တူညီသော အလုပ်သမား အခွင့်အရေးကို တူးဆွကြည့်ခြင်း(၁)

အလုပ်သမားချင်းအတူတူ
မိတ်ဆွေတစ်ဦးကပြောတယ် ။ တူညီတဲ့အခွင့်အရေးလိုချင်ပါတယ် ။ သက်ဆိုင်ရာသို့ တင်ပြပေးပါ ခင်ဗျားတဲ့ ။ ကျနော်နှင့် ရပ်ဆွေရပ်မျိုးပါပဲ ။ ဟိုး ၊ ကိုရီးယားတောင်ပိုင်းကိုရောက်တာ ၊ အဲသည်မှာ ၁ နှစ်နေပြီး သည်ဖက် ဘူချောန်း ဘူဖြောင်းဘက်မှာနေချင်လို့ ဆိုပြီးပြောင်းလာတာပါ ။ အလုပ်ရှာတာ ၁ လကျော်ကြာလာသတဲ့ ။ စိတ်ကြိုက်မတွေ့နိုင်ဘူးလို့ဆိုတယ် ။ ကြိုက်တဲ့ စက်ရုံတွေ့ပြန်တော့ ၊ လုပ်သက်ဆုကြေးခံစားခွင့်မပေးတဲ့ စက်ရုံတွေဖြစ်နေတာမို့ ၊ သူကအဲသလို ငြီးချင်းဆိုလိုက်တာပါ ။
“ အလုပ်သမားတွေ အချင်းချင်း ၊ ၁ နှစ်ပြည့်အောင်အလုပ်လုပ်ရတာခြင်းအတူတူ ၅ ယောက်ရှိမှ လုပ်သက်ဆုကြေးခံစားခွင့်ရှိတာတော့ မဟုတ်သေးပါဘူးဗျာ ။ အလုပ်သမား တစ်ယောက်ပဲရှိရှိ ၊ ၂ ယောက်ပဲရှိရှိ ၊ လုပ်သက် ၁ နှစ် ပြည့်တာနှင့် ၊ လုပ်သက်ဆုကြေး ခံစားခွင့်ပေးသင့်တယ်လို့ ထင်ပါတယ်ဗျာ ။ အဲဒါ ကျနော်ကတော့ အလုပ်သမားအချင်းချင်း အလုပ်လုပ်ရတာခြင်းအတူတူ ၊ တူညီတဲ့အခွင့်အရေးလိုချင်တယ်ဗျာ ။ သက်ဆိုင်ရာကိုတင်ပြပေးပါ ”လို့ ဆိုလိုက်တာဗျ ။

ကျနော်တို့ လိုချင်တာတွေရဖို့
အရေးကြီးတာက ကျနော်တို့ရဲ့ လိုလားချက် ၊ ကျနော်တို့ရဲ့ လိုအင်တွေ ပြည့်ဝဖို့ ဆိုရင် ၊ ကျနော်တို့ရဲ့ တင်ပြချက်များဟာ ဥပဒေ (Law) အဖြစ်ရောက်ရှိသွားဖို့လိုပါမယ် ။ ကျနော်တို့ရဲ့ တင်ပြချက်တွေ ကို ဥပဒေကြမ်း (Bill) အဖြစ် ပြုစုပိုင်ခွင့်ရှိတဲ့ ပုဂ္ဂိုလ်များလက်ထဲရောက်ဖို့လိုပါမယ် ။ ဥပဒေကြမ်းကို လွတ်တော်ကို တင်ပြခွင့်ရှိတဲ့ ၊ ဥပဒေကြမ်းကို အတည်ပြုရာမှာ ထောက်ခံမဲပေးကြရတဲ့ ၊ လွတ်တော်အမတ်မင်းများ သိရှိလက်ခံသွားဖို့ အရေးကြီးပါတယ် ။

လူနေမှုစနစ်တစ်ခုကိုပင် ပြောင်းလဲပေးနိုင်မယ့်သူတွေ
ကိုရီးယားလွတ်တော်မှာ ကျနော်တို့ တင်ပြချက်တွေကို ဂရုတစိုက်နားထောင်ပေးမယ့် ၊ ကျနော်တို့အလုပ်သမားဘဝကို အပြည့်အဝ နားလည်မှုပေးနိုင်မယ့် လွတ်တော်အမတ် ဘယ်နှယောက်ရှိပါသလဲ ။
လွတ်တော်အမတ်တွေဆိုတာ အလုပ်သမားတွေရဲ့ဘဝ ၊ နိုင်ငံတစ်နိုင်ငံရဲ့ နိုင်ငံရေးဘဝတစ်ခုလုံး ၊ လူနေမှုစနစ်တစ်ခုလုံးကို အပြောင်းအလဲ ဖြစ်သွားအောင် လုပ်ပေးနိုင်စွမ်းရှိတဲ့ သူတွေဖြစ်တယ် ဆိုတာကိုရော ကျနော်တို့သိပါသလား ။

