးဇူးပါ အကို...

Maung Yoe said...

လေးစားအားကျ ဂုဏ်ယူမိပါတယ်

Maung Yoe said...

လေးစာအားကျဂုဏ်ယူမိပါတယ်။

Unknown said...

ကျေးဇူးပါခင်ဗျာ
ယုံအင်းမြို့နာ့းမှာ အလုပ်လုပ်နေရလို့ သင်တန်းတက်ချင်နေတာ ဘယ်လိုလုပ်ရမှန်းမသိပါဘူး

စိုးမိုးသူ said...

ယုံအင်းမှာလည်း နိုင်ငံခြားသားအလုပ်သမား စင်တာရှိပါတယ်။ စုံစမ်းကြည့်ပါ။
용인 이주노동자쉼터
http://www.yms.or.kr/
(449-924) 경기도 용인시 처인구 김량장동 41-1(6F)
TEL : 031) 333-6644 / FAX : 0505)334-6644

Unknown said...

ကျွန်တော်က အခုထိုင်းမှာ အလုပ်လုပ်နေပါ ထိုင်းကနေ ကိုးရီးယာကို အလုပ်သွားလုပ် ချင်ပါတယ် ဘယ်လိုလုပ်ရမလဲ မသိလို့ပါ သိတဲ့လူများ ရှိရင်လမ်းညွန်း ပေးပါ
ကျေးဇူးတင်ပါတယ်။

Unknown said...

ကျွန်တော်က အခုထိုင်းမှာ အလုပ်လုပ်နေပါတယ် ထိုင်းကနေ ကိုးရီးယာကို အလုပ်သွားလုပ် ချင်ပါတယ် ဘယ်လိုလုပ်ရမလဲ မသိလို့ပါ သိရင်လမ်းညွန်းပေးပါ
ကျေးဇူးတင်ပါတယ်။