Wednesday, August 28, 2013

ကွမ်းတံတွေး မြင်ရင် ရှက်ပါ



ကိုရီးယားရောက် မြန်မာတို့ ကျင်လည်ရာ ပတ်ဝန်းကျင်မှာ ကွမ်းတံတွေးများဖြင့် ညစ်ပတ်မနေစေရန် အသိပညာပေး ပြုပြင်မယ့် `ကွမ်းကမ်ပိန်း´ကို မြန်မာစင်တာက ကမကထပြု၍ အများစုပေါင်း လုပ်ဆောင်ကြမှာ ဖြစ်ပါတယ်။

အစီအစဉ်

နေ့ရက် = ၂၀၁၃ စက်တင်ဘာ ၁ (တနင်္ဂနွေနေ့)
နေရာ = ကိုရီးယားနိုင်ငံ၊ ဘူဖျောင်းမြို့
အချိန် = နံနက်ပိုင်း - နံနက် ၁၁ နာရီမှ မွန်းလွဲ ၁ နာရီအထိ
ညနေပိုင်း - ညနေ ၄ နာရီမှ ၆ နာရီအထိ

ဘာတွေလုပ်မလဲ

- လမ်း၊ ပလက်ဖောင်း၊ သစ်ပင်၊ နံရံ စတာတွေမှာ ကွမ်းသွေးပေကျံနေတာတွေကို ဆေးကြောမယ်။
- မြန်မာတိုင်းကို လက်ကမ်းစာရွက်တွေ ဝေမယ်။ ရှင်းပြ ပြောဆိုမယ်။
- လူမြင်ကွင်း နေရာစုံမှာ ပိုစတာ၊ စတေကာတွေ ကပ်မယ်။

ကွမ်းကမ်ပိန်းရဲ့ ရည်ရွယ်ချက်တွေက

- ကွမ်းတံတွေး ပြင်ပမှာ မညစ်ပတ်ရေး
- မြန်မာချင်း မိတ်ဆွေချင်း အသိပညာပေးခြင်းဖြင့် အမျိုးသားဂုဏ်ကို မြှင့်တင်ရေး
- ကိုရီးယား လူနေမှုစနစ်နဲ့ လိုက်လျောညီထွေ နေထိုင်နိုင်ရေး
- ကျန်းမာရေး အသိမြင့်မားလာရေး တို့ ဖြစ်ပါတယ်။

ကွမ်းကမ်ပိန်း လုပ်ဆောင်တာဟာ သင့်လျော်တဲ့ နေထိုင်မှု၊ သန့်ရှင်းတဲ့ ၀န်းကျင် ဖြစ်စေဖို့အတွက် ပညာပေး ပြုပြင်ခြင်း၊ လူနေမှု မြှင့်တင်ခြင်း ဆောင်ရွက်မှုများ ဖြစ်ပါတယ်။

“သန့်ရှင်းမှုဖြင့် ဂုဏ်ယူပါ၊ အမျိုးသားရေးမို့ ဆင်ခြင်ပါ”

No comments: