နေထိုင်စားသောက်စရိတ်ဖြတ်တောက်ရန်နှုန်းထား ပြဋ္ဌာန်းချက် ပြန်လည် ရုပ်သိမ်းရေးနှင့် ပတ်သက်၍……

ကိုဝိုင်း(မိုးညှင်း)
ဧပြီ ၂၄ ၊ ဆောအူးလ် ။

ဧပြီလ ၈ ရက်နေ့က ၊ ရွှေ့ပြောင်းအလုပ်သမားများ အဆင့်အတန်းခွဲခြားမှုမရှိရေး ၊ လူ့အခွင့်အရေး နှင့် အလုပ်သမားအခွင့်အရေး အပြည့်အဝရရှိရေး လှုပ်ရှားမှု ပူးပေါင်းကော်မတီ (이주노동자 차별철폐와 인권. 노동권 실현을 위한 공동행동)သည် ၊ ကိုရီးယားအသေးစားနှင့် အလတ်စား စက်မှုလုပ်ငန်းရှင်များအသင်းချုပ်ရုံး ရှေ့တွင် သတင်းစာရှင်းလင်းပွဲနှင့် ဆန္ဒပြပွဲကို ကျင်းပခဲ့ကြောင်း ၊ အခမ်းအနားတွင် ရွှေ့ပြောင်းအလုပ်သမားများ၏ အခြေခံလစာမှ နေထိုင်စရိတ်နှင့် စားစရိတ်များ ဖြတ်တောက်ရန် စံနှုန်းများ (외국인 근로자 숙식비 부담기준) ထုတ်ပြန်ချက်ကို ပြစ်တင်ဝေဖန်လိုက်ကြပြီး ၊ အဆိုပါ ပြဋ္ဌာန်းချက်ကို ပြန်လည်ရုပ်သိမ်းရန် တောင်းဆိုခဲ့ကြကြောင်း သိရသည် ။

လွန်ခဲ့သည့် မတ်လ ၂၆ ရက်နေ့တွင် ကေအက်ဖ်အက်စ်ဘီက ထုတ်ပြန်ခဲ့သည့် ၊ ဖြတ်တောက်ရန် စံနှုန်းများသတ်မှတ်ချက်ဇယား အရ ၊ ရွှေ့ပြောင်း အလုပ်သမား တစ်ဦးအား ၊ ဘော်ဒါဆောင် သို့မဟုတ် လူနေအခန်းနှင့် ထမင်း၂နှပ် ထောက်ပံ့ထားသည်ဆိုပါက ၊ အခြေခံလစာမှ အနည်းဆုံး ၈ ရာနှုန်းမှ အများဆုံး၂၀ ရာနှုန်း အထိ ဖြတ်တောက်မည် ဟုဆိုသည် ။

အမြတ်အစွန်းအတွက် တည်ထောင်ထားသော အသေးစားနှင့်အလတ်စားစက်မှုလုပ်ငန်းရှင်များအသင်း(ကေအက်ဖ်အက်စ်ဘီ)၏ အဆိုပါ လုပ်ရပ်သည် ၊ ရွှေ့ပြောင်းအလုပ်သမားများကို ကိုရီးယားအစိုးရက ဥပဒေအရ အကာအကွယ်ပေးထားသော အနိမ့်ဆုံးလုပ်ခ သတ်မှတ်ချက် ဥပဒေ (Minimum Wages Law)နှင့် ၊ အလုပ်စံချိန်စံညွှန်းသတ်မှတ်ချက်ဥပဒေ(Labor Standard Law) ကို ကျူးလွန်ရာရောက်သည်ဟု ဆိုသည် ။

