ဘူဆန်မြို့ ဆာဆာန်တွင် (၁၀)ကြိမ်မြောက် အာရှ ယဉ်ကျေးမှုပွဲတော် ကျင်းပနိုင်ရေးအတွက် ဒုတိယအကြိမ် အစည်းအဝေးကို စက်တင်ဘာလ (၂၉) ရက် တနင်္ဂနွေနေ့ ညနေ(၄) နာရီ မှ (၅း၃၀) အထိ ဘူဆန်နိုင်ငံခြားသား အကူအညီပေးရေးစင်တာ(Busan Foreign Worker Support Centre) တွင်ကျင်းပခဲ့ပါသည်။
အခမ်းအနားသို့ မြန်မာ ၊ နီပေါ ၊ ဖိလစ်ပိုင် ၊ တရုတ် ၊ ဘင်္ဂလာဒေရှ် ၊ အင်ဒိုနီးရှား စသော နိုင်ငံများမှ အဖွဲ့အစည်းကိုယ်စားလှယ်များ စုစုပေါင်း (၁၅)ဦးခန့် တက်ရောက်ကြပါသည်။ ဘူဆန်မြို့ ဒီမိုကရေစီ ပန်းခြံတွင် (၁၀)ကြိမ်မြောက် အာရှယဉ်ကျေးမှုပွဲတော်ကို အောက်တိုဘာလ (၂၇) ရက် တနင်္ဂနွေနေ့ မနက် (၁၀)နာရီ မှ ညနေ (၅)နာရီအထိ် ကျင်းပမည်ဖြစ်ပါသည်။
မြန်မာနိုင်ငံပြခန်းတွင် ယဉ်ကျေးမှုဆိုင်ရာ ဓါတ်ပုံများ နှင့် ရိုးရာ ပစ္စည်းများကို ပြသကြမည်ဖြစ်ပါသည်။ မြန်မာရိုးရာ အစားအသောက်အတွက် ကြာဇံချက်နှင့် အုန်းနို့ကျောက်ကျော ကို ဧည့်ခံကျွေးမွေးကြ မည်ဖြစ်ကြောင်း သိရပါသည်။
No comments:
Post a Comment