ယီးလေးလေး

ရေးသားသူ — ဆရာမင်းသုဝဏ်(၁၉၄၈)
(ကျွန်တော် ဒီဆောင်းပါးလေးကို ကျောင်းသားဘ၀က ဖတ်ခဲ့ဘူးတာပါ၊။ ဆောင်းပါးပါ အကြောင်းအရာနဲ့ ရည်ရွယ်ချက်ကို ခေါင်းထဲမှာ စွဲနေအောင် မှတ်မိနေပါတယ်။ အခု ကျွန်တော်တို့ ရင်ဆိုင်ကြုံတွေ့နေရတဲ့ အခြေအနေမျိုးမှာ ဒီဆောင်းပါးလေးကို မျှဝေပေးချင်လို့ လိုက်ရှာနေတာ အတော်တောင်ကြာခဲ့ပြီ အခုမှပြန်တွေ့လို့ မျှဝေလိုက်ပါတယ်။ လုပ်ဖော်ကိုင်ဖက် ရောင်းရင်းများ ယီးလေးလေး လိုက်ကြရအောင် ။ ။)

ကျွန်တော်တို့တွင် ကြွေးကြော်သံ အထူးအထွေမရှိ။ “ယီးလေးလေး” ဆိုသော စကားလုံးတို့သည်သာလျှင် ကျွန်တော်တို့၏ ကြွေးကြော်သံ ဖြစ်ပေသည်။ သူတို့ကား ရှေးဟောင်းသမရိုးကျ ကြွေးကြော်သံပေတည်း။ ကလေးတို့ဘာဝ ပုခက်လွှဲ ဒန်းစီးသောအခါများ၌ ယီးလေးလေး ဟူ၍လည်းကောင်း၊ ယိုယီးလေး ဟူ၍လည်းကောင်း သံပြိုင်ဟစ်အော် ကြွေးကြော်ခဲ့ကြဖူးပြီ။ တော်သလင်း သီတင်းကျွတ်ဆီတွင် မြစ်ရိုးချောင်းရိုးတစ်လျှောက်၌ လှေပြိုင်သောအခါ၌ ဤကြွေးကြော်သံတို့ကို နှစ်စဉ်နှစ်တိုင်း ကြားရလျက်ပင် ဖြစ်သည်။
ကျွန်တော်တို့သည် ယီးလေးလေး ဆို၍ ကိုယ့်အားကိုလည်း ကိုယ်တင်းသည်။ သူတစ်ပါးကိုလည်း အားပေးသည်။ စု၍လည်း အားယူကြသည်။ ယီးလေးလေး ဆို၍ တက်စုံလက်စုံ ညီညီညာညာနှင့် လှော်ပဲ့ကာ ကျွန်တော်တို့တစ်စု ကျော်လွန်အောင်မြင်ခဲ့သော ခရီးကို ဆန့်လိုက်ရမည်ဆိုလျှင် ယူဇနာပေါင်းများစွာ ရှိပေလိမ့်မည်။ ထိုခရီးတို့ကား အချို့မှာလည်း ရေဆန်ခရီး။ အချို့မှာလည်း ရေစုန်ခရီး။ အချို့မှာ ရေဆန် လေစုန်ခရီး။ အချို့မှာ လေဆန် ရေဆန်ခရီး။ အချို့မျာ လေစုန် ရေစုန်ခရီး။ အချို့မှာ နေ့ခရီး။ အချို့မှာ ညခရီး။ မည်သည့်ခရီးမျိုးကိုဖြစ်စေ ကျွန်တော်တို့၏ ကြွေးကြော် အားယူ တက်ခေါ်သံ ယီးလေးလေးဖြင့် အောင်မြင်ခဲ့ကြပြီ။ ယီးလေးလေးသံကို ကြားရလျှင် ကျွန်တော်တို့အားလုံး၏ စိတ်တွင် တစ်သွေးတည်း တစ်မွေးတည်း ဖြစ်သွားကြတော့သည်။