အသေးစားနှင့်အလတ်စားစက်မှုလုပ်ငန်းရှင်များအသင်းက ယခုကဲ့သို့ ထုတ်ပြန် ကြေညာခဲ့ခြင်းသည် ၊ လွန်ခဲ့သောနှစ်က အမျိုးသား စီးပွါးရေး အင်အား တောင့်တင်းခိုင်မာရေးကောင်စီ (The Presidential Council For National Competitiveness; PCNC) က ထုတ်ပြန်ကြေညာချက်အတိုင်း ထုတ်ပြန်ကြေညာခြင်းဖြစ်သည် ဟုဆိုပါသည် ။ အဆိုပါကောင်စီက ပြည်သူ့လွတ်တော် တွင် စက်မှုစီးပွါးတောင့်တင်းခိုင်မာရေးအစီအစဉ် တင်သွင်းခဲ့ရာတွင် ၊ အသေးစားနှင့် အလတ်စား စက်မှုလုပ်ငန်းရှင်များ အသင်း၏ သဘောထားသည်လည်း ၄င်းကောင်စီ၏ သဘောထားအတိုင်းထပ်တူဖြစ်လာကြောင်း ၊ အကြောင်းမှာ ကေအက်ဖ်အက်စ်ဘီ ဥက္ကဋ္ဌ မစ္စတာ ကင်ဂီမွန်(Kim, Ki Mun)သည် ပီစီအင်န်စီ အဖွဲ့ဝင်ဖြစ်ခြင်းကြောင့် ဟု သိရသည် ။

ထို့ပြင် လွတ်တော်တွင် အနိမ့်ဆုံးလုပ်ခသတ်မှတ်ချက်အား ပြင်ဆင်သည့်ဥပဒေ(မူကြမ်း) တင်သွင်းခဲ့ရာ ၊ အလုပ်သမားများအတွက် နေစရိတ် စားစရိတ် ထောက်ပံ့ကြေး တို့ကို အနိမ့်ဆုံးလစာအတွင်း သတ်မှတ် ထည့်သွင်း တွက်ချက်ရမည်ဟု ပါရှိကြောင်းလည်း သိရသည်။

၎င်း အနိမ့်ဆုံး လုပ်ခသတ်မှတ်ချက်ပြင်ဆင်သည့် ဥပဒေ(မူကြမ်း) အတည်ဖြစ်သွားမည်ဆိုလျင် ၊ ကိုရက်ပ်စ် အလုပ်သမားတစ်ဦး၏ အနိမ့်ဆုံးလစာသည် ၅သိန်းနှင့် ၆သိန်းအကြားတွင်းသာ ရှိ်လိမ့်မည်ဟုဆိုပါသည် ။

သို့ဖြစ်ရာ အဆိုပါ အနိမ့်ဆုံးလုပ်ခ သတ်မှတ်ချက်အား ပြင်ဆင်သည့် ဥပဒေ(မူကြမ်း) အတည်မဖြစ်ရေးနှင့် ၊ ယခင် ကိုရီးယား အစိုးရအဆက်ဆက် က အတည်ပြုထားပြီးဖြစ်သော နိုင်ငံခြားသား အလုပ်သမားများအတွက် နေရာထိုင်ခင်း ၊ အစားအစာနှင့် သက်သာချောင်ချိရေး ဆိုင်ရာ နည်းဥပဒေ (The Rule of accommodation, food and all welfare for migrant workers) ဆက်လက် တည်ရှိရေး အတွက် ၊ ကိုရီးယားနိုင်ငံ ရောက် ရွှေ့ပြောင်းအလုပ်သမားတိုင်း အဆိုပါလှုပ်ရှားမှုတွင် ရွှေ့ပြောင်းအလုပ်သမားအဖွဲ့ချုပ်နှင့် အတူ ဥစ္စာရင်လို ဥစ္စာရင်ခဲ ဆိုသလို ကိုရီးယားလူထုအခြေပြုအဖွဲ့အစည်းများနှင့်ပူးပေါင်းကာ နိုးကြားတက်ကြွစွာ ဆန္ဒပြတောင်းဆို သွားဖို့လို အပ်မည်ဖြစ်ကြောင်း သိရသည် ။

ယခင်ကာလများကလည်း ကိုရီးယားနိုင်ငံရောက် ရွှေ့ပြောင်းအလုပ်သမားအရေး အစဉ် အလေးထားခဲ့သည့် ကိုရီးယား လူထု အဖွဲ့အစည်းများက ၊ မနေမနား ဆက်တိုက်ဆန္ဒပြတောင်းဆိုလာခြင်းကြောင့် ခေတ်သစ်ကျွန်စနစ်ဟု နာမည်ဆိုးတွင်ခဲ့သော ကိုရီးယား သင်တန်းသား(အမည်ခံ အလုပ်သမား) စနစ် ပပျောက်သွားခဲ့ပြီး ၊ အနည်းငယ်သက်သာဖွယ်ရှိသည့် အီးပီစနစ်ထွက်ပေါ်လာရသည့် သာဓကရှိခဲ့ကြောင်း လည်းသိရသည် ။

