ဂေါ်ဂျယ်မှ မြန်မာတဦး ရုတ်တရက် ကွယ်လွန်၊ ရက်လည်ဆွမ်းသွပ် ဖိတ်ကြားစာ

ရေးသားသူ — မဇ္ဈိမယာန

ဂေါ်ဂျယ် ဒေ၀ူး သင်္ဘောကျင်းတွင် အလုပ် လုပ်ကိုင်နေသော ကိုတင်ထွန်းဦး (အသက် ၃၀)သည် ၂၀၁၂ ခုနှစ် မေလ ၆ ရက် တနင်္ဂနွေနေ့ နံနက် ၆ နာရီဝန်းကျင်တွင် ဘူဆန်မြို့ နှလုံးအထူးကု ဆေးရုံတစ်ခုတွင် ရုတ်တရတ် ကွယ်လွန်သွားပါသည်။

ကွယ်လွန်သူ ကိုတင်ထွန်းဦး အတွက် ရက်လည် ဆွမ်းသွပ် တရားနာ အမျှဝေပွဲကို ဘူဆန်မြို့ ပြည်တော်ဦး ဘုန်းကြီးကျောင်းတွင် ပြုလုပ်မည်ဖြစ်ပါ၍ မိတ်ဆွေသင်္ဂဟများ ကျန်ရစ်သူ မိသားစုနှင့် မိတ်ဆွေများက ဖိတ်ကြားအပ်ပါသည်။

နေ့ရက် = ၂၀၁၂ မေလ ၁၂ ရက်၊ စနေနေ့
နေရာ = ပြည်တော်ဦးကျောင်း၊ ဘူဆန်မြို့၊ နာမ်ချောင်မြို့နယ်၊ စမ်းမစ်ဘိချိ တိုက် ၂၁၃၊ အခန်း ၂၀၅
အချိန် = နံနက် ၁၀ နာရီ မှ မွန်းလွဲ ၁ နာရီ


ကိုတင်ထွန်းဦးသည် လွန်ခဲ့သည့် တလကျော်မှစ၍ ဘူဆန်မြို့ ခွဲစိတ်အထူးကုဆေးရုံတွင် ဆေးကုသနေသော ဦးလေးတော်သူ ဦးသိန်းလွင်အား အနီးကပ် စောင့်ရှောက်ပေးနေသူ ဖြစ်သည်။ ဦးသိန်းလွင်မှာ ပရပ်(စ်)စက်ရုံ တခုတွင် အလုပ်လုပ်ရာမှ လက်တွင်ထိခိုက် ဒဏ်ရာရရှိ၍ ဆေးရုံတက်နေခြင်း ဖြစ်သည်။

တစ်လခန့် ဆေးရုံစောင့်အပြီး အလုပ်လုပ်ရန် မိမိစက်ရုံ ဂေါ်ဂျယ်သို့ တစ်ပတ်ခန့် ပြန်သွားခဲ့သည်။ စနေနေ့ညက ဆေးရုံသို့ ပြန်လာပြီး ညအိပ်စောင့်ပေးခဲ့သည်။

တနင်္ဂနွေနေ့၊ နံနက် ၅ နာရီခန့်တွင် အိပ်ရာထချိန်အထိ ပုံမှန်အကောင်းတိုင်း ဖြစ်သည်။ ထို့နောက် မကြာမီတွင် ရုတ်တရတ် အသက်ရှူကြပ်ပြီး နှလုံးခုန် ရပ်သွားခဲ့သည်။ ဆေးရုံရှိ အရေးပေါ်ဌာနမှ အောက်စီဂျင်ပေး၊ အသက်ရှူ ကိရိယာများ အသုံးပြု၍ ပြန်လည် အသက်ရှူလာစေရန် ကြိုးစားခဲ့သော်လည်း မရနိုင်သည့် အဆုံးတွင် အနီးရှိ နှလုံးအထူးကု ဆေးရုံသို့ ပေးပို့ခဲ့သည်။

၎င်း နှလုံးဆေးရုံသို့ ရောက်ပြီးနောက် ကိုတင်ထွန်းဦးမှာ ကွယ်လွန် သွားခဲ့ပါသည်။
ဆေးရုံမှ ဆေးစစ်ချက်မှာ နှလုံး ရုတ်တရက် ရပ်သွားခြင်း ဖြစ်ပြီး၊ ဖခင်ဖြစ်သူမှာလည်း အိပ်ရာထဲတွင် အိပ်နေရာမှ ရုတ်တရက် ဆုံးပါးခဲ့ခြင်းကြောင့် မျိုးရိုးဗီဇကြောင့်ဟု ကောက်ချက်ချခဲ့ပါသည်။

မေလ ၇ ရက်၊ တနင်္လာနေ့ နံနက်တွင် ၎င်းကွယ်လွန်ရာ ဘူဆန်မြို့၊ နာမ်ဆမ်းမြို့နယ် အတွင်းရှိ ချင်(မ်)နဲဆေးရုံတွင် ဆရာတော်ဦးဝိစိတ္တ (ဒယ်ဂူးဆရာတော်) ကြွရောက်၍ သက်ပျောက်တရား ဟောကြားပေးခဲ့ပြီး ဆရာတော်အား နေ့ဆွမ်းဖြင့် ဆက်ကပ် လှူဒါန်းခဲ့ကြပါသည်။

မေလ ၈ ရက်၊ အင်္ဂါနေ့ နံနက်တွင် ဆရာတော် ဦးပဏ္ဍိစ္စ (ပြည်တော်ဦးဆရာတော်)အား အရုဏ်ဆွမ်း ဆက်ကပ်လှူဒါန်ပြီး သံဝေဂ ဆွမ်းသွပ်တရားတော် နာကြားပြီး၊ ကွယ်လွန်သူ၏ ကြွင်းကျန်သော ရုပ်ကလာပ်ကို နံနက် ၉ နာရီခွဲတွင် မီးသဂြုင်္ိဟ်စက်သို့ ပိုဆောင်၍ မီးသဂြုင်္ိဟ် ခဲ့ကြပါသည်။

ကွယ်လွန်သူ ကိုတင်ထွန်းဦးမှာ မွန်လူမျိုးဖြစ်ပြီး၊ ဈာပနသို့ ကင်မဲ၊ ဘူဆန် ၀န်းကျင်ရှိ မိတ်ဆွေများနှင့် ဘူဖျောင်း မွန်အသင်း (ကိုရီးယား)မှ မိတ်ဆွေများ လာရောက်၍ ပို့ဆောင်ပေးခဲ့ကြပါသည်။

ကွယ်လွန်သူ ကိုတင်ထွန်းဦး အတွက် ရက်လည် ဆွမ်းသွပ် တရားနာ အမျှဝေပွဲကို ဘူဆန်မြို့ ပြည်တော်ဦး ဘုန်းကြီးကျောင်းတွင် ပြုလုပ်မည်ဖြစ်ပါ၍ မိတ်ဆွေသင်္ဂဟများ ကျန်ရစ်သူ မိသားစုနှင့် မိတ်ဆွေများက ဖိတ်ကြားအပ်ပါသည်။