တစ်ဦးနှင့်တစ်ဦး မနာလို တိုရှည်မှုများသည် ဤကြွေးကြော်သံ၏ ဒဏ်ကို မခံနိုင်။ လွင့်ပျောက် ပျက်စီးရသည်။ “ ဗောင်းတော် လှံခသော ကျောင်းတော်က ရန်စ” ပင်လည်း ဤယီးလေးလေး၏ အရှိန်ကို မခံနိုင်။ ယီးလေးလေးသည် ညီညွှတ်မှုကို စေ့ဆော်ပေးရုံ၊ ကွဲပြားမှုကို ဖျောက်ဖျက်ပေးရုံ မဟုတ်။ အားနည်းလျှင် ဖြည့်တင်းပေးသည်။ ကြောက်လန့်လျှင် ရဲဆေးတင်ပေးသည်။ အချုပ်အားဖြင့်ဆိုရသော် ယီးလေးလေး ဆိုသော တက်ခေါ်သံတွင် နယ်နမိတ်သတ်မှတ်ပေး၍ ရကောင်းမည်မထင်ပါ။

ဤကြွေးကြော်သံ မန္တရား၏ အစွမ်းသတ္တိကြောင့် ကျွန်တော်တို့ငယ်စဉ် ကလေးဘ၀က ခရီးခဲတစ်ခုကို လွန်မြောက်အောင်မြင်ခဲ့ပုံကို ပြောပြလိုပါသည်။ ထိုနေ့တစ်နေ့လုံး ကျွန်တော်တို့ကား လယ်ထဲတွင် လုပ်ကိုင်ခဲ့ကြပြီ။ မုတ်သုန်လေသည် ကျွန်တော်တို့ကို တစ်နေ့လုံး ရေခဲတိုက်တွင် လှောင်ခဲ့ပြီ။ မုတ်သုန်မိုးသည် ကျွန်တော်တို့ကို တနေ့လုံး ကျောက်စရစ်ဖြင့် ပေါက်ခဲ့ပြီ။ ကျွန်တော်တို့၏ နှုတ်ခမ်းများကား ပြာလျက်။ ကျွန်တော်တို့၏ လက်များကား ဖြူဖတ်ဖြူရော်နှင့် ပဲကြီးတွန့်တက်လျက်။ ကျွန်တော်တို့၏ မေးများကား အထက်နှင့်အောက် ရန်စစ်ခင်းကာ တုန်ခိုက်လျက်။ ထိုအကြားတွင် မျှော့ကြီး မျှော့ငယ် အသွယ်သွယ်တို့သည် ကျွန်တော်တို့၏ သွေးကို သောက်မျိုခဲ့ရာ ဤ ထုံးကျည်ထောက် ဆေးကျည်ထောက် ကလေးများကိုသာ မဆောင်ယူခဲ့မိပါမူ ကျွန်တော်တို့၏ သွေးတို့သည် ကုန်ခန်းခဲ့ရာသည်။ သစ်ရွက်များအောက်တွင် ခိုကပ်၍ ချောင်းမြောင်းနေတတ်သော ကျွဲမှက်ကြီးများကလည်း အလစ်အလစ်ထွက်ထွက်လာ ထိုးကိုက်ကြရာ ဤလယ်ထွန် အင်္ကျီများသာ မပါခဲ့ပါမူ ကျွန်တော်တို့မှာ သွေးဆုတ်ရပေတော့မည်။ ကျွန်တော်တို့၏ ခြေသလုံးများမှာလည်း သမန်းရှ၍ သွေးရဲရဲ သံရဲရဲနှင့်။ နေစောင်းသောအခါ ကျွန်တော်တို့သည် ပင်ပန်းကြပြီ။ နွမ်းလျကြပြီ။ ခြေကုန်လက်ပန်းဖြစ်ကြပြီ။ ၀မ်းထဲ ဗိုက်ထဲတွင် ဟာလာ ဟင်းလင်း။ ခြေလက်တို့လည်း