မည်သည့်နိုင်ငံတွင်မဆို အလုပ်ရှင် ဦးရေသည် အလုပ်သမား ဦးရေနှင့် နှိုင်းစာလျင် အဆ ထောင်သောင်း ကွာနေသော်လည်း ၊ အလုပ်ရှင်နှင့် အလုပ်ရှင်များအကျိုးကိုသာ ရှေးရှုသော လွတ်တော်ကိုယ်စားလှယ်တို့ အလိုကျ ဥပဒေများသာ အတည်ဖြစ်နေရခြင်းမှာ ၊ အလုပ်သမားတို့က မိမိတို့ အရေး ၊ မိမိတို့ နားမလည်ခြင်း နှင့် မိမိတို့ အရေး မိမိဆောင်ရွက်ရမည်ကို မဆောင်ရွက်ကြခြင်းတို့ ဖြစ်ကြောင်းလည်း သိရသည် ။

ထို့ပြင် ၊ လာမည့် ဧပြီ ၂၆ ရက်နေ့လည် ၂နာရီ အချိန် ဆိုးလ် မြေအောက်ရထားလိုင်း အမှတ် ၁ ၊ ဂျုံဂ့ါ (종각) ဘူတာ ထွက်ပေါက်အမှတ် ၅ တွင် ၊ ရွှေ့ပြောင်းအလုပ်သမားသမဂ္ဂ ၊ နှင့် ကိုရီးယား ရွှေ့ပြောင်းအလုပ်သမားများအတွက် ပူးတွဲ ကော်မတီ (Joint Committee for Migrant workers in Korea) တို့က ဦးဆောင်လျက် ၁၁၉နှစ်မြောက် ကမ္ဘာ့အလုပ်သမားနေ့ အထိမ်းအမှတ်အခမ်းအနားကို ကျင်းပသွားမည်ဖြစ်ကြောင်း ၊ အခမ်းအနားတွင် စီးပွားရေးအကြပ်အတည်းကြား ရွှေ့ပြောင်းအလုပ်သမားများ ဘ၀ရပ်တည် နေထိုင်နိုင်ရေးတောင်းဆိုသည့် ဆန္ဒပြပွဲကို ပါ ကျင်းပမည် ကြောင်းလည်းသိရသည် ။

သို့ဖြစ်ရာ ၊ ကိုရီးယားနိုင်ငံရောက် အလုပ်သမားတိုင်း အလုပ်သမားတိုင်း အဆိုပါ အခမ်းအနားသို့ မပျက်မကွက် တက်ရောက်သင့်ကြောင်း နှိုးဆော်တိုက်တွန်းရပါသည် ။


***JCMK သည် သမိုင်းမှတ်တမ်းများအရ ၊ ကိုရီးယားနိုင်ငံရောက် ရွှေ့ပြောင်းအလုပ်သမားတို့အတွက် ဘာတောင်းတောင်း ရအောင်တောင်းတတ်သော အစဉ်အလာထွန်းပြောင်ခဲ့သည့် လူထုအခြေပြုအဖွဲ့အစည်းဖြစ်သည် ။
*** မိတ်ဆွေတို့လစာမှ နေစရိတ် ၊ စားစရိတ် မဖြတ်တောက်ရေးတိုက်ပွဲတွင် မိတ်ဆွေကိုယ်တိုင် တက်ကြွစွာ ပါဝင်တောင်းဆိုခဲ့ကြောင်း မော်ကွန်းရေးထိုးခြင်းဖြင့် သမိုင်းတာဝန်ကျေပွန်သူအဖြစ်ဂုဏ်ယူကြပါစို့ ။



ရည်ညွှန်းချက်-
1. MWTV News 85.
2. http://competitiveness.go.kr/
3. http://burmainfokorea.blogspot.com/2009/04/blog-post_2679.html
4. Asia Solidarity No.2. (Joint Committee for Migrant Workers in Korea written by Yung Shin Hee)
5. Asian Workers News (April 12,2009).