ကျနော်တို့ ဆောင်ရွက်နိုင်တာတွေ
ကျနော်တို့တစ်တွေက နိုင်ငံခြားသားအလုပ်သမားတွေမို့ ၊ မဲပေးပိုင်ခွင့်မရှိဘူးဆိုတော့ ၊ ဒီကိစ္စမတတ်နိုင်ပါ ။ ဒါပေမယ့် ကျနော်တို့လုပ်နိုင်တာတွေရှိပါတယ် ။ ဘဝတူ ကိုရီးယား အလုပ်သမားတွေနှင့် ၊ ကိုရီးယားအလုပ်သမားတွေရဲ့အကျိုးကိုလိုလားတဲ့ ပုဂ္ဂိုလ်တွေနှင့် ကျနော်တို့ မဟာမိတ်ဖွဲ့လို့ရတယ် ။ သူတို့တစ်တွေနှင့် ကျနော်တို့ ပူးပေါင်းဆောင်ရွက်ခွင့်ရှိနေပါတယ် ။ အလုပ်သမားသမဂ္ဂတွေမှာ ပါဝင်ခွင့်ရှိနေပါတယ် ။

ကျီးကို ဘုတ်မသိ ၊ ဘုတ်ကိုလည်းကျီးက မသိ
ကိုရီးယား ကုန်တင်ကုန်ချ အလုပ်သမားတွေရဲ့ လုပ်ခတိုးမြှင့်ရေး လှုပ်ရှားမှု ၊ ယာယီအလုပ်သမားများ (Bi-jeong-gyu-jik) ခန့်ထားရေးဥပဒေ ပြင်ဆင်ရေးလှုပ်ရှားမှု ၊ နဂါးနှစ်ကောင် (Ssang Yong) မော်တော်ကား အလုပ်သမားများ အလုပ်ဆက်လက် ခန့်ထားရေးလှုပ်ရှားမှု စတဲ့ အလုပ်သမား လှုပ်ရှားမှုတွေမှာ ကျနော်တို့ ဘယ်နှခါများ ပူးပေါင်းဆောင်ရွက်ခဲ့ဖူးပါသလဲ ။ အလုပ်သမားသပိတ် ဆိုတာ ကျနော်တို့နှင့် မဆိုင်ဘူး ၊ ကျနော်တို့ကိစ္စမဟုတ်ဘူးလို့ဘဲ ထင်နေကြတာမဟုတ်ဘူးလား ။
ကိုရီးယားအလုပ်သမားကိစ္စဟာ ကျနော်တို့နှင့် မဆိုင်ဘူးဆိုပြီး ယူဆထားကြတာမဟုတ်လား ။
အဲဒီလိုပဲ ကိုရီးယားအလုပ်သမားတော်တော်များများကလည်း နိုင်ငံခြားသားအလုပ်သမားကိစ္စဟာ သူတို့နှင့်မဆိုင်ဘူးလို့ အယူရှိနေကြတာဗျ ။

လုပ်ခတိုးမြှင့်ရေးလှုပ်ရှားမှုတွေကို ထိန်းချုပ်ထားဖို့
နိုင်ငံခြားသားအလုပ်သမား ငှားရမ်းခွင့်စနစ်တွေဆိုတာ ကိုရီးယားဒေသခံအလုပ်သမားတွေနှင့် နိုင်ငံခြားသားအလုပ်သမားတွေကို လုပ်အားခချင်း ပြိုင်စေဖို့ (လုပ်အားခ အပြိုင်လျှော့ပြီးခိုင်းဖို့) ၊ မင်းတို့ ဒီလုပ်ခနှင့် မလုပ်နိုင်ရင် သူတို့ (နိုင်ငံခြားသားတွေ) ဝင်လုပ်သွားလိမ့်မယ်ဆိုတဲ့ ရည်ရွယ်ချက်နှင့် ဖန်တီးထားတဲ့ စနစ်ဆိုတာကို သဘောပေါက်တဲ့ ကိုရီးယားအလုပ်သမားရော ဘယ်နှယောက်ရှိပါသလဲ ။

အလုပ်သမားလူတန်းစားဆိုတာ အားလုံးအတူတူပါပဲလားဆိုတဲ့ ခံယူချက်အသိမျိုး ရှိနေတဲ့ အလုပ်သမားများ များများစားစားမရှိသေးသ၍ကာလပတ်လုံး ကျနော်တို့ အလုပ်သမားတွေ ခံပြီးရင်ခံနေကြရဦးမှာပဲလို့ သိထားအပ်တယ်လို့ ယူဆပါတယ် ။