တုန်ချည့်ကြပြီ။ မျက်စိများလည်း ညိုမှိုင်းရီဝေကြပြီ။ အချင်းချင်း ဆုံမိကြသောအခါ သူ့ကို ငါက စိတ်တို၊ ငါ့ကို သူက စိတ်တိုနှင့် တစ်ဦးနှင့်တစ်ဦး အပြစ်ရှာ၍ မျက်စောင်းထိုးမိကြ၏။ ကိုယ်ပင်ပန်းသည်ကိုပင် သူ့ပယောဂကြောင့် ဟု ထင်မိသည်။ သူပင်ပန်းသည်ကိုပင် ကိုယ့်ပယောဂကြောင့်ဟု ထင်တော့သည်။ ဤအခါမျိုး၌ ထစ်ခနဲဆိုလျှင် လုပ်မိတော့မည်။ တဲတဲကလေးသာ ရှိတော့၏။ သို့သော် . . . ကျွန်တော်တို့၏တာဝန်ကား မပြည့်စုံသေး။ အိမ်ပြန်ခရီး ရှိလေသေးသည်။

ကျွန်တော်တို့၏ လယ်တဲကား တစ်ခေါ်လည်းမက နှစ်ခေါ်လည်းမက။ ဤချောင်းမှထွက်၍ ထိုမြစ်ကို ကူးပြီးလျှင် တောင်ဘက်ပင်လယ်ဝဆီတွင် ပျပျလေးမြင်ရသော ထိုတဲကြီးဖြစ်ပေသည်။ ကဲ . . . ပြန်ကြစို့။ လာကြဟေ့ . . . ။ သို့သော် ကျွန်တော်တို့ မျက်နှာသိုးကြီးများနှင့် တစ်ဦးကိုတစ်ဦး စကားမဆိုကြ။ ပင်ပန်းနေကြသည်။ နွမ်းလျနေကြသည်။ ဆာနေကြသည်။ မွတ်နေကြသည်။ အလိုလို စိတ်တိုလျက်ရှိကြသည်။ သူ့တက် သူကိုင်၊ ကိုယ့်တက် ကိုယ်ကိုင်နှင့်။ ဆိုင်ရာလှေကန့်တို့တွင် ကျောက်တုံးကို ပစ်ချလိုက်သကဲ့သို့ လေးလံသော ကိုယ်ခန္ဓာများကို ပစ်ချကာ ထိုင်လိုက်ကြသည်။ လူစုံပလားဟေ့။ တက်စုံပလားဟေ့။ ကဲ. . . ခွာကြစို့။ ဦးကြိုးဖြုတ်။ ပဲ့ကြိုးဖြုတ်။ အမာ. . . လေတယ်ပြင်းပါကလား။ လှေဦးလန်သွားပြီ။ ကဲ . . . ယောက်ျားဘသား ပဲ့လိုက်မယ်၊ ဖြောင့်ရော့လဟယ်။ ကဲ . . . တက်စုံချီ။ သွား။ လေးလံသော လက်များသည် လေးလံသော တက်များကို လေးလံစွာ မြှောက်၍ လှော်ကြသည်။ ထိုခဏ၌ တုန်ခိုက်သော နှုတ်ခမ်းများအကြားမှာ ယီးလေးလေးဆိုသော ကြွေးကြော်သံသည် တိုးတိုးကလေးထွက်ပေါ်လာသည်။

ကျွန်တော်တို့ခရီးကား အစမျှရှိသေးသည်။ နေလုံးပျောက်လျှင် တဲသို့ပြန်ရောက်ပမလား။ တဲသို့ရောက်သောအခါ ဘာလုပ်ကြမလဲ။ ဤ အ၀တ်စိုများကို အ၀တ်ခြောက်နှင့် လဲကြမည်။ ဤတွန့်နေသော ခြေလက်များကို နွားမီးတွင် ကင်ကြမည်။ အရန်သင့်ရှိပါက လက်ဖက်ရေကြမ်းကလေး တစ်ခွက်လောက်စီ သောက်ကြမည်။ ထို့နောက် ထမင်းဖြူဖြူကို ဟင်းပူပူနှင့် စားကြမည်။ ဟော လယ်တောထဲက ခူးလာတဲ့ ဟင်းရွက်တွေကို ပြုတ်ပြီး ငပိရည်နှင့် မြှုတ်တို့လိုက်ရလျှင် . . . မည်မျှကောင်းမလဲ။ မောင်ရင်တုတ်က သူ့ဝါသနာအလျောက် ခုတ်လာတဲ့ ငါးရစ်ငါးတွေ တစ်သီကြီးပဲ။ လှေဝမ်းထဲမှာ ဖွေးလို့။ တို့တစ်တွေ စောင့်နိုင်လျှင် . . . ငါးဟင်းတောင် စားရဦးမယ်။ မောင်ရင်ချိုကကော ဘာပါခဲ့သလဲ။ ငါးရှဥ့်တွေပါလာတယ်။ အေး. . . တို့တစ်တွေကလဲ ဟင်းသီးဟင်းရွက်တွေ ခူးခဲ့သကွဲ့။ ဟောသည် ကန်စွန်းရွက်တွေကိုတော့ နက်ဖြန်မနက် ချဉ်ရည်ချက်တာပေါ့ကွာ။ လယ်ပတူတွေကိုကော၊ အောင်မာ . . . တယ်သန်ပါလား။ ဘယ်ဘက်က နှုတ်ခဲ့တာလဲ။ ဦးကြီးဖိုး ကန်ဘောင်နားကပေါ့ကွာ . . .။ ကံသီလို့ဟေ့ . . .။ မွေပွေးကြီးတစ်ကောင် ထမ်းပိုးကျည်းလောက်ရှိတယ်။ မြက်တောထဲသွားတွေ့လို့။ ငါနင်းတော့မယ်။ သီသီကလေး။ အရှင်ကြီး မ,ပေလို့ပေါ့ကွယ်။ သူ့ကိုသွားမြင်မိတယ်။ စန့်ရှာပါလေရော။ အေး . . . လယ်ပတူတွေကို ချဉ်ဖတ်ထည့်ခိုင်းမှပဲ။ ဤသို့ စားခန်း သောက်ခန်းကိုလည်း တွေးမိကြ ဆွေးနွေးမိကြသည်။

ထမင်းစားပြီးသောအခါတွင်ကား အညာစောင်ကလေးနှင့် ကွေးမည့်သူလည်း ရှိမည်။ ရေနံဆီ မီးခွက်ကြီးနားတွင် ကက်ဆွဲမည့်သူလည်း ရှိသည်။ စစ်ဘုရင် ထိုးမည့်သူလည်း ရှိသည်။ ဇာတ်စာအုပ် ဖတ်မည့်သူလည်း ရှိသည်။ ဇာတ်စာအုပ်ကို နားထောင်ရင်း ရွာကို လွမ်းမည့်သူလည်း ရှိသည်။ သီချင်း ကျက်မည့်သူလည်း ရှိသည်။ ဟုတစ်နေ့က တက်ထားတဲ့ ဝေဇယန္တာကို သည်နေ့ပြန်တက်ရဦးမယ်။ ပတ္တလားဆရာ ကိုသာမြတ် သည်ည လာပါဦးမလား။ သူ့ဖို့ မောင်ဖူးညိုမုန့်နဲ့ ကပ်စေးနဲ ကျန်ပါလိမ့်ဦးမယ် ထင်ပါရဲ့။ ပလွေဝါသနာပါသူ မောင်ရွှေကျော်ကလည်း ကပ်ပြီး သီချင်းတက်လိမ့်ဦးမယ်။ မောင်ရင်တုတ်ကတော့ ခါတိုင်းလိုပေါ့လေ ၊ ပိုင်တို့ မြှုံးတို့ ရက်မှာပါပဲ။ သူရှိပေလို့ပေါ့။ နိူ့မှုတ်ရင် ငါးစိမ်းငါးစို