ခရီးသွားဟန်လွဲ ဆိုသလိုမျိုး ပူးပေါင်းဆောင်ရွက်ဖို့လို
ကိုရီးယားအလုပ်သမားသမဂ္ဂလှုပ်ရှားမှုတွေမှာ ကျနော်တို့ နိုင်ငံခြားသားအလုပ်သမားတွေ တက်တက်ကြွကြွ ပူးပေါင်းပါဝင်အားပေးဖို့လိုမှာဖြစ်သလို ၊ ကျနော်တို့ နိုင်ငံခြားသား အလုပ်သမား တွေရဲ့ လှုပ်ရှားမှုတွေမှာလည်း ကိုရီးယားအလုပ်သမားတွေ ပူးပေါင်းဆောင်ရွက်ဖို့ လိုပါလိမ့်မယ် ။
ကျနော်တို့ အလုပ်အားချိန်များမှာ ၊ ကိုရီးယားအလုပ်သမားလှုပ်ရှားမှု တစ်ခုနှင့် ကြုံခဲ့မယ်ဆို ကျနော်တို့ သွားရင်ဟန်လွဲဆိုတာမျိုးလို ၊ ခဏတဖြုတ်ဖြစ်ဖြစ်ပူးပေါင်းပါဝင်လိုက်တာမျိုး ၊ ကမ္ဘာ့အလုပ်သမားနေ့ ချီတက်ပွဲစတာမျိုးမှာ ပါဝင်ဆောင်ရွက်ဖို့တော့လိုလိမ့်မယ်ထင်ပါတယ် ။

အစိုးရများဆန့်ကျင်တော်လှန်ရေး လုပ်နေခြင်း မဟုတ်
အဲသလို အလုပ်သမားအရေးတွေမှာ ပူးပေါင်းဆောင်ရွက်တာဟာ မြန်မာအစိုးရကို ဆန့်ကျင်တော်လှန်နေတာမဟုတ်သလို ၊ ကိုရီးယားအစိုးရကို ပုန်ကန်နေတာလည်းမဟုတ်ဘူး ။ အလုပ်သမားဥပဒေက ခွင့်ပြုထားတာကို ဥပဒေအရ ငြိမ်းချမ်းစွာ ပါဝင်ဆောင်ရွက်နေတဲ့ ငြိမ်းချမ်းရေးအလုပ် ၊ ကမ္ဘာ့ ဆင်းရဲ ချမ်းသာမှု အကွာအဟ လျှော့နည်းရေး ဆောင်ရွက်မှုဖြစ်တယ် ဆိုတာကိုလည်း သိထားဖို့ လိုမယ်လို့ ယူဆပါတယ် ။

တစ်ဦးဆောင်သော်မရ ၊ တစ်သောင်းဆောင်သော်ရ၏
ကျနော်တို့ တစ်ယောက်ချင်းမှာ အာဏာပါဝါမရှိကြပေမယ့် ကျနော်တို့ စုပေါင်းလိုက်ရင် အင်အားဖြစ်သွားတယ်ဆိုတာ ယုံကြည်နေဖို့ ၊ သိနေဖို့ လိုလိမ့်မယ်ထင်ပါတယ် ။ ကမ္ဘာမှာ အလုပ်သမားတွေ ညီညွှတ်ခဲ့လို့ စနစ်တွေ ခေတ်တွေ ပြောင်းခဲ့ဖူးတာ သမိုင်းရှိနေတယ် ။
ကျနော်တို့ အလုပ်သမားဘဝ နောက်ကျပြီး ကျန်မနေရစ်ဖို့ ၊ ကျနော်တို့တစ်တွေ အစုအဝေးနှင့် ပူးပေါင်းဆောင်ရွက်တတ်တဲ့ အလေ့အကျင့်တွေ ထုံမွမ်းနေဖို့ လိုလိမ့်မယ် ။

နောက်လိုက်ကောင်းဖြစ်အောင်
ခေါင်းဆောင်ကောင်းတွေကိုချည်း ကျနော်တို့ မျှော်လင့်နေဖို့မဟုတ်ဘူး ။ ကျနော်တို့ကိုတိုင်လည်း နောက်လိုက်ကောင်းတွေဖြစ်ဖို့လိုသတဲ့ဗျ ။ ဟားဗတ်တက္ကသိုလ်က ပါမောက္ခ Barbara Kellerman က သူမရဲ့ How Followers Are Creating Change and Changing Leader မှာ ဖော်ပြထားတာက နောက်လိုက် ၅ မျိုး ရှိသတဲ့ဗျ ။
- ဘာသိဘာသာ နေတတ်တဲ့ သူတွေ (Isolates)
- ဘေးကရပ်ကြည့်နေတတ်တဲ့သူတွေ (Bystanders)
- ပူးပေါင်းပါဝင်ဆောင်ရွက်တတ်သူတွေ(Participants)
- တက်ကြွလှုပ်ရှားသူတွေ(Activists)
- အစဉ်အလာသမားတွေ(Diehards) တဲ့ဗျ ။

နောက်လိုက်မှုပညာမှာ တက်ကြွလှုပ်ရှားသူတွေ (Activitists) မဟုတ်ရင်တောင် ပူးပေါင်း ပါဝင် ဆောင်ရွက်တတ်သူတွေ(Participants) ဖြစ်ဖို့တော့ လိုပါလိမ့်မယ် ။ အဓိကကျတဲ့ အချက်တစ်ခုက ခေါင်းဆောင်ကောင်းတွေရအောင် ကျနော်တို့ တင်မြောက်ပေးနိုင်ဖို့လိုလိမ့်မယ် လို့ ဆရာမောင်ဝံသရဲ့ ဆောင်းပါး တစ်ပုဒ်မှာ ဖတ်လိုက်ရတယ် ။