စားရဖို့အခက်သား။ မောင်ရင်ချိုကကော။ ထုံးစံအတိုင်းပေါ့။ တဲပြန်ရောက်ရင် အဖျားတက်မယ်။ သူ့ဗိုက်ကြီးလည်းပူလို့။ သူ့အတွက်က ခက်သေးတယ်။ တို့တစ်တွေစုပြီး ဆေးဖော်ပေးဦးမှပဲ။ ကိုရွှေဝကကော သူကတော့ စကားအိုးပဲ။ ကစားဝိုင်းတွေမှာ သူလိုက်ရှုပ်မယ်။ တီးဝိုင်းမှာ သူလိုက်ဆိုမယ်။ သူတကာ အိပ်တော့မှ ကျယ်လောင်ကျယ်လောင်နဲ့ သူ ဘုရားရှိခိုးမှာ။ ဒါပေမဲ့ သူ ပရိတ်ရွတ်လို့ တို့တဲမှာ သူရဲမခြောက်တာဟေ့။ မောင်မင်းကြီးသား အတော် ကျောင်းနေခဲ့ဖူးဟန် တူတယ်။ တစ်နေ့ညက ဝေသန္တရာ ဟောစာကို သူ လျှောက်ရွတ်လိုက်တာ မောင်ဟ၀ါတို့များ မျက်ရွေတွေကျလို့။ ပဋာစာရီဇာတ်လဲ အင်မတန် အဟောကောင်းတယ်။ အမယ် စုံနံ့သာမြိုင်ကိုလဲ သူရတယ်ကွ။ သူ့အဖိုးက စာတတ်ကြီးကိုး။ တစ်နေ့တစ်နေ့ ဒါတွေပဲ သင်ပေးနေတာ။ ငါမှတ်မိပါသေးတယ်။ သူ့ အဖိုးကြီး တောင်ဝှေးကလေးနဲ့ ဘုရားကို သွားသွားနေတာ။ ခေါင်းပေါင်းဖြူ ဖော့လုံးကလေးနဲ့။ ဆံပင်တွေက ဖြူလို့။ ပုဆိုးဖြူကလေး စည်းထားတယ်။ အို. . . ကွာ ဟို ကုဿိန္နာရုံက အဖိုးကြီးရုပ်နဲ့ အင်မတန်တူတာပေါ့။ အဲ . . . သူ့အဖိုးကြီး သင်ပေးတာတွေကို ကိုရွှေဝ အကုန်ရလိုက်တာပေါ့ကွ။ ရာဇ၀င်လည်း အပြောကောင်းသဟေ့။ ကုလားကြီး တက်တဲ့အကြောင်း တစ်ခါလောက် ပြောခိုင်းကြည့်ပါလား။ စစ်ပါရီတွေ၊ ဂေါ်ရာတွေလဲ ပါသကွ။ ဤသို့ဖြင့် ကျွန်တော်တို့တစ်တွေ တွေးရင်း ငေးရင်း ဆွေးနွေးရင်း အခိုက်တွင် ယီးလေးလေးသံသည် . . . . ကျွန်တော်တို့ကို ငေါက်ခနဲနေအောင် ဆွဲဆောင်လိုက်ပါသည်။

ကျွန်တော်တို့ လက်မောင်းတွင် အားသစ်ဝင်လာသည်။ ကျွန်တော်တို့ ကျောရိုးထဲတွင် အားသစ် တိုးလာသည်။ လက်တွေကို ချီ၍ တက်တွေညီလာကြပြီ။ လှော်ကြဟေ့။ ခရီးဝေးသေးသနော်။ ဟောဗျ. . . အမှောင်ထဲက လေဆင်လာပြန်ပြီ။ ဟော. . . ဟော. . . ကမ့်ပလာပင်တွေ ယိမ်းနေကြပြီ. . .။ ဓနိပင်တွေ ယိုင်နေကြပြီ. . .။ မုန်တိုင်းဟေ့။ လမုကိုင်းတွေကျိုးပြီး လွင့်လာကြတယ်။ ယီးလေးလေး . . . လှော်လိုက်ကြကွ။

ချောင်းထဲမှာလဲ ရေတွေလျှံလို့၊ ကမ်းတောင်မမြင်ရဘူး။ ရေစီးကလဲ ကြမ်းပါဘိသနဲ့။ ၀ါးလုံးထိုး စီးနေတာပဲဟေ့။ ရေဆန်ကွနော်။ လေကလဲ ဆန်သေး။ သည်တစ်ခါ လှေဦးလန်ရင်တော့ အတော်လုပ်ရလိမ့်မယ်။ ယီးလေးလေး. . . .။
ဟောဟို ချောင်းနှစ်ခုဆုံတဲ့ နေရာက ၀ဲကတော့ကြီးကလဲ အော်နေတယ်ဟေ့။ သည်နှစ် သူ မစားရသေးဘူးကွနော်။ သတိထားကြ။ သည်ဝဲထဲ ရောက်ရင်တော့ ပြန်မလာရဘူးသာ မှတ်ပေတော့ ကိုရင်တို့။ ဖိုးရွှေအောင်ရဲ့ ခတ်လှေကြီးတောင် တလောက သည်အထဲ ရောက်သွားလို့ အတော်လုပ်ယူရတယ်။ တို့လို သခွားခွံတော့လားကွာ။ ဘာပြောစရာရှိမလဲ။
တောအလွန် ဟောဟို ရေကျော်မှာဖြင့် လှိုင်းတွေကို ဖွေးနေပြီဟေ့။ တယ်ကြီးပါကလားကွ။ ခေါင်းဖြူကြီးတွေ. . . ခေါင်းဖြူကြီးတွေ။ လှိုင်းနှစ်ခုအကြားများ ကျလိုက်ရင်တော့လားကွာ။ ပတ္တောစိတ် ပိတ္တောစပဲဟေ့။ ကဲ. . . ယီးလေးလေးလိုက်ကြဟေ့။
မုန်တိုင်းကထန် ချောင်းကလျှံ
ဝဲသံကကျွေး လှိုင်းကဖွေး
ယီးလေလေ့ ယီးလေလေ့. . . .။
မိုးပေါက်မှန်တာကလဲ အနားသားဟေ့။ သည်မိုးပေါက်တွေဟာ ဆီးကင်းလောက်တော့ ရှိမှာပဲ။ မျက်လုံးများ ထိလိုက်ရင် အောင့်အောင့် သွားတာပဲ။ လေက ပြင်းတော့ မိုးပေါက်ကလဲ ကြမ်းလာတာပေါ့။ တော်ပါသေးရဲ့။ တို့လက်တွေက အေးပြီး ထုန်နေလို့။ တစ်ချက် တစ်ချက် ကျလိုက်တဲ့ မိုးပေါက်ဟာ လက်ခေါက်ပစ်တော့ ဂေါ်လီလုံး ပြန်ပြန်သွားတာနဲ့ တယ်တူတယ်။ အို ယီးလေးလေးပေါ့ကွာ။ မှုရမှာလား။
လေ သည်လောက် တိုက်လျက်နဲ့တောင် သူကောင့်သား ဖြုတ်တွေက လိုက်သေးတယ်ကွာ။ အမယ် ငါ့ခေါင်းနား ၀ဲနေလိုက်တာ ငါးရာလောက် ရှိမယ်ထင်ပါရဲ့။ လက်မအားလို့ နေဦးပေါ့ကွာ။ ငါ့မှာ ကျွဲလို ခတ်စရာ အမြီးကလဲ မရှိပဲကိုး။
ခရီးကလဲ ဝေးသေးတယ်ဟေ့။ ဟောဟို ကညင်ငူကိုရောက်မှ ခရီးတစ်ဝက်လောက် ရှိသေးတယ်။ ချောင်းဝရောက်တော့ မြစ်ကြီးကို ကူးရဦးမယ်နော်။ ဘုရားသိကြားမလို့၊ မြစ်ထဲရောက်ရင် လေရပ်ပါစေ။ သည်မိုး သည်လေနဲ့သာဆိုရင် တို့တစ်တွေ မြစ်ထဲမှာ ခန္ဓာစဲသွားမှာ စိုးရတယ်။
နေလုံးပျောက်တော့မယ်ဟေ့။ မိုးချုပ်ခါနီးမှ လေကလဲ ပိုအေးလာပါကလား. . . ။ မေးတွေကလဲ တခိုက်ခိုက်နဲ့။ တဲပြန်ရောက်ရင် သွားတွေ အကုန်ကျွတ်ကုန်တော့မယ် ထင်ပါရဲ့။ ကဲကွာ ယီးလေးလေး လိုက်ကြဦးစို့။
မိုးပေါက်ကနာ ဖြုတ်ကလာ
လမ်းတာကဝေး လေကအေး
ယီးလေလေ့ ယီးလေလေး။
အမယ်. . . ဆာလိုက်တာ လွန်ပါရောလားဟေ့။ ငါ့နှာခေါင်းထဲဖြင့် ငပိရည်ကျိုတဲ့ အနံ့ကလေး တသင်းသင်း မွှေးနေပြီကွ။ အေး. . . . ငါ့မျက်စိထဲမှာလဲ ထမင်းပွဲ ဖြူဖြူဖွေးဖွေးကြီးကွာ. . .။ အငွေ့တထောင်းထောင်းနဲ့။ မနေ့က ငါ ထုံးအခွေခံခဲ့ရတယ်။ သည်နေ့တော့ ငါက ခွေရအောင်လုပ်မှပဲ။ ပလွေမှာကပ်ဖို့ ပင့်ကူမြှေးကလေး ရှိပါဦးမလား။ သူပါမှ ကျူလို့ကောင်းတယ်ကွာ။ ကိုရွှေဝ ပြောတဲ့ မြင်းလိုက် ဆင်လိုက် စစ်ကဲလိုက်တာတွေဟာ အတော်ခက်သကိုး။ သည်ညလဲ သင်ပေးပါဦးဗျာ။ ‘ဆူးလေနတ် ဘဂ၀ါ၊ ပုဆိုးနှစ်ထည် ကန်တော့ပါမယ်ပ၊ ဘဂိုးမယ်ကြော့ ရအောင်လို့ စောင်မတော်မူပါ’ ပေါ့ဗျာ၊ ဟုတ်လား။ သထုံသူ မအိုဇာဇာတ် ဒုတိယပိုင်းကို. . . ဘယ်ကများ ငှားရပမလဲ။ မောင်ဘတို့ထဲမှာ ရှိတယ်တော့ ကြားရတယ်။ အေး၊ မင်းသွားရင် ဘာဂျာသိပ္ပ၀ိစိတြ စာအုပ်လဲ ငှားခဲ့စမ်းပါကွာ။ ငါ့ဖို့လဲ ဦးပေါ်ဦး လျှောက်ထုံး ဆွဲခဲ့စမ်းပါဟေ့။

မောင်ရင်တို့။ မောင်ရင်တို့။ သည်လို တောင့်တနေကြရုံနဲ့ မပြီးသေးဘူးနော်။ ယီးလေးလေးကြမှ ဖြစ်မယ်။ မောင်ရင်ချို မင့်အဖျားကို ခဏထားဦးဟေ့။ တဲရောက် ထမင်းစားပြီးတော့ တက်ပေါ့ကွာ။ တဲခေါင်ရောက်အောင် တက်တက်။ အခုတော့ မောင်မင်းကြီးသားကို ဆိုင်းထားပါဦး။ မင့်တက်တစ်ခု လျော့သွားရင် အားတစ်မျိုး နည်းသွားမယ်။ ကဲ. . . ရောက်ခါနီးပြီဟေ့နော်။ ဟောဟိုတစ်ကွေ့ဆိုရင် တဲ့ရှေ့က နွားတင်ကုတ်ကို မြင်ရတော့မယ်။
ဖော်ချင်းတို့ရေ တို့တစ်တွေ
လှော်လေအပြေး ယက်ဖွေးဖွေး
ယီးလေလေ့ ယီးလေလေး။ ။